樓下冰室 (已結業)

呢排多左機會去荃灣食lunch，原因無他，因為要接女友放工丫嘛😄接完順便醫肚再去行街街。今次就黎呢度試下風評唔錯既蕃茄通粉好好彩唔使排隊，一到就入得，不過入面坐得迫迫地，行路轉身都有啲困難話明係黎試蕃茄通，咁梗係一人叫一份，唔使爭丫嘛。湯底的確係幾鮮甜濃郁喎，而且仲有好多蕃茄碎，其他餐廳未必有架；至於其他野食就普通啦，炒蛋係幾滑，不過火腿同個包就凍凍地囉女友最鍾意飲湯，見佢將個湯底ko哂就知呢餐正啦；隻雞脾都好好味丫，瑞士汁滲哂入啲肉度，食得好滋味今餐真係又抵食又好食丫，絕對可以放入口袋名單🤩

平日經過路德圍就已好多食府林立多選擇到不得了，每次放工時間過去都見樓下冰室要排隊入座，今日放工唔算攰所以就走去排隊試一試，係門口已經盤算應該叫咩食好入到去位置需然有少少迫但不竟係間有裝修嘅茶記已經算好好，坐底就要叫個招牌蕃茄通個湯底勁香濃like爆，再配個瑞士雞脾朋友就叫個吉烈豬扒配蛋治，個賣相就一般但一攞上手食係厚蛋治個豬扒夠脆唔太乾，晚飯又點可以少咗杯飲品，跟餐半價就可以轉特飲好低呀，一杯紅豆冰一杯鮮菠蘿冰爽呀如果我家樓下都有咁高水準嘅茶記就好啦。

搬離荃灣已經一段日子，有一間冰室食物仍然好掛住，佢嘅招牌蕃茄通粉同瑞士雞翼，今日我專程返嚟呢度回味下，招牌菜果然係招牌菜，風味仍然保持優質水準。雙拼番茄通粉牛乳炒蛋牛肉豬潤＄48 端上枱已經聞到香濃蕃茄味道，佢嘅蕃茄湯底鮮甜清香，牛乳濃香四逸，炒蛋滑滑捋捋，牛肉汁豐盛，夠曬咬口，豬潤蜜甜爽滑，整體配搭一流。瑞士雞翼三隻＄30雞翼肥大嫩滑，由面層到內裏都能做到幼嫩蜜甜，火路均勻，自家調製嘅瑞士汁，獨門秘方，大師廚藝冇得輸。炸海鮮芝士豆腐＄32 個名已經好吸引，能做到皮脆內嫩，當你輕輕咬下去，濃烈嘅海鮮甜味配濃香芝士，再加上軟滑豆腐混為一體，立刻湧進你的口腔滋味無窮。金橘檸檬蜜＄16一杯 食過香口食物，飲返一杯檸檬蜜 真係一大樂事。蒜蓉牛油脆豬仔包＄16佢嘅蒜蓉包都做得頗出色，值得一試再試。

成日話荃灣有好多好野食，今次地膽朋友就帶左我去呢間"樓下冰室"。距離荃灣地鐵站大概3-4分鐘路程，係路得圍，位置都唔難搵，食飯時間夜晚七點幾，外面已經見到有2至3人等緊，好彩我地兩個人，等左大約5分鐘就有位啦！餐牌挑選都算幾多，都係一般嘅番茄湯底加蛋再配粉同餸（＄48），我朋友就選擇左番茄通粉加蛋配雞翼（＄48），我就叫左番茄通粉加蛋配雞翼，再加鮮牛肉（加＄8，＄56），小食方面叫左焗芝士西蘭花（＄36），蒜蓉牛油豬仔包（＄16），再跟餐叫左兩杯飲品，菠蘿冰（＄11）同酸梅甘桔蜜（＄11）。番茄通粉味道好rich，而且亦都見到有番茄粒粒，算係足料，味道唔會好強番茄醬味，炒蛋都好香牛油味，不過分量就好似只有一顆蛋。瑞士雞翼係佢哋嘅招牌菜，果然係明不虛全，一上到黎已經好香，雞翼嘅皮好上色，食落又唔會話好硬好老，皮亦都好輕易撕開，瑞士汁嘅味調得好好，唔會淨係得個甜字。如果可以有碗飯真係一流！焗芝士西蘭花都好cheesy，啲芝士可以拉絲咁嘅，分量都可以，不過芝士味唔太重。蒜蓉牛油豬仔包嘅蒜蓉味好惹味，如果可以有啲蒜粒就更好啦，豬仔包都算脆架！菠蘿冰好fresh亦唔會太甜，想清下口嘅朋友可以選擇

這間位於荃灣的餐廳，地理位置十分方便！而裝修亦不錯，當日點了一份雞翼，一份炸雲吞，番茄通粉和台式肉燥飯。前者雞翼很大隻，後者炸雲吞新鮮炸好，味道不錯，喜歡韮菜餃的朋友可以考慮。至於番茄通粉，超乎意料之外，附上炒蛋，推介！在對面福來村的純住宅區裡，路德圍餐廳的出現實在為居民帶來不少便利，款式亦有不少選擇。餐廳環境來說，非常寬敞，設計舒服，而整潔程度中上。至於價錢方面，以常餐來說，$40一個招牌蕃茄通粉，這也是跟市區其他餐廳差不多。喜歡紅豆冰的朋友，也可以試試這杯甚多紅豆的兒時飲品！

好耐之前黎食過呢間樓下冰室（主打蕃茄湯粉麵既） 今晚收工又想食蕃茄湯底🤤🤤所以帶媽咪再黎食！！我推介佢食個蕃茄牛乳炒蛋湯通粉 佢話見到唔洗加錢可以轉做螺絲粉😝特別d wo😝 好啦🤣咁我自己食翻蕃茄牛乳炒蛋湯通粉啦☺️🤤🤤 除左濃湯通粉 仲配有一個小食既！佢既瑞士汁我記得都係好出名既 所以我地要左一個招牌瑞士雞脾 同瑞士雞翼😋😋 個通粉一上就已經有好濃既蕃茄香味 食落一d溝左茄醬既感覺都無 好真材實料！！仲有好多蕃茄蓉係入面 每一啖都好似食緊好多蕃茄咁🤤我媽咪教其實女仔應該食多d蕃茄架 抗氧化又對皮膚好d架😏😏😏 （我即刻成碗湯都飲哂！😂😂) 牛乳炒蛋大家真係要食 好滑又好多！大家樂既早餐可以ignore。。。🤷‍♀️ btw佢份量其實係好大碗架 一個女仔未必食得哂 所以$48仲有雞脾 我覺得係超抵👍👍講番個雞脾先！佢用自家製既瑞士汁煮 甜甜地又唔會話好漏 煮到成隻雞脾好入味又幾嫩滑！最好既係餐廳有餐紙放係枱面 我可以包住成隻雞脾用手食 好滋味😝😝😝個雞翼原來係雞全翼黎架！有兩隻！出面通常都係俾得雞中翼 可見呢間係良心小店👍我地仲叫左個芝士焗西蘭花🥦熱辣辣送上黎 佢d芝士片溶係西蘭花上面 包

今日叫左個lunch餐，諗住會快d啦。點知等左最小35分鐘都未有，剩係得杯野飲！！（已經吹左幾次）等到1點58分同佢講唔要。埋單果陣仲要收番我地杯野飲錢！有無搞錯？？就算野食幾好食都無用啦。大家以後都唔好光顧啦！！垃圾既服務態度........我都未同佢計等左咁耐時間，竟然同我計番杯野飲，雖然杯野飲唔係貴，但有無諗下我地等左幾耐時間。搞到最後要自己出去買野食！如果你做唔切可以講，成日都答，整緊/黎緊！食蕉啦🍌

荃灣真喺多嘢食到不得了，今次嚟左呢間懷舊裝修嘅冰室食下午茶，因為比佢門口嘅banner嘅兩樣嘢食吸引左：蕃茄濃湯同埋瑞士雞冀。坐低發現呢度樓底夠曬高，佢加左啲懷舊feel嘅欄杆同埋窗做成假閣樓效果，都幾得意。兩樣都叫左，瑞士雞冀先上枱，熱辣辣，略帶甜味瑞士汁真係好正。跟著炒蛋加牛肉嘅蕃茄濃湯米線上枱，想講啲炒蛋好滑，可以一啖蕃茄湯一啖炒蛋咁食，覺得自己健康左。飲品要左杯少少冰嘅話梅柑桔檸蜜，酸酸甜甜好醒神。

今日一早出去荃灣睇傢俬，行到兩點超肚餓，等食晏黃金時間過左至揾食，行去最多嘢食嘅路德圍，睇下成日想試嘅樓下冰室有冇位，因為次次行過呢頭都見好多人向門口等位，而今日咁啱俾我入到去仲有靚位坐添；蓮藕餅雞扒飯，叫左少飯走汁，但嚟到D飯都係正常多，唔知無叫少飯，D飯會唔會仲多呢？！我走左汁，所以D飯啖啖都係純蔥油香味，超愛，蓮藕餅及雞扒都煎到外層脆卜卜，味道唔太鹹，正所謂食到雞有雞味，豬有豬味，只係略嫌個蓮藕餅唔多蓮藕；餐飲＋左10蚊轉新鮮菠蘿冰，原價＄22，叫左少冰，黎到都係覺得正常多，同樣菠蘿一樣多，真係用新鮮菠蘿整㗎，有別於其他餐廳用罐頭菠蘿，好fresh嘅感覺；同場加碼焗芝士西蘭花，全碟由上枱到食哂都係熱到飛起，因為油係可以鎖住溫度，D油向邊道嚟？米向芝士道囉，D芝士好多，一D都唔孤寒，食到落碟底都有大劈芝士及芝士油，$36好抵。

今日星期六，難得放假，好想食茶餐廳呀！見荃灣呢間好似好多人推介，專程由中環搭地鐵來試！（原來由中環搭去荃灣真真真真係好遠！）1:30pm左右來到，好彩唔洗排隊！看見佢的午餐好似幾吸引，所以就點這個！不知從何時開始愛上了喝啡走 （即咖啡以錬奶代替花奶)。但這杯啡走不夠香濃，可能太大杯了吧！友人點了凍檸茶，OK啦！蕃茄湯牛肉螺絲粉： 很難得整碗粉都很夠熱！加了很多分！而且上面有garnishing，好有心思呀！螺絲粉亦煮得剛好，不會太軟太稔，藉得一讚！可惜牛肉是用梳打粉醃了很久那種，沒有牛肉應有的質感和味道，所以有點失望。蕃茄湯夠THICK，味道剛好。蕃茄湯豬潤公仔麵： 豬潤很稔！下次一定會選這款代替牛肉！火腿牛乳炒蛋加蒜茸牛油脆豬仔包： 蒜茸牛油脆豬仔包焗得很脆，喜歡蒜茸的朋友一定喜歡。牛乳炒蛋有點點蛋腥味。今次來的目標是瑞士汁雞脾 （$28，要獨立點）：完全沒有失望！瑞士汁不會太鹹，仲好香甜添！雞脾煮得很入味，肉質也很好，火候剛剛好。下次一定會再點！ 

再次來到這間樓下冰室，因為在荃灣有些工程完結，然後坐下來檢討一番🤔。想不到，星期五晚上，人流竟然還有那麼多😯，甚至乎，將近11時，大家也在門外等位。難道是因為天氣冷了，大家都想吃些熱湯粉？不算極之肚餓，但還是點了個鮮茄滑蛋螺絲粉。味道普通，其實這個蕃茄湯螺絲粉，越來越像大埔或元朗的名店蕃滿門，但是其實蕃滿門在各區已經有分店，例如大角咀的大食代美食廣場。螺絲粉未算極林，蕃茄湯越來越不真實，茄膏多於鮮茄。最主要，都是想起他的瑞士汁，這個套餐配兩隻瑞士汁雞全翼，友人表示味道太甜，但是我覺得還好，最少肉質不算乾，內裏保留點肉汁，熱到出煙，然後再點一些碟上面的瑞士汁，就更加好吃。後來選配特式飲料，也只是半價優惠，點了個話梅柚子，酸鹹均半，潤喉健康。

荃灣 樓下冰室 素食蕃茄濃湯意粉$40話說呢日特登過黎行spao 因為我同我朋友都係住將軍澳所以好小特登黎荃灣🤡又唔知有咩食既情況之下就search open rice🍽見到呢間樓下冰室既蕃茄湯好出名 所以就一齊去食啦我呢就叫左個素食蕃茄濃湯意粉🍝感就有翠玉瓜 菇 菜 粟米 南瓜意粉既份量都夠既👍🏻話明濃湯 緊係試下個蕃茄湯先啦講真 我覺得蕃茄味唔太足 有啲淡 無想像中感有蕃茄味同個隻濃度有啲失望😟😟再試埋隻蛋 都算幾滑既同索左啲蕃茄湯 係唔錯既😄其實$40既份量算唔差 但個蕃茄味真係唔多濃😐

頭先去食，叫個員工拎個煉奶，點知老闆娘唔知係咪老闆娘，為左個煉奶鬧員工，點解要額外比客人，真心覺得d員工好難做，又比說話我地聽，點解食多士要點煉奶去，個個口味唔同，你一係就唔好比，為個咁dd煉奶係度鬧自己d員工，新年流流就咪咁小氣啦！

有一天傍晚和我先生到荃灣近福來邨路德圍的樓下冰室品嚐晚餐，見到佢是一間模仿香港舊式地道冰室佈置的懷舊式餐廳，但店內提供的食品依然多以時代餐款為主，比人好有親切感。。而當晚我們叫了個金牌咖喱牛腩飯是牛腩咬落軟身充滿香口咖喱，焗芝士肉醬義大利粉是靚肉醬加滑身意粉、澳式脆脆豬扒飽、忌廉紅豆冰及新鮮菠蘿冰飲品等，嘢食十分可口。食過都想再來過，我們均能飽肚滿足。加埋餐廳內設施既有懷舊氣氛，又不失新式設計佈置，因此坐落雅座亦舒適。

天氣咁凍，要食番啲熱氣野，所以去搵有熱湯既粉麵。黎到想食個蕃茄湯，搵位過程行過見到啲咖喱又好似唔錯喎！於是兩個人我地一份茄湯一份咖喱飯。蕃茄叉燒米線比想像中好，覺得都幾夾，雖然本身係想食米粉，但米線比米粉粗，反而唔會畀蕃茄浸過龍。配既豬仔包就因為遲左食凍左唔係咁好味，火腿冇咩特別，炒蛋就幾唔錯！咖喱牛腩就係偏港式咖喱，唔太香，不過牛腩同薯仔都唔錯，牛腩唔會韌呢，薯仔有炸過下。牛腩係午餐跟餐要左蕃茄湯唔要茶，湯正常稍為偏重dd口味，估係因為本身啲湯係用黎配飯麵。感覺全間餐廳菜式既味道都偏豐富，鍾意清淡既可能唔太岩。比較唔好係繁忙時間搭台兩個人坐一邊幾逼下，啲台本身較細張。