樂天經典 (已結業)

與友飯聚，選了加拿芬廣場2樓的「樂天經典」飽吃一餐。「樂天經典」對我來説並不陌生，之前也來過吃晚飯。廣場2樓會看到「樂天皇朝」與「樂天經典」，它們同屬一個集團。兩者比較，前者主打滬菜，後者主打經典南洋中菜式。八式皇朝小籠包下次再會吧！餐廳裝潢洋溢中式古雅的風格，座處舒適。是日的餐單由饕食的好友安排，當然我十分放心可坐享其成！不過打開餐牌真係好多選擇，冷盤 、熱炒、中菜、主食、粉都、甜品和廚師推介菜。首樣來的招牌扣肉包$23/件，雖然只是一人量的扣肉包但它都是人氣之選。熱辣辣的包子，猶如饅頭的外表，質感幼軟軟熟，夾上超大片的五花扣肉，邪惡正式燃燒，厚厚的脂肪層令整片肉更甘香和邪惡，瘦肉的部份富帶嚼勁，加上生菜，又不怎覺肥膩，醬汁又不會死鹹過濃，愛這個包子唷。 脆醬美人魚 $55看來懷舊南洋菜式還擁特別的，冷盤點了 脆醬美人魚！脆醬美人魚由一尾尾小魚堆起，小魚質感香脆，吸收了甜甜辣辣的醬汁，口感與味道恰似坊間小吃的魚乾，不單開胃，佐酒亦是一流，可惜當天沒喝酒！可惜，可惜。菜香鐵板豆腐 ＄98豆腐都好值得試，豆腐外層焦香、內層滑溜，一聲滑落喉嚨，而且好像玉子豆腐般充滿蛋香。有了蛋香真的會覺得

樂天經典就在樂天皇朝對面，今晚一於唔食小籠包，食東南亞菜式。樂天經典裝潢時尚，空間感大，適合三五知己邊食邊傾計。菜單上大部份的菜式都可以選擇大、中、小的份量，唔怕浪費食物。脆醬美人魚 $55炸到超香脆的魚骨上面裹著一層甜甜的脆醬和白芝麻，香口又美味。富東南亞的味道，讓人忍不住一口接一口吃下去。蒜香紅海蜇頭 $75海蜇頭比平常吃到的海蜇冷盤更肉厚，口感更爽脆，醬汁有濃濃的醋香、蒜香，十分醒胃。清新美味的前菜。家鄉海鮮炒麵線（大）$176叫咗個大的炒麵線，份量果然係大。麵線炒得夠乾爽，麵質彈牙，拌入銀牙、洋蔥絲更添爽口。炒麵中的海鮮絕不欺場，有大大隻蝦球、魷魚鬚等，鮮味大爆發。四大天王（大）$136四大天王即係秋葵、甜豆、四季豆、茄子。口味偏重，微辣。秋葵的潺處理得很好，入口夠乾爽。可惜茄子和四季豆吸收咗辣油的油份，食落偏膩。荔枝咕嚕肉（中）$132大人細路都愛食的咕嚕肉點可以唔收啊。炸到酥脆的咕嚕肉，外層是酸酸甜甜的咕嚕醬，荔枝甜味有畫龍點睛的作用。金絲麥片蝦球（大）$276在這碟鋪滿厚厚的麥片下，藏著幾隻炸得香脆彈牙的蝦球。估唔到麥片同海鮮都可以咁夾。麥片可以作為小食，又酥又脆，還有點

星期日晚同家人外出食晚飯，今次揀咗樂天經典，食新加玻菜。餐廳位處尖沙咀加拿芬廣場，交通便利，要做在食肆林立之地立足，一定有番咁上下實力！今次點咗三款菜式，分別係白胡椒排骨豬肚湯、荔枝咕嚕肉同埋金銀蛋浸菠菜。全都屬高水準菜式！白胡椒排骨豬肚湯($168)揭起燉盅蓋即香味四溢，越飲越暖身。原來除左豬肚外，仲有赤肉，雞腳同玉竹，湯水唔會太肥膩，胡椒味濃郁，湯渣都食埋，驚喜推薦！荔枝咕嚕肉(中$132)豬肉咕嚕肉用上半肥瘦嘅梅肉來炒，肉質鬆化啖啖肉，醬汁酸甜醒胃，配料青椒、紅椒、菠蘿同埋荔枝肉，色香味俱全。金銀蛋浸時蔬(中$128)新鮮嫩滑嘅莧菜(青莧)，配上鹹香的鹹蛋和口感彈牙嘅皮蛋，同埋雞蛋、肉碎、高湯一齊煮，今次連湯汁都飲埋, 讚！

樂天系列深得家人歡心，今天一家來到尖沙咀的樂天經典繼續大食大喝。南洋菜式係今日的主打。黃金鹹蛋蝦球呢期熱賣鹹蛋美食，薯片、魚皮、爆谷。今次試試呢款新加坡名物！黃金蝦炸到脆卜卜，啖啖肉。一邊吃著惹味鹹香嘅蛋黃粒，一邊品嘗肉嫩爽甜嘅蝦肉，滋味無窮！金絲麥片蝦球麥片蝦貴為星洲名菜之一，麥片混合蜜糖炒至金黃色， 集酥脆香甜於一身。蝦球大大隻，食落爽口彈牙，口感十足！鯪魚炒油麥菜家常小菜之一，油麥菜本身帶點甘苦味，用味道較濃嘅豆豉鯪魚來炒香，惹味可口，拌飯一絕！三色桂花斑蘭糕 呢款甜點賣相吸引，杞子桂花、班蘭同椰汁糕，層次分明。杞子桂花糕味道清甜淡、椰汁糕色澤雪白，椰香濃郁、斑蘭糕則軟糯煙韌，值得一試！

中菜往往是看似簡單卻是不簡單！藥材燉走地雞湯湯的味道十分濃郁，但略嫌有點油。餐牌寫著這個湯能益脾潤肺、活血補氣，看來十分適合體虛的我！這個湯用上了多種中藥，包括玉竹、當歸、杞子、淮山、黨參...配合排骨、老雞及鮮雞，既可口，又養身！金牌脆皮燒雞我十分喜歡的中式炸雞，皮脆肉嫩！雞的生熟程度剛好，肉質能夠保持鮮嫩，但不會有血水。雞皮方面，是脆卜卜的，亦沒有帶過多脂肪。三色桂花斑蘭糕甜品十分有趣。三層分別是椰汁糕、桂花糕及班蘭糕，我覺得三層味道配合得宜，很美味。整體來説，這是一頓使人十分滿足的中菜！食物味道好好，尤其是甜品-三色桂花班蘭糕絕對不能錯過！

同屋企人慶祝想搵個就腳嘅地點食中菜。有朋友介紹樂天經典專食經典菜,老人家一定鍾意。入到去裝修都係新式菜館嘅裝修,坐得好舒服 。茶壺唔再係白色瓷器，用上金色有格調得嚟又有特色。 餐牌上的確有唔少經典菜，另外最近可能因為係當造所以都有特別有蟹嘅菜式。蒜香紅海蜇頭 海蜇頭好爽口 個汁酸酸地有蒜蓉味都覺得唔錯 。當歸蒸鱸魚 當歸蒸鱸魚其實有少少似古法蒸魚都係落咗啲當歸, 紅棗,木耳去整。 有少少藥材味同埋甜味都係一個唔錯嘅食法。我哋四個人就叫咗個中size 份量都好夠。花雕黃油蒸蟹真係非常新鮮 咬落去啲肉係爽甜嘅!😍有多肉, 花雕嘅香味同埋雞油嘅配襯真係好好食呀 !平時出街買咁大隻蟹都要百幾二百蚊!煲仔老鼠粉 本身想買中size但係個侍應叔叔好貼心,見到我哋四個人,其實細嘅都夠食,建議我哋叫咗個細嘅先。果然細既份量都已經唔少,真係啱啱好!老鼠梗係以前細個食過嘅而家都唔知邊度有得食,係類似銀針粉嘅粉麵,加咗好多配料好似菜莆,窩旦咁樣撈埋一齊食。食落去好有回憶呀。佢仲配埋個咸魚檸檬汁,好清新。我哋仲叫咗個三色桂花班蘭糕 甜品唔係太甜有瑰桂花嘅清香同埋班蘭嘅香味又真係幾好食,估佢唔到甜品都做得唔錯!

知道開左間樂天經典專食經典菜,所以帶埋屋企人試下。一上到去分左左右兩邊 ,一邊係樂天皇朝食上海菜, 一邊係樂天經典主打經典菜。樂天經典雖然是經典菜但係呢成個裝修都係好新式,一點都唔老土。 見到有舊式菜有蝦棗, 扣肉包仲有 因為蟹當造 , 專有蟹既菜色。有啲餸菜都係好有特色嘅。我哋叫咗個芥末蝦球。呢度嘅菜式可以俾你叫唔同嘅Size跟番唔同嘅價錢。人多呢就食大碟啲,人少就食細碟啲,任君選擇~~青芥末蝦球$207(M)其實唔辣嘅但係佢就有青芥末嘅香味, 另外蝦球炸得好通透但係又唔會好厚粉。蝦球大大隻有鮮味又彈牙, 絕對係靚貨👍我哋叫咗個中size有九粒蝦球 仲有你睇下佢有嗰個鳥巢,係我細個嘅時候成日食嗰個!!而家已經好難見到啦~另外叫咗個花雕雞油蒸螃蟹$368一食就知道係靚蟹絕對唔係水蟹。蟹殼有番咁上下厚,肉亦都好結實。用花雕雞油去精絕對可以帶出蟹嘅鮮味~~打開改都見到好多蟹王😍😍你睇下個蟹鉗幾好肉 ,絕對係新鮮蟹呀!!呢個價錢有人整埋畀你食又唔算貴😉黎得呢度食經典菜梗係要試下啲功夫菜啦。家鄉滷元蹄 $148通常呢啲滷元蹄整得嘅酒樓都會有自己嘅秘方既~~食落嘅時候有唔同嘅滷水香味,啲肉非常

臨近新年，朋友飯局真係一個接一個。當然要搵間好味又好坐的餐廳，聚一聚。樂天經典在尖沙咀中心位置，地點方便。菜式以東亞南風味的中菜為主，選擇頗多。黃金蝦球（中）菜式可以選擇大/中/小份量，蝦球數量為大(12隻)、中(9隻)、小(6隻)。叫足份量，一人一隻唔駛爭。金黃色的蝦球擺盤精美，粒粒蛋黃包著蝦球，令人食指大動。油浸銀鱈魚 (中)(2件)大片的銀鱈魚柳皮脆、肉嫩。魚肉肥美，油脂滿溢，入口即溶。龍虎燴(海鮮湯)龍虎燴係有名的傳統的南洋中菜。龍即是蝦，虎就係蟹，還有其他海鮮煮成的海鮮鍋，材料豐富。加入咁多海鮮，當然要試下啖湯先啦。嘩，鮮、甜，湯頭有泰式和印尼菜的風味，絕對值得一試。青蟹多肉，蝦夠彈牙，鱸魚鮮甜。底下的米線吸收湯汁，係精華所在。三色桂花斑蘭糕三色糕顏色特別，白色的是椰汁糕，綠色是斑蘭糕，黃色的是杞子桂花糕。味道清甜，質感似果凍。清爽美味。 楊枝甘露 濃稠細滑的楊枝甘露，充滿芒果的香甜，甜入心。椰子西米露湯丸濃濃的椰香西米露配黑芝麻湯丸，又甜又溫暖。

以前過嚟食樂天王朝見到隔離原來都有一間樂天嘅連鎖餐廳 就話下次要來食下 估唔到都幾好食 我哋三個人叫咗三樣餸都好飽🌟金牌脆皮燒雞 $168名副其實嘅外脆內滑，好出色，就咁食隻雞都有味，但係加埋秘製醬汁更加特別，伴碟有蝦片。🌟老鼠粉煲 小 $108一上枱已經覺得個外表好靚，中間有隻生蛋，攪拌後，用鍋既熱力將佢整熟，成個感覺好似食碗仔翅，老鼠粉即係銀針粉，好耐冇食過，細細條又滑身，同個芡汁好夾，配埋冬菇粒、蝦仁等等，好足料！🌟龍虎燴 $468聽個名又龍又虎咁，完全估唔到係啲咩。其實係雜錦海鮮煲，又青蟹、蝦、青口、魷魚、魚片、蜆，每樣海鮮都好新鮮甜，精華，所以令到湯底好鮮甜。湯底係喇沙湯同米線，將所有海鮮嘅鮮味融入係湯底！

要同友人食牛一飯，唔一定要食西餐/日本菜，佢選擇黎呢間主打新加坡菜嘅餐館雖則話係新加坡菜，但望落亦有廣東菜食，照顧唔同客人口味設有卡位及圓枱，適合幾個至大班親友黎開餐，今晚可以有卡位坐，舒服寬敞，飲啖茶，食下小食，慢慢睇下有咩岩食先!未開始食飯時，先食呢客蒜香紅海蜇頭 ($75)作為前菜海蜇頭口感相當爽脆，浸於香蒜粒加醋汁當中，味道酸中帶甜，又夠清涼，整體效果相當好，好開人胃口呀!呢客薑蔥爆鱸魚片 ($108)就岩晒想食魚但又想啖啖肉嘅友人鱸魚片肉質都幾滑，配以大量薑蔥一齊炒，有助去走腥味之餘仲多一份惹味!平時湯水少，一有機會都想飲番碗湯，呢度有多款靚湯，呢煲係淮山杞子螺頭湯 ($178)，原煲上用火爐保持熱度，唔怕飲到尾時變凍!  讚!湯清唔油膩，飲落味道充滿螺頭香味，熱辣辣好好飲，飲完一碗感覺舒服!睇下幾足料，鷄腳骨都煲到腍晒，咁啖湯點會唔正呢?!生日飯又點少得鷄呢?!  呢客金牌脆皮鷄 (半隻/$168)係牛一人話要食，半隻份量都幾對眼，仲要有埋炸蝦片伴碟，童年回憶返晒黎!燒鷄披上一身金黃色戰衣，皮炸至香脆又唔多肥膏，食多片都無咁罪惡; 而鷄肉都幾滑，配埋個燒鷄汁食，又確係好味喎

今晚同媽媽去咗樂天經典食飯，尖沙咀分店環境唔錯，裝修幾靚，隔離就係樂天王朝！感覺佢哋嘅菜式比樂天王朝多，而且有得揀大中小size，就算兩個人都唔怕，可以點細份，每樣都食啲！元蹄用咗新鮮豬肉，滷得好腍好入味，豬皮入口即溶，仲有唔少筋肉位，調味都唔會過鹹，送飯一流👍🏻✨今次淨係點左一份蔬菜，所以要左中size，點知上枱勁大份！西蘭花扒雙菇(m)，用咗大花菇，整得好淋，但就唔係好夠入味。蔬菜都好新鮮，呢個價錢唔算貴！薑蔥炒鱸魚片(s)、花菇雲耳蒸鱸魚片(s) $108兩份都要左細size，每款都可以試吓！炒鱸魚片做得幾出色，用咗少少紹酒做調味，而且唔係好似出面咁煎到好乾，輕輕一炒，魚肉反而更滑！蒸鱸魚片都唔差，入口嫩滑，不過薑蔥炒就更香！聚寶海鮮豆腐鍋(s) $118豆腐應該係玉子豆腐，入口嫩滑之餘帶點蛋香，雖然外層炸過，但因為呢款屬於湯羹鍋，所以都唔會有脆嘅口感，食落就香味十足！入面仲有啲海參、蝦仁做配料，令整體更加鮮味！豆腐上面嘅肉鬆都好正，趁未沾到湯汁嘅時候，已經攞咗嚟撈飯！🤤最後要咗一碗糖水一齊食，椰子西米露湯圓($36)椰奶味都幾重，濃稠度適中，但西米粒就偏少，不過做飯後甜品嘅份量

朋友生日想食胡椒炒辣蟹，上網比我發現樂天經典有得食，仲要大好評，所以一早book定位黎同佢慶生。環境唔錯，裝潢望落都幾高級，空間闊落，坐得舒服。招牌黑胡椒蟹店鋪非常窩心，一早已經預備咗圍巾、濕紙巾、同蟹鉗俾你。隻蟹又肥大肉厚，好味到停唔到口，胡椒味道芬芳撲鼻，味道夠嗆夠辣，越食越惹味！菜香鐵板豆腐（s size),豆腐上面嘅汁混合埋d冬菇碎、豬肉碎、菜脯 ，杰身味夠濃，最底層仲有薄薄既蛋層 ，連埋好滑既豆腐一齊食，味道一流！招牌扣肉包非常驚喜，好好食。扣肉與包既配搭簡直係perfect match肉肥瘦比例大概各半，暖暖既包配合入口即溶既扣肉，咬落去肉汁鮮甜爆棚，肥肉香油不膩，仲好惹味，好有水準。金銀蛋浸時蔬比左菠菜，雞蛋咸蛋皮蛋基本上係成道菜既重點，加上惹味的蒜子同肉碎，菜式增添左多層味道。椰子西米露湯圓椰西米露椰香味非常重西米份量唔多，不過湯圓大粒，而且好煙韌，中間仲要係黑芝麻餡，正呀！

樂天皇朝食得多，樂天經典就未黎過。今日就等男友收工一齊黎開餐，真係好多人食。✨佢個小食真係好好味，平時我真係好少食花生呢d 配角，但佢呢個花生係炆到勁腍入晒味，而且粒粒都好飽滿。栗子都好清甜，絕對加分。✨淮山杞子螺頭湯： 呢個湯超正，螺頭鮮味十足，味道好清甜。天氣咁凍飲番個滋補靚湯，感覺真係好幸福♥️✨湯渣有我最愛：煲到腍晒既淮山，螺頭食落都好有鮮味，一盅有五碗，兩個人飲都真係好飽。✨招牌扣肉包： 叫左一個，因為怕太飽，結果又係搶住黎食。🤣個包好鬆軟，扣肉好入味肥瘦適中，開頭話食一啖。。。最後當然。。係唔止啦。。唔知點解真係好鍾意搶人d 野黎食，感覺特別好味🤣不過我對面條友既眼神係充滿敵意✨檸檬薏米水：微微酸帶少甜，感覺幾清新同健康，仲可以去水美白。✨古早魚香老鼠粉煲：估唔到呢煲細size 都咁大，絕對係無可能食得晒，我地本身已經飲湯飲到成肚水🙈。食前侍應會淋上青檸汁拌特製鹹魚醬，再撈一撈先食。入面有椰菜花，東菇粒，大蝦，肉碎，蔥花，菜甫等等，感覺有d 似食狗仔粉，不過佢個湯底帶點咸魚香味又幾過癮，最好多兩個人叫，因為放放下會更加杰～非常飽肚。✨花雕雞油蒸蟹：好貼心地有埋手套，濕紙巾，圍

早幾日同朋友去咗尖沙咀樂天經典食晚飯, 提早過節。 樂天經典係以南洋中菜做主題嘅餐廳, 菜式帶有南洋的風味, 如馬來西亞泰國新加坡等地, 最啱就係過節前嚟食番一餐做團年飯.餐廳裝修明亮整潔, 坐得舒服, 唔會坐得迫迫夾夾。由於友人鍾意食海鮮，於是就整咗龍虎燴（海鮮煲）同埋其他款式嘅南洋中菜龍虎燴龍虎會喺一度傳統嘅宴客菜， 馬來西亞啲蟹喺稱為海老虎， 而蝦就叫海龍， 所以龍虎會呢度菜有蝦有蟹， 除此之外仲有石斑魚，墨魚，花甲等等， 用料十分豐富， 而且過海鮮湯係用豬骨花雕等等熬製了六個鐘而成嘅， 鮮甜好吃。 而且入面仲有啲米線， 每條米線都吸滿龍虎燴的海鮮湯， 非常濃郁又飽足。古早魚香老鼠粉煲老鼠粉即是銀針粉， 貪其形狀似老鼠於是就改了名做老鼠粉。 呢度菜最特別之處係用咗特製嘅鹹魚柑桔醬， 店員會喺老鼠粉上菜之後，隨即揭起起煲蓋，然後倒入醬汁。 鹹魚味芬香撲鼻。 而且老鼠粉用料也十分多， 有蝦、蔥、椰菜花、雞蛋等等， 整個老鼠粉也洋溢著鹹魚的龍口味道， 香濃惹味。金牌脆皮燒雞燒雞係必食菜式之一， 燒雞外皮燒得非常香脆， 雞肉嫩滑而且肉汁也很多， 配上特製嘅醬汁同吃，帶點微辣，但又非常惹味

樂天經典尖沙咀店位於加拿芬廣場，由地鐵站行過來只要三分鐘距離，十分方便。 餐廳裝修冠冕堂皇， 餐廳面積寬敞坐得舒服，而且也有適合多人聚餐的檯凳組合呢。黃金焗螃蟹樂天經典提供的螃蟹菜色很多，讓人 拿不著主意。 今次就選了黃金焗螃蟹， 貪其以鹹蛋製作的 螃蟹 鹹鹹香香之餘又帶點濕潤的口感，螃蟹外殼帶著鹹蛋的鹹香 ， 拆開蟹殼後即見厚實飽滿的蟹肉, 蟹肉一束一束白白淨淨， 一看就知十分新鮮q中帶甜。 而且螃蟹的蟹膏也十分多， 蟹膏與鹹蛋黃的味道有十分配合。 味道新鮮鮮甜， 讓人不禁一口接一口。淮山杞子鮮螺頭湯材料十分豐富，有新鮮螺頭、淮山、杞子、豬骨、豬肉、佬雞、雞腳， 一盅也已經足夠幾個人分享。響螺頭湯味道鮮美，而且整盎湯也益氣養陰，補脾肺腎，在冬天喝更有暖身體的功效呢。手工海鮮白玉磚外層有點像炸得金黃的豆腐，但 內裏大有乾坤 ，餡料由 蝦肉、蟹肉 、墨魚、馬蹄等製成，口感一流， 帶點鹹香又不太熱氣，爽脆彈於一身。龍虎燴龍虎會是一道源自南洋馬來西亞的宴客佳餚， 龍獅子海蝦而苦就是指蟹， 當然這道龍虎會不單止只有蝦和蟹，更有石斑魚、花甲和墨魚等。 湯底又有兩種口味可以選擇：海鮮湯以豬骨、花雕