樓下冰室 (已結業)

荃灣出左名多野食，最啱為食嘅我去蒲啦😎今次同朋友們玩懷舊，去下冰室食返啲香港地道小食🙂哇！一入到去好似返左去舊香港咁，有曬啲懷舊poster, 擺設等等，可見呢間冰室喺陳設方面都花過心思，令食客有致身於八九十年代啲香港咁，值得一讚呀！👍🏻👍🏻睇完環境就一定要點個餐食下啦！值得一提，啲侍應好有禮貌，服務態度一流呀，好細心確認我同朋友們嘅點餐！最後我叫左個蕃茄炒蛋濃湯通粉🍅，同菠蘿冰一杯！🍍落左單無幾耐，我點啲野就已經到齊了！可見廚師做野有效率，煮菜快靚正！👍🏻鍾意食蕃茄嘅我非常有要求🤔，茄通嘅湯一定要夠濃，咁有新鮮蕃茄煮就當然架啦，果然，呢度啲茄通無令我失望，十分之足料，啖啖都係蕃茄蓉，入曬味，上面個炒蛋更加無得輸🍳，滑到一個點！😱相信廚師應該有落到牛奶先會咁滑啦，果然製作認真！👏👏菠蘿冰非常足料，勁多菠蘿粒粒！多到我都差啲食唔曬呀！一啖熱辣辣嘅茄通，一啖凍冰冰嘅菠蘿冰，真係極上嘅享受呀！👼為食嘅我當然要偷食下朋友點嘅餐啦～佢叫左冰室意粉，哇！又係蕃茄呀！🍅‼️個意粉拍得住我個茄通呀，十分之入味之餘，仲有少少辣辣哋，非常香口惹味呀！食飽飽，同朋友吹一多陣水，就走了～今次一試真係回味無窮呀，

呢日真係好好彩a!!可以話係遇到食神呀!ԅ(♡﹃♡ԅ)以前我曾經都聽過朋友介紹話呢間荃灣既樓下冰室好好味!呢日咁橋係荃灣行街!行到肚餓就見到呢間樓下冰室~~睇落門面幾乾淨,經熱心既侍應招待後,侍應哥哥安排左我地座係卡位 ୧☉□☉୨ !個位置都真係幾闊落!可能因為個位好闊既關係,所以感覺上比起一般既冰室環境舒服好多（ﾉ´∀`）呢到仲有好多5,60年代香港特色既海報,果然配得上  冰室  呢隻字,冰室 呢隻字其實係起源梁啟超既書齋 飲冰室 ,而 冰室 呢隻字亦都透過 飲冰室文集 得以廣傳而 冰室 呢個文化其實由百幾年前既 1900s 一直連繫至今!為左可以更加體驗到當時冰室既飲食文化,我就決定左飲呢度既 懷舊紅豆冰!!!!而朋友就叫左呢到既 綠椰冰,兩杯既賣相都唔錯,紅豆量比預期多好多!! (ﾉ≧∀≦)ﾉ 勁足料a!!!!呢個紅豆冰真係勁好飲!!!仲要係好解渴!朋友既綠椰冰佢連番拒絕都唔肯俾我飲啖ಠ_ಠ,所以無試到,但係佢好快就飲哂!!我諗都應該幾好飲.....(ﾟ￢ﾟ)野食方面我就決定左食呢度既 冰室炒意粉 !!!而朋友就叫左 蕃茄濃湯通粉配牛乳炒蛋 ~~冰室炒意粉一上到枱就已經好香 (

今日黎荃灣諗住去一田掃貨～梗係要醫左肚先啦～本身諗住食意壽司..........但竟然執左無目標咁行...見到樓下冰室喎....本能反應就係OPENRICE下先@@評分唔錯!ＧＯＧＯＧＯ啦反正未到7點都算早~餐牌簡單一張過～看來蕃茄濃湯是必食之算友人叫左通粉+瑞士雞翼～前者熱辣辣~後者微暖~我叫左意粉+雞髀~前者係超熱辣辣~後者都係微暖D意粉多到嚇死人~湯底比較甜~缺少蕃茄既酸味~ 蕃茄蓉都無乜~炒蛋幾滑溜~有CREAM 奶味~可惜係唔夠熱同埋浸住湯上差左D~雞LEG夠巨!不過勉強熟~骨位仲有少少血水~瑞士汁夠甜夠濃~總結:全部都係卡位~但有D焗促既感覺~好彩無爆場~如果唔係應該好嘈~價錢合理~味道OK~ 湯夠熱!諗唔到食咩果陣都可以黎食下~

同屋企人去一田，經過食個晚餐先，要左個瑞士雞翼番茄通粉，咖哩牛腩飯。座位廣闊，坐得好舒服😌番茄通粉好濃嘅番茄🍅味，仲可以加辣！😋瑞士雞翼，唔錯！飯比較硬，一般。

已經唔記得第幾次黎樓下冰室諗唔到食咩好既時候就會去食最鐘意佢個蕃茄湯每次黎都必點今次黎食都唔例外打算叫鮮茄湯叉燒麵去到既時候接近1點但都唔洗等位但坐低左叫左幾次落單先有人理我地落完單野食好快就黎豬仔包今日稍嫌唔夠熱食落有少少硬同乾炒滑蛋依然保持水準抵讚主角登場蕃茄湯都仲係好濃郁仲有一粒粒既蕃茄飲落味道一啲都唔假叉燒都好稔但可能浸左落個湯到冇左叉燒既味道野飲叫左熱檸檬菜蜜稍微甜左少少但起凍冰冰既天氣下飲都覺得幾滋潤埋單都係$42冇加一都真係幾抵食

是日係相公壽辰 碰巧下午打算在荃灣買野 喜歡簡簡單單的我們 享受假期 來個Happy Friday Lunch先 樓下冰室 看到食評不俗 經濟實惠的樣子 加上同買野地點好近 就呢間啦 店子在路德圍那邊 不難找 （在地舖 而不是「樓下」啊）到店時下午1半左右 正值上班族午飯時間 人流不少 但幸運地找到了兩座位番茄湯通粉配牛乳炒蛋香煎雞扒 $48 牛乳炒蛋香滑 雞扒亦大大件煎得香 但番茄湯沒想像般「邪惡」通粉也有點過硬呢 同埋份量相對少 男的食 未必夠飽冰室炒意粉 $48 這道相對吸引 意粉炒得香口夠鑊氣 醬汁均勻 配料亦不少 有香腸豬扒番茄碎等 與上面的通粉同價 但非常飽肚 味覺與肚仔都滿足之選香港以番茄為賣點的餐廳愈來愈多 這裡的番茄系列味道不差 但相對吃過的 不至於深刻 同埋 食完後 非常非常口乾 這個扣了不少分數 所以 可以一試 但回味度真的不高了～～

先講佢個招牌雞髀 成層雞油係面 雞皮超肥 雞肉滷得唔錯 不過淨食有d鹹😂 可以話冇考慮淨食或配鹹食顧客既感受 😢另外個蕃茄湯通粉湯底太甜 懷疑係咪落太多茄膏 要有蕃茄既酸味都冇 通粉ok份量幾大 少少生既炒蛋 食落好滑 不過feel 到蛋入面牛油既膩 係香口既但都係少食為妙🤔本以為個多士賣相麻麻 味道都應該麻麻 😯但食落還好好脆呀個多士 仲配上牛油 半點乾都冇 抵讚😄

12/10/2017, 今日去開荃灣行街，街到攰想坐下，順便食個 下午tea, 便到這間冰室一試。入到去，地方企理整齊乾淨，有多張卡位， 1/2 人卡位都有，亦有多張大枱，坐落都好好坐，同埋咁啱下午客人唔多，坐、食都好舒服。叫了下午茶餐：吉列豬扒配薯角 + 熱檸茶 $37* 嘩~ 吉列豬扒好脆口，好正，好好食，唔太厚，厚道適中，好大塊，再加埋脆薯角，都有成10 條架，真係無得頂 (但好熱氣) 鐘意食炸野嘅朋友，一定要試下下次會再來的試下其他野食

茶餐廳喺香港係一件好普通嘅嘢嚟嘅，幾乎每一條街都會有，但係我想介紹畀你哋呢一間樓下冰室，名字聽起上嚟就好普通，但係食物非常有質素。                                                 昨日我同朋友無意中就嚟到呢到，我哋都叫咗你平時大家都會食嘅炒蛋番茄牛肉通粉，先講雞蛋炒得非常嫩滑 ，加上新鮮嘅番茄，牛肉鮮嫩，肉汁鮮甜，調味得好配合，將一個普通嘅通粉都做得咁出色，係有質素嘅師傅先處理到。               佢個鹵水雞翼，其他地方一定食唔到這個味道，鹵水材料嘅香，味道嘅濃，食得出係落足材料，鹵水汁將整隻雞翼都鎖住，又入味，雞翼肉質又嫩滑。               另一款蛋治加吉列豬扒沙律 ，雞蛋係用上盛嘅蛋，材料好加上師傅嘅手勢梗係好食啦。                          佢個吉列豬扒炸得非常鬆化，不會過火，咬開豬扒裏面啲肉汁好豐富，味道醃製得可口，外脆內軟，你一邊食脆卜卜嘅豬扒，一邊又可 食清新嘅沙律，口感非常豐富。 用真材實料炮製嘅上湯，濃郁雞湯浸在鮮嫩娃娃菜當中，非常可口。             叫得做冰室

蕃茄湯麵餐 (包埋雞脾)蕃茄湯雖然唔似勝香園嗰啲濃到好似漿咁🤔不過呢度既蕃茄湯飲落係特別唔同😳佢既湯好似係用上千千萬萬個🍅煲成飲一啖好似去左蕃茄海游水咁🍅🍅🍅🍅🍅🍅🍅🍅重點係冇落味精 所以飲完都吾會口渴👍🏻-炒蛋方便質素一般😂炒得太老啦唔滑🙆🏼🙆🏼甚至比m記早餐啲炒蛋更差🙃早知轉煎蛋😭-本身係跟通粉既 不過_ _ 痕所以轉做公仔麵🙄呢個係一個錯誤😭公仔麵係唔match蕃茄湯😂😂完全起唔到化學作用😭而且口感偏硬所以一定要配通粉😭記住呀😭-呢度既瑞士雞脾好腍超易切！😆不費吹灰之力就可以起肉👍🏻而且夠大隻又多汁😍一睇咁深色就知幾入味😌😏留意返🤔呢度既瑞士汁比較甜😬😬可能會有人認為太甜😂😂不過港式風味係咁架啵哈哈肉質唔會過老 又唔「鞋」最重要係大件夾抵食😋😋👍🏻 同北角祥發有得揮！😋-忌廉紅豆冰紅豆冰就見得多試問宜家外面仲有幾可搵到忌廉紅豆冰😚😌大大pat忌廉送上黎😳哇識飲一定撈混哂先飲好重忌廉味 紅豆好大大粒😍唔會太甜 正☺️👍🏻

今日同朋友去開荃灣，好耐之前已經聽講呢度噶瑞士雞脾好好味，今日有機會黎試下啦。 大概7點幾入到去已經差吾多滿座。黎呢度最主要系想食蕃茄湯通粉同瑞士雞脾，所以好快就點完餐。瑞士雞脾🍗大大隻雞脾見到都吸引啊，賣相都唔錯，雞肉夠入味， 味道唔會只停留系表面，瑞士汁濃郁。 平時我一般都唔會食雞皮， 但呢個瑞士雞脾噶雞皮食曬都唔會太油。特色蕃茄濃湯通粉配牛乳炒蛋 蕃茄湯底超濃郁， 果然無改錯名啊--蕃茄濃湯🍅🍅。蕃茄通上有一大舊滑蛋，浸左系湯度增加唔同口感。雖然好多蕃茄，但味道啱啱好，唔會太酸。厚切牛乳炒蛋治 個蛋治份量十足，好厚身， 大大份。 雖然系牛乳蛋治， 感覺也唔會太漏。紅豆冰紅豆冰系好多人噶童年回憶，黎到冰室茶餐廳一定要叫翻杯紅豆冰先， 只不過宜家要搵到杯有味道噶紅豆冰唔系咁容易。 今次呢個就唔會失望， 大半杯都系紅豆， 味道唔會過甜。 咖哩豬扒飯見到個咖哩豬扒飯有少少嚇親，份量足以夠兩個女仔食， 平時食噶豬扒飯最多都系得兩塊豬扒， 呢個就有成4，5塊。 份量驚人。每碟噶份量都好足，唔使驚唔夠飽啊， 而且價錢

Openrice 尋找有乜食，見有蕃茄湯通粉，炒蛋賣相吸引，就去試試冰室裝飾走懷舊路線，牆上亦有好多懷舊海報不過店內冷氣不足，本來係坐旁邊嘅卡位，但又焗又熱，剛點完餐已經熱到出汗好彩旁邊較中間卡位嘅食客剛走，轉左位先比較好。不過都聽到後面食客話覺得無冷氣蕃茄湯螺絲粉、瑞士雞脾、綠椰冰蕃茄湯非常濃郁嘅蕃茄味，可以加辣湯中有一舊舊煮到半溶嘅蕃茄肉，不過個人口味覺得蕃茄味比較酸，甜一點點會更吸引炒蛋跟蕃茄湯一齊上，蛋味被蕃茄味蓋過了瑞士雞脾非常入味，花椒味好香，不過有點過咸綠椰冰我都係第一次飲，以前從未聽過呢款飲品一半椰汁，一半綠豆蓉，拌勻飲落，又幾夾喎，仲有一粒粒嘅綠豆西多士、炸薯角西多切成一磚磚嚟炸，炸得好香。中間夾著有啲餡，不過⋯⋯其實食唔出係乜⋯⋯我估係花生啩⋯⋯炸薯角er....... 無乜特別，無加味（亦唔咸），係幾香口嘅整體嚟講，味道一般，正正常常啦不過勝在大件夾抵食，份量真係好足叫左2個蕃茄湯粉餐（一個跟雞脾，一個跟雞扒），一個西多，一個薯角，都係$160

要特意開一篇寫200幾字黎話一間鋪嘅服務態度，唔止係浪費我自己時間，亦係極其令人難以唔講粗口去完成篇野$%&話說下午到鋪買外賣，1.藕餅雞扒，2.肉醬意粉。見你地多人，就問聲要等幾耐，轉頭返黎拎。唔該冇聲、多謝冇聲都算（話晒有幫襯都係客，基本禮貌都冇？！）好啦，返轉頭拎。落錯單！！！大姐！！落錯單係你責任，客人覆左你兩次要藕餅雞扒呀！！！好啦，錯埋都算喇，等你換，你都講聲唔好意思都好掛！！！但結果係冇囉！！！仲話「黎緊架喇」！！黎緊！？黎幾耐呀姐姐！？我唔知你係咪老闆啦，如果唔係，麻煩你唔好倒米啦！！！如果係老闆，奉勸你帶點服務態度啦！！！

荃灣野食多就係人都知架啦, 但次次都係泰國野越南野, 今次就揀左間冰室食返港式野, 地方一啲都唔難揾呢, 都係A出口果邊果堆餐廳雲集既美食區。雖然係平日夜晚但都好旺場, 入去岩岩果一千零一張比我坐到好彩~~~ 以冰室茶記黎講佢裝潢都好新淨同清潔, 而且紅色梳化奪目之餘坐得幾舒服。見到周圍都係食緊瑞士雞翼/雞肶, 我又跟住叫埋一份, 跟埋佢個招牌蕃茄通粉, 淨係揀配料同小食都好多選擇, 配料可以揀健康既菇呀菜果D, 肉又可以揀叉燒 魚肉 牛肉 豬潤果D, 但我最後都係揀雞肶。特色蕃茄濃湯通粉配牛乳炒蛋 $48蕃茄通超大碗, 上面件滑蛋都好大舊, 因為浸左湯會無咁嫩, 但依舊蛋味濃郁, 但蕃茄湯果然名不虛傳, 好濃既蕃茄味, 蘊藏唔少蕃茄鮮肉係入味, 一D都唔會稀, 交足料, 味道天然得黎以蕃茄既鮮為主, 唔會落好多糖去中和蕃茄既酸, 不過都唔洗擔心會太酸, 我覺得岩岩好, 通粉都份量好多,最後我連啲湯都飲哂~主角瑞士雞肶出場, 驚喜度比起蕃茄通更高呢!!!! 瑞士汁濃郁之餘, 味道完全滲入左雞肶肉, 每一啖都品嚐到瑞士汁既香濃, 佢瑞士汁果種前濃後甜令人回味, 雞肉嫩滑亦係賣點之一, 完

After shopping hereby, my friend brings me here to have a tea set. The tomatoes soup is very nice I would say, it full with tomatoes pieces and quite creamy. You can taste a little bit sour and sweet for that. Together with the eggs and pasta, it just amazing.  And the swiss sauce chicken leg also not bad, but a little bit salty for me. The black coffee is nice as well.