樓下冰室 (已結業)

今晚同媽媽去撐枱腳起荃灣行左陣街後，去左樓下冰室食dinner之前都食過一兩次lunch，味道都幾好今晚又早所以唔洗等位，原來lunch同dinner menu係一樣不過唔緊要，我就係想食佢個招牌蕃茄濃湯今次叫左蕃茄濃湯湯飯，配牛乳滑蛋，加配左肥牛蕃茄濃湯依舊濃郁，湯入面有一片片既蕃茄，食下食下好快就飲哂個湯估唔到湯飯都幾好食，飯粒索哂湯汁，正！肥牛唔會太肥，食落好滑媽媽要左蕃茄通配吉列魚柳，魚柳炸得金黃香脆，裡面魚肉好滑，外面唔會沾太多粉去炸，好食多左隻瑞士雞脾，食落唔會太甜好入味，裡面既雞肉都充滿瑞士汁，雞肉又夠鮮嫩加多左個什菇娃娃菜，上湯幾好飲菇同娃娃菜都幾fresh幾好食

荃灣呢頭好多餐廳, 天氣熱熱地, 想食D開胃野, 行過呢間樓下冰室見到大大個蕃茄LOGO吸引到我, 原來呢間餐廳出名蕃茄湯粉麵, 仲講明冇味精添, 入去試下先~裝修好有冰室FEEL~分別叫左蕃茄濃湯通粉跟招牌瑞士雞脾 - $48, 焗芝士肉醬意粉 - $50, 瑞士雞翼配蒜茸牛油脆脆豬仔包及栗米什果沙律- $52, 奶油脆豬仔包 - $16, 加左一杯野飲凍話梅柑桔蜜- $11 (原價$22, 跟餐半價)蕃茄濃湯通粉跟招牌瑞士雞脾 - $48, 蕃茄湯底真係好濃蕃茄, 有新鮮蕃茄肉, 好清新醒胃, 通粉唔會煮得太淋, 岩岩好, 仲配滑滑牛乳炒蛋, 一流!通粉連湯清晒, 但食完冇口渴, 所以真係冇味精架, 瑞士雞脾熱辣辣, 多肉汁,睇得出有幾新鮮, 瑞士汁個味好濃。焗芝士肉醬意粉 - $50, 肉醬夠多, 份量夠大, 條條意粉都混有醬汁, 意粉唔淋有口感, 芝士焗得好香, 由底至面都好熱。瑞士雞翼配蒜茸牛油脆脆豬仔包及栗米什果沙律- $52, 鐘意食雞皮就食瑞士雞翼, 但我個比軷鐘意雞脾多D, 要推介呢個餐個蒜茸牛油脆脆豬仔包, 夠蒜茸牛油味, 好香脆。 沙律有薯仔, 加分! 奶油脆豬仔

又到月尾....糧尾的日子, 所以不能再食貴西, 但可以繼續食好西!放工後到荃灣覓食! 因荃灣的餐廳出名多平、靚、正!聰明如我, 為了節省腳骨力, 已上openrice看有什麼好西~最後冠軍佳麗是---樓下冰室。 原因很簡單, 因為他們的炒蛋看起來很美厚切牛乳炒蛋治 ($20)第一次來要每款都試嗎~ 雖然是晚餐, 我都想試試這蛋治厚切真的是厚切, 我估一件三文治已用了2-3隻蛋, 超足料!瑞士雞翼 ($30)是3大隻雞全翼喔~~~浸的時間剛好, 既入味, 又不會煮得過老, 不錯呢!焗芝士西蘭花 ($36)很港式的一充道焗芝士西蘭花, 上面的芝士像粟米湯加芝士但份量不小, 西蘭花又煮得剛剛好, 中規中矩啦~蕃茄濃湯螺絲粉 配 炸韮菜餃子 ($48)蕃茄濃湯味道不錯, 夠蕃茄味, 雖然主要是茄膏, 但比沒味的較好~而上面的炒蛋都沒有令我失望, 真的是超滑呢至於炸韮菜餃子就有點失望, 用的不是雲吞皮, 皮厚所以不夠脆!忌廉紅豆冰 (+$14)雖然賣相一般, 但味道不錯~紅豆冰的奶超香, 加上忌廉, 滑度即時上升! 加上不會太甜凍柑桔檸蜜 ($22)意外地咸...味道其實不錯的, 朋友說有消炎

今晚早早收工返到荃灣食飯搵間平平地又好食既餐廳朋友提議去食樓下冰室之前一直都想去試 但都見有好多人排隊就冇食到今晚早收工終於可以食到雖然係local冰室設計 但都好潮同幾幾文青Menu選擇都幾多 有飯有意粉有通粉一場黎到 緊係要叫呢到既招牌通粉我要左蕃茄濃湯通粉配牛乳炒蛋$48湯頭果然好濃郁唔似出面食既水汪汪呢到既湯係飲得出濃濃既蕃茄味而且有蕃茄肉通粉唔會浸到淋哂仲係幾彈牙炒蛋真係食到牛乳味 又滑又香幾surprise加配左個黑椒牛排份量都幾多食落有牛味又唔韌肉質鮮嫩用黑椒煎得幾香口朋友叫左咖哩牛腩飯$48牛腩唔會有筋 食落幾淋咖哩汁香濃唔辣下面仲有薯仔我叫左咸檸七好好飲朋友叫左紅豆奶茶好大杯 茶味好濃紅豆同奶茶好夾

樓下冰室大件、好味、抵食！今日同爸爸一齊黎荃灣買野入貨！荃灣區家品真係平好多啊！行完一輪就搵地方休息！經過見到樓下冰室唔洗等位！餐牌又有野岩食！就入去坐lu！其實我地都唔係好肚餓..只係好想坐…所以只係叫左一個餐！瑞士雞翼配蒜蓉牛油脆豬仔包同沙律！加埋個餐飲綠豆冰！大約五分鐘就上齊野食lu！綠豆冰勁大杯！重有好多綠豆！綠豆煲得好林！加埋椰奶好好味！瑞士雞翼兩大隻！仲要勁入味！蒜蓉牛油脆豬仔包勁厚身！外面好多餐廳個包都紙咁薄呢！加埋蒜蓉牛油勁香！食落脆卜卜！仲有大大兜沙律有蘋果、青瓜、同蜜桃！我地兩個人食一個餐都覺得好飽lu！總括：餐廳環境乾淨企理、食物品質良好！大件夾扺食！出餐快！服務良好！我會再來的！

今次嚟到荃灣嘅樓下冰室去到餐廳門口餐牌呢餐牌一係就已經夠餐牌上最吸引目光既就大大碗番茄湯粉見到已經心郁郁想食雖然未係食飯高峰期但係都好多人餐廳入面食緊野好彩等左一陣已經有位一坐低打開餐牌諗都唔使諗即刻帶咗個番茄湯通粉餐係可以去好多種唔同嘅小食今次我就揀咗配吉列豬扒餐飲就嗌咗杯紅豆冰另外再加多個瑞士雞髀落單唔夠5分鐘啲嘢食已經嚟咗個番茄湯又香又濃 完全享受到番茄嘅鮮香味另外蕃茄湯通粉上面有一個分量十足嘅香滑炒蛋 成為蕃茄湯通粉一個唔錯嘅點綴另外塊吉列豬扒炸得好香好脆 個皮薄薄地 唔會好厚得啲粉 再配埋酸酸甜甜嘅沙律醬 香嫩嘅肉質 為呢個清淡嘅蕃茄湯通粉增加左新鮮感 最後當然唔少得杯紅豆冰啊 味道唔算太甜 而且份量十足 好多紅豆 而且椰汁味都好重添！另一個招牌菜式就係瑞士雞髀 肉質鮮嫩 味道濃得來又唔會太咸 真心推介食咗咁多嘢都只係100幾蚊有找 真心好抵食！

有個朋友住喺呢間冰室上面，嗰日去完佢屋企聚會之後，就一齊去咗呢間冰室食晚飯。佢之前已經試過，佢特意推介我試吓佢嘅番茄湯，因為佢嘅番茄湯係冇添加味精，而且味道比較清淡，啱晒啲唔鍾意重口味朋友。成間餐廳嘅裝修都好懷舊，入到去座位都好闊落，環境感覺幾舒服！由於我嘅朋友推介我試下個番茄湯通粉，我地叫左一個瑞士雞髀配嫩滑炒蛋番茄湯通粉，價錢（$48）亦都好合理。瑞士雞髀大大隻，而且入晒味，入味得來又唔會太咸。雞髀既肉質嫩滑，而且包住晒啲肉汁，加埋啲碟邊既瑞士汁，非常juicy！番茄湯食落去感覺好天然，唔似加左味精，而且有好多番茄肉喺裏面，加埋滑嘟嘟嘅炒蛋，非常之夾！如果跟餐叫埋嘢飲都只係飲品嘅半價，不過如果鍾意番茄湯嘅朋友，飲佢個湯都唔使再叫野飲，因為飲完唔會口渴，想慳返杯野飲錢都仲得！至於朋友就試咗佢個冰室炒意粉（$50），佢有別於一般嘅茄汁炒意粉，因為佢加左好多蒜，加埋茄汁一齊炒，真係好惹味！加埋蕃茄蓉一齊炒，真係好食過普通茄汁燴意粉！

同朋友行荃灣行到攰攰地，搵間企理茶餐廳坐下，食下野傾，見到呢間叫「樓下冰室」，門面見佢干干淨淨，坐得舒服即刻入去試下😆！打開menu好大隻字寫住「不含味精」，老實說出街食野周圍都係味精🤔，今餐終於可以食得健康😁😁！叫左好出名既瑞士雞翼配豬仔包和沙津，個豬仔包焗完咬落好脆口，好香濃既牛油蒜蓉味！瑞士雞翼好出味，食到停唔到口，同出面食既好唔同，食完唔會口渴，真係無落味精😆！之後嚟個冰室炒意粉用料豐富，口感十足，不過份量唔算太大！腸仔用左幾種口味，香脆可口，一口份量😁！薯角即叫即炸，熱辣辣外脆內軟，小食既不錯選擇👍🏻！飲品仲可以半價，忌廉紅豆冰，有滿滿既紅豆，飲落啖啖紅豆絕不吝嗇，d cream好滑。綠豆冰都係勁足料，啖啖綠豆口感豐富！2個人埋單$200都唔洗！

蕃茄勝地！ FIF今日去左荃灣搵朋友玩，玩完想食d比較清淡既野食 粥又太清，所以諗起呢間食過幾次既蕃茄勝地－樓下冰室 蕃茄勝地最出面緊係蕃茄湯底。所以FIF同友人都叫左蕃茄湯飯 朋友就配瑞士雞脾，我就配百頁豆腐同豬潤。 一上台，真係超香蕃茄味，而且仲有茄肉，淡淡蕃茄濃湯配上白飯，真係好正啊！而我揀既豬潤都好爽滑，百頁豆腐都好彈牙。 我就偷食左朋友既瑞士雞脾，店員好貼心問洗唔洗斬件上！真係好warm！ 瑞士汁好香，雞脾又好滑。 所以我地再叫多3隻瑞士雞亦～我地完全估唔到係全亦，超正！ 瑞士汁一樣咁香～鍾意食雞脾定雞亦都係睇你自己，但個瑞士汁就無得彈啦！ 我地仲叫左炸薯角同上湯浸娃娃菜 炸薯角脆得黎入面又夠juicy～加埋薯汁就prefect池！ 上湯浸娃娃菜，唔止有娃娃菜，仲有唔同既菇～清甜又爽口 最後！我地仲叫左杯紅豆冰，係經典既茶餐廳飲品～ d紅豆夠綿！紅豆冰都好正～ 本身樓下冰室都好出名，所以都唔少人嫁～ 如果你鍾意蕃茄，一定要試～

有一段時間冇嚟過食番茄麵，朋友話想食，一於嚟荃灣食個晚餐。但我今晚想食意粉🍝，好彩呢度選擇夠多，有港式炒意粉，番茄醬勁開胃當然唔少得呢度嘅招牌瑞士雞髀，我一向鍾意食雞髀多過雞翼，因為一定滑啲。保持一貫水準，勁大隻勁滿足 大啖大啖食🍗又平又食得滿足嘅晚餐，如果我住荃灣，一定經常嚟食野💖另外第一次試肉燥雞翼飯，估唔到肉燥好好味，味道比台式淡味，但不失色，可以食哂碗飯。除左招牌蕃茄 都可以試下其他都唔錯啊！

係網上搵到呢間主打蕃茄既餐廳，今日特登由屯門出荃灣拜會下今日星期四晚做孝順仔陪媽咪出街食飯，第一次試<樓下冰室>。平日夜晚都勁多人，雖然唔洗等位，不過見到入面keep住坐滿人。先講環境，坐得好舒服，環境又靚。同埋佢會有呢d掛係到既餐牌，好得意呢到主打蕃茄，咁就緊係諗都唔諗叫返個試下呢個set價錢合理，又可以配小食，加飲品又有半價一黎點左杯<話梅柑桔蜜>，酸酸甜甜，勁解渴開胃正媽咪叫左<綠椰冰>，佢對呢杯野讚不絕口，話好飲過特別過紅豆冰推介主打到喇<蕃茄濃湯通粉>，真心好味好濃蕃茄味，加埋d滑蛋，好夾加配左牛乳蛋治。一黎到，我地都嘩左一聲，d蛋勁厚，又好牛乳好滑，誠意蛋治今次試個咖哩牛腩飯，唔太辣，不過好香咖哩味另外叫左< 瑞士雞翼>，好好味好濃味，真心食上引如果你係一個蕃茄控/蛋控，就一定要黎荃灣呢間<樓下冰室>試下價錢平民，質素好

今日假期約左成班朋友雀局，雀局前食個午餐先，叫左份招牌咖哩雞飯，絶對係好難食，有點酸味，雞又唔好食，我老公叫左份芝士肉醬焗意粉，都係一般，態度及衞生情况都不錯！

2018.4.26今日荃灣剪完髮，等埋老公收工去食晚飯，醒起琴日路過路德圍有間食蕃茄出名的茶餐廳，於是一齊去試下呢間《樓下冰室》門口餐牌價格平民化，而且菜式亦以蕃茄為主，對於我呢個蕃茄迷就好吸引！門口裝潢都不錯，入內坐底一看環境都舒適，而且紅椅子顏色都好搶鏡，令人好易聯想到蕃茄打開餐牌選了一輪，當然要叫它們最出名的蕃茄濃湯通炒配牛乳炒蛋啦，我叫左個套餐仲可以選跟個吉列豬扒；另外老公個餐就跟配豬潤同菠菜芝士；而且我們仲叫了個炸薯角同瑞士雞翼！餐飲方面就試左個話梅柑桔蜜！我個碗係招牌蕃茄濃湯通粉配牛乳炒蛋。個炒蛋真係好嫩滑，同個茄通超夾，蕃茄濃湯真係好濃好甜，真係好茄味！而通粉質感亦不會太粉爛，我應為粉度適中。老公個碗係加左豬潤的，但豬潤略嫌過熟過老氣，不夠爽嫩滑！另外仲加左菠菜芝士，原來係會加入炒蛋中一起炒，所以好特別，但咁樣配搭炒埋一齊又幾好味，蛋依然鮮嫩，但就多左分芝士味，芝士係可以牽出絲來，配搭菠菜亦十分夾，好正跟餐配的吉列豬扒好大件，完成無偷功減料，炸得亦好脆口，豬扒肉亦好腍口仲要成份餐只係$48，好超值。個瑞士汁雞翼$30有三隻，都好大隻下，價錢亦十分合理，個瑞士汁亦都好味。老

荃灣食午飯其實都好多選擇㗎，今日去到樓下冰室，佢嘅午餐有好多款選擇，價錢都唔算貴。座位好多，全部係卡位，坐得舒服，又唔駛等位。呢度嘅招牌菜係蕃茄濃湯，反正天氣開始熱，成30度，食湯粉麵都好。點咗一個精選午餐$42,有蕃茄濃湯米線，配豬潤，同埋火腿、牛奶炒蛋、餐包，加$10轉特飲，揀咗綠椰冰；同事就點咗黑椒牛扒腸仔飯$ 46,餐飲可以揀餐湯，都係想試下個蕃茄濃湯，佢另外再點多一杯紅豆冰22。綠椰冰裏面的綠豆蓉已經煮到好粉， 連椰汁一齊飲，椰汁味香濃，加上綠豆嘅清淡香味，變成椰汁綠豆糖水，又有粉粉的口感，好清爽，咁熱天氣飲舒服晒。紅豆冰，紅豆都算多，相對起綠椰冰，紅豆冰就會甜啲同埋多啲奶味，更加香，好鍾意飲香甜味，下次我都會再點紅豆冰呢！蕃茄濃湯，原來裏面咁多料，番茄夠多不特止，粟米蘿蔔粒都好多，每一啖都有豐口感，好重蕃茄味，酸酸地，但也不會過酸，餐前飲一碗，好開胃，果然係招牌菜式！推介！番茄湯豬膶米線，可能因為煮咗湯米線的關係， 湯的味道比起就咁一碗蕃茄濃湯會淡啲，但係相對又會多咗甜味，因為加咗豬潤落去煮，令湯變得鮮甜，又係另一種食法。米線滑捋捋，唔會煮得太淋，豬潤仲係好爽口，係煮好咗湯

三條友係荃灣打完波開餐，見到球場斜對面呢間冰室夠晒就腳，極速選完係度開餐。黃金開飯時間，都坐滿晒人，等左兩張枱度就入坐。餐牌好多選擇，一坐低大家餓鬼上身咁款喪點，又點飯又點通粉再點埋小食。大媽的浪漫，夜晚唔食飯會隊自己個胃唔住，所以點左的咖哩牛腩飯。個咖哩好食，椰汁同咖哩味拎到平衡，咖哩味香而濃稠，牛腩索晒啲香濃咖哩汁，而且腩多筯少，真係好正！份量亦好大兜，不論飯定咖哩牛腩量多到滿瀉咁濟，好味又抵食再泥個招牌蕃茄通粉配瑞士雞翼。個通粉量多到核爆，夠兩個人食，蕃茄湯底味濃，唔係茄膏加水煮開果隻，食到係茄味濃郁，係用堅蕃茄煮出黎既鮮，所以食每啖通粉都連湯呷。跟餐仲有，不得不推個瑞士雞翼簡直係驚喜中既驚喜！好多茶記都係俾中翼，呢度係全翼上，仲要係兩隻，咁重本，此為其一。其二係瑞士汁鹵得超入味，完全係由內而外徹底滲透入隻雞翼入面，雞肉亦無只鹵得耐而肉散哂，非常正豆，力推之作由是個瑞士雞翼咁正，所以群情洶湧想點埋個瑞士雞脾encore下，一樣係咁正，同瑞士雞翼既鹵法一樣，完全均勻咁鹵得透徹，成隻脾每處都係俾瑞士汁虜掠左，啖啖肉夠嫩滑，又係正點兒之選。出街食飯又點少得炸物，點左個炸之工豆腐同炸餃子