樂天經典 (奧海城二期)

营业中

休息中

今日喺大角咀附近開會，完事去奧海城搵嘢食。Man 姐推介呢間樂天經典，一於去試下。三個人，一人點一樣，叫咗老鼠粉煲，海鮮炒麵線同埋鴕鳥肉炒牛河。 要注意呢度每樣餸都有分大中細size，就算係細嘅 size 其實都幾大碟。 三位女士叫兩個餸應該都可食得飽。老鼠粉，我細個食嗰陣叫狗仔粉。落少少蜆介油，調一調味，感覺都鮮啲。海鮮炒麵線，配料最多就係生菜同魷魚，其他海鮮就冇乜啦。鴕鳥肉炒牛河，唔記得影相。我真係食唔出啲肉究竟係牛肉定鴕鳥肉。 不過鴕鳥肉應該會健康啲。最驚喜嘅就係午市食品有半價， 計落每個餸都係六十幾蚊多啲，好抵食啦。

餐廳環境淮山杞子螺頭湯螺頭湯味道鮮甜，而且用的材料豐富而且有營養健康（有杞子），滋潤清甜，飲了一口想繼續飲。青芥末蝦球芥末蝦球是比較少見的菜式，也值得一試！蝦球肉質彈牙，配上芥末味濃的汁及暖暖的雜果，味道新鮮特別，而且蝦和芥末味道十分夾，真的很好吃。泰式炭燒豬頸肉用炭火燒的豬頸肉當然質素不會差，豬頸肉大多是瘦肉，不會太硬或太軟，十分香口，配上甜酸汁味道很夾，很好吃！櫻花蝦四季豆我最喜歡就是這道菜，四季豆非常鮮甜又多汁，與咸香的櫻花蝦炒香後隔外好吃，淨吃櫻花蝦也很好脆口好吃，值得推介！！總括而言，這間餐廳的食物質素很高，環境亦很舒適，很適合男女朋友約會，一家大細或一大班朋友聚會～

難得慶祝朋友生日我們在網上看看大角咀附近有什麼好吃比我們找到一間裝修華麗坐得舒適嘅中菜餐館我們大約六點半吃晚飯所以預計應該不用訂位果然不出我們所料去到都不算太多人而且還未到真正的晚飯時間店員先給我們開一壺茶水茶香味道香濃可以一邊飲茶一邊揀選食物四個人當然揀不同款式嘅小菜多人可以叫多啲小菜試吓見到餐牌嘅圖片咁吸引隨即叫咗一碟椒鹽肉排🥩豬扒炸得香脆可口 恰到好處而且質感軟林林的 非常滋味一向鍾意飲湯水嘅我經過店員推介之下叫咗一煲老火湯職員招呼周到 仲幫我地舀起配料都非常足料 包括有雞腳 豬展等等老火湯味道鮮甜 雞腳皮好林 而且好入味重頭戲終於來到了黑胡椒蟹非常有份量賣相非常吸引 食落去啖啖肉胡椒有少少辣嘅味道好好食還有其他餸菜黃金蝦 清蒸魚同埋油麥菜最後仲有一個福建炒飯話咁快我哋係一個鐘裏面清晒估唔到每一款餸菜都咁好食今晚食咗太多食物了

這間餐廳的菜式走多元化路線，南洋風味菜、傳統中菜、結合兩國的fusion菜，照顧家庭不同成員的口味，是家庭聚會飯局的好地方，今年中秋做節飯，就選定這間，還好有訂位，6:30到達已經有不少人排隊等候安排入座，餐廳環境舒適，不怕長輩們會坐得不舒服。長輩們就最著重湯水，先來一煲准山杞子鮮螺頭湯，當然就不能跟家裏煲的老火湯相比，但合格有餘，飲得出有螺頭的鮮味，不會渴喉，還盛上雞腳、豬展、螺頭肉等湯料配豉油沾食。金牌脆皮燒雞皮脆香口，但可惜雞隻本身偏瘦，沒有很多肉的部分品嚐，中式的炸子雞配上泰式酸辣沾醬，味道出奇其地配合。菜香鐵板豆腐滑溜的豆腐裹上蛋汁煎香，再淋上惹味肉躁、冬菇粒、榨菜粒煮成的醬汁，送飯一流。乾炒鴕鳥肉河粉乾炒牛河就食得多，鴕鳥肉真的是頭一回嘗試，根據資料顯示，鴕鳥肉比評為最健康的紅肉，低脂、低熱量、低膽固醇，蛋白質和鐵質含量比牛肉高。鴕鳥肉片比一般牛肉大片，咬下去肉質跟牛肉很相似，沒有一點羶味，配上河粉、芽菜，炒得夠乾身夠鑊氣，碟上沒有多餘的油份，值得一讚四大天王秋葵、甜豆、四季豆、茄子加上泰式雞醬炒成的一道小菜，甜甜辣辣，十分開胃，一碟菜能食到四種蔬菜，四種不同的口感，多樣化

收工之後同同事去附近搵餐廳食飯，經過見到呢一間餐廳專門食中菜，二話不說就入去試吓。咁啱太陽仲未落山，餐廳嘅玻璃可以望到出面大馬路風景。呢度有自家製涼茶提供，我哋隨即每款各叫了一杯。我的就是檸檬薏米水，叫了熱飲，飲落去好暖胃。餐牌上嘅蟹有不同嘅烹調款式選擇，圖片亦很吸引，朋友喜歡吃辣，就叫了黑胡椒蟹。他們大讚蟹大隻，好有肉，而且黑胡椒味道剛剛好，唔會太辣。黃金蝦賣相實在太吸引，海鮮迷嘅我們隨即點了這個餸菜。食落去蛋黃味道濃郁，鋪滿蝦球表面，蝦肉爽口彈牙，食出鮮味。還有椒鹽肉排、清蒸魚同埋油麥菜等等，呢一餐非常豐富，而且飽肚滿足。

相約幾個朋友到奧海城商場逛街後，就找尋美食，見到近電梯位置有一間廣東菜，就特意入去試吓餐廳環境裝修豪華，而且位置空間闊落，隨即店員安排我哋坐卡位位置。呢度最出名食蟹，難怪餐牌上幾版紙都係介紹蟹，仲有不同嘅煮法。除此之外，餐牌上嘅食物圖文並茂，每一樣都好想試吓。黑胡椒蟹係我嘅至愛，當然唔少得叫一份招牌菜試吓。胡椒蟹有一大隻，而且好有份量，食落去蟹鉗有我手板咁大隻，而且師傅已經一早將啲蟹殼扑爛，所以好容易剝。蟹肉啖啖肉，非常鮮甜！點少少黑胡椒汁更加滋味。除此之外，叫咗女士們最鍾意食嘅手工海鮮白玉磚、黃金鹹蛋蝦球同埋細嘅老鼠粉煲。手工海鮮白玉磚頭一個個長方形，外皮好香脆，入面嘅白玉豆腐好滑溜。最後$800有找埋單，每人平均消費$400，就可以食到咁大隻羔蟹，仲要兩三款餸菜，非常抵食。

話說上年朋友的生日，嚟過依度食飯慶祝，嗰次令我覺得這店係蒼海遺珠，有著美味嘅食物，而且不平凡的！ 脆炸美人魚 $55 魚十分脆(其實大家睇到都Feel都脆吧！), 而且每條都炸得很平均，半晶瑩通透, 條條滿有魚肉同魚骨嘅香味，有微微似魚露, 有少少調味，鈎下味 . 花茶，有4款，我選了有薰衣草，迷迭香，龍眼，菊花的，有清熱，補氣養血，清嗓潤喉之功效，每壼只係$26,真心抵，起初香中帶甜，加左第二次水，都滿有清幽花香味！ 星泰鳳爪 $68 麥片蝦球 (中：$207)係我今晚最鍾意嘅菜式, 對面係似黃金蝦, 而且每隻蝦都大大件, 加埋兩種唔同口感嘅麥皮, 一啲都唔難入口, 有少少脆口又甜, 裏面有上九至十隻蝦, 食完真係舐舐脷, 下次再嚟都一定會點呢味餸! 菜香鐵板豆腐 -中：$147同上次食一樣有點鹹香嘅味道, 裏面嘅豆腐係玉子豆腐外面有啲似紅燒豆腐嘅炸皮, 上面有一啲冬菇, 鹹菜等炒成嘅惹味醬汁, 最重要嘅係一塊熱熱嘅鐵板上面有一塊薄薄的煎蛋, 有蛋味嘅玉子豆腐加上煎蛋, 更加香口. 楊枝甘露 $36你係外貌協會會員嗎?? 餐廳為咗將楊枝甘露有靚啲嘅外貌, 將西米

小編接完媽咪係奧海城放工， 就打算去商場食完晚飯先返屋企。😏 平時媽咪午市都有去「樂天經典 」飲茶，覺得唔錯， 所以今次就黎試下晚市啦！😙 酥炸豬肉蝦棗（$68） 蝦棗炸成大棗形，外皮酥脆， 用蝦肉和豬肉，再加上爽脆可口嘅蔬菜粒， 香口得黎又不會感到太油膩。 青芥末蝦球（小）（$138） 青綠色嘅醬汁包圍着炸脆嘅蝦球， 要襯熱食呀，如果唔係好快腍！🙊 蝦球個頭都算大件， 蝦肉爽彈，微辣惹味，值得一試！ 金牌脆皮燒雞（$168） 雞皮燒得薄又脆， 雞件厚肉，嫩滑多汁，好味道！😋 古早魚香老鼠粉煲（小）（$108） 以瓦鍋上桌， 從面層已見材料豐富，😳 有生雞蛋、鮮蝦、椰菜花、銀針粉等食材， 最特別的莫過於檸檬🍋鹹魚醬汁， 加入醬汁再拌均， 更能吊出湯底嘅鹹鮮，更惹味～ 食幾多碗都唔會覺得膩！😏 整體來說， 「樂天經典」的食物相當有水準， 價錢又合理， 唯今次又食唔到招牌扣肉包，又售罄了！😭 下次一定要再黎過！💪🏾

今晚同媽媽食飯，揀咗間坐得舒舒服服嘅餐廳，食乜嘢就由媽媽發版一路睇餐牌一路食餐前小食：花生栗子都好淋，仲有少少甜味！雖然係媽媽揀菜式，但其實佢都揀晒我鍾意食嘅嘢！炸雞翼我自細就鍾意食！呢度炸雞翼非常熱辣辣，而且真係皮脆肉嫩，入面仲好夠味手工蝦棗唔係度度都有得食，大大粒好足料！入面有蝦、有肉、有馬蹄粒、蔬菜粒等等，口感好豐富，不過食多幾粒都覺得幾熱氣架呢個咕嚕肉係必食推介！個汁酸酸甜甜好開胃，而且每件肉都淋滿汁但依然脆口主食點左窩老鼠粉，其實即係銀針粉，每粒都好飽滿好滑。呢個粉好好味，碟咸魚有畫龍點睛嘅效果！撈左入去之後成個粉都好香好好味食到飽飽之後仲要咗個甜品！三層嘅味道都有少少唔同！我哋最欣賞杞子桂花糕個層Menu入面仲有好多菜式我哋都想食，下次一家人黎叫多幾款先得！

今日去樂天經典食晚飯，樂天經典嘅位置好方便，就係奧海城入面，係奧運站出閘行兩分鐘左右就到。小食：小食幾好食，媽咪好鍾意食個栗子，話煮得好淋，好好味。金牌脆皮燒雞:我哋叫咗半邊燒雞，燒雞幾好食，個皮燒得好脆，啲肉就幾滑，味道適中，唔會太咸亦都唔會太淡。仲有個特別嘅醬汁點，但係唔點已經夠味。隨碟附上幾塊蝦片，類似我哋食開嘅印尼蝦片咁，都幾好食，但一上台就要即刻食，如果唔係就好快淋。老鼠粉鍋：叫咗個中size老鼠粉鍋，之前食過覺得幾好味所以今日再encore，一開始就試咗冇落果個黃色嘅鹹魚醬汁，都好味，但係落咗就更加好食，我哋四個人食一個中size 嘅亦都非常夠食。黃金焗蟹:今次食咗佢嘅黃金焗蟹，即係用鹹蛋黃炒蟹。隻蟹好大隻，好多肉，鹹蛋黃炒食落非常之香，都好惹味，對比黑胡椒蟹，佢冇咁鹹，但係如果食好多嘅話就有啲膩，所以要飲多啲茶先至可以解膩。如果黃金焗蟹同埋黑胡椒蟹比較，我覺得黑胡椒蟹好似略勝一籌。菜香鐵板豆腐:叫咗細size嘅鐵板豆腐，份量都幾多，個豆腐非常之滑，配埋上面嘅醬汁同埋菜食好好味，可惜就咸咗小小，但係送飯就應該一流。 三色桂花班蘭糕:甜品就叫左呢度嘅特色 三色桂花斑蘭糕，一碟

樂天經典已經不是第一次前來，每次都滿意及有意外驚喜。一如以往中菜永遠是我最喜歡之物。店員仍舊親切的款待，所有食物都美侖美奐。聚寶海鮮豆腐鍋$118原鍋奉上熱騰騰，內含蝦、蝦米及海鮮煮得相當入味；豆腐的味道軟腍而且份量頗多，配合米飯同吃美味。金絲麥片蝦球 $138每次我都會點下的麥皮蝦，其實是將蝦球炸至香脆無味，加入了蛋黃及麥片等炒至香脆相當美味可口，小份但都有6大隻不錯，推介正。腐乳通菜$68師傅將通菜炒得甚有鑊氣，份量也恰到好處，混合腐乳通菜的確吃得津津有味不錯。古法清蒸黃花魚$108黃花魚亦是我喜歡之物，魚肉清蒸得沒有過火，肉嫩與薑蔥等同吃美味！2-4人家庭都可以點下也是不錯選擇。喇沙湯海鮮米缐$78喇沙湯底是我最愛的，椰汁味相當重而且帶點辣味，內含魚片、大蝦、青口等份量十足，米缐吸收喇沙湯底滋味無比。

今日同屋企人企奧海城行街，經過見到入面環境不錯，菜色都幾特別就決定入來試一下，果然無選擇錯。我地一齊4人叫左古早風味老鼠粉煲入面有冬菇肉碎木耳，蛋花，主角老鼠粉，老鼠粉好入味，而且不軟，彈牙爽口。推介。金牌脆皮燒雞皮脆肉嫩，而且個雞好入味，配上距提供辣辣醬料完全唔覺得油膩絕配，還有蝦餅棒蝶。蒜香鐵板豆腐底層有一層薄薄單，豆腐外層炸過，入面非常滑，上面淋上冬菇和醬料，推介。三色桂花斑蘭膏一層桂花糕，一層斑蘭，一層椰子味，非常搭配，而且膏好似滑好軟，桂花味好重好香。黃金蟹大大只蟹淡淡肉，勁香鹹蛋黃味，好野味。

每次嚟開奧海城呢邊探婆婆，我地都好鍾意去樂天到醫肚！雖然門口細，但入面就好闊落，而且啲位都幾舒服，所以我地成家都好鍾意先嚟呢個菜香鐵板豆腐$98，上枱嘅時候仲係喳喳聲，睇見都已經吸引豆腐比想像中嫩滑，加埋個用炸菜、肉碎調成嘅醬汁一齊食，惹味又開胃，送飯一流之後就係我每次嚟都要食嘅海鮮叻沙$78啦米線軟滑，湯底濃厚得嚟微微帶辣，好食！真係不愧係新加坡餐廳第一次食呢個椒鹽香酥鮮淮山$55，個脆漿做得好好，又薄又輕身，食落香脆唔會膩！而且鮮淮山營養價值豐富，健康又好味呢個係家鄉滷元蹄$158，上枱嘅時候仲有一個爐仔烘熱住，所以食嘅時候仲係熱辣辣輕輕一拮，已經骨肉分離，睇得出炆咗好耐，所以食落軟滑得嚟，亦得特別入味又係送飯嘅好配搭最然當然要食埋呢到有名嘅楊枝甘露$36同椰汁西汁露$36，鍾意佢地唔會太甜之餘，亦都夠晒香滑，真心唔錯的

平時同朋友一齊都係食西餐多今次我哋一齊食中菜行完街之後嚟到樂天經典等左陣枱就有位啦我地叫左淮山杞子鮮螺頭湯飲落好鮮甜呢!! 而且好足料!同媽媽煮既一樣咁好好飲呀~三個人每人都飲到兩三碗 一家人食既話份量就岩岩好啦跟住仲叫左菜香鐵板豆腐鍾意食豆腐既人一定要食呀!熱辣辣好香呀~ 配埋白飯岩曬呢~食食下朋友話無理由唔叫返碟菜所以我地左揀咗一份細既馬來風光平時都唔太食菜既我都覺得好好食呀!! 又香又夠獲氣~好正呀!最後緊係少得今日既主菜黃金焗螃蟹!! 一黎到已經好吸引~之後有一家大細或者聚會都可以再黎食呀~

第二次黎食喇，今次黎開奧海城又黎左食，因為哩度既中菜真係好正！上次飲過哩度既自家製薏米檸檬水好正，今次又再叫黎飲，$16蚊杯唔貴丫，女生們大愛，美白加去水腫，正！三杯鴕鳥肉煲 $118哩份係例牌，我覺得呢度其中一個特色係每樣餸菜都可以揀大中小，我中意叫細份d可以試多幾味丫嘛。鴕鳥肉好滑，平時好少食到，好有鑊氣。星洲炒貴叼 $88雖然係s，但其實份量好多，咖喱粉好香微辣，個河粉唔會好油，仲有好多配料同埋配菜。中午炒碟粉麵食先夠飽。雙菇扒西蘭花 $98係一碟全素既菜式，好大隻花菇，爽口又入味，岩晒中意食菇同素菜既朋友。苦瓜排骨 $88人大了中意食左苦瓜，哩度炒既苦瓜微微甘，好香，排骨新鮮，係一道出色既家常小炒！花菇雲耳蒸鱸魚片 $108全碟魚片都係冇骨嫁！個汁加左少少酒好香，鱸魚片好滑啖啖肉，雲耳係健康食材，哩碟魚好味！影左幾版餐牌俾各位參考一下，值得一試嫁！