橫水渡小廚

营业中

休息中

今日去開大澳郊遊,玩左半日,晏晝好肚餓,就決定喺度食下海鮮,見呢間橫水渡小廚評價幾好,一於喺度試下大澳嘅海鮮啦!首先叫左一個大澳蝦膏小炒王,真係冇叫錯,一碟入面已有好多款式,例如有蝦乾,有三色椒,腰果,蔥等等,食落鹹鹹地好野味,好有鑊氣!之後叫左個招牌香煎墨魚餅,每件都好大件,非常之彈牙!然後叫左一個椒鹽豆腐,好大碟,而且每件都好香好滑然後又叫左一碟椒鹽鮮魷,不過就麻麻哋,因為魷魚比較硬,有少少扣左分最後叫左一碟橫水渡三鮮炒飯,每粒飯都混雜左蝦膏嘅香味,仲有啲蝦乾雜菜做陪襯,又飽肚又好味!