標記燒臘海鮮飯店 (已結業)

平時都有食開,覺得都ok點知出左事話說果日同女友食飯,叫左個羊腩煲的羊腩幾燜,幾好食的待應又自動自覺同我攪一攪個煲點知食左三分二,我又攪一攪個煲既時候.....................有隻手指大既草蜢原來係煲底倍我食左三分二我同D待應講,同時影相佢地即刻想收左個煲話換過個我唔比,踉住有第二個人欏快子夾走左好彩我都影得快我成日出去食飯都未試過今bad list

收工返到荃灣已經接近凌晨三點,天寒地凍好想食返d野暖暖肚..於是諗起標記呢個時候仲未山門~所以入左去叫左碗雲吞河同蝦米腸!等左10分中終於有野食..蝦米腸($9) --- 一黎見到勁厚皮已經知道唔方好食..而且份量超少已經要$9!雲吞河($19) --- 上碗果陣一粒雲吞都見唔到~原來放晒係個底到!未開始食~淨係將d雲吞擺返上面已經散晒....跟住碗面d湯又勁少..想飲啖湯都飲唔到!加上味道麻麻~試過$11碗既雲吞麵仲好食..

早上出差到荃灣, 路經街市街口標記,見到阿姐拿著腸粉和點心奉客,貪吃的月巴人就被那碟卷得像我一樣月巴的布拉腸粉吸引得停住腳步。點心部阿姐中氣十足的向不遠的舖位大喊一聲" 叉燒腸外賣!!!!!" 不消一刻,叉燒腸粉就送到點心車前,好快的速度!! 看到車仔前的熱氣騰騰的蒸籠又問問有什麼點心, 阿姐說"蝦餃燒賣鳳爪排骨....蝦餃好呀,大隻呀!!" 又被吸引了!!沿途小心翼翼的拿著外賣盒,生怕將豉油漏出,回到公司看到盒底仍然乾爽,還為自己拿得小心暗喜不已之際,原來阿姐已細心地將豉油包在密封袋裡,難怪一滴豉油也沒有漏出啦!叉燒腸粉卷得肥肥壯壯,腸粉顏色米白,質感不是滑溜也不算很粗糙,外皮偏厚重,很舊式的腸粉的外型; 全瘦叉燒切成厚絲, 份量真的不少,叉燒雖廋但不粗, 配上略厚腸粉真的會飽肚,只欠一些香茜作伴。如剛才所說豉油以密實小膠袋另上, 非常細心!豉油味道偏咸和味濃,跟舊式製法的腸粉很相配。 蝦餃也如阿姐所言頗為大粒,澄麵外皮看來尚算通透, 但皮比餡大了很多,未能緊緊包著餡料,四粒蝦餃像小童穿上大人衣,很有衣不稱身感覺;外皮偏軟不夠彈牙但也不太黏口, 餡料以蝦肉為主加上丁點肥肉,增加油潤感

(補回6月的食評)10個人的飯局,叫了10道菜,名字多不記得清楚..反正應該沒有下次(因為極少會到這種飯店/大排檔用餐),不打緊吧.其實我覺得overall幾好味,但不時與友人外出飯聚的爸爸說這裡的味道只屬一般..令我難忘的有西檸軟雞.甜甜酸酸蠻開胃.但牛腩煲就有點失望,只有鹹味,應該有的味道都沒有..值得一讚的是連我這個甚少到到街上吃小菜的人都覺得這裡的份量真的頗大.叫了10碟之多都是因為同場男的要飲啤酒~埋單都只是$6xx,700元不到,填飽了10人的肚,這個價錢算是ok吧?

今朝早上七點多起身準備返工居然梳洗完之後~枱面上出現了免治牛肉粥好感動哦~好耐冇試過起身枱面有早餐(ok...近幾個月都試過一次由姨姨買...)而且仲要係我最喜歡的免牛粥可惜今日天氣熱左少少~食完要流住汗咁返工講返碗粥...粥很綿牛肉很多免牛內的炸粉絲太少~牛肉太實但牛味重~不過味精重左d同場仲有白粥同腸粉~呵呵~不過不失之作~但可以更好~

繼續出差荃灣,在兆和街和街市街繞了一圈,看到門前點心蒸籠和人客不多,就這裡好了!!入座時看到客人們的蒸飯好像很好吃,那我都來一客排骨飯配凍檸茶吧。排骨飯的排骨以小碗加豉油另上,跟一般的排骨飯做法不一樣,蠻有趣的!用茶盅方法將豉油混進飯裡,白米飯還算挺身,吃來也很乾爽,沒有蒸得過火的過軟情況出現,以蒸飯來吃算是不俗;排骨份量頗多,肉質帶點肥而且很軟滑,雖用上雪藏貨色也不太遜色,調味不太重所以排骨不是太濃味,要靠味道不俗豉油才多點味道,只是豉油份量對我來說是不太足夠。不過我還是喜歡飯餸一起和用瓷盅蒸的蒸飯多一點 凍檸檬茶用上多片檸檬,茶味一般但檸檬夠酸,不俗!吃完蒸飯用作清清口腔非常棒,而且用上堅硬的膠匙,比用即棄那種膠匙實在痛快很多!! 24小時營業的粥店,食物種類極多,有機會再試其粥品/腸粉和燒味飯。

(兩個禮拜前的食評)天氣突然涼左好多, 結果都是病了.. 暈陀陀又發燒發冷, 沒什麼胃口. 細心的男友就帶我黎食粥 餐牌上有好多種粥, 數得出既配搭都有齊0甘滯.. 但男友之前黎過, 覺得皮蛋瘦肉粥幾好食, 所以我就嗌左, 男友就試左竹笙瘦肉粥碗粥真係幾得, 粥底好綿, 味道好夠, 有好多我鍾意皮蛋(至少有一隻份量), 瘦肉都有好多!男友果碗都好足料, 好多竹笙, 但我地兩個都一致認為皮蛋瘦肉粥好食d! 感覺上都無咩味精食完個人暖笠笠, 係d 0甘凍既天氣食返碗粥真係一大樂事呢! 感覺上係差一條油炸鬼.. 最衰自己唔爭氣, 下次黎要食埋至得, 呵呵

30/11/2008平時行過都見到好多人排隊見今日唔使排就買來試下買左牛筋,鴨腎同潤仲有豬頭皮加多件豆腐普遍來講,d lo水野都唔係太過出色叫做合格不過味道就偏咸左d

今日出外考完試....無咩做過但都好攰, 唔想咁悶, 老遠行到呢度蒸魚(因為星期一至五多數係附近美倫食蒸魚)!多數食蒸鯧魚, 上次食凍烏頭, 今晚見有黃腳立, $150, 幾貴, 但魚味重啲又好食啲, 另外見隔離枱叫豆苗, $55, 叫了清炒, 少鹽少油, 油做到了, 但都略鹹, 唔係特別嫩, 但都幾清綠, 加埋兩碗白飯, $14, 茶芥, 酸菜, $12!

星期天趕快食完返屋企睇長江, 於是不叫蒸魚, 叫了凍烏頭, $80, 大大條...不過, 唔肥美, 原本唔肥啱我, 但又好似唔好食, 下次都係叫番蒸魚, 連灼菜, $12, 酸菜, 白飯, 茶錢, 共 $111!

10年前係荃灣居住,係荃灣工作,收工大多數會去標記食晚餐,勝在多完化,粥粉麵飯都有,又有電視睇,以前仲係舊址那邊,得知搬去另一邊既時候,我都好幾年都無幫襯過.我都係食盅頭飯+點心為主北菇蒸滑雞飯,用雞脾雞亦位(雪藏雞),味道夠,肉質算滑,冬菇最入味,索晒d雞汁,豉油又夠多.一座小山丘既排骨,份量算比較多,粒粒都好惹味,又唔會太多肥膏.鳳爪好軟,但未算一咬骨肉分離,夠香豆豉味,但係鳳爪和排骨都唔太熱,只係微暖.奶茶夠味甜,但係奶比較多,茶味就減少了,可以接受.全部食物都係ok,但未見特出.

自從物價上升, 清蒸黃立鯧就由三兩年前既 $68 升到今日既 $100, 條魚相當新鮮, 蒸魚豉油亦好鮮味, 另叫了兩碟灼菜, $12, 兩碟都大大碟, 佢叫我要碟大既 $40, 兩碟細既併埋都好多, 夠食就得啦! 兩個白飯, 連茶錢, 酸菜, $150, 都化算既!環境唔太舒適, 不過, 勝在侍應唔會成日收碟, 可以安安樂樂食餐飯!

好開心今日有人請客。兩個人食了三個菜︰滷水什錦有豬耳、紅腸、魷魚、腎、豆乾、金錢肚，好諗好入味，比旺角果間好。蟹粥，d粥ok甜但蟹己經無咩味。馬拉盞炒通菜，菜太老，比較油，但唔係好咸。要了兩支啤，三百一元，價錢ok。

標記都算係一間由細食到大既飯店，雖然店舖環境唔算好乾淨不過都算過得去啦．今次食左個燒鴨飯，碟飯都算大碟燒鴨份量都算多不過鴨稍為唔夠熱，再熱ｄ同脆ｄ會更好～！

** 此 食 肆 的 第 九 個 OK **尋晚(18-6-2008 Thu)全家人睇完媽媽就o黎呢間,因前晚大嫂話想打冷.我o地叫o左:1. 燒肉拼油雞爸爸之前又話想食東江o既鹽焗雞,而大嫂開頭諗餸時問我o地油雞好冇?我就說服爸爸明晚同佢去食,咁今晚叫油雞好冇?咁佢就應承.先食件燒肉,腍o既,皮都係腍,不過好彩冇爸爸唔鍾意o既臭煙味.油雞都有近半隻,且都有水準.2. 滷水什錦有豬耳,紅腸,魷魚,腎,豆腐乾,金錢肚.各人都覺得豬耳好食,大嫂讚豆腐乾好味.不過呢碟餸偏鹹.3. $109.00一窩o既蠔仔粥亞叔幫我o地分七碗,姪女唔鍾意食,於是叫o左一碗白飯畀佢同我爸爸share.蠔仔粥有好多豬肉碎,芫茜,所以唔鯹,蠔仔都唔少,不過唔係好熱.而呢窩粥最後係分到9碗.4.大眼雞唔係好大條,肉’鞋’,蘸o既汁好鹹,我覺得一般.5.魚香茄子煲同6.椒絲腐乳西生菜呢啲冇乜難度.我o地叫o左一支藍妹$25.00,兩罐可樂,埋單$509.00.爸就話好唔抵,呢餐同東江差唔多,我諗應該係呢餐唔係咁o岩佢食.而原來姪女又想食西餐,我就答佢下次佢o黎我o地就食.輪住o黎吧.PS: 食o野可以係一次生,兩次熟