樂天經典 (奧海城二期)

营业中

休息中

見到半價lunch promotion好耐，今天終於啱時間去食。茶有普洱/香片，$8/茶位。個茶壺好討好！其實我最鍾意個茶杯，比其他酒樓大50%，大啖大啖飲，唔洗下下斟。點了 招牌扣肉包，$23/件。包是熱的，軟綿綿。肉汁夠濃，配上幾片生菜，肉質半肥瘦，越食越好味，抵食。主菜是辣海鮮米線。完全不辣，問侍應有冇辣油，可惜，又是完全不辣。但飲出個湯底是魚湯。配料豐富，蟹柳是北海道類質地，不是cheap貨。蝦及魚片也可以，但是有雪藏味。份量可以。原價$70也抵。最驚喜是楊枝甘露！$36質地濃郁，香，帶甜偏酸！與平日糖水舖hey nel nel 的完全兩碼子的事！吸引力十分！服務比想像中好很多，即使是繁忙時段，侍應也非常有禮貌。

我次係尖沙咀食過樂天皇朝，覺得唔錯！係奧海城又見到樂天經典！咁就要試試佢啦！佢呢到環境唔錯！裝修都樂樂！坐既位滾木闊落！好舒服！一家人👪帶埋小朋友都舒服無問題！———————-黑胡椒蟹———————-一入去，就比佢既蟹吸引住！好大碟！所以我就叫左黑胡椒蟹！細心位：有手套同圍裙俾我哋！唔怕整到唔怕整到手同個身污糟晒！隻蟹好大隻好新鮮好好食！再加埋黑胡椒辣辣地！配合得好好！—————古早魚香老鼠粉煲—————-佢好多汁啲粉煮得啱啱好！都唔錯！———————菜香鐵板豆腐—————-呢個小菜好好食！佢係有肉碎同冬菇做個汁，再加上鐵板去裝啲豆腐，拎到個豆腐外脆內軟！真係好好食！結論：環境唔錯，食物好食！值得一試！ 服務員態度很好！

放假帶咗姪仔去奧海城睇多啦A夢發明展！順道到了樂天經典食晚飯。樂天經典主打小菜。即使無小籠包食，我都好想試試樂天嘅小菜水準係點。由於小朋友話無胃口，所以特別叫咗好多開胃菜比佢送飯！餐廳間隔寛敞，餐廳侍應亦好有禮貌。脆炸美人魚第一次食這道小食。入口香脆同埋帶點點微辣，並且好香口，越食越開胃！侍應無介紹錯👍🏻藥材走地雞湯藥味唔會太濃，姪仔都話好飲！行咗大半日飲返碗湯補一補都唔錯。平日返朝9晚7，想飲啖湯都難。可以飲啖靚湯超開心😃鹹魚馬蹄蒸肉餅阿叔最愛的家常小菜，豬肉比例、火候嘅都拿捏得好好，食落不會太肥及乾身。黃金蝦蛋黃香味濃郁、而蝦則爽口彈牙。由於是蝦球，經已剝殼。所以食落更滋味同方便！樂天經典雖然沒有小籠包食😂，但小菜、靚湯同樣出色！

位於奧海城嘅樂天經典， 菜式種類非常豐富， 既有經典嘅中菜， 又有新派fusion菜， 仲有星馬菜式， 夠曬有創意。 適逢今期聖誕裝飾係「經典」「樂天」嘅叮噹， 影完咁靚嘅聖誕燈飾， 就梗係去醫肚啦。呢間餐廳地方夠大， 成個環境非常寬敞， 加上又夠光猛， 坐得好舒服， 最啱就係一家人嚟做節食飯。前菜鹵水花生同栗子就夠特別， 鹵水味道突出， 花生同栗子都炆得夠淋， 作為前菜一啲都唔馬虎。開飯之前叫咗一煲老火湯飲下，呢個《白胡椒排骨豬肚湯》， 好味得嚟又可以強身健體， 白胡椒帶有辛辣， 可以驅寒驅風， 增加血液循環。 而且用嘅料亦相當足， 又有豬肚 、雞腳 、排骨， 令整個湯帶有豐富嘅肉味， 雞腳又含有豐富嘅骨膠原，啱曬一種貪靚嘅食客。另外亦叫咗一個非常開胃嘅前菜 《脆醬美人魚》，聽到個名真係估唔到係乜， 原來係將魚仔加入辣椒和醬油炒香， 炒到金黃香脆，魚仔食落甜甜辣辣，非常開胃兼惹味，最啱就係做餐前小吃， 或者係佐酒小食， 好味道令人食上癮， 明知帶有熱氣都停唔到口。呢一道《手工海鮮白玉磚》， 口感有少少似煎蘿蔔糕， 但係食落就帶有海鮮嘅鮮味， 將魚肉、蝦肉、 木耳、 蘿蔔碎等等材料加入

街頭美食走入商場靚靚食肆，預咗賣貴 N 倍，午巿做半價，咁可以試吓喎，於是叫咗個細窩老鼠粉。記憶中，老鼠粉係銀針粉，奇怪餐牌幅相唔見銀針粉，點知上枱又變返銀針粉。店員放好呢窩老鼠粉，將少少配料倒入窩，即場同生雞蛋撈勻。窩入面仲有蝦、菇粒、菜甫粒同豬肉碎，豐富喔，湯底就杰身過街頭版好多，湯多料少係常識吧。唔少食客都有叫呢窩粉，一個細窩足夠兩個人食。秋風起，食臘味。臘味炒飯入口有濃香臘腸味，色香俱存，臘腸粒多，可惜飯太軟身呀。甜品揀咗三色桂花班蘭糕，落單時，店員已細心建議食晒飯，叫起先上。糕點唔過甜，班蘭糕的青綠色好勁，令下層白色椰汁糕染埋少少綠色，出現漸變綠效果。多心諗係咪加咗色，會否諗多咗。午巿叫飯、粉麵、甜品有半價，茶錢就冇折，加一服務費要照原價計。坐得舒服，鬆動過隔離舖，隔離杯茶就好飲啲，茶葉完勝。

喺奧海城行完街，周圍行下揾嘢食，見到有間南洋菜餐館，就入去試下。睇到餐牌有幾種蟹類食物，同埋聽講依度啲蟹係出名，但因為最近成日食海鮮，所以就無叫蟹。除咗蟹都有好多食物可以揀，餐廳仲要都好細心，好多菜都有大、中、少可以選擇，所以唔需要擔心兩個人黎食，叫得多餸食唔哂。叫咗碗例湯，係菜乾豬肉湯，好足料，啲湯好入味，好飲。爉味炒飯，炒得幾好，唔會太油。金銀蛋時蔬，雖然叫咗細份，但係都幾多油浸銀雪魚，叫咗細份，但係塊魚都幾大塊砂鍋豆腐蝦球，啲豆腐似係玉子豆腐，好滑，加埋啲汁好香

今日和好友往奧海城樂天經典食晚餐聚舊, 我們點了金牌脆皮燒雞半隻, 金絲麥片蝦球、海鮮米線、海鮮皇炒飯、椰汁西米露湯丸和楊枝金露。我們點了普洱茶, 飲落茶味香濃；前菜是花生和栗子, 食落軟腍, 咬落香脆；脆皮燒雞半隻賣相吸引, 炸蝦片食落爽脆, 燒雞肉質鮮嫩, 雞皮脆皮食落爽脆, 燒雞食落不感到油膩, 配上特製醬汁帶出燒雞美味；金絲麥片蝦球我們點了細份的, 金絲麥片食落香脆, 除有麥片的香味外, 還有蜜糖的鮮甜, 口感清新；蝦球食落食落新鮮彈牙, 口感十足, 連麥片一起食口感豐富, 味道醒胃；海鮮米線材料豐富,有鮮蝦和魚, 鮮蝦食落鮮甜彈牙, 魚塊肉質鮮嫩, 湯底清甜, 米線食落爽口, 整碗海鮮米線口感十足；海鮮皇炒飯賣相吸引, 材料有鮮蝦, 帶子和蟹籽, 鮮蝦和帶子和蟹籽食落新鮮惹味, 炒蛋有蛋香,炒飯飯粒炒得乾身, 食落有口感有層次, 蔥花能帶出炒飯的惹味, 很足料惹味的海鮮皇炒飯；最後甜品椰汁西米露湯丸, 椰汁西米甜度適中, 口感幼滑,綿密幼細,湯丸是芝麻丸, 食落軟綿爽口,高質的甜品。餐廳食物美味, 座位舒適, 份量十足有水準, 食了一頓高質美味晚餐。

為左多拉A夢特登過黎㗎！個展覽都幾得意平日夜晚無乜人先影到靚相👍影完靚相揀左南洋菜黎醫肚，點知有驚喜！餐前小食，有花生同栗子味道不錯一人一個是日燉湯今日係藥材走地雞湯好好味！飲得出甘甘甜甜嘅藥材，仲有不少湯渣食！招牌扣肉包可以揀兩件👍自己將腩肉連生菜夾入軟包食落又不覺膩喎！四大天王呢個菜好特別，直頭覺得要屋企都學起來食蔬菜好多時都比較單調但呢度菜好惹味，而且當中蔬菜嘅選擇都好多，非常好味！👍👍👍古法老鼠粉呢度菜都幾特別，上菜時侍應會在面前混入鹹魚味嘅醬令老鼠粉每啖也帶有鹹香但食味卻是檸鮮味？！幾有新鮮感😂新加坡都好興食蟹所以我地都叫左隻胡椒蟹做主菜特登問左會不會好辣，侍應介紹，香甜少辣胡椒蟹好好味！肉蟹完全無呃秤，胡椒醬椒香不辣，蟹肉也入晒味！👍👍👍兩個人食，剛剛好！今晚南洋晚餐，非常滿意！我最喜歡係呢度嘅菜式可以選擇大中小各適其式，多人晚餐，又或兩小口來撐枱腳也不會浪費，非常非常好👍👍👍

自從轉咗大角咀返工，餐餐都食唔同嘅嘢，今次過奧海城覓食。見到poster，知道呢間餐廳出名食蟹，張poster又影到隻蟹又大又靚，一於約朋友放工去食。因為OT，要8:30先開飯，肚餓到爆嘅我決定食到爆肚，大家叫咗成枱餸！何其壯觀！蟹叫咗2隻，一隻係花雕蒸，一隻係招牌黑胡椒。咁大個女，除咗喺北海道見過大大隻嘅雪場蟹外，今次都算係人生見過第二大嘅蟹！花雕蟹酒味香濃，隻蟹又肥大肉厚，好味到停唔到口，但精華在蒸蛋底，蒸蛋吸晒花雕酒香同蟹嘅鮮味，終於體會到真正嘅齒頰留香！廣告商品黑胡椒蟹同poster 張相一樣，胡椒味夠嗆夠辣，越食越惹味！之後我想讚嘅係另一道招牌菜~菜香鐵板豆腐，豆腐上面嘅汁用冬菇同肉碎煮成，杰身味夠濃，夾埋豆腐食，送飯一流！不過由於個汁太杰，建議趁熱食！其實碟碟餸都值得推介，沙拉排骨咁厚切真係誇張！胡椒豬肚湯辣辣地一煲分到6碗，抵飲！甜品叫咗三色糕，有椰汁、桂花同班蘭3層，夾埋食略嫌味道過於複雜，分開食更美味！

今日同仔仔去奧海城睇叮噹，影完相突然之間想食啲南洋嘅風味，咁就非樂天經典莫屬啦。白胡椒排骨豬肚湯，呢個豬肚湯十分足料， 有豬肚，玉竹，白胡椒粒，排骨，赤肉，老雞同雞腳，白胡椒辛辣嘅味道十分暖胃，有提神補氣，活血強身同埋抗風濕嘅功效。荔枝咕嚕肉，咕嚕肉炒得夠脆身，肥肉唔多，更加見食，味道酸甜，十分開胃，比較特別嘅係佢加咗新鮮嘅荔枝肉同炒，比起平時用菠蘿炒更加好食。手工海鮮白玉磚，白玉磚由海鮮同埋豆腐整成，有少少似足料而無乜點落到粉嘅炸蘿蔔糕，見佢哋跟碟沙律醬以為好騎呢，但係原來個味道又幾夾喎。喇沙滑雞米線，呢度個喇沙嘅味道十分正宗，辣味同埋椰油嘅香味相當平衡， 雞肉嘅嫩滑程度以一碗喇沙嚟講可以話係數一數二。南洋風光，即係南洋參巴空心菜，參巴醬經常運用喺娘惹家常菜以及街邊小吃之中，以烘香嘅峇拉煎，浸泡過且磨碎咗嘅蝦米落鑊爆香後，加入剁碎嘅辣椒，乾辣椒末，細磨成茸嘅蒜頭，紅蔥頭，香茅，南薑，黃薑，羅望子同青檸汁，惹味非常。三杯鴕鳥肉煲，鴕鳥肉煲上檯見到面頭有一塊塊淺啡色嘅薄片，原來呢啲係炸薑片，薑片切到咁薄，個口感就好似薯片一樣咁脆，伴隨著九層塔同埋三杯醬油嘅美味，好快就俾我哋清哂。今次喺樂

樂天經典是來自星加坡知名度的食肆，同樂天皇朝是同一集團，今天探望完親人，便從大埔來到奧海城一試。胡椒炒蟹$368，蟹大約一斤重，肉質鮮甜，螚羔豐富，蟹肉吸收了胡椒的味道，變得更加鮮味。以這隻蟹的重量和奧海城的租金來計，我覺得十分超值，是必吃之選。👍🐥⭐⭐⭐⭐⭐老鼠粉細份$108，內有冬菇粒，菜甫粒，椰菜花，蛋，肉碎，蝦🦐，而所謂老鼠🐭粉是香港的銀針粉，兩邊都尖，中間圓潤，煙煙靱靭，再撈上秘製的鹹魚醬油，利用鹹味帶起了配料鮮甜味。至於份量雖然是細份，不過三個人都可以吃飽。👍🐥⭐⭐⭐⭐招牌扣肉包$23，扣肉炆煮得很腍，而且入味，脂肪部分炆煮到很鬆化，配上生菜🥬和自製的包，就不會覺得肥膩。👍🐥⭐⭐⭐⭐⭐

中國人口遍佈世界各地，只要有中國人的地方就會有中菜，早年在南洋🌴生活的中國人，利用了當地盛產嘅香料、食材注入各式小炒中菜之內，造就了樂天經典嘅特色風格，出品深受食客歡迎，我亦是忠實粉絲啊😘奧海城這間樂天經典，佈局幽雅舒適，光亮明淨，銅壺熱茶，餐前小吃都十分精緻，令人喜愛💕。前菜點了子薑皮蛋，集團入貨必定溏心軟滑，有保證啊👍皮蛋數量可以按粒落單，啱曬我哋為食又細食嘅客人，食過皮蛋，還可以吃多款脆炸美人魚，非常貼心。炸魚仔🐟微辣開胃，每件都沾有適量蜜汁，香甜又不失脆口，相當有水準⭐️⭐️⭐️⭐️⭐️招牌扣肉包，扣肉炆得腍滑軟熟，光澤油潤，鬆化甘香，配合包生菜，即蒸夾包，完美解膩，一人一件，少食多滋味，越食越開心😍😍😍蝦醬惹味，脆炸雞翼絕對魅力沒法擋，曾經做過蝦醬，爐火勁難掌握，稍一過火就會又燶又苦，太少蝦醬不入味，稍多一點點又會過咸，要吃完美香脆，還是在樂天經典這兒才品嘗得到老鼠粉煲名字很難想像吧，手指般的粉條就像銀針粉，配合濃湯和多種料頭，上枱時服務員會請示我們喜好嘅份量，即時加入鹹魚和檸檬蓉，爭鮮提味，湯粉本身冇味，質感煙煙靱靭，伴著豐富材料，淡淡鮮味老少咸宜。晚餐配搭一牒雙菇扒西蘭花🥦，冬菇、

難得放年假，同男朋友去左奥海城行街hea下。見到呢間中菜裝修得幾舒服，座位又闊落，openrice又幾好評價咁，我地就決定係到食午餐。招牌扣肉包見到openrice好多人推薦呢個招牌扣肉包，我地都忍唔住試下。扣肉好入味，而且肥瘦適中，再加埋生菜配搭成個包，真係幾特別！青芥末蝦球芥末醬加上蟹子芒果同埋火龍果位搭上炸蝦球，呢個fusion 非常特別，一d都唔覺得怪。椒鹽香酥鮮淮山第一次食呢個椒鹽淮山，印象幾好，皮脆而且香口但內裡又不失淮山鮮味油浸銀雪魚雪魚幾新鮮，都煎得好香，再加上個汁，睇落簡單但都唔錯，值得一試菜香鐵板豆腐呢個鐵板豆腐有驚喜！唔止賣相吸引，而且香氣撲鼻，個汁非常野味，豆腐表面香口而內裡好滑，推介！價錢唔算好平，但食物同環境都好有水準。值得再黎！

同朋友去了奧海城食呢間由新加坡來香港的過江龍我地一早打了電話來訂位，我不知道係咪人客眾多我眼見係有sofa位台，但職員只係帶了我地坐普通台事瓶order了一隻蟹揀了一陣決定好菜式就落Order小食點了涼伴苦瓜，滿滿冰圍著花朵般的苦瓜薄片，配以花蜜食不講眼見真係不知道是苦瓜，味道只能說特別，未食過呢種煮法，建議快食因爲冰溶後變水，浸住苦瓜其實好易有細菌，重點講蟹，呢個蟹汁係帶酸辣甜，酸我食到有青檸味，辣係本身佢煮法係辣，甜因爲有蕃茄，成件事係好開胃，幾特別、一隻蟹連炸饅頭$388、但炸饅頭上菜果陣已經吾熱，只係微溫職員有提供圍裙，膠手套同一個夾俾我地食蟹，一張台得一個夾同埋腳蟹位置全部都無幫你剪開少少，問職員有無交剪佢又話無，對於食蟹，呢方面差點然後又漏單，吹完一次又一次先來

一直以來 都愛約朋友在奧海城近我公司 兼在鬧市旁卻不擠人這天與友晚餐 樂天經典食中菜路過常爆滿 第一次吃充滿期待環境舒服侍應醒目有笑容 加分-•前菜•茶•花生栗子：煮得夠淋 味道不錯茶可選普洱香片 後者清幽濃郁-🦀星洲黑胡椒螃蟹 $368打開餐牌一整頁蟹 好吸引似乎是招牌掙扎揀穩陣濃味胡椒炒蟹 定黃金焗蟹最後證明選擇正確 超級無敵極之美味肉蟹上檯好巨型 蟹殻大過我塊大餅面影相打完卡舔一舔 惹味得嚟好有鑊氣蟹肉結實鮮甜不過辣 蟹鉗啖啖肉最正好味 朋友話拍得住佢新加坡食嘅名店題外話自動附上圍裙手套蟹夾 又加分-🍖招牌扣肉包 $23 @ 1兩個不愛澱粉質的人 決定不吃主食 一人一件扣肉包算數 頗像台灣刈包油脂跟肉層層相間 炆得軟爛好邪惡麵包又熱又鬆軟 夾上生菜中和膩感咬落柔韌爽脆又爆汁很有層次 不錯-🍤黃金蝦球 $138 (細)選擇困難放棄了咸蛋炒蟹 選了胡椒那麼就揀黃金蝦球 食番咸蛋補數啦今日應該係食神上身 揀乜都勁好味咸蛋勁濃但不死咸 蝦大隻新鮮爽口彈牙蝦肉配咸蛋香 炸粉很薄但香脆意見多多的朋友表示 這碟足已翻兜-🍭三色桂花班蘭糕 $38椰汁糕班蘭糕桂花糕 三者合而為一貪心的我自然要試