標記燒臘海鮮飯店 (已結業)

** 此 食 肆 的 第 八 個 OK **尋晚(17-6-2008 Tue)睇完媽媽,今次同爸爸,大哥大嫂四個人諗食咩,爸爸就愛上呢o度,話又平又好食,我投降喇,話好啦,咁今次多啲人可以叫餸食飯.今次我o地行入啲坐,因為想睇電視嘛.我叫o左:1.$55.00 o既檸檬煎軟鴨等o左一陣,呢個就好快到,炸漿唔太厚且仍脆,配以酸酸甜甜o既檸檬汁熱食,好味.2.爸爸至愛$60.00o既時菜炒肉片o黎到時係西蘭花,爸爸唔食得,我怕佢冇菜食,問佢要唔要叫個油菜,佢又唔要.肉片大大件,好鬆,但唔入味,而且汁都唔夠惹味,呢個普通.3.$58.00 o既豉汁蒸大鱔好耐至到,可能係即叫即蒸o掛.到o黎時有好多紅辣椒絲,又熱騰騰咁,OK.不過食到最後,啲汁鹹o左啲.另三碗白飯大嫂見呢o度有打冷,且蠔仔粥好大窩,我話下次多人時再o黎時試吓.服務:今次麻麻地喎,啲亞叔好似唔願做咁,叫菜都叫到第三個人至o黎寫.佢o地都擺烏龍,只寫我o地三個茶錢.PS:其實如果魚鱻魚湯專門店唔係坐得迫,我會提議去.

** 此 食 肆 的 第 九 個 笑 **尋晚(16-6-2008 Mon)睇完媽媽,同爸爸食晚飯,兩個人冇idea,爸爸就話去標記(食粥o個間)隔離食,啊是但啦,原本諗住帶佢去魚鱻魚湯專門店,不過睇媽媽時行出行入幫佢買o野,攪到我好攰,唔想再行,都係下次先.行到o黎,企o左陣都係入o左去,我叫一碗叉雞飯,爸要一碟叉燒燒鵝飯,我話要油菜,爸爸揀o左生菜同幾佢o個碟飯改為一碗,亞姐幫我o地攪掂,但價錢冇改,叉雞飯$27.00,一碟叉燒燒鵝飯$32.00,油菜$10.00.我o地捉住另一個亞姐講返件事,不過佢冇改,之後我等到兩個飯到o黎時,就捉住個亞叔講,咁佢就將$32.00改返做$27.00.生菜好快都到o黎.叉燒係半肥瘦,好好味,飯都好熱,不過硬o左啲,而雞都冇乜問題.食食吓,爸爸第一個叫改單o既亞姐走o黎同我o地解釋返,原來燒鵝同燒肉o既價錢唔同,所以爸爸o個碗叉燒燒鵝飯係$30.00,而原來油菜要$12.00.開頭佢唔想改單,所以o係油菜o度扣o左.哦,明白晒.咁$12.00一碟油菜就貴o左啲喇.之後爸爸見人o地飲一盅盅o既燉湯,於是都叫一個燉螺頭o黎飲,盛惠$28.00.爸爸想倒

一間多元化的食店,早上很喜歡買點心俾亞媽做早餐,近日,佢搬新店之後,買了三個點心,(燒買,山竹牛肉,鳳爪)收費$36,伙記把他們放埋同一個外賣盒,亞媽俾我的答案係,下次唔好再幫襯喇,原因係加咗價,份量縮咗1/3,D燒賣唔係好新鮮!至於燒肉呢,D皮淋哂,D肉好似唔係好靚,有D怪味! 其次鹵味部嘅墨魚同紅腸,一個細size嘅飯盒,都裝唔到一半,收費$46,頗貴!

响荃灣長大,隔鄰間標記粥麵就有試過,但係呢間飯店就真係第一次試,諗住呢間嘢歷史悠久應該無問題啦,點知係第一次...亦都係最後一次以一間毫無裝修可言嘅飯店佢收嘅價錢真係嚇親我,平均一碟小菜要$60或以上,質數係"垃圾"叫咗鹵水併盤$60...豬脷,鴨腎,墨魚,豬腸,起碼隔咗三夜先上枱俾客人食,離晒大譜標記小炒王$50...西芹,腰果,菜甫,蝦乾,勁味精椒鹽九肚魚$60...好明顯一粒粒嘅味精"痴"咗响啲脆漿上面,食完兩嚿個咀唇巳經乾晒一間响荃灣起碼有20年歷史以上嘅食店居然係如此水準,勁勁勁!!以後都晤會再去!!!

2008年2月5，標記今天荃灣一日遊。買完湯丸和餃子已經晚了，所以馬上到鄰近的標記吃飯，與另一半都被它的鳳爪排骨吸引了，叫了：福建炒飯：賣相幾好，少少油啦，但味道OK，最後食唔哂要打包。原盅蒸飯套餐（31元）：鳳爪排骨飯：睇落好似好少，但其實好夠食喇。鳳爪排骨味道中規中矩。油菜：芥蘭，份量唔少，OK。蜂蜜菊花露：意料之外，唔甜，好飲。有個阿叔的服務態度非常好，很有客氣有禮貌。

今日星期天...晚飯例牌標記, 清蒸黃立倉, $78 (加了$10), 薑汁芥蘭, $40! 蒸魚岩岩好....幾嫩滑! 薑汁芥蘭油淋淋, 不過, 芥蘭冬季至靚, 好味!

(12/12/07)我相信不是生滾粥,因為係粥還粥;配料還配料味。我吃了滑蛋碎牛粥;老公吃粟米魚片粥。老公以前來過好多次,今天重來,覺得粥底靚左。我就覺得好過海皇啦,沒確喉味精,都可以啦。炸兩的油炸鬼唔脆o既,腸粉皮軟熟。下次想試蠔仔粥。

今晚頭重重...感冒未好番....老公話食清鱓 ...黎清蒸鰦 條黃腳立, $140 (14兩), 第一次食...魚味較石斑濃, 魚肉較實, 但都滑滑...唔錯, 我鍾意佢多過石斑! 另外逢秋涼都會叫既薑汁芥蘭, $40, 要求少鹽少油...就油亮亮...不過, 幾好食! 加埋飯粥各一, 小食一碟, 共$204!

今日喺荃灣拜完山後, 來咗呢間試下. 我地叫咗豬紅皮蛋粥, 鮮牛粥, 芽菜炒麫, 蝦米腸粉, 鹹魚蒸肉餅飯同豬潤米線. 粥底幾綿, 鮮牛肉原來用梳打粉"la"過, 味道認真麻麻! 腸粉都ok; 豬紅皮蛋粥同鹹魚蒸肉餅飯就一般; 豬潤米線d豬潤都好爽口; 芽菜炒麫就冇咩味.不過四個人食都唔使一百蚊, 算係咁啦!

今日喺荃灣剪完頭髮，去咗食粥同炸両，其實呢間店以前都食過，都幾ok，所以今日帶埋朋友嚟試試！我叫咗食皮蛋鮮牛粥同炸両，粥煲得好綿，杰杰地，好多鮮牛肉，皮蛋都有成隻咁多，幾鮮味；炸両仲好脆，腸粉都幾滑，唔錯！服務唔可以有期望，因為呢間係傳統嘅粥粉麵店，即表示阿叔阿嬸做待應，大家心照！價錢尚可，皮蛋鮮牛粥$23，炸両$9

係同一條街有三間鋪- 不夜天, 呢間開足廿四小時, 裡面有燒味碟頭飯, 茶餐, 仲有點心, 下午時分去翠華, 太興都好多人, 見人少少就係度試下! 二人叫北菇蒸雞套餐連飲品, $23 + $2, 排骨, 叉燒腸, 蓮蓉包, 蒸雞有幾舊, 都幾油, 叉燒腸皮厚厚, 但都煙韌, 排骨算腍唔多肥肉, 蓮蓉包有一少舊蛋黃, 唔係白蓮蓉, 軟滑一般! For 飽肚既都唔錯, 唔可以要求咁多!

今日同呀妹黎食粥..叫左2碗及弟粥以前有2粒肉丸而家得返1粒..味道都好似係以前好食d..而家太淡.. 又貴左咁多另外又比隔離既馬拉糕吸引..我蠢左.. 竟然唔係酒樓叫馬拉糕因為好難食.. 好乾好硬..食左半個無食反而最好食係油炸鬼因為岩岩出爐!脆卜卜.. 我同呀妹一人食左一條

上個星期又o係荃灣做野, 見食評講到魚魚魚魚好正, 前一日仲諗住做完野一一一一一一定要去試吓, 點知o個日成6點先走得, 無咩胃口兼且食野又唔係唔食野又唔係, 諗諗吓不如斬d料返阿媽度hea 吓... 幾年前住o係荃灣都有時都去呢度食飯, 明知呢度d野唔抵又麻麻地, 但係諗住算啦, 俾多次機會啦, 況且阿媽鐘意食鹵水野!!!執左少少牛肚、生腸, 一小舊豬耳、墨魚, 一條豬脷, 二隻鴨翼, 四個鴨腎, 俾師傅計數, 嘩!!! 已經要九十六個大洋!!! 問問師傅其實d野係點賣, 原來要成四十八蚊一斤, 不過要孝敬阿爸阿媽阿哥, 算罷! 心諗, 如果係鹵得入味又好食, 貴都值o既!!! 見師傅個chopping board 上面放左一疊疊既豆腐, 問佢\幾錢, 要五個大洋一塊, 算罷, 要兩塊!!!返到阿媽屋企我好大力推介\"呢檔鹵水野好好味架, 快d食食多d\"... 媽咪話ok, 但係點知連平時食野無咩要求既阿爸阿哥都話麻麻地, d鹵水唔夠入味, 好淡... 本來我忙緊拆緊我d信未食飯住, 聽到佢\地o甘講我都要即刻要試試, 妖! 淡而無味, 不知所謂... 坦白講, 我係一個好鐘意

今晚整完牙, 食腍既野...! 風鱔煲仔飯加排骨, $41, 排骨好腍好味, 鱔片好薄, 一般! 薑汁炒芥蘭, $38, 叫左少鹽少油, 出黎都幾油, 不過, 佢地既芥蘭我次次都叫, 好好味!不過, 佢加埋茶錢, 小食, 都成九十一蚊!

噚晚一家大小8人去開飯, 叫左生炒骨, 薑汁芥蘭, 雞油豆苗, 大眼雞($78), 蠔仔粥一鍋($88), 生腸墨魚, 九菜猻? 加6支大啤, 白飯一個, 埋單$600. 貴得有d離譜.\\\\\\\\係荃灣幾十年, 以前行過都係食下麵, 見佢\\\\\\\裝修過後未幫襯過去試下,服務& 潮州打冷餸一般過一般. 好在厨房炒餸好味補番數, 薑汁芥蘭& 雞油豆苗都算不錯, 生炒骨大大舊肉.下次諗住一家大小用途600食餐\\\\\\\飯, 不如去酒樓坐得舒服d好過!