樂天皇朝 (青衣城1)

营业中

休息中

之前同男朋友去過旺角的樂天皇朝食飯，估唔到咁快係青衣又開新店，我地當然要黎試試水準啦！新店位於青衣城三樓，地方寬敞，桌子與桌子中間預有足夠空位，完全沒有壓迫感，坐得舒舒服服。點了原味的小籠包，有十粒一籠或者八粒一籠供選擇，為食又勁鍾意食小籠包既我，當然點了十粒份量，小籠包粒粒熱騰騰、漲卜卜，入口湯汁直抵喉嚨，真係好好味，完全唔點醋既我，更加吃到肉汁的鮮甜味美，結果我一個人就食左五粒，好滿足。小食還點了煎到脆卜卜的生煎包子，一碟有三粒，包子外表鬆鬆軟軟，底部煎得卻非常脆口，包子𥚃頭的肉料多汁鮮甜，咬落去d肉汁直留出來，必須用匙更剩著，好味到汁都唔想浪費，生煎包是必點餐點，正！另外，選擇困難症的我諗左好耐究竟揀花雕醉雞好定口水雞好🤔最好，都是選擇了花雕醉雞，還加了$10轉成雞脾，雞脾肉嫩滑身軟，一點都不鞋不老，濃郁花雕酒香，特別開胃，猶其於炎炎夏季吃些少涼盤，減少悶熱感覺，不錯的選擇！黎到上海食府餐廳，當然唔少得點刺激味覺感官的酸辣湯，樂天皇朝的酸辣湯非常正宗，用料非常足，有好多蝦肉，而且都幾酸辣下，滿足味覺感受，很開胃！一盅細細盅，非常雅緻，兩個人share啱啱好！最後點了蒜蓉炒菠菜，平

七十幾蚊一個咸肉炒年糕，份量細到呢⋯⋯味道就好似咸肉雪菜年糕各自分開炒然後撈埋一齊。另外叫左8粒水餃，四十幾蚊，size 細到呢⋯⋯味道似灣仔碼頭水餃。唔明點解咁多人排隊食佢，以前翡翠拉面小龍包平過佢，質素好過佢。

趁七一公眾假期，一家四口行完一陣青衣城就黎左呢度食，都聽講過話呢間野幾旺場，所以早左黎排定隊，七點左右就入左去拎位環境黎講位置都算闊落舒服，樓面都幾足人手同反應快。可能新開既關係，d 杯碟都好新淨，d 茶都算OK，refill得幾快落單同其他上海菜餐廳都差唔多，不過個價錢冇寫，要對返個menu前菜係一個驚喜，一般上海菜餐廳都係得花生，但呢度仲有幾粒栗子，幾有心思 (不過比我女朋友食曬)冷盤 order 左海蜇頭同油麥菜，海蜇頭清清地幾爽口而個油麥菜就好新鮮同幾特別，睇得出係好多心機，加埋個芝麻醬好refreshing，少少似食日本菜，非常推薦。松子魚係呢間野其中一個主打，亦都係今晚最好食既一道菜，甜酸適中，非常開胃，雖然我唔知係乜魚但食落都好新鮮好脆，成碟菜唔會太重口味，我地四個都好鐘意食呢個雞湯我女朋友好鐘意，次次去樂天皇朝都會叫呢個湯，佢話個盅好特別同個湯好入味好鮮甜，我試左一啖都覺得好入味呢個心太軟都幾有驚喜，原本我阿媽點呢個果陣仲諗住話佢唔識食，不過我試完之後發覺都好特別，佢其實係 d 紅棗切開去核再釀d 類似糯米既野入去。食落去煙煙韌韌，帶少少甜味，值得一試相信每個人黎呢度食

朋友係外地翻香港想食中菜，就同佢黎左依間食！我地一行四人都叫左幾多野食😂首先係原味小籠包❤️皮唔算太薄，但勝在好多汁，熱辣辣好好味😝鐘意食辣既朋友一定會鐘意食依個粉皮，辣椒油味好重，仲要好香既黑醋味，非常開胃👍🏻上海炒飯既飯粒粒粒分明，雖係望上去好似好濃味咁，但食落又唔會好鹹好膩喎😊到我最愛既賽螃蟹😍侍應上菜既時候會問埋需唔需要幫我地撈匀隻蛋黃，懶既我地緊係話要啦😝食落唔會好淡味，因為有少少醋吊味😋但食到有蛋殼😅地亦個左個雪菜鹹肉炒年糕同生煎包！依款年糕較清，靠雪菜同個鹹肉帶出味道！但年糕有炒完都係一舊舊黏住唔太好食🙁紅燒肉最令我失望，因為成舊肉都好硬，肥豬肉果part好膠，醬汁太甜，好膩😞

They would close a large portion of the restaurant, right during peak hours, resulting in a queue that would take more than an hour's wait. Management could take a lesson from Crystal Jade, its predecessor.

Their new shop in Tsing Yee Maritime square is real mess. There is s sign at the entrance about attempting to trail on business. Staff obviously were lack of training and ran around like headless chicken. Tea was not replenished throughout the time. Food got delivered wrongly to our table 3 times when we waited and waited for our orders. No system related to checking on food delivery. Sweet n sour pork was not hot at all inside, meat balls obviously pre- made and source pour over. Spicy noodles

父親節正值試業期間，只限叫套餐，不提供散叫。 一早聽人講過，碟頭比較細，所以我哋六個人叫咗個八人餐！ 話曬都叫茶樓，但佢哋只有普洱，冇其他茶選擇，茶戈非常之淡，似茶餐廳嗰杯清茶， 呢個位絕對要扣分！頭盤先上涼菜， 木耳丶醉雞都唔錯， 但木耳其後越食越酸， 在上清炒蝦仁，真係請得好緊要，非常淡， 配大紅浙醋食，令本身酸嘅食物更加酸！ 酸梅骨好酸丶 上海炒年糕偏咸， 頭盤比較出色嘅就只有招牌菜：七色小籠包！ 鵝肝丶芝士味都好食， 推介大家試人參味！而主菜只有個剁椒魚比較好食， 爸爸話 "紅燒元蹄" 好食，但我自己覺得偏咸。全晚最好食係雷沙湯圓， 雖然三催四請先上到，但熱辣辣好好食！比較失望嘅係試業期間，只可叫餐不能散叫嘅情況下，想多食兩籠小籠包都唔可以！ 平時幫襯上海菜館，我哋起碼每人要食四個小籠包先夠！

午市1點，等2張檯，坐位闊落舒適，入座後忘記上杯子，問服務員取，即時奉上及道歉，服務態度是近年少有的好，午市無套餐，只有大菜牌食品，點了水煮牛拉麵，酸辣湯，彩色小籠包，蘿蔔絲酥，上菜速度適中，麵比之前間翡翠好，水煮牛肉湯底夠辣，少少滷水香味，有白菜中和辣味，酸辣湯只辣不酸，豆腐香滑，小籠包皮穿了一個，皮唔算薄，味道亦只算一般，蒜味直情係奇怪，蘿蔔絲酥賣相差。最後係想表揚門口接待，當時聽緊電話，亦同我們道別。

當天是家人的生日 ，在5:30pm的時候直接到該餐廳訂7:30pm的枱，但當櫃面的服務員工問我訂枱人數是3人的時候，她立即向我表演四川特技~變臉(黑面)，告訴我3人只能到時排隊拿籌入座. 某些餐廳有訂枱人數限制我是明白的，但我最不能接受的是她那一張嘴臉。

青衣城的樂天皇朝新開業，也久沒光顧樂天皇朝了，便往吃！八色小籠包不可能不吃吧，同場加吃蟹粉小籠包。一行五人，個人不可能每種味覺也吃到了，但終合各人的報告，除了麻辣味外，每隻小籠包也具其名的味道。個人吃的人參味，湯汁確有點甘甘甜甜的參味，不錯，芝士味的味道不太濃，吃上來不會感到奇怪，但不算美味，至於蒜香味，蒜味不太濃烈，尚算不錯，但說好吃，還是蟹粉小籠包好吃，淡淡蟹香溢出自湯汁來，回味，而最重要的是，皮一夾沒穿兼而皮簿，這是小籠包應有的態度，樂天皇朝的水準保持得到，不錯！李白醉雞則一般，雞沒味，酒味亦不濃，並不欣賞。蒜泥白肉，豬肉味濃，頗辣，尚好。蟹粉炒飯，蟹膏做出來的濃湯汁鋪在炒飯上，但湯汁不算香，可能上桌是不熱，飯的份量亦偏小，味道尚可。楊州炒飯份量正常，但飯粒未收乾，少許油膩，义燒粒份量不多，而蝦反而用上中蝦，整體有欠正宗而味道尚可。蘿蔔絲酥餅外表頗脆，但蘿蔔絲卻吃不到蘿蔔味，普通。豆沙鍋餅亦很平凡，不值一談。服務方面，不知是否新店的關係，店員都笑容滿面，服務良好，地方亦不錯，不會太擠迫。終合而言，儘管小籠包以外的食品只屬一般，但尚算是滿意，可以再吃。