橫濱家系町田商店

营业中

休息中

想係啟德附近食碗好食既拉麵選擇不多，AIRSIDE既橫濱家系町田商店係之一中既一。魚介豚骨沾麵 🐟 🐷完全出乎意料的濃厚！ 魚介的鮮味與豚骨的醇厚完美融合，湯汁濃稠掛麵力 MAX，每一口都包裹着滿滿精華。本身跟左薄但大片既叉燒，唔算好肥但有脂香，中意溏心蛋淡口配湯同麵好夾。用紫菜包住沾滿湯汁既麵，同埋額外加既辣大蔥，一點蔥既甜同辛辣味提鮮之餘又增加蔬菜既脆感。最驚喜係帶點微微酸度，平衡了油脂感，吃到最後一啖都不覺膩，如果有埋海帶醋自己加當然更加好。湯汁入面仲有厚切既豚角同埋筍條，冇臭味，好食。辛味噌拉麵 🌶️一入口先感受到味噌的濃郁咸香，接着是辣味的層次慢慢蔓延，溫潤而不嗆辣。椰菜的天然甜味，而且又爽脆，中和了味噌的鹹度，令整碗拉麵更加順口。配上 Q 彈的粗麵條(可揀幼麵)，每一口都充滿家庭式的溫暖感，唔通呢個係叫家系拉麵既原因？拉麵店除左有卡位都有獨自食嘅吧檯，幾岩lunch 自己黎啪番個沾麵。有幾多既小食選擇，但驚太飽冇嗌到，下次多啲人一齊食先試下。🌼🌼🌼🌼🌼🌼🌼🌼🌼🌼🌼🌼🌼📍橫濱家系町田商店🏠 啟德協調道2號AIRSIDE地下G011號舖🌼🌼🌼🌼🌼🌼🌼🌼🌼🌼🌼🌼🌼

琴日去咗九龍城 airside 間横浜家系 E.A.K. 拉麵，餐牌主要有拉麵、沾麵、丼飯、小食等等。叫咗個幼麵拉麵、餃子同鰻魚丼。首先講個横浜家系E.A.K.拉麵，揀了幼麵。湯底濃郁香醇，幼麵掛湯一流，食落好有口感！叉燒有一塊，肥瘦適中。另外有鵪鶉蛋一隻。麵嘅份量都幾多。小食叫咗餃子3件，煎得金黃香脆，外皮薄而脆，內餡 juicy，味道調得啱啱好，唔會太鹹。另外鰻魚丼睇落細細碗，都幾多飯。淋上甜甜嘅醬汁，鰻魚肥美嫩滑！餐廳都算幾多位，容易有位。

炸雞丼上枱嗰陣已經香氣十足，雞肉炸得金黃酥脆，咬落外脆內嫩，再配白飯一齊食，好有滿足感🍗🍚 拉麵方面就揀咗橫濱終極MAX拉麵，湯底濃厚帶勁，粗麵掛湯力強，每啖都好入味🔥 仲特登加咗幼麵，口感又係另一種享受，軟滑順口，食完成個人都好滿足😌配料充足，有三大片肉，一個糖心蛋同一個鵪鶉蛋。🍜 店內紅色主題設計，瞭望啟德景色。氣氛好輕鬆，成餐食落去夠晒舒服，真係一個可以慢慢坐低食嘅地方。廚房設開放式，可以睇住廚師用心烹調。

Airside有超多餐廳選擇，尤其是日式餐廳較為居多。之前已經見過橫濱家系町田商店，見佢裝潢係紅色好搶眼，就吸引咗我今日入去食午餐。餐廳主打日式拉麵和丼飯，價錢唔算貴，所以我同朋友就入去試吓。好鍾意食拉麵嘅我就揀咗佢人氣之選E.A.K拉麵！麵底仲可以揀粗麵或者幼面，我鍾意多啲咬口，所以選擇了粗麵。配菜就有一大塊叉燒，鵪鶉蛋和菠菜，湯底超級濃厚，帶有鹽味鹹香，入口香濃順滑，粗麵亦都很掛汁，好惹味。我差唔多飲晒成碗湯！豚肉丼份量比拉麵細一啲，醬汁幾惹味，是燒汁甜口的味道，豚肉碎上，容易入口和滷得更入味！章魚小丸子味道不錯，醬汁夠多，加上上面的木魚碎，令章魚燒帶點鹹香，口感軟腍，內裏軟綿。海老天婦羅$48 5隻性價比幾高，炸得非常脆口，正常發揮。整體來說，環境坐得幾舒適，而且餐廳彩光亦都很好，二百幾蚊食到咁多嘢，推薦E.A.K. 拉麵，性價比不錯！

If you are on a straight diet, then this is totally not your thing🤪The thick creamy Double Soup(Pork Bone and Chicken Shoyu) is the soul of this ramen. It’s rare to find such richness in HK. The thick Chashu were so fattening and tender😋and the soft boiled egg and quill eggs completed the whole set of Ramen. It would be perfect if the noodles is a tad harder. Not sure if this is the Yokohama Style but I would definitely come back to check out their other ramen😋

今日去到airside想問吓有咩食，見到地下有呢間日本拉麵，因為時間尚早唔使等位直接入。 入到去電話掃QR code自己落單，環境坐得都舒服，不過間舖頭唔係好多位，可以望住啟德個環境。 我點咗個辣麵豉拉麵，少少辣湯底都算濃郁，另外點咗個炸蝦有五隻都係$48，呢個幾抵。

橫濱家系町田商店 ，位於香港九龍城啟德協調道2號AIRSIDE地下G011號舖。餐廳是一間日本過江龍拉麵店🍜，店內以紅色為主，時尚舒適。🔸斑馬大蒜牛油拉麵$103 🍜~ 牛油和黑蒜溶為一體，濃郁而不膩，還配上一粒鵪鶉蛋。🔸橫濱終極MAX拉麵$118 🍜~ 湯底濃厚細滑，麵條掛湯力十足，叉燒入口軟腍。🔸餃子六件$58 🥟~ 餃子即叫即煎，熱辣辣。整體而言兩款拉麵湯底都做得幾好，餃子味道偏淡。🏷️溫馨提示～ 整個用餐體驗均屬個人分享意見， 只作參考😊。橫濱家系町田商店 (九龍城)地址: 香港九龍城啟德協調道2號AIRSIDE地下G011號舖

Stepping into this so-called "premium" ramen den felt like entering a culinary scam. For $158, the "Supreme Caviar Chicken Ramen" arrived as a tragic punchline: three dreary slices of boiled chicken breast floating atop a sea of vapid broth, while the promised "caviar" amounted to barely visible to the naked eye. The broth tasted like seasoned dishwater—utterly bland, zero depth, as if the chef forgot salt soul. Even the noodles were depressingly average, akin to instant-pack quality.The true

黎到airside見呢間拉麵店都多人食 因為入面好多位 所以唔洗排隊就可以入座人數：2💸有加一服務費▪️橫浜終極MAX拉麵$118佢地呢個拉麵有得揀粗麵同幼麵 面頭嘅菜係冇味嘅 需要撈埋啲湯一齊食係最好 啲湯嘅味道都夠濃同時唔會鹹 肉嘅口感就冇乜特別肥瘦相間不過有一個唔好嘅位就係佢溏心蛋嘅蛋白係唔入味嘅▪️章魚小丸子$28呢一個章魚小丸子就同我期望嘅有出入 外面係好脆嘅 但係入邊就好似漿嘅狀態就唔洗咁鍾意 不過就有一粒章魚可以食到😗

坐喺窗邊位陽光曬入嚟，望住街景食拉麵，唔錯～必試佢哋嘅「魚介豚骨沾麵$118」，個湯勁濃～魚嘅鮮味同豬骨香撞埋一齊，麵條又粗又彈牙，掛湯一流。自己加啲柚子胡椒，味道即刻昇華～ 「炭燒雞軟骨串$68」真係驚喜！燒到啱啱好，咬落去"咔嚓"聲，送啤酒就perfect啦（可惜晏晝要返工😭）。「海老天婦羅丼$68」三大隻炸蝦，脆卜卜又唔油膩，蝦肉爽口彈牙，個醬汁甜甜哋，連飯都食晒！ 最正係夠靜，一個人嚟食都唔會尷尬。$200唔使就食到咁高質，真係抵👍🏻

突然好想食拉麵近近地去咗AIRSIDE橫濱家入去坐低環境相當唔錯喎坐位闊落坐得好舒服！同老公兩個人點了兩個招牌拉麵🍜😋 班馬大蒜牛油拉麵豬骨湯底加上醬油，成舊牛油加勁多蒜蓉，撈勻之後真係未食已經聞到好香，麵質剛剛好，唔會話太淋，索埋D湯汁，係正嘅! 😋辣味增拉麵老公鐘意食辣就點了辣味增，唔太辣，但好香口，叉燒半肥瘦剛好，高質的! 鐘意食辣必點~仲另外點左個好特別嘅小食 - 炭燒雞軟骨串呢個炭燒雞軟骨串，一上枱係驚喜的，真係好似串燒咁一大粒丸，食落啖啖雞肉，入面亦含有雞軟骨，一碟有3串，份量充足， 推介~記得點麵要選埋軟硬度，價錢亦好相宜，唔錯～列入絕對會再Encore之店

叮！今日衝咗去AIRSIDE呢間「橫濱家系町田商店」，碗**終極Max拉麵**真係癲咗——叉燒多到玩層層疊仲要**自帶溏心鵪鶉蛋核爆**！豚骨湯濃到黐筷子🥢，飲一啖成個口腔俾豬骨香綁架💥！紫菜脆到似食薯片，索晒湯汁仲有啲「嗦嗦」聲效，掛湯粗麺咬落彈牙到似同牙齒打交👊，食完成個人暖笠笠仲想Encore！ **🍚豚肉丼暗藏流心殺手鐧** 拉麵未夠喉？嗌多碗**邪惡豚肉丼**即刻瞳孔地震！肥嘟嘟嘅炙燒豚肉鋪到密不透風🔥，一篤穿隻溫泉蛋⋯⋯**蛋黃瀑布沖擊飯粒**💦！甜醬油撈埋脂香飯，罪惡感？食完先算啦～ **🎯海老天婦羅脆到犯規** 意外MVP係**即炸海老**！脆衣薄到透光⚡，咬落「咔嚓」聲直衝天靈蓋！蝦肉彈牙鮮甜到似喺舌尖跳彈床，連伴碟嘅南瓜天婦羅都炸到入口即化，師傅手藝絕對係隱世高手！ **✨總結：橫濱靈魂直送香港** 由濃湯掛壁度到叉燒厚度，完美還原日本本店風味🇯🇵！大胃王必點Max拉麵，細食嘅記得分啲俾手機相機先食～ **📍開飯座標** 橫濱家系町田商店 (九龍城店) 地址：九龍城啟德協調道2號AIRSIDE地下G011號舖 （啟德站直出✈️ 落雨仲可以行商場歎冷

喂！Airside開咗間超正嘅橫濱拉麵店呀！「町田商店」個湯底濃到癲，真係掛住日本嘅味道～ 必嗌「斑馬大蒜牛油拉麵」 個湯底豬骨+醬油打底，再落爆多蒜蓉同牛油，撈勻之後香到暈！粗麵咬落煙韌，索晒啲湯汁，正到爆燈💯 🌶️辣味噌拉麵都唔錯 辣度溫和帶甜，唔會嗆喉，叉燒半肥瘦啱啱好，食完成碗都唔膩～ 🥚味玉係神來之筆 蛋白入味到爆，蛋黃流心效果100分！齋食定配麵都咁正 店內裝修似足日本本店，坐吧枱仲有feel！店員仲會問你麵要幾硬，服務好貼心～ 行開Airside肚餓？呢間拉麵絕對係你杯茶！濃湯愛好者必試，保證食完想encore😋 P.S. 建議平日去，weekend可能要排隊㗎！

第一次去Airside行街, 行到咁上下當然要醫肚。😁發覺好多間餐廳都要排隊，見到呢間拉麵舖，入去試一試。🙂我叫咗橫濱終極Max拉麵，一份餃子。拉麵湯底好濃，我就覺得咸左啲，肥左啲。叉燒就真係比較肥，肉小。🫤可以改善一下。餃子唔夠熱，不是脆皮。🙁味道就正常發揮。有好大進步空間。😬希望佢可以做得更好。

位於啟德Airside嘅日式拉麵店🍜橫濱家系町田商店 ，店舖以紅色🔴同黑色⚫️作為主調，環境寬敞舒適。🍴橫浜終極Max拉麵（$118）湯底以豚骨湯及醬油雞湯熬製而成，味道濃而不膩，有油脂香👅叉燒有三大片，肉質軟嫩👄拉麵可以自選麵條嘅粗幼度，我哋揀左粗麵，軟硬適中有嚼勁😋溏心蛋煮得啱啱好，仲配埋鵪鶉蛋，蛋香突出~🍴魚介豚骨沾麵（$118）湯底濃厚鹹香，鰹魚味道突出，配搭筍同厚切豚角。麵條方面，同樣揀咗粗麵，掛汁能力唔錯👍🏻食完麵條之後，可請店員加入高湯，品嚐一下個湯底🥣