樓下冰室 (已結業)

今日有嘢做嚟到荃灣~決定搵間餐廳醫下肚~樓下冰室過咗午市時間都好多人~證明質素一定有番咁上下水準!樓下冰室個logo用左蕃茄做主題~以蕃茄湯通最出名。但因為今日我唔係好肚餓，叫一個蕃茄湯通一定唔會食得哂~ 自己又想食佢地出名既瑞士雞脾~又想飲一大杯凍既話梅柑桔蜜~ 所以蕃茄湯通都係下次再試~!!原本午餐有得揀要個瑞士雞翼餐~再加沙律同蒜蓉豬仔包~只不過貪心嘅我都係決定要個瑞士雞脾餐~隻瑞士雞髀好大隻好多汁~呢到煮得好入味~切開咗仲見到啲白煙出緊嚟呀~唔會好似出面啲雞髀咁整到又乾又硬~!好正啊!! 個豬仔包都好好食~蒜蓉味~但唔會整到好油~個沙律咩生果都有啲好清新~一個餐有齊澱粉質蛋白質同纖維~好BALANCED~個話梅柑桔蜜好大杯好好飲喺個杯入面真係見到粒話梅 飲完喉嚨好舒服我走嗰陣都係座無虛席~臨走嗰陣見到一大班年輕人個個都嗌咗蕃茄湯粉麵食~搞到我都有D心郁郁想試下~啲座位夠闊落坐得好舒服~侍應回應好快好有禮貌~值得encore黎試個蕃茄湯~第一次見到有胡椒粉樽係可口可樂樽好得意!!

得閒經過路德圍都會去食下嘅樓下冰室😌😌佢地d蕃茄濃湯真係好出色🤩🤩好多茄肉！所以次次去食都必叫😂今次都唔例外，叫左：蕃茄濃湯螺絲粉配瑞士雞脾（$48）隻雞脾好大隻！！！食完都飽咁滯😂🤣螺絲粉配蕃茄perfect match 😍蕃茄濃湯公仔麵配吉列豬排 ($48)炸豬排好好食，又大件！抵👍🏻👍🏻我個人覺得呢個湯配公仔麵真係冇得輸😍面頭仲有滑蛋真係好正！下次仲想試下食其他野食，樣樣都好似好好食呀！

依間樓下冰室係我返工附近，想試好多次都無機會，今次一個人食終於可以試下。蕃茄湯底好濃郁，應該用左唔少鮮茄熬製。相比起蕃x門更有茄味。炒蛋都好嫩滑，一啲都唔老。整體黎講性價比都幾好不過環境就一般 因為餐廳座位較迫夾，枱凳之間好窄，坐得不太舒服。

樓下冰室星期六，森仔緊係去遠少少食下好西，獎勵下自己。講到遠D既荃灣，森仔有2間餐廳真係十分十分十分鐘意的。每次去荃灣，都會想食。其中一間就係樓下冰室。E間冰室都算幾大，同時亦會儘量比D舒適位置客人。就茶餐廳而言，真係算裝潢同設計得幾好!!不過講到茶餐廳、冰室，最重要既除左價廉，緊係要物美，即係食物好味啦!E間冰室，正正做到E樣野。講反我的最愛套餐---「茄湯螺絲粉套餐」冰室好貼心，為了滿足不同客人的口味，給予好多選擇比人自由配搭。例如﹕鹵水雞批、鹵水雞翼、薯條、西多、豬八、魚柳等等。森仔下就去食，緊係叫午餐---「牛肉茄湯螺絲粉套餐」套餐包括牛肉茄湯螺絲粉、牛乳炒蛋、火腿、奶油豬、餐飲牛肉茄湯螺絲粉—E個真係值100分。茄湯夠濃，仲可以比鍾意食辣的朋友自由選辣度。我當然選中辣=]]]]真係好正，仲要可以比你選意粉、通粉、公仔面、螺絲粉同飯。真係冇得彈!!!!牛乳炒蛋﹕好滑同好有牛乳味，NICE!!!令人食指大動。火腿﹕正常野，題外話，見到人可見叫火腿同牛乳炒蛋，合併為火腿奄列，亦都好吸引。不過，個人愛牛乳炒蛋多D。奶油豬﹕這個亦都好正，夠脆口，亦不再甜，岩晒減肥朋友。餐飲﹕佢亦有好多

今天和朋友去餐廳吃午餐。餐廳提供沙發坐位，坐得較舒服。番茄濃湯意粉配牛乳炒滑蛋：番茄湯底味道甜酸道適中剛好，不會太酸或太甜，幾好飲，炒滑蛋幾滑，不錯。意粉也夠淋。話梅柑桔蜜：鹹鹹地甜甜地幾好飲，也可以選擇熱飲或凍飲。火腿奄列配蒜蓉多士：蒜蓉多士烘得夠燶夠香，也夠蒜蓉味，不錯。火腿奄列份量夠多，抵食，只是略嫌有少少油。瑞士雞翼配薯角：瑞士雞翼不愧為這間茶餐廳的招牌菜，甜甜地非常好食，薯角炸得幾香，也夠熱，挺好吃。2個人吃叫了這麼多，埋單才$135，價錢合理，跟其他普通茶餐廳差不多，不過食物質素就比普通茶餐廳好，特別是它的瑞士雞翼。值得一提的是，侍應的服務態度很不錯，我和朋友點餐時諗左陣，侍應也沒有不耐煩或催促，態度友善。

今日我哋一家三口，去試下新嘢，呢間 “樓下冰室” 都頗有特色，好有懷舊嘅感覺，而且佈置簡約，大中細卡位為主，坐得舒服。呢杯柑桔話梅檸蜜，真係超正，飲完喉嚨痕都會好番，出面一般茶餐廳有唔到!瑞士雞翼，瑞士汁小小甜，雞翼好紮實，唔會因為浸得太耐瑞士汁而軟綿綿，入口雞肉 仲好有彈力!咖哩牛腩，好有水準!咖哩汁少少辣沒有加椰奶，好啱我心水牛腩炆得很“淋”，很柔軟，肉質一絲一絲，而且成個碗都係牛腩，唔會有太多薯仔或牛筋，啱曬我哋呢啲食肉一族!牛扒腸仔飯，牛扒都算厚身， 食落去牛扒味豐富 ，黑椒汁堅係辣，但配上牛扒味道真係好夾!呢個價錢同附近嘅茶餐廳都係差唔多，但味道確實勝一籌，值得介紹畀朋友!

位於荃灣路德圍呢間樓下冰室，每次放工時間都見到人山人海排曬長龍，等位食飯確係十分苦惱，呢排天氣又熱又翳悶真係好難頂！前日難得橫風橫雨，六點零鐘經過時後居然唔使排隊，終於有機會試下佢嘅招牌蕃茄通粉啦！先點了一個鮮菠蘿特飲，配套餐原來只需半價！呢個菠蘿冰用上新鮮菠蘿而且份量十足， 唔似得罐頭菠蘿完全沒鮮甜味道，確係清涼恩物！招牌蕃茄通，我選了配吉列豬扒。吉列豬扒， 睇得出係即叫即做，因為上枱時仲係熱辣辣 配上沙律醬，很好食！茄湯配上新鮮蕃茄，仲有炒蛋鋪面，食落口 鮮甜，茄味濃郁，這個通粉必試！而我朋友選了黑椒牛扒拼腸仔飯，黑椒汁很惹味，牛扒亦都大塊，食落口都唔算太老，腸仔點黑椒汁當然係送飯最佳組合啦！這個價錢相當大眾化，除咗招牌蕃茄通粉必試之外，其他食物水準亦甚高，難怪經常排長龍…… 確實荃灣區越來越多優質小店，一般舊式茶餐廳如沒有改進，淘汰是必然了

近排我真係好唔舒服，突然好想食蕃茄湯通，初頭諗來諗去都唔知邊道有得食，一係就走到好遠先有，之後突然醒起荃灣D間有得食，我老婆又二話不說陪我去D間冰室食，佢緊係唔係食通粉啦。因為這間餐廳以蕃茄湯通最為著名，所以他們的logo就用了一個蕃茄作主題。一去到坐底睇下餐牌先，不過我地睇都唔睇就選左個通粉同雞翼飯。【瑞士雞翼飯】呢間冰室都好出名雞翼，瑞士汁煮得非常入味，但有少少偏鹹左D，但勝在配埋白飯一起食會好好多，可以中和返。【特色蕃茄濃湯通粉配牛乳炒蛋】配【瑞士雞脾】湯通可以配其他餸，我就選擇了招牌瑞士雞脾，蕃茄通超大碗，湯真係好濃既蕃茄湯加鮮蕃茄味，所有瑞士汁煮既野都不錯，就一於食雞髀啦！雞髀厚身，內裡嫩滑。瑞士汁甜甜濃濃的，好滿足呢！不過，這兩個餐也沒有令我們失望！

同朋友放左工即興約食飯，大家都近荃灣就去左路德圍附近集合，行經呢間俾個門面吸引左就試下。一入到去留意到呢度既裝修以舊式香港茶餐廳做主題，好鬼親切因為小弟年紀都唔細。我地order 左佢既必食推薦，瑞士雞脾同蕃茄通，過左冇耐D野食就送到了。我急不及待咁一啖咬左落隻雞髀度，佢果然冇介紹錯，隻雞髀入味得黎又唔太咸，雞肉又嫩滑完全唔老，加上佢個汁，令到食落好juicy, 絕對值得一試！蕃茄面好足料，成碗都紅卜卜，D蕃茄好新鮮份量又多，仲有埋炒蛋係上面，成件事好似好健康咁，食落有種好治癒既感覺...最後追加左個德國腸小食，但始終都係雞脾贏lol。整體黎講野食幾正，服務唔錯，唯一美中不足係d座位有少少窄，冇辦法啦香港有土地問題大家都知。

約左fd 出荃灣食飯，今次朋友發板，話想食大雞脾，最後揀左食樓下冰室。入到去，睇得出精心佈置過，放左好多公仔同精品，位置都幾闊落幾好坐。我因為lunch 食得都幾飽肚，所以就叫左蕃茄濃湯通粉配牛乳炒旦，散點瑞士雞脾。原本仲想叫個芝士焗西蘭花同個fd share 食，點知餐廳話焗爐壞左，最後同個fd 轉德國什腸share 食。先黎蕃茄濃湯通粉配牛乳炒旦，原本以為味道點都會有少少酸，出奇地反而吾酸，湯底甜甜地，幾好味。通粉既份量好多，食極都仲有🤣通粉火喉岩岩好，吾會太稔。再黎就係主角瑞士雞脾，size 真係大，雞脾煮得好入味，肉一d 都吾鞋，值得推薦。初初上枱時仲唸緊吾洗咁多瑞士汁，但原來一路食下，點下，食到最後個汁反而都點得哂，好野👍🏻最後上枱係德國腸，冇咩特別就不作介紹啦。最後又係捧住個肚走，下次黎就試埋佢個瑞士雞翼。

作為蕃茄嘅忠實粉絲，點可以唔唻呢度試味。好彩今日早唻，等咗10分鐘就有枱。但正值午市時段，所以餐廳坐無虛席。狹窄嘅坐位，加上炎熱嘅天氣同人潮，坐得不太舒服，但無計要食平民美食就係咁。叫坐兩個例牌午餐。蕃茄湯底真的一絕。湯底茄味濃郁，還有大量蕃茄蓉配上通粉味道一流。配菜叉燒及牛肉份量都不少，大約有8-10片，以$42一份午餐來講，算是抵食。牛乳炒蛋都算滑，但奶味不夠，由於它並非主菜，所以請大家大不要抱期望。另外，跟餐嘅蒜茸牛油豬值得一稱，烘得剛好，上枱時又脆又熱，蒜茸味濃。建議大家先食呢個豬仔包，因為凍咗就唔脆。

英國回港， 翌日就心思思掛住香港茶記美食約左朋友派手信，係荃灣，又未夠鐘，搵個地方解暑（好悶好熱），經過一間＂樓下冰室＂門口望入去，室內的裝修都幾懷舊又乾淨，於是就試一試～～餐廳的餐類都好多，好多都必食推介，例如蕃茄湯通粉、奶油豬、瑞士雞翼、菠蘿冰、椰子冰等等，最後我選擇左，茶記經典—-瑞士汁雞脾配红豆冰。凍紅豆冰（跟餐加$10）紅豆有咬口、甜度適中，好味👍🏻瑞士雞脾配蒜蓉包、沙律餐$52瑞士汁好香味，濃度適中，雞脾肉又嫩滑，不會有over-cook 的感覺。蒜蓉包，外脆內軟，好香的牛油蒜蓉什果沙律：有蘋果、薯仔、栗米、菠蘿。食落好有回憶，想起小時候，媽媽最喜歡整的沙律。每次我都會食好幾餐這些經典的味道，只可在香港的茶記才食到。

荃灣有好多冰室，今日去左依間樓下冰室，依到最岀名係番茄湯底，我就最鐘意食依到既雞翼蕃茄湯通粉，因為依到既滷水雞翼係超級入味，超入味😜其他飯類冇試過，不過下次都可以試下❤️

餐廳環境唔錯, 好有懷舊港式冰室既感覺!  雖然餐廳唔算大, 但係都坐得好舒服! 我地未夠7:30黎到, 已經差唔多坐無虛席! 番茄濃湯通粉配牛乳炒蛋同瑞士雞髀 $48 第一次食當然要試招牌菜, 我見到其他唔少食客都食呢個配搭! 蕃茄湯底濃郁, 酸酸甜甜, 好開胃! 而且有好多蕃茄肉! 正!牛乳炒蛋炒得非常香滑, 蛋香十足! 好味道!瑞士汁雞脾, 超讚! 雞脾好嫩滑多汁, 瑞士汁甜味適中, 同雞脾好夾, 非常惹味!招牌菜果然出色, 十分推介, 係必試架!芝士焗西蘭花 $36因為我地唔係好肚餓, 所以就叫左個芝士焗西蘭花.西蘭花份量好多, 硬軟度適中!芝士同白汁量都係好多, 夾埋西蘭花一齊食, 配搭一流!忌廉紅豆冰 $14 (跟餐半價)嘩! 好大杯呀!  上面有一層厚厚既忌廉! 好邪惡呀!紅豆軟淋而且有份量有好多! 將忌廉攪拌入紅豆冰中, 有濃濃既奶油香, 超正呀!奶茶 $18

滿街都是冰室，但點解要去到荃灣的樓下冰室，因為入面嘅食物質素頗高，實在令我有驚喜，值得一試。餐廳的招牌餐， 我覺得有三款一定要試。正常應是蕃茄牛肉蛋湯通粉，但喜歡食魚的我卻揀了鯇魚，爽脆的鯇魚片好好味，但有少許骨，食時要小心。瑞士雞翼，不一定要去到瑞士都可以喺冰室食到，超入味醬爆的雞翼。咖哩牛腩飯$46，滿載的牛腩，餐廳選用優質的牛腩部位，所以真係炆得好淋，唔會趙柴皮咁款，薯仔都好入味，認真抵食。懷舊紅豆冰，紅豆夠淋夠甜；也試了一杯綠豆冰，消暑去濕一流。