橫水渡小廚

营业中

休息中

因疫情冇得去旅行，唯有去大澳一日遊當度假。夏日炎炎入到大澳，唔少得掃下街，食吓特色美食。但係因為天氣實在太熱，行咗一陣就決定搵間室內食肆休息一下。三點幾鐘，餐廳裏邊坐咗大約一半人。我哋一行兩人就叫咗咸鮮蝦乾荷葉籠仔飯，同埋炸墨魚餅。對於兩個人來講，份量足夠。荷葉飯大概有六個碗仔嘅份量，墨魚餅亦有八舊。荷葉飯好有風味，配料有豬肉、蝦乾、白飯魚乾同埋魚柳粒，飯面淋有蝦醬，好香好野味。不過食到最後，覺得有啲鹹得滯。另外墨魚餅，略嫌炸得唔夠香，同埋好油。但食落裏面有一粒粒墨魚肉，有咬口。整體來講，價錢稍貴，但如果下次再去大澳，都應該會再encore。

上個月因疫情放緩了，就和朋友前往大澳走走，我們在東涌乘搭11號線巴士前往，我們在中午時段前往，朋友已經訂了“橫水渡小廚“這餐館，因網上很多去過大澳的人都有介紹，所以都不妨試試心態，我們大約中午12:30便到，侍應帶領我們進內，入內冷氣已經很微弱，最後帶我們入到最入的位置，這裡好像用帳幕搭成，而且是沒有冷氣的，只有幾把大風扇，但當天的温度是34度， 真的不好受呢？但沒有辦法下只好坐下，我們點了 “魚香茄子煲“，“ 香煎墨魚餅“，“ 咸鮮蝦乾荷葉籠仔飯“， “香芒芝麻蝦球“， 當然少不了幾支凍汽水，不過最可惜是汽水不夠冰凍呀。說實話當天真的熱到沒有心機吃，就算味道不差也沒有胃口呢？“魚香茄子煲“都有咸蝦味的，如撈飯都是首選的。“香煎墨魚餅“，墨魚餅內真的有一粒粒的墨魚肉，除了在口感上作出貢獻，味道也特別鮮甜。“香芒芝麻蝦球“我嫌佢炸得太乾身，所以有小小硬呢？。“咸鮮蝦乾荷葉籠仔飯“加入鹹鮮去蒸，飯就更添鮮味。總括來說食物是不差的，但如果大熱天氣下去吃大家要有心理準備呀😌

📍#橫水渡小廚 📍Tai O Crossing Boat Restaurant #TaiOCrossingBoatRestaurant.🇭🇰香港大澳吉慶前街33號地下🇭🇰33 Kat Hing St, Tai O, Lantau Island, Tai O, HK.🌐📌大澳.人均消費: HKD350 (包自來海鮮).味道: 👅👅👅👅賣相: 👀👀👀👀價格: 💰💰💰💰環境: 🌹🌹🌹服務: 👨🏻性價比: ⭐️⭐️⭐️⭐️回頭率: 🔆🔆🔆🔆.好幾年無去過大澳，大澳俾我嘅印象係好寧靜但要暴曬的水鄉🔆🔆🔆今日一行11人，舟車勞頓，10點出發，又坐車又坐船，差不多1點入到去就可以食午餐😂入到去係小魚檔買咗蝦，蟹，同一條海方利去加工！今次選擇橫水渡小廚，食下人家的水上人菜式！.💯炭燒燒鵝 (半隻)🦆HKD288見到炭燒燒鵝已經流口水🤤皮薄仲要燒得好脆！入口一陣陣的炭燒味，但一啲都唔燶！肉帶肥帶瘦，口感好軟好鬆化，一點都不膩，愈食愈想食！蘸酸梅醬一流！.💯椒鹽脆皮豆腐 🔥HKD95本來無點，見到隔離枱食又點咗碟😂好正！外層炸得好脆好薄，豆腐滑到不得了！雖然豆香不算好濃，但食個滑度已經值回票價！.⭐️豉油皇大蝦🦐蝦

今日真係不似預期因為夥計話啱啱送走左80人訂餐夥計話係叫就快啲叫啦因為收工當時係晚上6:30嗱嗱臨打開張餐牌叫咗幾樣餸冷氣入去嘅時候好強勁嘅⋯正喇！點知坐坐吓到食嘢嘅時候我覺得冷氣已經好似閂細左！唔緊要最緊要好食⋯但係今日已經好似唔同咗！西檸雞真係可以唔使再叫粉多過雞肉！份量大都無用⋯魚香茄子煲都叫做OK嘅！不過明顯係沒有鹹魚粒！肉碎都非常少反而茄子就OK！蝦醬腩肉片可以！炒飯好食嘅蝦醬炒飯！就唔會太鹹飯吵到粒粒鮮明！唔講咁多啦自己衡量一下啦！

今日去開大澳郊遊,玩左半日,晏晝好肚餓,就決定喺度食下海鮮,見呢間橫水渡小廚評價幾好,一於喺度試下大澳嘅海鮮啦!首先叫左一個大澳蝦膏小炒王,真係冇叫錯,一碟入面已有好多款式,例如有蝦乾,有三色椒,腰果,蔥等等,食落鹹鹹地好野味,好有鑊氣!之後叫左個招牌香煎墨魚餅,每件都好大件,非常之彈牙!然後叫左一個椒鹽豆腐,好大碟,而且每件都好香好滑然後又叫左一碟椒鹽鮮魷,不過就麻麻哋,因為魷魚比較硬,有少少扣左分最後叫左一碟橫水渡三鮮炒飯,每粒飯都混雜左蝦膏嘅香味,仲有啲蝦乾雜菜做陪襯,又飽肚又好味!

大澳是昔日的漁村，今天還依賴漁業維生，相信餘下寥寥可數，現在主要也是靠旅遊觀光，從繁囂的都市，來到寧靜的漁村，內心倍感安寧，有一股說不出的舒適。一般旅遊區，食肆餐廳的出品，也比較敷衍，因為遊客主要也是一次半次的生意。橫小渡小廚的出品，非常用心制作，看出他們的心思，用上當地食材入饌，近期非常滿意的一頓午餐。客家籠仔蒸菜心，菜心非常鮮嫩，配上梅菜，帶點咸甜口味，更叫人回味大澳蝦膏回鍋肉，大家也驚喜，配上雙色椰菜，不會太油膩，蝦膏香味齒頰留香大澳漁家蒸四寶，一次品嚐漁家美食，配合妥當香前墨魚餅，貨真價實的墨魚餅，可以吃得出真正的墨魚椒鹽脆皮豆腐，非常嫩滑，但略嫌豆味不足，這個是食材問題，因為香港的豆腐，始終沒有國內的豆香味道紫背天葵生炒骨，非常醒胃，與咕嚕肉差不多現場所看，還有很多小菜，值得一試，但無奈未能一一品嚐，只能留待一次到大澳旅遊，除了品嚐美食和遊山玩水外，可以到關帝古廟及候王古廟參拜，前者建於明朝，後者建於清朝康熙，除了靈驗無比，更是難得的古蹟

一直都想食嘅 ～成都好想食但係成日都唔記得咗呢間！好彩今日阿媽記得所以帶爸爸去慶祝生日食餐好嘅😅一嚟已經唔使諗嘢因為已經上咗openrice睇咗一次知道大概有啲乜嘢好食😜三個人食咗五個餸連飯🤭值得推薦嘅唔錯😋😋😋😋環境尚算ok冷氣夠呀因為有風扇配合～正！價錢合理～味道剛剛好～份量都好充裕～嗰個三寶荷葉飯真係唔錯夠味道好鮮味～椒鹽鮮魷 好新鮮皮薄 好香～淮山素菜都唔錯嘅～蝦醬豬頸肉我覺得唔夠蝦醬跟住同佢講佢都再畀多少少蝦醬我哋～小炒王好豐富呀好多腰果同魚仔～忘記咗講最重要係個餐牌非常靚囉！

同男朋友入大澳行下一入餐廳坐底 燈光好奇怪 紅紅地咁令眼唔係好舒服 員工又粗聲粗氣問飲咩茶咩汽水 唔講以為踩親佢條尾😅所有野都好貴，值唔值就見仁見智喇。叫左兩罐可樂，落單時叫左瑤柱蛋白炒飯同星洲炒米，坐左25分鐘都冇聲氣，舉手示意又扮見唔到。Fine, 行岀去問仲要幾耐先有得食，冇呢由炒飯炒米要等半個鐘。幫我落單個員工話今日好多人而又得一個爐頭，所以會耐啲。但係，遲黎過我既兩三枱客人已經食緊！打開門做生意但講埋啲咁低智既大話係咩一回事？🌚 好明顯係漏單！(呢度有其他食評都係同類投訴)就算係真，你都應該喺客人落訂時同客人講聲囉。最後俾兩罐汽水錢走人，連找錢都要等幾分鐘係咩玩法？🌚🌚🌚臨尾阿員工先生仲要好不忿咁話埋單都要將啲野入電腦打單，要時間。哇，明白哂😊

呢個我地係比佢個巨型籠仔飯吸引住 就決定一定要食😈點知黎到反而係比佢個墨魚餅驚艷左 佢個墨魚餅真係超超好味 非常之值得黎食😍😍🤤不過佢7點半shan門架 大家想食一定要早啲黎☺️☺️·香煎墨魚餅$138我地本身唔諗住嗌架 因為已經嗌左兩個送好似好多咁 但係見到隔離都有嗌 我地又早食飯 就決定嗌埋🙊🙊個決定好到不得了😍😍佢個墨魚餅煎得好香口 但係完全唔會油膩 而且真係啖啖墨魚肉 超級彈牙 你係真係feel到佢手打 超級正 一定要試🤤🤤·鹹鮮蝦乾荷葉籠仔飯 $178呢個photogenic就真係photogenic啦 但係我覺得好似無我想像中咁好食🤭🤭佢係真係好多咸鮮野 超多蝦乾 白飯魚仔 同埋土魷 但係唔知點解我就係覺得佢個飯無索到好多味 但係食到尾又會覺得鹹架渦🙊我都唔識形容 但係都值得一試既 一籠可以食曬呢度出名既乾貨keke😎·清炒西蘭花$68呢個就唔係好推介大家嗌 大家可能嗌蝦膏炒會好啲🙊🙊我地本身諗住個飯會濃味 就諗住嗌個清淡啲既菜啦 佢清炒係真係清炒 蒜蓉都無😂😂但係又好油架渦唔知點解 所以有啲唔嗲唔吊🤣🤣·#rbyeat #rbytravel#rby港式#rby大澳·📍 大澳吉

陽光猛烈的下午，在大澳找了很長時間，找到一家叫做橫水渡小厨，叫了 清炒菜心，大澳三寶炒飯 及香煎墨魚餅。味道很不錯。尤其是清炒菜心炒得我的小朋友全部吃掉。價格中等服務不錯。唯一的缺點冷氣不足。

去大澳遊玩，在橫水渡小廚吃晚餐，叫了2個小菜：1) 香煎墨魚餅：($138) 炸得十分香脆，十分彈牙，真係有墨魚肉，有墨魚味，推介。2)咸鮮蝦乾荷葉籠仔飯($178) ：以蝦乾，白飯魚干，蝦醬腩肉作配料。份量頗足，不過蝦乾不夠肉地，而且不夠鹹香味。白飯魚干亦有同樣弊病。蝦醬腩肉心較出色，蝦醬味很香，而且腩肉亦不會過油。整體上飯太乾，不夠汁。總括而言，橫水渡小廚的菜頗有特色，而且味道良好，雖然價錢略為偏貴，但依然值得一試。

近來疫情影響, 返少左工, 出少左街, 在家就來發霉。呢日就趁天氣都OK, 同女朋友出外走走, 去大澳行行~行到傍晚, 肚餓了, 食晚飯~上OPENRICE睇到呢間橫水渡小廚好多好評, 就決定試一下。呢間餐廳有2邊舖位, 其中一邊係臨海邊, 有一張枱係直程好似坐橫水渡在海面上的呀!因為我地得2個人, 所以只係叫左兩樣野食。咸鮮蝦乾荷葉籠仔飯 $178呢個飯真係不得了!一上枱, 勁香蝦醬味!仲要勁滿! 滿到就來瀉!材料有好多: 魚乾仔, 蝦乾, 魷魚乾, 蝦醬豬肉, 咸鮮魚肉全部都係咸香野! 勁惹味! 好送飯!食唔停口!本身我地以為都係得海鮮乾, 食食下先知有啖啖肉既咸鮮魚肉!咸咸地, 又係送飯一流香煎墨魚餅 $138一碟有8件, 件年都脹卜卜!同埋我想講! 佢件件都係真材實料!粒粒墨魚粒! 鮮味十足!爽口彈牙!真係好好食!!下次要帶屋企人來食過!多人D可以叫多幾樣野食

肺炎疫情未見起色，要除下口罩都不是一件容易的事。。。 行了8個小時山，下山來到大澳，大澳已經有好多店沒有開門，走著走著，無意中找到了這間品嚐小菜的店，由於第一次，所以對菜式並沒有太多認識，店員耐心講解，並為我們選了適合份量的餸菜，上菜速度亦不慢，當我飲到一碗用大地魚煲的湯，食一道老少平安和一道蝦醬蒸豬頸肉，不禁有一份感動😭😭😭突然想起家中老人家的菜式🙈🙈🙈出外吃飯品嚐美食，都不忘要回家與家人吃飯啊😉😉😉

同屋企人去大澳行下而家嘅平日去下郊外真係舒服好多，唔會周圍都係遊客變返屬於香港人嘅地方行到攰就去食個午餐上網搵左間地區名店試下大澳嘅海鮮餐牌都有幾款推介我地都無乜點諗，就跟住嗌左炸墨魚餅，大澳咸鮮籠仔荷葉飯同蝦醬炒芥蘭炸墨魚餅熱辣辣夠香口，但又唔會好熱氣份量剛好，每人二三件都唔怕太膩蝦醬炒芥蘭，雖然無炒通菜咁正不過芥蘭都唔會好老好硬蝦醬係偏淡味嘅荷葉飯好大個面層有蝦乾提鮮裡面仲有肉絲整個飯都好豐富，好味！

今年姨姨生日，我又大飽口福，令我不得不提起支筆，寫下我的第一篇食評！我的姨姨是大澳棚屋人，佢每年都會邀請我去大澳參加佢嘅壽宴。橫水渡小廚係當地人的餐廳，佢地嘅target顧客係當地人，所以價錢比另外幾間專做遊客生意嘅貼地！去得大澳，當然係食海鮮大餐啦！先來一個花膠椰子烏雞燉湯，超多花膠，飲到漿曬口，我飲完好似充滿骨膠原咁！新鮮的海鮮不用花巧的製法，清蒸已經超正，一人一隻大過我塊面嘅花蟹！以我姨姨所講，大廚係潮州人，所以外面食唔到咁好食嘅雙麵黃！唔知係咪因為係大澳嘅關係，海鮮靈舍好味同鮮甜，清蒸海上鮮同帶子西蘭花！皮脆肉滑嘅南乳吊燒雞節瓜瑤柱甫生日食豪d，清蒸鮑魚，好鮮甜！酥炸鮮蝦雲吞拼招牌炸墨魚餅，因為見姨姨係擺壽宴，老闆仲特意雕左個壽星公去賀的姨姨，我估雕刻時間仲耐過整個餸，好有心思！生日，當然要有壽包作結尾啦！