樂酒場 がくさかば

营业中

休息中

尖沙咀樓上超高質居酒屋🫶🏻-🍸滿滿海膽杯 ($238)好足料，真係滿滿海膽，仲有好多三文魚子，配上壽司飯，好鮮甜又唔會腥，仲好滿足添🥰🐟三文魚層層疊 ($138)店員會即場炙燒一大疊三文魚🤣啲三文魚好均勻咁舖喺飯卷上面，再加上蟹籽同蔥，口感好豐富，而且炙燒嘅香氣好足，配上芝士同醬汁味道都好有層次😋🦀蟹味噌甲羅燒($76)我哋另外加咗多士，蟹蓋都好大個，蟹膏好鮮甜，而且配上香脆嘅多士條好夾好香口☺️🥑麻醬牛油果豆腐沙律 ($58)有半隻牛油果、口感滑嫩嘅豆腐同新鮮沙律菜，仲加咗啲脆脆增添口感，配上濃郁嘅麻醬好惹味好夾🥹🐡汁燒雞泡魚乾 ($68)呢個好有驚喜，出面食通常會有啲乾，但呢度完全唔乾，夠厚，而且好香口又甜，配上蛋黃醬超啱送酒🤩🍳明太子醬厚燒玉子 ($68)蛋嘅口感夠滑，味道咸淡適中又好足料，食落咸香十足😙🍶清酒煮白蛤鍋 ($108)酒香十足，白蛤大大隻，好滑好嫩又冇沙，味道鮮甜，抵食😍🍍冰菠蘿梳打 ($68)上到嚟小編都呆咗，真係有勁大塊菠蘿🤣而且好甜冇渣，配上梳打水好清爽解膩👍🏼-🍋自家製蜂膠檸檬燒酎 ($68)酒味唔重幾易入口，幾開胃，而且蜂膠口感幾特別~餐廳嘅環境真係好似日本

行過見到尖沙咀棉登徑附近開咗間新嘅日式居酒屋，門口仲播住日版鄧麗君嘅歌曲，就被吸引咗入去上咗樓梯之後，發現原來餐廳裝修真係唔錯，感覺好關西風地道居酒屋。店員好好咁幫我哋安排咗坐榻榻米話明居酒屋，當然要飲酒，同朋友一人叫咗一杯 high ball ，好足料👍🏼之後叫咗下酒一流嘅明太子玉子燒、我最愛嘅牛油果🥑芥末漬清酒煮蜆 - 蜆好大粒好鮮甜，仲飲晒啲湯鮭魚層層疊 - 個名聽落好吸引，所以叫咗，估唔到店員會喺我面前表演燒三文魚，感覺幾新奇刺身拼盤 - 全部刺身都新鮮肥美間餐廳最緊要係性價比高，又飲又食，埋單$1000有找正

就算去完日本， 都係心思思掛住日本嘅居酒屋。 今次朋友就帶我去間充滿日本風味嘅本地居酒屋。裝潢真係好日本，好適合一班人一齊飲酒傾計。兩個人, 照慣例嗌左野飲飲先野飲大大杯我果杯成塊菠羅， 夠哂豪邁。而朋友果杯就有粒粒蜂膠，幾特別。前菜就嗌左個牛油果漬。 牛油果加醬油，食落會似拖羅， 牛油果夠creamy, 食落又真係有d 魚生嘅感覺。明太子蛋捲，，咦 三角形嘅？未見過。。亦諗唔明點整食落有蛋香，入面明太子亦足料值得一試哩個三文魚層層疊有d suprise即場火槍燒燒香左個面， 更加令人食慾大增三文魚，青瓜小卷，魚子，芝士，mix 埋一齊食 勁香口。靚靚刺身拼盤，擺得好靚之餘, 三文魚，帶子，油甘魚，吞拿魚，甜蝦。款款我都鍾意食。刺身擺盤都有講究，有 厚切， 有捲成花。 是正的。蟹膏甲羅燒配多士， 咸咸香香， 配多士香脆， 送酒一流。清酒煮生蠔就真係正， 一路煲， d 蠔香，酒香慢慢飄出黎， 煲到個生蠔慢慢開口。入面蠔肉嫩得黎， 又夠清酒味。飲下酒，食下正野， 傾下計， 過下日本癮

餐廳就係k11 art mall 附近，餐廳裝修好靚係日本溫馨居酒屋feel ，真係好有氣氛，同朋友食吓嘢傾吓偈幾啱。三文魚層層疊佢係小卷上邊係滿滿嘅三文魚，店員會用火槍燒過上面嘅醬汁同埋芝士，味道夠豐富。滿滿海膽杯呢個又係打卡必叫， 其實佢一杯入邊有新鮮既三文魚，滿滿嘅三文魚子同埋海膽，海膽都幾鮮甜。清酒煮白蛤鍋呢一個清酒鍋值得一讚，因為佢嘅清酒味好濃郁。明太子醬厚燒玉子 厚燒肉子裏面係滿滿嘅明太子醬，個人都最鍾意明太子辣辣地嘅味道。京都味噌青瓜佢呢個店員都會用火槍去燒啲京都味噌，呢個食法幾有趣。牛油果山葵漬佢望落去係有整整一個嘅牛油果，再加上山葵漬，食落去有幾分似三文魚嘅味道，好神奇。蟹味噌甲羅燒 （加配多士） 蟹殼上面有蟹膏醬，可以配多士食，多士同埋蟹膏醬嘅鹹香都幾夾。冰菠蘿梳打 柚子蜜

星期五想搵間居酒屋chill下一入門口別具日本風情嘅裝潢🏮更設有榻榻米座位 氣氛一流👐🏻🍴迷之刀 五雕刺身盛合多樣化拼盤 有齊三文魚 吞拿魚 拖羅 帆立貝 甜蝦 油甘魚😍新鮮鮮甜 厚切肥美 二人份岩岩好👏🏻🍴三文魚層層疊小卷面頭鋪滿一層又一層嘅三文魚🫣加埋芝士🧀即場用火槍燒 火炙嘅香味加埋入口即融嘅三文魚🍣推！🍴牛油果山葵漬第一次食牛油果🥑搭配Wasabi同豉油有另一番味道🤔牛油果幼滑嘅口感配合豉油令呢個前菜更加開胃👐🏻🍴蟹味噌甲羅燒My all time fav甲羅燒💕蟹膏香綿 濃郁味道配上超脆口多士條同青瓜絲 味道同層次感都達水平以上👐🏻🍴關東煮拼盤提起日本又點少得關東煮🍢超級足料 入面包括蘿蔔 雞蛋 蒟蒻 年糕福袋等 加埋清甜嘅湯底 係日本嘅味道🥹🍴清酒煮白蛤鍋清酒味煮過揮發後 酒味唔算太重白蛤每隻都大大隻 鮮甜有肉💥🍸冰菠蘿燒酎大大嚿冰菠蘿配上微微酒味Chill住一晚邊飲邊傾計岩曬🍸生姜Highball都係一個唔錯嘅選擇 相對冰菠蘿燒酎酒味就會多番少少

三個好姊妹相約出黎傾計，所以出咗尖沙咀一間日本酒場餐廳，原來係朋友帶佢黎過，上一層樓梯就到，位置都超級方便 K11 斜對面，食飽仲可以行一陣添。餐廳員工招呼周到，我哋揀咗日式榻榻米坐，較隱蔽兼枱距較大，傾計笑聲都唔會太影響人，食物選擇多，燒串，鍋物，天婦羅，刺身。。。酒類飲品也不少的。 還有是日排行榜，刺身盛分5雕或7雕 我哋覺得五款都夠，下次同多d人黎7雕。又好新鮮又有光澤喎。三文魚層層疊 小卷底 滿滿三文魚條加沙律醬然後，再即場炙燒之後加埋蔥花蟹籽，賣相吸引味道較糯帶鮮。 排名第三 必試。明太子醬厚燒玉子 即叫即做 熱辣辣兩重口感，蛋香濃夠厚身，中心卷著明太子醬鹹鹹鮮味實在好搭配。清酒煮蜆有點驚喜喎， 大大隻肥美份量夠多，食落每隻都清酒香又冇沙 掂呀每人叫咗一杯飲品，姊妹見到呢杯咁特別嘅，佢唔執輸話要試試，冰菠蘿特飲冇酒精的用上冰菠蘿做裝飾但係可以食埋的, 型。打利率

好耐無試過閒日放假，同老公去咗尖沙咀一間好似置身日本嘅餐廳，飲下野食下野，chill 下餐廳分西餐枱同日式榻榻米，當然要感受埋日本feel喇啦。 店員介紹咗開胃菜：牛油果山葵漬 我同老公一至覺得個汁調得剛剛好，山葵亦唔會太攻鼻少許獨有嘅辛辣，牛油果質地綿滑，好夾。五雕刺身盛合 佢哋用薄切用花形處理三文魚同油甘魚，其他元貝，吞拿魚，甜蝦還有入口卜卜聲嘅三文魚籽添，夠哂新鮮甜美。再黎多個三文魚層層疊 滿足我呢個三文魚粉，上枱時好簡單，店員將佢華麗轉身，炙燒方法再加上香蔥同魚籽，巧精彩即刻升級。明太子醬厚燒玉子 熱辣辣香濃蛋味，食時小心明太子醬爆漿，好過癮，口感軟綿。蟹味噌甲羅燒 配脆多士條 蟹味濃郁 入口回甘，帶鮮味又唔會腥，燒過嘅蟹膏醬。清酒煮白蛤鍋 足料份量唔少，隻隻飽滿，清酒味溶入蜆內，甜美又鮮，好掂。巨峰梳打 甜度適中 算普通 整體都高分 服務 環境 食物 都有

難得早收工，同同事係公司附近撐下檯腳，呢間酒屋留意左好耐，今日終於有機會過黎試下。餐廳位置唔係好明顯，需要上一層樓梯，裏面裝修得都好有日本feel，主要以木家具為主，感覺好優雅，然後需要除鞋上地板。首先上嘅係五雕刺身盛合，有我最鍾意嘅三文魚、赤蝦、拖羅、魚籽等幾種魚生，食落都好新鮮，肉质十分细嫩、紧实，富有弹性，魚籽口感爽脆、粒粒分明，赤虾的刺身质软味甜，吃起来有粘粘的口感。跟住上嘅就係蟹味噌甲羅燒，蟹膏釀蟹蓋，蟹膏上面食落有少少少蟹肉，烤過後的香氣不斷湧出，鹹甜適中，濃濃的蟹膏香令人非常回味！清酒煮白蛤鍋係我第一次試，用清酒煮過後的白蛤香氣撲鼻，而且鮮嫩無比，白蛤好大只，肉質鮮嫩，煮出黎的湯汁好鮮甜味美。食完前面之後黎翻個蟹肉芝士卷做主食， 包住滿滿嘅蟹肉芝士，食出不一樣既飯卷感覺，而且蟹肉味道都相當濃郁，一囗下取满囗芝士同蟹肉，簡直滿足感爆棚，最後上嘅係關東煮拼盤，擺盤造型係一舊大蘿蔔，好有趣，裏面包含秋葵、福袋、雞蛋等，湯汁味道好清鮮，好開胃，丸子有Q弹的口感，福袋吸满汤汁，吃着非常满足。整體來說，無論環境，服務，地理位置等都唔錯，好適合收工後同同事一齊去放鬆下，食物種類都比較多

今日同朋友嚟咗呢間喺尖沙咀嘅居酒屋。佢個氣氛都幾好，仲有榻榻米座位選擇，好有feel。牛油果醬山葵漬 ($68)牛油果新鮮唔會過熟，佢落咗d豉油，食落有d似食緊魚生。山葵漬食落剌激，起到提味作用。炙燒和牛壽司 ($158)首先店員會用個火槍燒一燒個壽司。燒完之後個和牛半生熟，入口即溶好軟滑，仲可以滴啲牛肉汁同葱增加風味。明太子醬厚燒玉子 ($68)玉子燒落咗豉油甜甜地，食落軟綿綿，明太子份量適中唔太鹹，落埋啲白蘿蔔蓉中和返個咸味。五雕刺身盛盒 ($328)擺盤有心思，以為五雕係五款但係其實有三文魚、蝦、鮪魚、帶子、三文魚籽、油甘魚等。食三文魚籽嗰陣時覺得佢尤其新鮮，因為個外皮好脆身。白鰻魚串燒 ($138)鰻魚脆皮彈牙有口感，仲鎖住到肉汁，兩串唔夠喉啊！日本甜醬牛肉鍋 ($138)天氣凍最啱食啲鍋物, 個牛肉鍋得三片牛肉份量有啲少, 不過可能佢唔係一般肥牛啦。蔬菜類都好豐富，有冬菇、金針菇、豆腐、娃娃菜、小棠菜等。白桃梳打 ($58)飛雪蜜瓜梳打 ($62)比較特別嘅係飛雪蜜瓜梳打，原來有埋雪糕喺面，撈埋一齊幾好飲！人均 $560

黑熊先生鐘意飲酒，約去街食飯總會搵有得飲返杯嘅餐廳。我哋㨂咗去尖沙咀嘅居酒屋 。店內裝潢好有日本風，牆上同天花板佈滿日式燈籠、霓虹光管，仲有榻榻米同正常坐位區。播住日文歌，感覺好輕鬆，食食下唔經唔覺就十點啦🤣🐟滿滿海膽杯海膽鮮甜，滿滿嘅三文魚子，一人一啖都幾sweet🥑牛油果山葵漬用上成熟度剛好嘅牛油果，口感creamy，配上微酸醬汁和刺激嘅山葵，好啱我口味！但黑熊先生覺得唔夠重口味🍣三文魚層層疊舖上多層三文魚喺青瓜卷壽司面，再用火槍燒溶芝士和明太子蛋黃醬，值得推薦！🦀蟹味噌甲羅燒充滿濃濃蟹味嘅蟹膏，配上多士食，送酒一流🥚明太子醬厚燒玉子明太子醬與微甜玉子好夾，平時對玉子麻麻地嘅我都食咗好幾舊🍲清酒煮白蛤鍋白蛤大隻而鮮甜，無需多講嘅一味菜🐟燒酌開邊赤魚外皮燒得好甘香口嘅赤魚，魚肉嫩滑，好啱黑熊先生口味，可惜係我哋杯酒差唔多飲曬🥒京都味噌青瓜京都味噌青瓜，用槍燒香自家製嘅柚子味噌配上爽脆青瓜，清一清味蕾，好正！🍺日本三得利啤酒sunset白酒溝黑啤，真係做到漸變色！🍹菠蘿冰highball好吸引嘅冰菠蘿配威士忌特飲，好有夏日feel如果你鍾意食日本嘢，又想喺香港感受日本嘅居酒屋氛圍，呢度

今天是我們的相識一周年慶典，與老婆來到尖沙咀這家居酒屋大吃一餐。第一次在日本餐廳坐地板上吃飯，感覺有點新奇。很有到了日本的儀式感。而且裝飾很有日本漫畫的氣氛。我們2人點了五雕刺身盛合、牛油果生葵漬，關東煮拼盤及明太子醬厚燒玉子。五雕刺身盛合，看賣相都十分精緻，有三文魚，甜蝦，帶子，油甘魚及大拖羅。三文魚拼砌成花的形狀。大拖羅，鮮紅色厚切，魚油豐富，入口口感軟滑。油甘魚，魚味濃郁肥美。甜蝦，蝦肉晶瑩剔透，十分爽口。帶子，潔白，軟綿綿的，入口味道清甜。牛油果生葵漬，牛油果一整個切件，富有牛油果香，配以生葵漬，口感幼滑，有點像吃三文魚的口感。關東煮拼盤，有豆卜，秋葵，獅子狗，蘿蔔，雞蛋及蒟蒻。豆卜吸收了濃湯的精華，軟滑多汁，蒟蒻軟綿綿的，入口即化。雞蛋有濃濃的蛋香味道，十分入味。蘿蔔最出色，雖然很大件，但輕輕一切，很軟，整道菜的湯底十分濃郁清甜。明太子醬厚燒玉子，厚切成一件件三角形，中間夾以明太子，玉子蛋香濃，軟綿綿的，甜甜的，很好吃。整體來說，這家店無論是環境，還是食物味道，都是很不錯的選擇。

尖沙咀出名多酒吧，但係要搵到一間咁有日本風味嘅居酒屋就唔係咁簡單。呢間居酒屋瞬間令人去咗日本咁，而且氣氛好好，見到其他枱好多人都係放工之後同啲同事朋友飲杯酒傾偈！迷の刀 五雕刺身盛合本身以為呢個刺身得五款唔會太多，點知一上枱我哋都嚇親，份量超級足，有啲款式例如三文魚仲有整整九大舊，仲有其他刺身例如油甘魚，吞拿魚，甜蝦，鯛魚等等，食極都食唔晒咁，超級抵食！三文魚層層疊三文魚刺身配埋青瓜壽司，上面加埋芝士，店員會將佢放喺枱面，然後攞火槍過嚟燒俾我哋睇，好有視覺效果，打卡一流！明太子醬厚燒玉子燒玉子超級厚，而且火候控制得好好，煮得好嫩滑，加埋入邊嘅明太子醬，好香好惹味闌東煮拼盤好豐富好足料，有超級巨型蘿蔔，有成個拳頭咁大，仲有雞蛋，獅子狗，福袋，雞肉，蒟蒻，仲有啲丸同雞蛋，超級豐富清酒煮白蛤鍋蜆肉隻隻都極級肥美，一放上枱就已經聞到淡淡酒香，配埋新鮮香甜嘅白蜆肉，超級好食！牛油果山葵漬見到好多其他人食，就心諗有咩咁好食試吓啦，原來睇落去好簡單，但係餐廳用咗好新鮮好滑嘅牛油果，用刺身嘅方法食，加上特別配製嘅醬汁，酸酸甜甜配埋超級好食！

今晚約咗朋友收工食飯，友人話想食日本嘢，立即上openrice 見到間評價不錯嘅居酒屋🏮餐廳裝修滿滿日本風味，牆上、天花板佈滿日式燈籠同霓虹燈管。座位分配有榻榻米、正常座位區，再播埋懷舊日本歌，感覺去咗舊區嘅地道居酒屋🎐 食物款色好多，又有好多自家製飲品，我哋隨意叫咗幾款菜式。明太子醬厚燒玉子$68有六舊厚玉子，甜甜哋好味，如果明太子醬多啲就好😢😢關東煮拼盤$108有秋葵、豆卜、蘿蔔、獅子狗、蒟蒻、年糕福袋、雞蛋 好多份量，蘿蔔清甜冇渣，湯頭略淡清酒煮白蛤鍋$108好多蜆呀，隻隻都肥美🥹天氣凍最啱整個鍋物👍🏻 湯底酒味唔會好濃，仲食到蜆嘅鮮味五雕刺身盛合$328三文魚、甜蝦、吞拿魚、帶子、油甘魚，連刺身份量都咁多，抵食👍🏻件件肉質肥美既厚切。個人最喜歡吞拿魚，最重魚味又甘甜三文魚層層疊$138底層係幾舊壽司，表面就佈滿三文魚。店員再係你面前燒幾吓，變成火炙三文魚，再加蔥、蟹籽，油脂味出嚟再有口感咗🤭蟹味噌甲羅燒 加多士$76要啲時間燒，所以最耐先到。食過幾間居酒屋，呢到份量最多，二人食啱啱好。蟹味好濃郁，加埋青瓜絲，好清新又有口感飛雪密瓜梳打$68杯面上嗰球係白葡萄酒雪葩，很濃郁青葡

呢間酒店好有氣氛係懷舊日本風！而且入邊仲有和風榻榻米！餐牌都幾多選擇，而且啲歌都好啱聽！😍1.三文魚籽海膽杯：這道菜以三文魚籽和新鮮海膽為主要成分。海膽好甜，同埋下邊有啲三文魚同埋醋飯都好夾。2. 三文魚層層疊：這道菜以三文魚加上明太子再喺客人面前燒製，下邊就有青瓜壽司！3. 明太子醬厚燒玉子：這是一道燒蛋料理，以厚燒的玉子蛋為基礎，配以美味的明太子醬。好滑嘟嘟。4. 麻醬牛油果豆腐沙律：牛油果啱啱熟，而且仲有粟米片同埋沙5. 牡蠣の清酒蒸（六只）：生蠔好大隻，使用清酒來提升牡蠣的鮮甜味道。即場烹調更加好食。6. 冰菠蘿梳打：冰凍菠蘿超級大嚿！同埋梳打好多菠蘿肉好酸甜味道一啲都唔假！7. 巨峰梳打：好爽

見到食評一致讚好食物精美睇見都流口水，我就帶老婆一起去食，一去到場景就像去了日本服務員親切有禮，食物款式特別打卡一流，味道非常好又新鮮，價格性價比高下次一定會再去。