樓下冰室 (已結業)

今日放假 係荃灣接朋友收工 被我地搵到間餐廳食蕃茄通 仲要無添加任何味精 天然健康之選6點左右 餐廳都開始慢慢多人我揀咗呢到嘅招牌 蕃茄濃湯通粉配牛乳炒蛋 再加配招牌瑞士雞脾 蕃茄湯底真係非常之濃郁 食吾吾會口渴 真係冇落仼何味精 好味到我飲哂d湯 炒蛋亦好滑 雞脾嘅瑞士汁好濃郁 仲要淡淡肉 啲肉嫩滑 仲要好入味添另外朋友叫咗鮮茄牛肉配意粉牛肉好嫩滑 意粉軟硬適中 蕃茄汁又係非常之濃郁仲要好多汁 真係好好味 估吾到整得咁出色 好味過好多茶記

半夜睇完戲未食飯， 就去咗樓下冰室食宵夜，叫咗個粟米忌廉雞扒配司華力腸飯~ 分量非常充足， 雞扒十分柔嫩司華力腸亦非常入味粟米忌廉汁撈飯一流，再配上一杯熱檸蜜感到非常滿足。

荃灣區越來越多野食，路德圍係其中一個美食集中地，有大眾化既食肆，又有掃街小食，餐廳酒樓茶餐廳咩都有，今次食呢間冰室招牌菜係蕃茄蛋通粉同瑞士雞脾，聽落只係好簡單普通食物，但其實煮得好食真係唔係咁容易做到，呢間樓下冰室開業已經有一段時間，但人流一直都陸續不絕，原因好簡單食物好食係主因，見在場食客枱面多數都係瑞士雞翼、雞脾，蕃茄通粉，果然係招牌菜，唔係浪得虛名。蕃茄抄蛋麵湯底香濃，抄蛋滑溜，好好食連d湯都飲埋，瑞士雞脾好大隻，瑞士汁香甜濃郁連肉入面都入晒味，上枱時熱騰騰真係好美味因為太美味既關係所以再叫多份瑞士雞翼先夠喉囉😋

都幾耐冇班幾個兄弟朋友出黎聚聚啦, 十年不見, 一定要CALL CALL佢!!!大家約左起荃灣等, 貪佢方便又可以食個糖水之後有個兄弟講話想懷舊一下, 喂大佬, 我起邊搵樣懷舊野比你, 佢話冰室囉....搵OP先, 好彩有間叫樓下冰室, 我兄弟問, 下, 我樓下冰室, 我問佢, 你果到邊到有冰室啊(講笑Mode)7點半已經好多人等位, 因為好多評價都話唔錯可以睇到張相爆滿甘濟 , 因為真係好多人, 仲要冇得預約架...冇位就要等,似平時去食茶記望落餐牌都唔係好貴咋wo, 推介蕃茄通粉, 好特別架咩? 我一於就叫呢個,哈哈再加多個炸海鮮芝士豆腐我兄弟就叫左個咖哩牛腩飯鮮蕃茄通粉+豉油脾  =$48好抵蕃茄通食落好鮮味, 因為餐廳講明用鮮茄, 好通紅好新鮮食落酸酸地, 好開胃, 味道調較得唔錯, 唔會太酸令人冇胃口炒蛋好嫩滑, 加少少蕃茄湯汁, 味道一流通粉彈牙海鮮餅, 食第一啖真係估佢唔到, 以為好dry, 咩都冇, 你錯啦咬落中間有芝士拉絲, 海鮮味反而食唔到, 但係芝士味就幾濃我兄弟個咖哩牛腩飯, 我偷左d黎食咖哩味濃, 唔會好辣, 岩哂香港人口味仲可以食得出少少椰汁味, 好正牛腩好

荃灣路德圍不嬲出名多野食，今次去搵食，誤打誤撞，入左呢間冰室食，好食到我男朋友話下次要再黎encore🤪🤪😋😋入黎之前，門口已經貼晒餐牌，同埋推介既食物！蕃通😍岩晒我呢個茄怪！我就叫左個蕃茄通粉，加豬肝，配個招牌瑞士雞脾😋加埋先$56，加杯熱飲就$8另外，佢個通粉可以轉螺絲粉，意粉，米粉。。湯可以轉豬骨湯。不過我就冇揀到，揀返佢推介既配搭。賣相已經好吸引！！我碗蕃茄通嗌左小辣，對於我食開譚仔五小辣就岩啦🤣🤣🤣佢啲通粉仲會好有咬口，而且佢d湯既分量係絕對夠一啖通粉一啖湯😋不過我男朋友個碗就唔夠啦，因為我成日偷飲佢d湯😂😂😂個滑蛋！真係好好食！好滑！應該有落少少牛奶，好香架個蛋！好食！夾埋蕃茄湯very good🤤豬肝一d都冇腥味，唔會干爭爭👍🏽👍🏽👍🏽食得咁上下，先黎我隻雞脾🤤好perfect仲可以熱辣辣咁食。好d滷水汁一d都唔孤寒，而且雞脾好大隻！！😋😋今餐食得好滿足，已經諗緊幾時下次再黎食啦😂😂

香港有好多唔同地方都有好多特色冰室，有啲價錢好平，但係有啲就好貴，其實樓下冰室已經聽過好多次，但係都未試過，所以今晚收工就同女朋友黎試下。入到去有啲裝修都幾懷舊同幾特別，雖然我自己年紀唔係好大，但係都勾起左唔少嘅回憶，尤其是上面呢一幅圖，我記得當年我都有去荔園玩過，都係咁樣掟磚仔贏香口膠。原來呢度出名嘅係蕃茄通粉同瑞士雞翼，所以我哋就點都要試吓招牌菜，叫咗個滑蛋番茄通，佢可以揀辣或者唔辣如果辣就分為大中小，佢哋強調嘅係不含味精，我飲落去好鮮甜個湯底，啲通粉硬度適中唔會太淋，二啲蛋好滑好好味。之後叫咗個芝士焗西蘭花，佢啲芝士係面頭焗完拎出嚟熱辣辣，好好味，佢加上白汁同埋芝士一齊混和係啲西蘭花入邊，每一啖都咬住好濃嘅芝士，芝士控嚟到必食。最後梗係要試吓佢哋嘅招牌瑞士雞翼，佢個質料好甜，雞翼好淋，同埋啲雞肉好嫩滑，平時食雞翼好多時候都會黐住啲牙，佢呢啲唔會咁樣，啖啖肉好好味。

雞髀出場，個頭不錯，看起來也是感覺飽滿汁水鮮美入味。實際也是如此顏色雖然深但是外表不鹹，內肉也細嫩入味將香濃郁。炒蛋放在湯面，嫩滑的蛋，配合酸湯外觀也是很讚。Yeah

首先來杯忌廉紅豆冰，一大劈忌廉在杯上，本來好擔心會很重牛奶味，不過似乎沒有這個問題。紅豆都很軟林，有點舊冰室的味道，不會太甜他要了杯綠椰冰，他說椰味幾重，微微甜帶有點綠豆味蕃茄濃湯通粉，中間有一小炒牛乳滑蛋，撒了些香草在面頭，一聞就好濃香的茄味

.第1次黎食樓下冰室一直都聽講呢度最出名既緊係佢既蕃茄通毫不猶豫就叫左牛肉配鮮蕃茄湯通配脆豬同炒蛋火腿 飲品$$42個蕃茄湯真係幾濃應該落左幾多茄膏仲配有粒粒蕃茄粒🍅但通粉就略為過淋似浸左好耐如果轉用扭紋粉相信會更好食因為可以吸多d蕃落湯牛肉稍嫌有dd韌但分量都唔少脆豬係配牛油同蒜蓉但係如果配奶油就更加滿足啦炒蛋有牛乳香味 尚算不俗火腿無煎過 總括黎講常餐價錢味道都ok要注意呀呢個餐供應到晏就6點當下午茶食都ok

聽聞荃灣路德圍間『樓下冰室』啲番茄炒蛋通、同瑞士雞脾好正...就嚟試試睇吓有幾正先！呢日喺平日星期四...嚟到大慨成19:00...吾洗等位！我哋order咗一個蕃茄炒疍通粉跟吉列豬扒($48)，同一個蕃茄牛炒蛋米線跟瑞士雞脾($56)，冇加一...兩個人埋單總數$104。瑞士雞脾唔錯...但味道較鹹！蕃茄通炒蛋同米線個湯底可以選辣或(原味)不辣！我哋就揀咗原味...都okay呀！蕃茄味好濃又吾怕酸！個人覺得如果嗰餐加多幾蚊可以包埋餐飲就perfect！

奶奶成日煮蕃茄薯仔湯，搞到老公死都唔肯陪我食主打蕃茄湯通既樓下冰室，萌塞到死根本就唔同屋佢食開既蕃茄湯直至尋日叔仔話佢知樓下冰室既咖哩牛腩飯好好味，突然間又話放工去試下，男人都可以好善變既然嚟得我諗都唔諗就揀咗蕃茄湯通配瑞士雞翼，個湯真係好濃，唔止茄膏仲粒粒蕃茄，炒蛋夠滑，雞奕夠晒入味又唔會浸到啲肉霉晒老公點既咖哩牛腩飯又真係超好味，個汁夠香辣，好似巴基斯坦咖哩，牛腩足料唔會筋多過腩眼寬肚窄叫埋個麻辣脆雞粒（$38），冇乜麻辣味，但炸得都夠鬆脆，仲有肉醬薯角（$36）好香既蕃茄肉醬，芝士鋪滿面，薯角都焗到好似薯蓉咁鬆軟加（$11）就有杯冰，我揀懷舊紅豆冰貪有成座山既忌簾，同埋可以俾婆仔補下血，紅豆足足佔咗半杯，甜度適中。老公貪得意叫咗杯綠椰冰，味道偏甜，綠豆蓉去晒衣，口感軟綿綿

今日同細路兩支公， 放工喺荃灣搵嘢食 ，門口見到佢嘅招牌蕃茄通粉，好似好吸引於是就去試下。先睇餐牌種類都很多，價錢亦抵食，我們點了一客牛扒腸仔飯，番茄通粉再加二客瑞士雞翼 ，忌廉紅豆冰及鮮菠蘿冰蕃茄通粉，夠熱， 湯味鮮甜，上面放了嫩滑的炒蛋，分量很大，一個男人都夠飽牛扒腸仔飯，呢個係細路嘅至愛，黑椒汁及時菜伴碟，賣相都不錯至於值得推介係瑞士雞翼，瑞士汁畀一般鹵水汁較甜，味道剛好，而雞肉亦很嫩滑，沒有浸過龍嘅感覺 忌廉紅豆冰， 很懷舊 。鮮菠蘿冰，整碎啲菠蘿一齊飲特別，好fresh呀！

年近歲晚工作非常繁忙，於是和拍檔到附近醫吓個五藏廟才回公司搏殺，見到樓下冰室個餐牌都好啱我哋嘅條件，價錢實惠，又不需要花太多時間，呢個都好配合我哋。我叫咗一個牛肉蕃茄濃湯通粉配牛乳炒蛋加瑞士雞翼$56。蕃茄濃湯夠香甜，，零舍醒胃，牛肉肉質豐富多汁，炒蛋有極濃嘅牛乳味滑捋捋，更優勝仲可以配兩隻肥嘟嘟大大件嘅瑞士雞翼，這個汁液調配得頂呱呱，呢個餐食得好豐足。，我拍檔叫咗一個葡國辣沙甸魚燴螺絲粉＄48。份量同樣大size，有豐富嘅鮮茄汁配上辣味沙甸魚，非常開胃，螺絲粉煮得非常爽滑，盡收鮮茄汁同沙甸魚嘅精華好惹味。，餐後我倆加配兩款飲料。新鮮菠蘿冰＄22套餐＋$11。用新鮮嘅菠蘿切粒製成零舍清甜鮮味，不同別家用罐頭菠蘿嘅相提並論。檸檬菜蜜＄18套餐+$8。大大片嘅檸檬，飲得出係優質嘅食材，香氣零舍清爽配上甜潤嘅菜蜜，呢個咁乾燥嘅天時最啱飲。

今日收工同住係荃灣嘅同事一齊食飯，發現呢間有style既冰室。一入到去見到樓下冰室招牌，再望一望餐廳嘅裝潢，真係幾乎合主題。四圍都有好多舊式海報同擺設，而且餐廳樓底夠高，所以上半部分都裝修左啲欄杆同假窗，一坐低就真係有置身樓下冰室既感覺。同事叫左一份招牌嘅番茄濃湯通粉配肥牛，一黎到就已經聞到好香嘅番茄湯味，我都忍唔住試左一啖，番茄味非常濃郁，而且仲有好多番茄蓉係湯入面，好有口感！番茄甜得黎亦都有少少酸味，好開胃，於是我再試埋通粉同蛋，蛋煮得好嫩，唔會好老，而且好有蛋味，完全冇偷工減料！通粉煮嘅時間啱啱好，唔會過稔，保持返通粉彈牙口感，加埋個湯配合得天衣無縫，真係冇得輸！我自己就叫左個瑞士雞脾配蒜蓉牛油脆豬仔包同粟米雜果沙律。首先，隻雞脾份量十足，好有肉地。雖然隻雞脾咁大隻，但係依然好入味，瑞士汁滲透曬成隻雞脾，每一啖都食到瑞士汁嘅香濃同甜味！而且一咬開隻雞脾，入面仲好有肉汁，食到瑞士汁之餘又食到雞肉嘅肉味，肉質都好幼嫩，唔會煮到老曬！沙律同蒜蓉豬仔包都好足料，沙律入面有好多新鮮生果仲有椰果，誠意十足；至於豬仔包嘅蒜蓉都好厚，食落有好香嘅蒜味，豬仔包外皮脆得黎唔硬，包身仲好鬆軟，非常滋味

星期五放工同同事去荃灣行街食飯基本啦(˶‾᷄ ⁻̫ ‾᷅˵)雖然荃灣多野食，不過番完工梗係唔想立食啦，行行下見到有間叫「樓下冰室」嘅餐廳，個名幾得意就入左去食啦。 入面嘅裝潢真係好「樓下」有假嘅欄杆係牆上做番樓下嘅感覺😂雖然係冰室，不過唔係普遍懷舊嘅裝修，反而好新好乾淨，座位都夠大好舒適。我叫左個炸豬扒set，跟沙律同蛋治，再叫左杯未試過嘅綠椰冰。本身驚可能會唔夠飽，不過原來個set份量十足！比我預期大好多份好多！😍大大件豬扒同手掌咁厚嘅蛋治！豬扒炸得好脆，肉又唔老，好好味阿！🤤仲有個蛋治真係好厚，超多滑蛋！ 同事就叫左個瑞士雞脾，係招牌菜。食左佢一舊肉，的確係好入味，肉質又夠嬓，連雞皮都滑阿！👍🏻飲品就叫左綠椰冰，原來係綠豆加椰汁。綠豆係蓉黎嘅，不過大間有細細粒嘅綠豆，好有口感！而份量一樣係好足夠！有大概半杯嘅綠豆蓉阿！啱曬鐘意食綠豆嘅朋友！一定會再黎食同試埋其他招牌菜式