樂天經典 (已結業)

因為要掉下男人自己和好友外遊，臨行前便和他出去拍拍拖、吃個飯。本來是想去隔壁的樂天皇朝，但看見這間樂天經典，便開始想好不好去試試看。在看到這個後，喜歡吃蟹的我立馬便決定要進去。這裡還有夜貓子優惠，下次要晚一點去。零興趣的小碟，價值$15。星洲泰式鳳爪 $68份量不少，口感爽脆，比較平常吃到的，這裡的鳳爪味道會偏甜一點。招牌扣肉包 $23/每片很邪惡的一道菜，但聞到已經覺得好吃。熱辣香軟的包夾著肥瘦剛好、油潤而不膩的扣肉，扣肉煮得入味，微甜不過鹹，口感亦夠軟稔好咬，好味道。花雕黃油蒸螃蟹 $368 (約1.2斤）螃蟹很大隻，啖啖肉夠鮮甜，連那層黃油蒸蛋都啖啖蟹香，大滿足。星洲炒貴叼 $88(S)算炒得夠爽均勻，香而不辣，但沒什麼特別。腐乳空心菜 $68(S)空心菜新鮮翠嫩，重腐乳香但太鹹。三色桂花班蘭糕 $38有驚喜的一道甜品，一件有三個口味，桂花香、班蘭香和椰香配合得不錯又不互搶，甜度亦剛好。吃到捧著肚子走，超飽走，下次要再去。

平時除咗食日本野之外，中菜一定係我嘅首選，今日同女朋友去尖沙咀行街，諗起有朋友推介過樂天經典呢間餐廳，所以今日就決定去呢度食夜晚餐。老鼠粉煲狗仔粉平時就食得多啦，老鼠粉都係第一次食，外表同狗仔粉差唔多，但係食落就好容易食到分別，雖然湯底比較潔身，但好好飲！脆炸美人魚呢道菜嘅賣相都幾特別，雖然從表面上見到魚骨，但係食落可以成條咁食，好易吞！淮山杞子螺頭湯老火湯一直都係我最愛，平時飲開媽咪的老火湯，估唔到呢度嘅螺頭湯都煲到家嘅感覺，一飲就知好夠火候，而且超足料，螺頭完全唔韌，好易咬，立馬飲左幾碗，正！櫻花蝦四季豆食中菜點可以唔叫菜架，原來櫻花蝦同四季豆係可以咁match，食得夠滋味！

朋友推介黎左食餐團年飯，簡直係充滿驚喜呀，原本以為係一間普普通通酒樓菜，誰知就連很簡單的蔬菜都可以即刻叫多碟，胃口大開，呢碟菜叫做"四大天王"，係由荷蘭豆、茄子、秋葵同埋豆角炒成一碟，雖然每樣食材都係平時食開既，但加埋一齊就覺得好有特色，有林既，有爽既，有痴笠笠既......好似一次過滿足了不同口感。仲有一樣係"老鼠粉煲"，食材一樣好簡單，有d冬菇、肉碎、蛋......但佢又一次過滿足了味蕾，咸咸地加上佢好full，最後食新真d，會嘗到少少酸酸的味道，唔細心品嘗都食唔到有咁多層次。最後介紹多款就係"麥片蝦球"，未試過晚餐食麥片，但原來都幾夾，平時食開黃金蝦呀，今次就有d新突破，仲感覺健康d。呢間一定要列入"翻卓"list。

新加坡的胡椒蟹風味胡椒蟹鋪上滿滿的黑胡椒獨特醬汁，在炎熱的東南亞地區成日食到，呢個亦係樂天經典既招牌菜式，今次特地試下。天氣寒涼，凍到無咩胃口，就是要來點重口味的美食增加食慾，胡椒蟹比起傳統廣東的薑蔥蟹，黑胡椒醬的料理方式其實更難入味，但出奇地好味，蟹蓋上鋪滿濃香的黑椒汁，每啖都佔上醬汁，非常惹味。特別喜歡香口炸野，叫了椒鹽淮山，淮山爽口又健脾開胃，外脆內爽。另一款必點香口炸野係黃金炸蝦，又脆又香口，每啖都食到香濃咸蛋香，蝦球又大隻。食了不少香口炸野，點了杯檸檬薏米水清熱，再點盅淮山螺頭湯滋補養生一下。

今日約左班好朋友gathering,人大左少咗食放題!反而鍾意逐碟叫！朋友仔帶路嚟食呢間東南亞菜！小菜款式有好多！呢碟鹹蛋蝦球，每粒蝦球都沾上鹹蛋黃！好香口但唔算會咸！蝦肉幾爽彈！沙拉排骨甜甜地好惹味排骨好林，口感似豬扒！啖啖肉啱晒食肉獸！邪惡到爆仲有呢款招牌扣肉包！麵包熱辣辣，夾住半肥瘦扣肉！咬落油脂爆發，香味十足！食咗咁多肥仔嘢就叫個湯補下身，份量大概有五至六碗，足夠幾個人分，淮山杞子螺頭湯，活血健身，提神補氣！啱晒成日夜瞓，虧虧地嘅我最後重頭戲有花雕蒸蟹，蟹蓋蟹膏唔算多，但蟹肉鮮甜！又夠大隻！一碟都夠幾個人分享！有機會下次想試吓鹹蛋焗蟹，吾知又係咩味呢！

早排帶父母食飯，準備慶祝過年上網見到樂天經典有好多人推介，於是心郁郁想試，就帶埋父母過黎品嘗😋雖然一早已經book好枱，但黎到仍然要等一陣，因為人流太多喇入座後環境都以闊落，同家人都坐得好舒服我地點左個老鼠粉，入面由銀針粉煮成食落啖啖酒香味，父母都讚好好食父母比較中意食傳統菜，起初怕佢地唔岩胃口，所以點左個雞粒炒飯。點知係出奇地好食，炒得好香口！講到美食，一定係佢個招牌胡椒炒蟹大大隻蟹，絕不欺場！而且炒得好夠味，真係食過返尋味！

【延續美味——樂天經典🌟】〔黃金焗螃蟹〕$368必食惹味之選！螃蟹大約有700克，蟹肉份量也不少，吃上去鮮甜之餘，再加上咸香十足的咸蛋黃碎，實在讓人欲罷不能。〔干貝菜膽竹笙燉湯〕$168干貝竹笙菜膽排骨老雞雞腳降血壓排毒養顏〔家鄉鹵元蹄〕 148以多種中式藥材香料，包括八角和胡椒粒等烹煮六小時而成，豬皮香元蹄肉都相當入味，入口即溶。〔臘味炒飯〕 $132 臘味炒飯鑊氣十足，炒飯夠乾身，粒粒分明。不過，配料只有臘腸和香菇，若然可加入潤腸或臘肉等相繼會更好吃。最後還附送滋補番薯糖水 認真暖胃

上個月帶埋男朋友同我父母做節，男友上網爬左好多文，得出個結論係呢度好受歡迎，所以就俾男友發板啦！雖然一早已經預訂好位，但仍然多人得驚人😨我地等左十五分鐘先可以入去坐低，睇黎呢間野都來頭唔細！入座後即時點左個招牌客家豆腐聽講豆腐係佢地自家製！食落都好香濃既豆味，而且超滑！質感好似玉子豆腐啊！第二樣令人震驚既係佢個胡椒炒蟹OMG😲 好食得過份！啖啖肉，入口好香辣！呢個簡直必食呀！最後我超欣賞佢個三色糕！香滑特別！

遲寫了的團年飯食評. 是日年初五，這裡提供新春套餐，也提供平日的散叫，較有彈性。四人套餐包括前菜、湯、四個小菜、臘味炒飯及湯圓，另加了一個海鮮炒麵線。整體質素一般，前菜的炸豬肉蝦棗夠鬆化，卻很油膩；湯欠鮮味而嗆喉，味精太多吧；最值得推介是鐵板豆腐，夠香夠嫩夠和味，一絶；炒麵線也不賴，乾身有嚼勁，但配搭的海鮮淡而無味，可惜；其餘餸菜不過不失。待客之道很差，餐廳只有八成客，但又話好生意，要求我們五個人坐四人枱加主席位，仲話枱枱都係咁，訂枱時又唔講，到拉隊走人時又肯加大張枱，吹到啤一聲。

之前到過銅鑼灣的樂天皇朝吃過七彩繽紛的小籠包，非常出色，這晚到了同樣是樂天集團旗下的樂天經典，原來樂天經典的尖沙咀分店隔壁就是樂天皇朝，兩間都在同一層，所以記得看清楚門牌在進入。 餐廳裝修環境光猛，坐得舒適。先看看餐牌，發現有些菜式有大中小份量可供選擇，食客可因應人數多寡而彈性點餐，非常貼心。身為中國人特別喜歡喝湯。這裡的湯是以文火慢煮，營養健康，溫和滋補，保留了原汁原味，而每種湯都有不同功效。點了一盅准山杞子螺頭湯 $178 -  材料有鮮螺頭、准山、杞子、排骨、赤肉、老雞、雞腳。盛起的湯渣有一大碟，用料豐富， 難怪湯頭味道非常濃郁，精華所在味道鮮甜，回味無窮，而一盅可供到3-5人享用，超值!蒜香紅海蜇頭 ＄75 - 海蜇頭厚身大塊很爽脆， 醋香醬汁帶甜及加入了辣椒粒有點微辣。四大天王 $68 (S)，顧名思義有四種元素，包括有秋葵、甜豆、四季豆、茄子。其醬汁味道帶甜的。黃金蝦球 $138 (S) - 金黃的鹹蛋蓉包圍著整個蝦球，味道突出惹味， 蝦球夠大隻充滿口感，表面混薄粉炸過，外脆內軟。招牌扣肉包 $23 一片 – 招牌菜當然要試試，扣肉片肥肉與瘦肉相間，層次分明，貌似充滿罪惡感

過年都係食中菜比較好，不過尖沙嘴稍為好少少的餐廳都唔平，邊行邊揀無意間經過呢到，見環境舒服價錢合理，咁就試下，估唔到都正宗，而且有我鐘意嘅五花肉，連其他小菜都包你話正，無失望！招牌扣肉包：每人一件件份量啱好，扣肉肥瘦適中不會太肥，剛剛好。扣肉與包平衡，令肉的口感更滑順更多變化，包吸了肉汁很好吃，整體來不錯，招牌菜當之無愧香酥南乳五花肉：皮炸得有少少燶，外層炸得香脆而不膩，五花肉脂肪於口中融化成絲絲油香，肉質鬆軟，充滿豬的豐腴香氣，每咬一口都是享受! 三杯鴕鳥肉煲：第一次食鴕鳥肉，原來口感真的好特別，質地像牛扒，但是味道接近雞，最好是整得好淋，不韌易咬多汁，正當歸花菇雲耳蒸鱸魚片：用當歸、花菇、雲耳蒸鱸魚片，有益出色，那鱸魚片是說不出的爽口甜美腐乳空心菜、酸辣素羹：好足料兩個嘅口感同調味都適中，唔會覺得太稠同太咸/太甜飯後甜品番薯糖水、椰子西米露湯丸已經相當満足，整體食物服務質素不錯

妹妹早就預訂~ 樂天客棧食團年晚飯。 店地方寬敞,環境舒適。**【酥炸豬肉蝦棗】 $68這豬肉蝦棗外皮酥脆,內滿多豬肉及蝦肉好彈牙,十分可口。** 【淮山杞子螺頭湯】 $68大湯壺內滿滿是材料,螺頭仲係嫩滑彈牙,而湯味道濃郁鮮甜,具滋潤養顏。**【招牌扣肉包】 $23 x 1份肥瘦扣肉口感軟腍多汁又入味, 夾著熱熱柔綿的包及生菜一齊來食, 沒有油膩感,好吃!** 【辣椒螃蟹配炸刀切小饅頭】 $388 這螃蟹十分之大好肥滿,聞到隻好香呀！ 螃蟹浸在橘紅色的醬汁,見到都流口水。 一口咬下啖啖飽滿的蟹肉, 咬著啖啖肉肉蟹,肉厚結實甘香又鮮甜味, 配上特製秘醬汁,帶有蕃茄的甜、鹹及微辣的味道, 加入了蛋花,令口感更滑順。 不會浪費醬汁,用來送饅頭一流, 忍不住一個接一個吃。**【香酥南乳五花肉】 $88這五花肉酥脆口感,食緊炸豬扒,外脆內嫩,有鹹香滋味,令人忍不住食多幾件。**【砂煲花菇西蘭花扣海参 】(中) $297 以秘汁煨過海参吸收了香濃秘汁, 十分爽彈及好膠質感, 而花菇好軟綿,十足口感,而底下是爽脆西蘭花。** 【青芥末蝦球】 (小) $138 已去頭剝殼蝦,入口外面香脆滿足夠味

其實早已多次光顧以八色小籠包為招牌菜的樂天皇朝，最近在Youtube上不時看到分享才得知同為樂天集團旗下的南洋菜館——樂天經典。與不少人一樣，對我而言「南洋菜」之名甚為陌生，原來所謂南洋菜亦即是新加坡、泰國、緬甸、印尼等東南亞地區菜式，這樣說起來其實大部分正是我們熟悉不過的美食。星洲泰式鳳爪 ($68)去骨鳳爪爽彈入味，醬汁方面與坊間一般略有不同，辣度較低而酸甜清爽。酸辣素羹 ($45)湯羹質感濃稠，辛辣酸香，雖然是素食但菇菌等配料亦相當豐富。三色蒸水蛋 ($68)水蛋當中混有大量切粒皮蛋及鹹蛋，灒上油及豉油，賣相與餐牌圖片所示有所出入，質感相對結實粗糙不夠嫩滑。聚寶海鮮豆腐鍋 ($118)這裡的豆腐據聞是自家製作，的而且確質感軟滑之餘富有豆香，經油炸過後外皮略帶豆卜的影子，配上肉鬆鹹香豐富，而海鮮羹中更有不少蝦仁、冬菇及海參顆粒。荔枝咕嚕肉 ($132)傳統咕嚕肉大多只配有菠蘿，加入荔枝更加清甜，咕嚕肉裹上薄薄一層粉漿，炸至外脆內軟、毫不乾韌，即使品嚐到最後脆皮亦沒有絲毫變軟；醬汁濃稠甜蜜當中帶點微酸，向來熱愛咕嚕肉的我獨力將這盆四人份的出色咕嚕肉清光亦易如反掌。花菇雲耳蒸鱸魚片 (

一間好食嘅餐廳，不需着重門面功夫，只要食物好食，就必定客似雲來。呢間餐廳絕對有讚無彈，食物絕對稱得上指甲留香、津津有味，絕對食過返尋味!!!青芥末蝦球， 芥末同蝦的味道十分之配合， 加上芥末配搭菜式已經係潮， 但絕對冇諗過個效果會禁好， 芥末既味道刺激又唔會喧賓奪主搶走蝦嘅味道。胡椒蟹係呢間餐廳嘅煮打菜式，蟹絕對係新鮮、鮮甜、甜美，再配搭黑胡椒嘅味道， 令到一碟菜式升咗十幾個grade。 唔信嘅話你就一定要嚟試一試，包你有讚無彈。招牌扣肉包， 雖然係包但冇遜色嘅感覺， 扣肉半肥瘦加埋熱騰騰的包， 鬆軟得嚟又 入味。銀金蛋浸時菜， 雖然係平平無奇嘅一度菜， 但係裏藏驚喜。蛋黃加埋皮蛋再配搭時菜，三種食材醞釀喺個口腔裏面，驚喜處處 令你食個不停，一試難忘。鐵板豆腐， 通常鐵板煮食物一定係過老， 若要好食就一定要睇廚師的功架， 呢度鐵板豆腐又滑又好食啲汁滲入到豆腐裏面， 簡直令到呢碟菜式昇華到另一個層次。底鋪上一層蛋漿，驚喜嘅地方就係滑蛋配搭豆腐食的話，十分一流， 好食到不能以言詞來形容。大家若經過、行過的話，就一定要試一試， 包你好食， 舉腳讚好!!!

新年前夕 緊係要同契爺契媽食返個團年飯啦趁佢地呢個星期係香港 拿拿聲約啦㨂左中心地區尖沙咀 樂天經典佢地呢期做緊新加坡菜 第一時間叫左胡椒炒蟹哇 炒出黎啲蟹肉好鮮甜 加上啖淡胡椒香 加上微微嘅辣 越食越吸引食團年飯又點可以唔可以唔食雞呢呢隻金牌脆皮燒雞 即叫即燒 皮脆肉嫩 咬落重好juicy 好好食媽媽㨂左酸甜爐魚片 酸酸甜甜 好醒胃最後勁邪惡咁同契爺一人一件扣肉包不過無我地想像中咁肥 味道好香團年又點得湯圓呢 好香椰汁味 重有大大粒黑芝蔴湯圓 食完大滿足