樂天經典 (奧海城二期)

营业中

休息中

早幾日約左兩個朋友睇戲，睇戲之前諗住先填飽個肚，咁岩見到呢間樂天經典。佢主打南洋風既新式中菜，聽落好特別，所以就決定試下！由最好食個個講起，就係呢個黃金鹹蛋蝦球啦！呢一兩年鹹蛋興起，好似咩野食都中意加下鹹蛋咁，但就好少整得好食。呢個黃金鹹蛋蝦球真係整得鹹、香、酥，好濃鹹蛋味之餘，又仲食到蝦既鮮味同彈性，係我最滿意既一道菜。呢個蝦醬雞翼都非常好食，蝦醬味唔算太重，但好香口，雞翼亦好脆，而且份量話就話係「小」，但都有好多隻！海蜇頭係前菜，爽口，好開胃。鐵板豆腐嫩滑，下面鋪左層薄蛋餅，幾特別。扣肉包係我朋友嗌的，佢話好食，但如果舊肉肥肉既部分再多少少會更好XD最後係呢個老鼠粉煲，份量真係大到嚇親我！我地三個女仔知自己細食，已經特登嗌左「小」（佢仲有「中」／「大」可以揀），但都係食唔哂！！女仔黎計既話，佢至少有四人份量裡面除左老鼠粉之外，仲有好多料——蝦、鹹魚、蛋……等等。呢個老鼠粉煲都幾好食，不過因為食落偏鹹，所以會比較容易「漏」，真係至少有三四個人先好嗌呢道菜呀！

同幾個朋友食飯, 友人提議食LEE間.  其實之前都知道有這店, 但冇一個諗法令到我好想去試.  但食完這餐之後, 我對佢改觀. 雖然要等位, 仲等0左成20分鐘, 但我覺得若D 0野好食, 等0下都係值得0既.   揸車搭車都方便, 幾個人食飯單應該可以換到free parking, 搭地鐵奧運站一出就係. 食物質素:  好食! 有鑊氣, 炒0野夠香, 份量都夠.1. 皮蛋酸薑:  酸薑酸度適中, 皮蛋十分值得一提, 好香, 流心0既.  2樣夾埋一齊食就perfect.  佢都好食, 但講到暫時最好食0既, 記憶中係中環鏞記比佢好食少少.2. 炸雞翼: 真係好正, 驚喜之作!  香得0黎皮又脆, 肉嫩, 夠入味.  當日有小朋友在場, LEE味係全晚高潮, 我最尾只係食0左一隻咁多... 小朋友一0黎係幾隻!3. 炸子雞 : 佢都好香, 皮都脆, 肉都嫩, 但感覺同炸雞翼唔同, 但係都好好味!!! 加埋蝦片,正! 令我諗起去飲! haha~4. 小炒王:  好有鑊氣, 佢D蝦乾都好正.5. 炒飯:  好食! 佢D料夠, 炒得0黎有鑊氣, D飯乾身, 粒粒分明. 我忍唔住食0左幾碗.

從來唔寫差評 但今次真係頂唔順luchtime同同事一齊去樂天食飯叫左一個酸辣滑鷄幹撈米線同一個鐵板豆腐加白飯，落單時服務員態度勁差。問可唔可以走辣或者小辣，佢反問 寫左酸辣可以唔辣既咩？黑面咁問。。。跟住落錯單 嗌左一個米線 落左兩個。叫佢改，態度勁差好似唔想改咁。等左30分鐘先有的食追左幾次都冇用終於有的食米線味道一般 但都可以接受不過咁差既服務仲好意思收10%既service charge一定唔會再去唔推薦

建議大家千祈唔好去食佢既下午茶質素太差！今日同同事去食下午茶見佢粉麵飯甜品做緊半價咪入去睇下坐入面卡位後叫左個海鮮炒飯同泰式海鮮炒麵。炒飯陣味係OK但係炒得好濕炒麵好q鹹都係炒得好濕完全唔明點解一間幾出名既餐廳連一碟炒麵都炒唔好之後食食下突然同事卡位隔離有隻蟑螂！！！！嚇到佢唔想再食啲員工仲要捉唔到我地兩個之後都冇胃口 最後比左每人$80食呢餐一啲都唔好食既下午茶一間係奧海城既餐廳竟然可以係座位出現蟑螂真係需要檢討下。

興致勃勃諗住食蟹，見到只等一張枱就到就一於等下，以為好快，點知714等到801都未有，一尾話冇兩位枱埋單，但3位四位訂枱又好walk in又好，十幾張都入哂，一到即入，點解唔可以可憐下個9張2人枱呢？最終挨到全部2人枱走哂終於可以入去，食左都唔生肉。。。

一行八人去食生日飯，因為掛住星加坡嘅炒蟹，搵左呢間餐廳。事先預訂咗兩隻蟹，第一道胡椒蟹上枱大家看到都呆了，瘦削，味道一般。第二隻上枱，叫做正常。有驚喜嘅係豆腐，好滑好有豆味。其他菜式都係普通。

爸爸喜愛食蟹~見網上介紹星洲胡椒蟹正~即日訂位~非食不可預留左隻蟹…食店門口不起眼~菜色食物有質數! 整體菜色都好味有水準… 鐵板豆腐好滑~仲有最窩心就是每樣餸因應人數而有大 中 小份量…這餐唯一最不想見個位男經理定侍應的服務態度~差

Lunch時間係奧海城覓食除左人多之外，好多餐廳都價錢貴。樂天經典咁大個牌寫著粉麵飯五折，所以都見唔少OL入去食lunch。有趣嘅係餐牌上除左唔同粉麵飯之外，仲可以揀size。不過其實細size就已經好大兜，尤其係炒飯，真係一碟夠兩個女仔食。嗰日食嘅最鍾意就係海鮮喇沙，都幾足料，有魚片、豆卜、蛋、蟹柳、蝦，嗰湯都好惹味！至於炒飯，嗰日就嗌咗臘味炒飯。可能因為臘味，所以個飯偏油。但同時亦味道濃郁，好好食！

想請父母親大人食一餐好嘅，點知父親大人話唔黎，所以母親大人叫左姑姐一齊食。依間係姑姐介紹嘅，因為佢個女帶佢黎食過，但我就未食過所以都想試下。我地一行４個大人一個小朋友，要張BB櫈，好鬼欣賞佢張 BB櫈，又摺得埋唔阻定，又可以有餐盤啦，又安全，難怪我見都幾多客人帶BB黎食飯。環境非常之好，坐位之間唔會太迫，而且我地５人都俾張大嘅圓檯我地，我地坐得好舒服，一d都唔迫。我都好欣賞佢地餐牌，因為圖文並茂，真係唔想睇字睇圖落order都得。同埋依度幾好，有某d餸會分S / M / L ，即係跟據你地幾多人食而叫，好似我地唔多人所以叫S就ok。海鮮湯米線 ($70)我冇份食，但我仔食得好滋味香酥南乳五花肉 ($88)瘦叉燒口感，配上南乳黎炸，好香口三杯鴕鳥肉 S size ($118)鴕鳥肉口感似牛肉，比牛肉更滑，更好味，雖然係S size，但份量都唔少，食極都仲有。臘味炒飯S size ($88)都幾多臘腸，唔太油膩，係份量比較少。聚寶海鮮豆腐S size ($118)豆腐好濃嘅酒味，所以有Ｄ怪怪地，但湯入面有海參同蝦，都幾驚喜。金銀蛋浸時蔬S size ($85)菜唔係好多，反而咸蛋皮蛋好多。

上次食過樂天王朝，今次食埋佢其下呢間餐廳，就係樂天經典，食東南亞菜架！😊😊我地今次叫左3樣野食，分別係黑胡椒炒蟹，咕嚕肉同埋金銀蛋莧菜～咕嚕肉啖啖肉，而且因為用咗荔枝嘅關係，咕嚕肉帶咗一陣荔枝嘅香氣，比平時食嘅味道多一份清香，冇諗過荔枝同咕嚕肉都咁夾㗎☺️☺️酸酸甜甜咁，都好開胃！金銀蛋莧菜，用咗鹹蛋，雞蛋同皮蛋，所以多一份鹹香，莧菜都好新鮮🥰🥰主角嚟啦，係黑胡椒炒蟹，肉蟹好大隻，已經預先整碎咗啲殼，所以食落都好方便👍🏻而且有非常之多肉，肉質結實，而且好鮮甜，炒得好好味！！每一寸嘅肉都唔想浪費，同朋友都食得好乾淨😋😋😋推介呀！

今晚同親戚朋友食飯，便去了奧海城的樂天經典。我們點了特選溏心皮蛋、金牌脆皮燒雞、泰式炭燒豬頸肉、臘味炒飯、當歸花菇雲耳蒸爐魚片、阿婆苦瓜炒蛋、菜香鐵板豆腐、四大天王及金銀蛋浸時蔬。溏心皮蛋：普通金牌脆皮燒雞：普通泰式炭燒豬頸肉：正常臘味炒飯：普通當歸花菇雲耳蒸爐魚片：普通阿婆苦瓜炒蛋：唔錯菜香鐵板豆腐：熱騰騰豆腐四大天王：香辣金銀蛋浸時蔬：正常

去左旅行一排 都好幾陣子冇食中菜今晚咁岩個同事都冇飯腳 岩哂喇收工一齊去尖咁個頭睇下有咩好食同事話想試下間樂天 又match 到我今晚食中菜既preference 就決定呢間喇入座時候時間尚早 人流唔太多 不過堆單時個場都幾full 建議大家可以既話就book 左先會隱陣d乾貝菜膽燉竹笙炖湯數一數 2019 年好似都未飲過湯所以我地叫左個炖湯 兩個人份量剛剛好湯料可以叫服務員幫手放埋上碟 非常足料丫湯唔太油膩 可以用清甜黎形容 冬天有個咁正既湯 真係好滿足黃金咸蛋蝦球可以用外脆內軟黎形容外邊既咸蛋 整得好香口 少少脆口之餘 又唔油膩蝦球大大粒嫁 兩個人食 叫個細既就ok 嫁喇南洋參巴空心菜屋企少煮飯 所以出街食飯都一定要叫返個菜今晚食返個通菜 有少少咁多辣 都幾香口嫁菜香鐵板豆腐呢個絕對係撈飯既不異之選 原本冇諗住叫飯嫁不過我地食左少少就發覺 有叫返個飯既必要所古早魚香老鼠粉煲本身諗住叫個炒飯食 不過朋友話想試下新野 所以就呢左個老鼠粉煲 同樣 兩個人既話叫個細既就可以 粉量好足 配合適量蝦粒 肉碎 咸魚粒 雜菜 確實係老少皆宜之選蘋果與荔枝凍茶，山梅與薄荷凍茶食到有d 熱

樂天經典成日都人山人海，原來諗住打電話book定枱，偏偏由十點開始打都十一點都冇人聽......既然响附近咪walkin過去，阿姐居然問有冇訂枱，真係夠曬經典，好嘢！好在今日仲有枱，我地被安排入座一張靠近廚房的小圓枱，是為近廚得食也！桌上先來一壺「普洱茶」，是個又大又肥的經典金色茶壺。樂天經典午巿粉麵飯做半價，黎到又點可以唔叫經典老鼠粉呢？老鼠粉即係銀針粉，頭尖尖成條老鼠咁，個名夠特別又易記，伙記阿姐落埋後下鹹魚醬，再將生蛋同配料混和，經典古早魚香老鼠粉就正式育成。我地仲叫左南乳雞翼同埋雲耳蒸鱸魚，南乳雞翼香口到痺，出面食唔到！鱸魚夠嫩滑出眾。下次要搵機會黎食大肉蟹！

如果肥妹水想食新加坡呢一啲東南亞菜，樂天經典好多時候都係肥妹仔嘅頭號選擇。手工蝦棗  $68呢一個手工蝦棗入面有鮮蝦，豬肉餡芋，頭等等，外表炸到非常香脆，上枱時候熱辣辣，店員會好窩心咁提醒你要趁熱食，如果凍咗就冇咁好食。喇沙海鮮米線  $78呢一個喇沙海鮮米線係肥妹仔每一次嚟都會食嘅米線，佢嘅湯底做得非常出色，有超香椰奶味同花生醬味，一啲都唔辣唔搶喉。 台佢嘅配料有好多，有鮮蝦，蟹柳，豆卜，米線亦都煮到剛剛好，軟硬適中，不過個湯底先係精粹，肥妹我就連湯底都飲唒。金牌脆皮燒雞  $168呢一個金牌脆皮燒雞又係必食嘅 菜式之一，燒雞外皮燒到非常香脆，雞肉肉汁好多，肉質嫩滑，佢仲會令上一碟袐製嘅醬汁，燒雞點上個醬汁，微辣，非常惹味。海鮮王炒飯  $144呢一個海鮮皇炒飯又係肥妹仔每次必食嘅炒飯，佢嘅炒飯除咗有鮮蝦，帶子配料之外，仲灑上一粒粒蟹子，鮮味十足。 炒飯嘅飯粒粒粒分明，唔會炒得太乾或者太濕，火喉拿捏得剛剛好，好好食。黑胡椒蟹  $368呢一隻蟹非常大隻，最重要嘅係佢嘅蟹膏份量超級多，每一口醬到會有蟹膏，攞嚟送飯一流。而佢嘅黑胡椒醬味道調得不錯，有好香嘅黑胡椒味，但又唔會太嗆鼻，蟹肉肉

早兩日經過大角咀奧海城見有一間食新加坡菜叫做樂天經典所以行入去試下 首先嗌咗個喇沙海鮮米線肥雞之前試過佢個喇沙湯底好得 椰香味夠重 之後再嗌咗個手工卡組呢個手工哈早期日將啲蝦膠入面再夾啲馬蹄呀回來咁樣咋佢個口咁蝦肉味就唔係話好重 之後再嗌咗個金牌脆皮燒雞半隻 隻雞啱啱上嚟嗰陣時候個皮製燒得好脆雞肉又唔係好鞋 都唔錯 海鮮方面嗌咗個青芥末蝦球當歸花菇雲耳蒸鱸魚片 首先講嗰芥末蝦球超彈牙上面除咗有芥末醬之外仲有好多蝦子食落去個口腔充滿咗芥末嘅刺激感同埋超彈牙 至於嗰個蒸鱸魚片個人就覺得比較淡味但都好新鮮配埋啲當歸雲耳食落去成個人好健康 再嗌多個黑胡椒蟹肥雞當初以為會好辣但其實個味道就唔係好辣反而個蟹肉呢就幾新鮮 最尾嗌多個菜叫南洋心巴空心菜其實我個人覺得似馬拉盞 但係個菜心可能當日唔係咁靚有啲老