樂鐵板燒

营业中

休息中

簡直係海膽專家，海膽杯一流。問廚師點解無油鐵板燒但野食唔燶，佢話係技術😎👍🏻唔油又香口海鮮又新鮮而且醬汁有驚喜，帶點fusion，值得一試最後海膽雪糕唔係到到都食到，非常圓滿

一間簡單的日式鐵板燒小店，感受到師傅對食物既熱誠同執著，喜歡小店既感覺，廚師同食客既交流，但都為佢地擔心，小店得幾枱客會捱唔住，希望佢地加油! 入返正題，因為生日週，最近不停食好西，上網搵到依間，決定試試環境裝潢個人感覺比較似台灣既日本風叫左兩個套餐，一個A5和牛鵝肝套餐 $880，一個海瞻醬芝士焗龍蝦套餐$880首先上左兩個沙律，加左D乾冰，有D效果呃下like一個甜，楊枝甘露加蘋果絲，一個辣咸，主要羽衣甘藍又辣又咸，怪燒白子，上枱好香入口好腥燒聖子，聖子彈牙，冇咩特別燒元貝，個汁幾好味鵝肝多士，煎得香，但鵝肝唔夠肥，油脂唔夠多，唔夠脆，冇膩口感覺，還可以吧~焦糖西京燒銀鱈魚，魚皮脆口，銀鱈魚有骨，依好味既但唔知係味有D overcook，成件事，有小小燶味中間上左個蕃薯夾綿花糖，幾搞笑，我唔知佢主題係咩，但我個人覺得唔配合蕃薯夾綿花糖，就係食到蕃薯同綿花糖，口感冇咩特別變化終於黎到主菜，薄A5和牛對唔住，真係唔話我都唔知佢係A5和牛，就咁睇我以為係普通肥牛，和牛正路入口即溶，但佢又冇依個變化，冇咩特別，強烈建議，如果餐廳要將和牛做賣點，可以再諗諗點改，其實餐牌有寫加$200可以升級

好開心比我有機會遇上一間咁有心嘅鐵板燒，每一道食材都用心製作，味道唔使講，同一款材料跟以往食過嘅餐廳處理方法大不同，好難用三言兩語就形容到，大家快啲去試吓就明，真係要推介比大家！

今次試食鐵板燒餐廳-樂Teppanyaki，我地叫左兩個餐，同仲有佢地招牌菜「樂師傅招牌18層海膽杯」18層海膽杯用咗北海道紫海膽、凍磯煮鮑魚、松葉蟹肉、三文魚子、藍鰭吞拿魚拖羅蓉、北歐花膠、黑魚子等等，令你一次過享受18層刺身，成杯材料食落都好有鮮味，每層食落有唔同的味蕾驚喜，正阿😋時令沙津有野菜沙律同柚子沙葛叫做不過不失，無乜特别。主菜原條北海道喜之次皮脆肉嫩，成個口食完都係魚的油份😋原隻粒貝粒貝切好加蘆荀炒香，惹味又爽口👍燒羊架好味好嫩好juicy，加埋醬汁味道即時提升。白松露深海虎蝦白松露加上深海虎蝦真係好襯，個蝦頭煎到好脆，d肉又香又鮮甜，感覺上好食過平時食個d龍蝦💯A3和牛東洋卷自家制脆脆和牛芝士漢堡因為平時唔中意食漢堡扒，所以不大期望，但食落又幾好食，好多肉汁同加埋芝士，好邪惡阿😛燒野菜日本溫室茄子，茄子原汁原味，番薯🍠味道香甜紙包海鮮湯 裏面有花膠、大蜆、秋葵、日本白粟米、白粟米甜度都成有1 7、18度👍🏻，海鮮湯熱辣辣，味道鮮甜，平時唔中意食秋葵我都食晒，因為真係好好味。特色炒飯炒飯賣相好特别，就好似有雲朵係啲炒飯上面咁呀，蛋黃撈匀食都幾香，不錯。自家製海膽雪糕 🍦師

👨🏻‍🍳烹調其實係藝術既一種，望到廚師即場為你準備食物，亦係我喜歡食鐵板燒既原因。今日黎到#楽teppanyaki 就睇下有咩必食推介啦！火焰海膽甲羅燒係乾冰既襯托下突顯到佢既美，由蟹蓋裝住既松葉蟹肉同蟹膏，再加上三文魚籽、海膽同黑魚子，味覺加視覺享受！十八層招牌海膽杯匯集多種高級海鮮既盛宴，每一層都有唔同口感，鮮味十足！醬燒白鱔甜甜既醬汁加上勁爽脆既肉質，魚迷切密錯過！鵝肝蟹膏多士用山藥做base 既多士，上層有蟹膏鵝肝，鹹淡適中！推介啊！🦞海膽醬芝士焗原隻龍蝦龍蝦彈牙多肉，配上自製海膽醬同水牛芝士係上面燒，進一步提升龍蝦既層次！🐚北海道煎北寄貝佈滿櫻花蝦既面層隱藏住一隻大大既北寄貝，一啖掃落口果下先正！🌤時令特色炒飯白雲同太陽，d飯粒粒分明，夠晒乾身！食到後期依然可以成碗食晒！🍦海膽雪糕係自家研發既海膽雪糕，味道好特別，食落有d似芝士味。🎩除左食物之外，廚師同店員都好親民。傾起計上黎，都會覺得好舒服。另外，佢地就利用魔術作為同客人溝通既一個channel! 令整個飯局增添左不少樂趣！呢餐飯食得好開心😆

位於佐敦呢間「樂Teppanyaki」係新開嘅日本餐廳，主打日式鐵板燒。店鋪座位唔多，大約有20個，有Bar枱有普通枱。嗰次星期六去Full house呀！好彩訂咗位先去。打開餐牌就見到多款日式鐵板燒套餐：海鮮、A5和牛，連健康低卡路里零油海鮮套餐都有😆另外有鐵板燒海鮮及肉類可以單點嘅。不過單點價錢都唔平，加多少少錢叫套餐好似仲划算。▫️海膽醬芝士焗原隻龍蝦套餐(HKD880)鐵板燒套餐一人前價錢，總共有9款食物，小食、前菜甜品樣樣齊。其中三款仲要係主菜呢！▫️前菜 - 柚子沙葛▫️時令沙律主菜：▫️海膽醬芝士焗原隻龍蝦▫️焦糖西京醬煎銀鱈魚▫️北海道煎北寄貝▫️特色炒飯▫️燒野菜▫️特色紙包花膠蜆湯▫️甜品：海膽雪糕上菜係順住以上嘅次序。前菜及甜品係因應食材供應量及質素而發辦。前菜個沙葛味道帶少甜及爽口，加咗少少柚子絲後感覺更加refreshing！甜品海膽雪糕真係第一次食，海膽味唔算突出不過創意搭夠。第一款主菜海膽醬芝士焗原隻龍蝦係套餐嘅主角。師傅將大量水牛芝士及特製海膽醬混埋一齊，淋上原隻龍蝦後先用火槍燒至焦香。隻龍蝦都幾多肉，肉質都幾彈牙呢。焦糖西京醬煎銀鱈魚 - 我覺得呢個菜式夠晒創新，因為用咗

最近同朋友發掘咗一間高質鐵板燒餐廳🍴, 坐吧枱可以睇住大廚👨🏻‍🍳大顯身手! 餐牌主推和牛、海鮮鐵板燒套餐, 整體質素高, 份量多, 而且用料新鮮! 店員好有禮貌, 服務好好, 一坐低會先呈上人蔘熱茶, 裏面仲有粒桔仔🍊點咗《海膽醬芝士焗原隻龍蝦套餐》, 另外再加招牌「十八層海膽杯」及和牛《前菜》沙葛多汁, 質感爽脆, 配上柚子皮, 令人開胃! 《時令沙律》上枱時, 器皿冒出白煙💨, 賣相好吸睛🤩! 無花果混合羽衣甘藍🥬, 配上黑醋汁, 味道酸酸甜甜的, 幾清新「樂師傅招牌十八層海膽杯」裏面一共有18款材料, 層次分明, 鮮味十足! 食材包括燒白飯魚脆片、黑魚子、北海道紫海膽、沖繩海葡萄、三文魚子、凍磯煮鮑魚、牡丹蝦、櫻花魷魚、帆立貝、北海道松葉蟹肉、藍鰭吞拿魚拖羅蓉、北海道粒貝、北歐花膠、明太子沙律、鮮海帶碎等等1️⃣北海道煎北寄貝北寄貝好鮮甜, 上面佈滿櫻花蝦、煙肉粒, 令味道層次更加豐富!2️⃣焦糖西京醬煎銀鱈魚煎過嘅魚皮好香脆, 魚肉柔軟細嫩, 錫紙上有一層焦糖西京醬, 沾上特製焦糖西京醬汁一齊食用, 能提升魚肉味道3️⃣海膽醬芝士焗原隻龍蝦🦞分量超多! 適合二人食用海膽醬芝士味好有層次,

鐵板餐就食得多，但喺香港食鐵板燒就真係好少。因為香港食鐵板燒一啲都唔平，但今日我哋就搵到一間豐富又抵食嘅鐵板燒，呢間位於佐敦嘅樂Teppanyaki，提供多款入門級別嘅鐵板燒套餐，價錢由$880起，份量仲要一啲都唔少，係平嘆鐵板燒之選。時令前菜坐低咗之後，店員就會送上前菜，今日係沙葛，非常爽脆，夠晒開胃。18層海膽杯呢個海膽杯好似芭菲，但就係由18層日式刺身同小食組成，包括：燒白飯魚脆片、黑魚籽、北海道紫海膽、沖繩海葡萄、帆立貝、明太子沙律、牡丹蝦、北海道紫海膽、櫻花魷魚、凍磯煮鮑魚、北歐花膠、藍鯨吞拿魚拖羅容、北海道粒貝、三文魚籽、北海道紫海膽、北海道松葉蟹肉、北海道鮮海膽同鮮海帶碎組成，真係每一層都充滿驚喜！加上層層都唔同，食嘅時候，唔同嘅味道混和一齊，所以每啖嘅味道都大不同，完全衝擊味蕾。火焰海膽甲羅燒蟹蓋釀咗海膽、海葡萄、黑魚子、三文魚籽、蟹膏同洋蔥等等，燒完嘅甲羅燒香氣十足！蟹膏同海膽非常軟綿鮮甜，而三文魚籽就脆卜卜，充滿口感。海膽醬芝士焗原隻龍蝦龍蝦非常新鮮，喺燒之前，龍蝦仍然非常生猛。龍蝦燒到半熟，就加上芝士，燒好之後，芝士可以拉成絲，而芝士令龍蝦味道更濃郁。焦糖西京醬煎

呢間日式鐵板燒，雖然只係小店，但用上新鮮🦞🦀🦐🥩食材，再配上廚師👨🏻‍🍳如施展魔法一樣，喺客人面前即叫即製，創作出不同菜式💕 👨🏻‍🍳樂師傅招牌十八層海膽杯 $ 360海膽控必試嘅菜式🤩 高身杯入面放滿各款新鮮食材，有北海道紫海膽、黑魚子、磯煮鮑魚、北海道松葉蟹肉、拖羅、帆立貝、北歐花膠、沖繩海葡萄等。北海道紫海膽就有4️⃣層，色澤橙黃，口感嫩滑，味道甘甜，仲入口即溶㗎😌磯煮鮑魚鮮嫩彈牙；松葉蟹肉一絲絲的，夠鮮甜；帆立貝爽脆清甜；海葡萄晶瑩剔透，微鹹但清新爽口。🥰海膽醬芝士焗原隻龍蝦、海鮮套餐 $880🍱前菜： 柚子沙葛，味道清新爽甜🥗沙律：蔬菜夠新鮮爽脆，仲加上如仙境一般嘅擺設。主菜：🦞海膽醬芝士焗原隻龍蝦 上碟時，幼絲芝士纏繞住龍蝦，賣相吸引，烤得金黃色，食落有淡淡嘅海膽香，龍蝦肉多汁彈牙鮮甜。🐟焦糖西京醬煎銀鱈魚銀鱈魚雪白嫩滑，帶豐腴油份，配上焦糖西京醬，味道更香濃，口感更豐富。上面仲放咗兩塊煎到脆卡嘅魚皮，好食到不得了🇯🇵北海道煎北寄貝北寄貝切片，加入蝦仔及煙肉一齊煎，令本身好爽甜嘅北寄貝更加惹味🍳時令特色炒飯 上面放咗好似雲🌤一樣嘅蛋，混入炒飯中，更加好味😋。炒飯炒得粒粒分明，

鐵板燒的精髓在於廚師掌握食材的特性，利用雙巧手，把食材發揮得淋漓盡致，昇華成一道美味。相信不少人都聽過「招牌十八層海膽杯」，是這店的一款有名菜。十八層，顧名思義是層層堆疊。單看外表，華麗吸睛，食材之豐富，紫海膽、粒貝、松葉蟹肉、拖羅蓉等，互相輝映，混而為一。最喜歡襯上清酒，味道變奏，餘韻悠長。海膽甲羅燒在雲霧中隆重登場！蟹膏和蟹肉上，海葡萄、三文魚子、紫海膽和黑魚子各有鮮味，一舀下去盡是海洋氣息。海膽醬芝士焗龍蝦乃重頭戲，原隻波士頓龍蝦，毫不吝嗇的海膽醬和滿滿的芝士，鮮甜厚肉，芝味濃郁。一道辣炒花膠條，厚厚一條，爽又富膠質，帶點辣味，加上櫻花蝦，佐酒一流！製作炒飯的過程像表演，炒得粒粒分明的飯粒，加上一朵雲，和生雞蛋，就是滿滿幸福。一袋袋的湯在鐵板上煮，一打開，清香徐來，冬菇、秋葵、花膠和蜆，淡淡清甜。焦糖菠蘿，糖薄薄的包裹着蜜甜的菠蘿肉，咬下去又脆又嫩，很是滋味！最後，以自家製海膽雪糕作結，有海膽的甘甜，驚喜之作。懂得傳統技巧之餘，運用創意，展露對食材包瞭解，就是賞心悦目的一頓。

網上見到佐敦有間新開啲鐵板燒餐廳，所以就嚟到呢間樂 Teppanyaki食鐵板燒，今日有得坐bar枱可以睇住師傅整野食傾下計交流下今次就點咗個海膽醬芝士焗原隻龍蝦🦞、店舖招牌菜「樂師傅招牌18層海膽杯」同埋甲羅燒。18層海膽杯用咗北海道紫海膽、凍磯煮鮑魚、松葉蟹肉、三文魚子，藍鰭吞拿魚拖羅蓉、北歐花膠等等，令你一次過嘆曬18層的刺身😍，海膽杯好有鮮味，每層食落有唔同的味蕾享受，好滿足呢！甲羅燒裏面有三文魚子、蟹膏、黑魚子另外再鋪上海膽，師傅用鐵板燒好之後就上碟，滿滿的食材再加上蟹膏一齊撈勻食，咁多好食嘅食材一次過撈勻放入口，好好食呀😋時令沙津有青蘋果沙律同沙葛海膽醬芝士焗原隻龍蝦🦞用上新鮮龍蝦，龍蝦表面配上厚厚芝士同埋海膽醬汁芝士，芝士好香，龍蝦新鮮彈牙，就算係龍蝦尾嘅位置都係好多肉😍😍正！焦糖西京醬煎銀鱈魚銀雪魚皮煎得香口煎，銀雪魚油豐富，魚肉結實雪白，而且入口非常嫩滑溜，再點上焦糖西京醬汁，呢個醬真係用咗西京麵豉醬，醬汁味道甜甜地，味道同魚肉幾岩， 入口充滿魚油香非常滿足。北海道煎北寄貝北寄貝大大隻，師傅燒得時間啱啱好，北寄貝鮮嫩多汁，再配上大量櫻花蝦，入口有北寄貝的鮮甜多汁同櫻花

黎到偉晴街搵好西 見到呢間舖面日系低調的鐵板#樂teppanyaki 入面大概有十幾個位師傅bar枱位有8個 可以望住師傅煮👨🏻‍🍳食物選擇好多而且足料 當中推介：1️⃣火焰海膽甲羅燒 巨型海膽下滿佈魚子蟹膏 啖啖滋味2️⃣海膽醬芝士原隻龍蝦🦞勁大隻多肉 配海量芝士無得輸3️⃣鵝肝蟹膏多士 山藥薄燒配上蟹膏鵝肝 點抗拒？4️⃣醬燒白鱔 惹味肉脆 中意食魚的唔好錯過🐟5️⃣特色炒飯以為好普通 點知粒粒香脆分明仲有夢幻雲朵同生蛋係面 撈勻食好滋味6️⃣超吸晴18層招牌海膽杯 長過我隻手啊矜貴材料層層疊疊 超滿足😍整體係超親民有水準的鐵板燒 會再訪🥰

呢間餐廳主打以日本當造海鮮同優質食材製作鐵板燒套餐🇯🇵主理師傅入行超過30年，擅長用唔同產地嘅季節性海膽設計獨特料理👨🏻‍🍳💗海膽醬芝士焗原隻龍蝦·海鮮 ($880/ 一人前)🍊時令前菜是日為柚子漬沙葛。爽脆嘅沙葛帶清新柚子嘅幽香🎍時令沙律是日為日本淮山佐海膽醬魷魚。淮山爽口帶黏液，味道清淡，以韌糯嘅海膽醬魷魚提升鮮味🍸十八層海膽杯 (+$360)由頂層數起，分別由燒白飯魚脆片、黑魚子、北海道紫海膽、沖繩海葡萄、帆立貝、北海道松葉蟹肉、牡丹蝦、凍磯煮鮑魚、海膽醬魷魚、日本高橋海膽、三文魚子、藍鰭吞拿魚拖羅蓉、北海道粒貝、北歐花膠、明太子沙律、日本高橋海膽、鮮海帶碎層疊堆砌而成，味道豐富鹹鮮，層次分明🦀火焰海膽甲羅燒 (+$298)蟹蓋上先加入北海道松葉蟹肉同蟹膏，淋上自家製海膽洋蔥粒醬，再鋪上新鮮紫海膽、三文魚子、沖繩海葡萄同黑魚子，質感濃厚滑溜，滿口嚟自唔同海產甘甜鮮美嘅味道🦞海膽醬芝士焗原隻龍蝦焗製原隻波士頓龍蝦，口感爽彈肉嫩，配上自家製海膽醬，再鋪滿水牛芝士火炙，既鹹香濃郁又冇蓋過龍蝦肉本身嘅鮮甜🐋焦糖西京醬煎銀鱈魚銀鱈魚煎至兩面金黃，肉質雪白厚身，柔嫩細滑，魚油四溢。西京醬汁充

生日同朋友嚟食鐵板燒. 見到新裝修環境不錯, 兩人嗌咗鐵板燒套餐，點知仲有清酒送😃有18層海膽杯，燒海鮮, 薄燒牛肉，燒鵝肝，貝類新鮮爽口，不過最難忘係鐵板芝士龍蝦同蜆湯！估唔到龍蝦可以用鐵板燒，味道鮮甜配埋香濃嘅芝士，食到停唔到。用膠袋裝住蜆湯在鐵板上燒有d新奇, 估唔到又幾好飲，一般麵豉湯冇得比。食完甜品海膽雪糕，覺得分量剛剛好。仲好彩有鐵板燒老闆招呼我哋, 有傾有講好快就過咗一晚，有機會再嚟食過！😋

通常鐵板燒會搵啲特別日子時機先食點解？因為一般價錢都唔平😏不過鐵板燒真係好花時間同心思師傅除咗要顧及食物味道之外仲要顧及賣相同觀看性令食客有味覺👅嗅覺👃🏻聽覺👂🏻視覺👀全面享受再加上選用龍蝦🦞海膽🧡松葉蟹🦀海葡萄🍇花膠，鮑魚等矜貴食材，睇嘅唔止係價錢高低 最緊要係值回票價～講返今餐鐵板燒，我哋先嚟叫咗杯「招牌十八層海膽杯」$360高身玻璃杯🥂裝滿豐富海鮮，包括北海道紫海膽，松葉蟹肉、三文魚子、粒貝、藍鰭吞拿魚拖羅容、北歐花膠、凍磯煮鮑魚、櫻花魷魚、牡丹蝦等等，數唔到係咪有18層🤣🤣 但超多味道同口感，層次豐富。然後再叫一人前「海膽醬芝士焗隻龍蝦海鮮」$880套餐包括：時令前菜時令沙律 - 蟹子青蘋果🍏海膽醬芝士焗原隻龍蝦🧀🦞火焰海膽甲羅燒🦀北海道煎北寄貝燒野菜 - 日式番薯仔🍠冬菇🍄特色炒飯 - 白松露炒飯🍳🍚紙包花膠蜆湯🍲北海道白粟米刺身🌽個龍蝦🦞主菜一試難忘👍🏻👍🏻👍🏻 龍蝦肉爽口彈牙又鮮甜，配埋海膽醬就多咗重鮮中帶鹹香😋😋 最加分位係連殼上碟但切割得好易食到啲龍蝦肉，食得惹味又過癮😆😆樂師傅知道我哋鍾意食蝦蟹，特別將銀雪魚轉咗做火焰海膽甲羅燒🦀 漲卜卜的蟹蓋裝住滿滿嘅蟹肉蟹膏之外