樓下冰室 (已結業)

咁平時就食開番茄通，咁今次就同老友試下其他野。我地就叫左個咖哩牛腩飯同埋冰室炒意粉，咁個賣相就雖然唔係好好睇，但味道就唔錯先講下個冰室炒意粉，佢就好重呢個番茄味，啲雞肉同番茄味完全混和，有啲似薄餅上面咁既雞肉feel,而且佢既雞味又保持到。而咖哩牛腩飯，佢既牛腩都算易入口，唔會話太韌，咖哩既味道入口果下feel到小小辣，但入到口又唔會話好辣，姐係好似我呢啲唔食得辣既人都食到，咖哩味都算香口。總括而言，除左番茄通，都仲有其他唔錯既選擇，有機會經過都會再食。

尋日一早起身跳舞，點知8號風球，食完早餐又訓過，一訓訓到4點幾，同男友出荃灣行下都傍晚6點，但剛訓醒無耐點食晚飯，行左陣搵男友無下午茶餐散叫啦，“樓下冰室”出名蕃茄湯，又有其他小食就呢度啦本來叫左個蕃茄炒蛋通$32，再叫公司治，店員姐姐一味話唔抵，叫我地叫另外一個餐$38(蕃茄炒蛋通+小食薯條/雞翼……）男友仲咳緊，叫左蒜蓉多士拼火腿奄列，跟餐野飲半價，我叫左綠椰冰(開邊綠豆椰汁冰）$22 即$11可以啦，男友叫即磨咖啡，點知咖啡機剛壞……，改左華田，咖啡/奶茶/華田……呢堆茶仔飲品一般$12至$14，呢度$16好貴呢諗住食少少野行下，8點半左右食晚飯，野食黎到有點驚，因為我一個人好肚餓都唔會食得晒，仲要唔要求其，真係幾唔錯下，蕃茄湯無咩罐裝茄膏味，炒蛋有落奶，係咪3.6我就唔知啦，多士熱同脆，成塊都有蒜蓉牛油，本時我食茶仔奄列食2啖就想嘔，因為太多油好似油泡，呢度蛋皮煎到金黃同乾身，正呀！

專營番茄湯底的樓下冰室在幾年前已經在荃灣開立，當時候開始已經有很多人慕名而來，就是為了品嚐他鮮濃的蕃茄湯底這裏都是沙發位，確保每位食客都坐得舒服，而且樓底高，令現場環境感覺不會太擠迫一起床到下午二時都未食飯，很餓這份的份量太多了，非常實惠而且每一口都食到有肉和番茄碎，味道很新鮮，絕對不是一般在外面吃到的來到這裏必定要品嚐番茄湯底通粉，果然蕃茄湯底一飲就知道是新鮮熬製出來，而且飲完湯底後都不會覺得口乾和朋友一起分享瑞士雞翼，非常入味，而且肉質非常鬆軟熱話梅柑桔蜜不是到處都有，如果喉嚨痛非常適合飲用

男朋友雖然成日陪我食西餐食日本菜，但我都明白男人的浪漫係茶餐廳，今日準時收工就去荃灣接佢放工，陪佢食佢推薦ge茶餐! 來到餐廳大約7點左右，晚飯時間餐廳差唔多滿座，好彩岩岩趕得切入到最後一個空置ge二人卡位。一入到來望到Ｄ裝修好懷舊，唔係殘舊果種，而係睇得出店主想做出仿舊的感覺，黃色牆壁和掛畫都有八十至九十年代的色彩，我好像覺得曾經在當年的電影看過的熟悉感。大概，這就是男生喜歡的浪漫吧。第一次食當然要試招牌菜－－蕃茄濃湯通粉配牛乳炒蛋，另外加了一塊吉列魚柳。蕃茄湯底濃郁，但不會很酸，味道偏鮮甜，絕對不是罐頭蕃茄湯味，我覺得湯的調味做得很好。而牛乳炒蛋一如所料的非常香滑，吉列魚柳炸得香脆，魚肉也嫩滑。看似很普通的茶餐，但這麼簡單的菜式，卻可以做到讓客人覺得好吃，才是高手呢。男朋友點的另一個招牌菜－－瑞士汁雞脾，另配沙律及蒜蓉包。我吃了一口就明白為什麼會是招牌菜了，雞脾肉質鮮美，瑞士汁帶有濃濃的香草味，大概是獨家秘方，非常惹味。蒜蓉包也烤得鬆軟，難得的是沙律也沒有交行貨，薯仔蘋果沙律感覺很新鮮。另外點了芝士焗西蘭花。一碟西蘭花淋上滿滿的芝士，份量足料，很好吃也很飽肚的。 飲品方面，我們點了

今日放工約咗老公食飯 落咗成日雨 仲要黃雨吾係好想去好遠地方食野 留反係荃灣食野 口淡淡又想食啲開胃嘅野 所以揀咗蕃茄好出名嘅樓下冰室雖然係六點半咋 但埸內已經幾乎冇哂位餐牌寫住不含味精 已經係好大個加分位喇佢嘅招牌菜係蕃茄濃湯通粉同埋瑞士雞翼/雞脾 因為成日過黎都係食呢個 所以今次試下其他焗芝士西蘭花芝士味唔算太濃 忌廉汁滲透每個西蘭花 西蘭花吾會太淋芝士焗肉醬意粉意粉軟硬適中 好入味 但吾會過咸瑞士雞翼配蒜蓉牛油脆豬仔包及粟米雜果沙律瑞士汁滲透係雞翼中 好香好入味 吾會好咸同有苦澀味 話梅柑桔蜜酸酸甜甜好開胃 清涼解渴新鮮菠蘿冰用咗新鮮菠蘿肉吾係罐頭菠蘿 菠蘿肉份量都多 消暑解渴

個瑞士雞脾好正啊！好大隻！大隻但個肉仲係好滑啊！個味道甜味足夠啊！好輕易就撒開個雞脾！啖啖雞好正！而且好入味啊！除左雞皮係有好靚既豉油色！個雞肉都好上色！好好味啊！除左個雞脾都要食下飯先夠！所謂就叫左個雞扒蓮藕飯啦！雞扒係炸過既！好香脆而且唔會油！雞扒都有好好俺過！最正係個蓮藕肉餅！有粒粒好脆既蓮藕粒！個肉餅有點彈牙！又夠味！好食啊！本身怕好dry !但原來飯底有豉油！又可以加蔥油食！夠哂汁！叫左個綠椰冰飲！綠豆蓉加左椰汁好正啊！Fresh 得來又夠哂甜！

路經此地揾食，見那麼多人排隊等位，便去試一試！店內坐得密密麻麻，好有舊式茶餐廳feel, 連水牌都令人不禁緬懷一番！Menu首頁標明"不含味精，原味主意，用心製作"，我便放心的點了蕃茄濃湯米線，誓要喝盡蕃茄湯！蕃茄濃湯米線除了可配牛乳炒蛋外，可加配其他餸與蛋一齊炒，我選了菠菜，呢個配搭又幾特別！說回湯底，是預期的濃郁度，酸甜鹹度適中，好開胃！另點了招牌瑞士雞脾，瑞士汁食得多，呢度既瑞士汁濃得來唔會太甜太鹹，入味的肉質很幼嫩，果然是招牌美食！厚蛋三文治真係好厚！沙律就是經典的罐頭什果混卡夫沙律醬，夠洒懷舊。已經唔係好多茶餐廳有菠蘿冰，罐頭菠蘿的懷舊風味已將近失傳啦，夏天飲真消暑解渴！

貓貓今晚食左好好味既冰室。呢間冰室有懷舊風情，環境幾舒服，有細個同daddy食飯既感覺。貓貓見到番茄湯底通粉，貓貓個嘴已經失禁。中間有個炒蛋，好好味。番茄湯底煮得夠熱，食左好耐溫度都保留到。而且湯底勝在夠濃，啖啖都係好大既番茄味道，落重料，貓貓濕左個嘴。再配個豬扒食，好豐富。通粉加豬扒，都係48蚊。貓貓自己食，食到勁開心。粟米沙律。啖啖都有水果，好fresh好清爽。加埋沙律係凍既，好啱依家呢個好熱既夏天食。同埋沙律份量都算多，幾值得貓貓食。貓貓要過一個健康人生，所以order左個熱既話梅柑吉蜜。潤一潤成日濕曬個嘴既貓貓。好養生，又唔會太酸。食完番茄通，再黎個柑吉蜜，貓貓好滿足。野食都滿足到貓貓既要求，正唷！

每次lunch time 經過樓下冰室都好多人，今次我記晏少少去啦！星期四下午兩點去到，lunch人潮依然未退，但好彩搵到位聽聞呢度最出名係雞脾同蕃茄通，我緊係點黎試下啦！瑞士雞脾Size幾大隻！ 一見到佢嘅色,同埋有點骨肉分離嘅狀態，就知佢鹵嘅時候好夠。果然無令我失望！ 皮固然係入口即溶，雞脾肉亦夠嫩滑同入味真係忍唔住用手拎起隻脾，大啖大啖咁食先夠爽！蕃茄濃湯通粉，再加$8牛肉意想不到嘅係牛肉都幾多，肉質算唔錯蕃茄通真係名不虛傳！！！勁足蕃茄，係食到好多蕃茄肉，湯係好濃而無「假」或味精嘅感覺！牛乳炒蛋好滑！ 如果鐘意蕃茄湯底嘅人真係唔會失望！吉列豬扒、厚切牛乳蛋治拼粟米沙律成碟有張枱咁闊，個蛋治勁厚身，朋友食完已經覺得6成飽 沙律有好多菠蘿同粟米吉列豬扒炸得很脆，皮薄唔乾身點左杯招牌飲品綠椰冰原來係綠豆加椰汁，差唔多有1/3至1/2綠豆蓉，椰香味濃。咸檸7欣賞嘅係一罐7喜自己慢慢加，但咸味唔夠，變左檸7...呢間冰室人流旺，但食物質素不減，係真心好食嘅平價美食！！

去咗依間餐廳食。一去到坐嗰個位都心知不妙。喺廚房隔離。走廊位。熱到一個點。啲座位密到肥啲都坐唔倒。環境太擠迫了吧?!叫咗蕃茄蛋通配瑞士雞脾。好多蕃茄好濃郁。唔會好酸。個蛋好滑很不錯通粉食落唔會稔到爛晒。但碗嘢超熱。食到底褲都濕埋。。。差啲。個脾都幾大隻好多肉。唔會好鞋又唔會有好多肥膏。瑞士汁好好味。係食開嗰種味。另外叫咗個豬骨湯蛋通配火腿滑蛋奄列烘多士。豬骨湯通一般般。多士就稔稔吓咁。火腿奄列就好好味。入面唔會乾晒。佢啲蛋係整得幾好。再單點個瑞士雞翅。全隻啲肉都一樣唔會好老結論係環境焗促。食到氣促。汗流成河。同瘋狂食雞同蛋。蛋同雞食人全家嘅一餐。不過食物係好食嘅

朋友話呢到既蕃茄湯好出名，放工就同媽媽去試下蕃茄湯底好清甜，好食到我飲哂d 湯，食完唔會口乾，炒蛋滑。吉豬close up. 好soft 好juicy, 個人極推。勁大隻瑞士脾！仲大過塊豬扒，勁入味！中意食雞脾既真係唔好錯過呀！！原本以為係雞中翼，點知係雞全翼。炸得好香脆，但有少少乾，略遜於吉豬同雞脾。有d似打邊爐既芝士豆腐丸，炸得岩岩好，完全唔乾，一咬落去d芝士bit哂出黎好多新鮮菠蘿！超甜！出面好少會有，跟餐半價，幾抵飲呀鋪頭裝修幾靚，好多卡位，唔會話太迫，如果想食建議早少少去，因為都幾多人食呢

黎到荃灣，想食下簡單野。經過呢間冰室，網上人人讚雞脾，就黎試一試望了其他食客，好多人都order瑞士汁野。甘就呢度的皇牌試下。佢個蕃茄湯可配不同小食，但最抵玩當然係雞脾好入味又大隻的雞脾！皮也很滑，真係值得一讚 蕃茄滑蛋意粉就正常野，意粉不算多。滑蛋意粉配雞脾，承惠$48大洋，唔算好平，飲品半價（$9 凍奶茶）另外叫了個午餐「豬扒沙律」，炸豬扒幾鬆脆，沙律都ok，係個豬仔包比較淋身。$45 連飲品。整體黎講不過不失，坐位比較逼，雞脾和雞翼真係

琴日一個人去咗荃灣食晏，跟住走去做gym經過一間以前好想食嘅茶餐廳但係次次都好多人喺門口排隊，甘啱今次見佢冇人喺門口排隊一於走入去食個午餐先，以前已經好想食佢嘅番茄通粉同埋瑞士汁雞脾，今次梗係要嗌啦瑞士汁雞脾，一黎到已經聞到佢嗰個瑞士汁味道好濃，切開食裏面雞髀嘅肉鮮嫩多汁而且非常入味，佢嘅雞皮完全比個瑞士汁滲入晒然後叫左個番茄濃湯炒蛋通粉，番茄湯真係好足料好甜好夠蕃茄味，唔會好似平時係啲連鎖餐廳食嘅蕃茄通用水溝道淡晒，炒蛋都啱啱好唔會全熟有啲蛋漿係面撈埋落啲蕃茄通粉度嗰個配搭真係一流茶餐廳梗係唔少得凍奶茶啦，呢間餐廳唔止佢嘅食物出色而且凍奶茶都係咁出色一個餐加杯野飲都係40幾蚊唔怪得知佢平時食晏時候排晒長龍啦。

是日需要快食，但又唔想亂食，搵間快靚正茶記類就最合適。上網查了一下，這間好評不俗，離港鐵站亦不算遠，是你了！蕃茄湯底是主打，不用多想是選它了，可以選擇不同的配料，我選了瑞士雞脾，不過不包括飲品，要另外半價加購。熱辣辣的蕃茄湯螺絲粉上桌，可以選擇通粉螺絲粉意粉等等，再包括炒蛋。滾燙的湯底，很濃厚的蕃茄湯，是介乎醬與湯之間的層次，入口茄味濃郁，茄醬茄膏還是新鮮蕃茄倒也分不清了。炒蛋調味不錯，不過因為在茄湯太滾燙的關係，炒蛋慢慢變得老了一點。雞脾很入味，瑞士汁很適合重口味的人，因為是偏咸的瑞士汁。雖然入味，但肉質算滑，很不錯。雖然吃得快速，但這頓晚餐很滿足～

我其實都幾鍾意飲湯，食湯麵，湯粉之類嘅食物，因為我真心享受飲湯嘅時候，所以一聽到朋友話呢間茄通好正，所以即刻嚟試下。一食就知：真心好夠濃見到碗湯好紅，心入面都覺得應該係正嘢，第一件飲一飲嗰下就覺得佢真心濃，一啲都唔稀。真係重蕃茄味，又有蕃茄蓉，一啲都唔係假茄湯。而且啲通粉軟弱好適中，再加上個滑蛋，炒得好滑，食到有加牛奶，而且好有蛋香。必食！另外，值得一讚嘅真係佢嘅瑞士雞翼+雞脾，因為係真係好入味。當你切開入面，會見到啲肉都會有啲瑞士汁嘅色，而且好夠味，絕對冇欺場。我覺得雞翼同雞脾都好食，兩個感覺好唔同，所以下次都會叫曬。講真，性價比高啦，加埋$22嘢飲先係$122，食個晚餐邊到都要呀！