標記燒臘海鮮飯店 (已結業)

20/12/2006 (星期三)今晚朋友s專誠開車陪我同朋友S去荃灣海賓花園剪頭髮,剪完差不多9:30pm,朋友s想食潮州打冷,問了髲型師有什麼好介紹,他說標記的鵝片幾出名,原本我也打算去這間因之前都有來過,並不因它出名而是近荃灣街市,我懂得路線可指引朋友開車.朋友本想吃大眼鷄,但要成$78一條,覺得幾貴後來轉要了咸煎牙帶魚,另外叫了啫啫大腸煲,滷水鵝片,臘肉炒芥蘭,又叫了兩碗白飯,這幾道菜餚都是一般水準,不過大腸炆得夠稔又入味,而我喜歡吃鵝片下面那些豆腐,朋友s同我不約而同覺得那碗白飯好好味,她更說這是她這麼長久以來吃到最好味的一碗飯,朋友S笑說她是否肚餓過頭,不過份量都幾多,最後我們都吃剩不少餸菜,尤其是臘肉芥蘭,我們只把芥蘭吃完,剩下半碟都是臘肉,早知當初只要清炒芥蘭.

今早泊低架車...入去要左個早餐- 碎牛粥加蝦米腸, $18, 亞姐好好人, pack 完拎埋俾我, 返到公司都仲好熱, 碎牛粥...好足料亦好多油浮面, 預左啦! 蝦米腸就麻麻地...唔太熱lu! 我之前食過佢出既馬拉盞同糯米卷...馬拉盞幾實下, 糯米卷好大件..不過...聖安娜好味!

今晚太興的生腸售罄，轉戰這兒的潮式滷味。四十蚊斤，唔係平，但好味就無計啦！自助形式，隨意執了半個膠筲箕，$57。師傅切呀切，好快就一大盒男人餸！回家舖開佢，都幾強勢！（圖示）有鴨腎、豆腐、豬肚、生腸、牛筋、豬大腸、牛肚…！統統都好味！我、老爸、老媽、大佬，四個人統統吃光，好味！

今次係要為老媽抱不平, 個日佢同老爸2個去食個燒味, 叫個燒肉飯同燒鴨飯, 各$24一碟(無例湯的)燒肉飯個d燒肉皮係淋的, 燒鴨皮係un的加皮包骨, 飯係涷的, 完全唔掂, 老媽話佢幾十年經驗, 一睇就知佢係朝早賣剩庶, 夜晚再賣, 一d都唔掂~!!!!本來$48埋單重要比茶芥花生,$56找數, 下次送义飯都唔去食啊!!! 唱衰佢~~~~~

此店裝修過後...光猛了不少...而且也乾淨....! 今晚來到此點了條清蒸游水蒼魚...68蚊...不錯...很大條...二人吃也很夠...而家很新鮮, 滑滑! 另外叫了碟清炒西蘭花...少鹽少油...比平時少了一點點吧..$38...冬天時我會叫薑汁炒芥蘭...美味非常! 但過了冬天...唔靚...所以叫西蘭花...都炒都幾爽口! 最慘的是....成日有人吸煙...我正期待食店全面禁煙的日子!

今晚想清清地....叫左個白粥...鹹左少少...唔知係咪我既問題....蝦米腸...知佢整定...無咩要求...最後係白灼菜心!荃灣都無咩靚粥食, 滑腸粉既...?!

成日都會經過，不過就好耐冇來食。見佢最近新裝修，一直都話會來試。今日公司派我去荃灣上堂，中午有成兩粒鐘食飯時間，就遠遠行過來吃。來到當然是吃燒味，要燒肉切雞雙併套餐。無估錯，例湯都係個ｄ味精湯；飯係好大碟，不過料就唔太多，可以話係飯多過餸好多個隻。而燒味亦未見出色，尤其是燒肉既皮唔脆，幾失敗。其實整體來講，我覺等貨色好普通，和一般既茶餐廳燒味檔冇咩分別。隔離既連鎖燒味太興可能會比佢更好。

好耐冇呢度食飯，今日去開荃灣就呢度解午，菜牌有很多不同菜式，有燒臘飯、煲仔菜、點心及各式小菜，鋪面寫廿四小時營業。因這裏是以燒臘為招牌菜，所以今天叫了叉燒切雞飯套餐，包例湯或熱飲，碟頭份量很足，味道也不錯，但例湯明顯是一般味精湯，這裹是一間普通飯店，但找數時竟然要收兩蚊茶錢！比附近太興更貴，但裝修及質數就必定低過太興。

慕名而至，由於是午飯時段，又頗匆忙，僅吃了客叉鵝飯加例湯。叉燒尚可，唯稍乾；燒鵝則一般而已；例湯大失所望，師傅味勁重，絕不推薦。整體而言，唔值呢個價。

真係有十年都冇o黎過，以前係荃灣都幾出名的，小菜同燒臘亦係同區中較有水準的。唔知要求高o左抑或佢本身素質差o左好多，星期日o黎食真係大大不如前。例牌必叫的生炒骨，雖然幾大碟，炸得唔脆又唔熱，幸好冇叫加大。煎蠔餅-不知所謂，不但唔脆口仲係諗諗o地tim，又多蛋漿，食唔到蠔仔。叉燒併燒肉-叉燒肉質都算幾好，但唔夠蜜汁味；燒肉皮都係唔脆。生菜鯪魚球煲-鯪魚球唔彈牙、豆腐亦都唔夠滑。金銀蛋菠菜-皮蛋只有幾粒好細粒的，而且幾實唔得靚。上湯娃娃菜-六樣之中較好的一樣。6個人雖然食左400 蚊唔係貴，但唔好食所以我覺得唔抵。