橫濱水手 (已結業)

今天又來官塘見客，行到東廣場，看看有什麼好食，行左入一間小店～橫濱水手。。。價錢合理order 了鮮油甘帆立貝井 $78, (包一盒菊花茶）---(不過我覺得有綠茶會比較好些）油甘魚都上算厚切，但一般新鮮， 但飯就好多， 食都好飽！員工提醒那支芥辣豉油好勁！但我就一點都唔覺得是

又係東廣場篇，今次係是日本野，而家唔知點解又起咗一個新嘅潮流，就係鍾意食即食嘅手卷。電視之前特別介紹嘅都有銅鑼灣，旺角中心同埋葵芳廣場，可能有係即叫即整，價錢又幾平就質素發幾好啦。觀塘依家就得呢一間有啲咁嘅即食手卷買，所以就諗住試一試。價錢來講都唔算係平，今次就試咗三文魚腩手卷，加州手卷同埋海膽手卷。首先就講下海膽手卷，出面就好興一版嘅海膽放喺個手卷入邊，但係價錢都唔平。呢度都有一板海膽，價錢要45蚊。其實掙扎左好耐應該食普通嘅海膽定係食加拿大海膽，但係加拿大嘅海膽總比普通嘅海膽仲要貴一倍，所以試一試你一個普通版先啦答案係唔好食，海膽嘅味道唔好，好淡。而且份量唔係話真係咁多，個飯味唔夠，醋味欠，唯一好嘅真係真係即叫即包，個紫菜仲係脆。三文魚腩手卷個三文魚都剩係得上面嗰塊，下面就完全冇味道，好一般。另外就係加州手卷，覺得沙律醬唔係好夠，而且又冇牛油果都係唔好食。另外仲叫咗個炸蝦卷，唔使試都睇到啦，炸蝦係即炸，但係就剩係得一小條。個飯同埋個餸嘅比例係十分之一，同埋十分之九嘅分別，無嘢講。再嚟就係個魚生飯，價錢唔係平，差唔多要一舊水一個，但係見佢嘅份量都算可以嘅，每樣都有幾件，蝦嘅質素來講都

原條鰻魚丼($58)-原本想試佢地既海膽三文魚丼，但店家話海膽唔夠靚，所以司令就揀左鰻魚飯😚。鰻魚一大條好靚仔，食落不過不失啦，紫菜太霉司令寧願佢唔好放入去😂，鰻魚汁唔夠要自己落豉油。整體味道一般，不過份量多，對得住佢既價錢！

經過買左二個角切魚生飯，好奇怪，一個有蘆薈一個無？即係有定無？除左三文魚之外其餘魚都好腥，忍唔住吐出黎。個飯好濕，煲個陣好似太多水？醋又落得太多？有無下次？諗住試其他所以再去一次，但都係經過都睇唔到算，因為係咁叫唔該都俾人當睇唔到算😑

星期天到觀塘工廈購物來到附近既商場搵食係呢個廣場地下都有幾多食店有西式有日式等等而呢間壽司店除左有手卷仲有海鮮丼飯，價錢七十幾蚊到八十幾蚊就有同有多款小食今次只係叫左幾款手卷包括甜蝦、海膽、芥末魷魚、帶子及鵝肝手卷既飯唔算多，但份量剛好但壽司飯醋味我認為可以多一點甜蝦挺新鮮都有幾多甜蝦嫁其實手卷價錢不貴單是海膽都只是$22蚊絕對係可以負擔的海膽新唔新鮮一食就知味道係幾新鮮但要話係優質又未至於當然呢間價錢食到海膽係算唔錯另外鵝肝做緊新張優惠只是$22蚊 鵝肝煎得幾好，小小焦脆散發出油香味另外，帶子都幾大粒，清甜爽口

角切魚生飯（$58），用料新鮮，還有些甜甜的珠仔，整个味道非常特别。飯底就一般般了。原条鳗鱼饭（$78），虽然不算大条，足料。其实下午茶就抵得多，只是要等到三点。

早排經過見到新開半板海膽手卷優惠，所以決定一試。真係加拿大海膽，好好味好鮮甜，無唔新鮮海膽果種膠味，而且夠份量，40蚊抵食!之後就決定同哥哥去試，可以whats app落定單，就去到比錢坐底即刻有得食!其實我共食左三次，一次海膽手卷，一次海膽雙籽飯，但未必次次都係加拿大海膽，第二次就係韓國既馬糞海膽，雖然無加拿大咁甜，但一樣新鮮唔臭!第三次就醒水，問定有無加拿大海膽，有就衝左過去食!呢次係三文魚海膽飯，海膽質素穩定，不錯不錯!仲有小小蘆薈，我喜愛三文魚不過不失，係新鮮，但略嫌唔夠肥😂😂😂😂所以我係會繼續去食的。

原來最近觀塘新開左間手卷店,鵝肝手卷仲有開張優惠㖭,所以一於就試下啦。一路等期間就聞到好香嘅火焰燒味,手卷份量吾算大件。面頭有蘆薈粒甜甜地,口感幾特別。鵝肝幾香口,飯粒亦充滿油香,但係唔知點解有D似午餐肉味。