樂天皇朝 (利舞臺廣場) (已搬遷) 新店位置

一直想試招牌菜：特色皇朝小籠包(八色)，但原價要百幾蚊，唔捨得食。難得做半價，即管試吓龍與鳳。如果第一次食，建議大家先不要看每款餡料，食完再估，呢個經驗幾得意，可以玩，又可以試吓味道夠唔夠突出。我估到六隻味，但鵝肝同埋蟹粉就唔係好突出，但總體都係做得好，加上半價就好抵食。另外三色蛋做得好別緻，味道亦都好平均，不過就建議兩個人或以上先好叫，呢碟有太多蛋黃，一個人食絕對超標蟹粉炒飯就平平無奇，無乜特別，可以試其他整體評價：半價好抵食，可以一試

之前食過旺角間樂天皇朝，最近先發現利舞臺都有一間。上星期係銅鑼灣行完街就同阿媽黎食個晚餐前菜係一客花生同埋栗子，幾開胃。麻醬油麥菜賣相精美，每條菜都卷成一卷卷，方便我地夾起同埋可以一次過點多d麻醬。油麥菜新鮮爽口，非常開胃。李白醉雞一上枱就感覺到一陣酒香，食落口雞肉亦帶有好幾分醇香酒味，非常鮮嫩滑口。生煎包食上海菜唔會少得生煎包！熱辣辣，又足料，入口多汁而且肉感十足。龍華素鴨平時好少食素鴨，見到係廚師推介就叫左碟試下。又幾唔錯喎！鮮鮮甜點咁，入口軟腍，一d都唔油膩，幾好味。老乾媽鴛鴦剁椒小黃魚呢道菜係新菜式黎，聽個名就覺得好有趣！條魚好大條好新鮮，肉質嫩滑，辣度適中又相當惹味。條魚下面伴有白滑嘅豆腐，配上辣汁超正。鐘意食辣的朋友唔好錯過啦！京醬肉絲配薄餅我地將肉絲舖係薄餅上，再自己包好之後就食得，感覺好有趣，肉絲足料醬汁亦好特別。薑汁酒炒芥蘭芥蘭好新鮮，食落好清新爽口，有啖啖薑味。食到勁飽！媽媽食得好滿意～

諗起小龍包就諗起樂天同鼎泰豐，不過年食鼎泰豐覺得佢嘅質素下降又逼，已經少左好多幫襯適逢同朋友二人晚飯傾下近況 ，呢位朋友最中意食小龍包，仲話覺得銅鑼灣店係好食d唔知係真唔係呢！？不過環境就氣派同靚好多！今次冇食到彩色小龍包，叫左一籠10隻原味，保持到水準，好滿足。 另外叫左揚州炒飯，出乎意料之外好食，真材實料得黎帶有咸香，而且唔會太多油甜品見到有驢打滾好得意諗住試下究竟係點樣，原來係凍既！入面包左紅豆蓉嘅糯米卷，唔算太甜，不過試一次就夠

有睇開本兔食評嘅朋友都知道，兔和獅子都老公真的好喜歡係上海菜，尤其是小籠包。今天老公又簽成生意，一於豪一豪佢，去有堪稱〈小籠包傳奇〉的〈樂天皇朝〉食我們最愛的八色小籠包。所有小籠包都係即叫即整，店內嘅小籠包廚房有大玻璃可以畀食客睇到小籠包製作嘅過程，安心又放心。特色皇朝小籠包（8色）真係什麼都不用說，必點佢哋嘅招牌王牌，8色小籠包，食齊咁多款不同嘅味道。記得8色小籠包都有濃淡味道之分，記得要跟住介紹紙教嘅方法，由最淡味嘅原味小籠包，慢慢食到最濃味嘅川味小籠包，咁先係最高享受。其實每隻味都好好食，但本兔最愛當中既黑松露同芝士口味。先唔講小籠包嘅小肉團好彈牙同埋好多肉汁，黑松露嘅味道真係好香濃，香氣芳香馥郁。唔單止舌頭受寵，連鼻哥都一樣讚好。芝士味就當然係芝味濃郁，同小肉團竟然毫無違和感，一次過滿足曬我對小龍包和芝士嘅慾望。招牌原味小籠包（6粒）單單一籠8色小籠包當然不能滿足本兔和獅子老公，雖然每隻口味都好好食，但我們口味各有偏好，為免我們不要在餐廳大打出手，所以再encore原味就皆大歡喜了。雖然原味沒有其它七種口味嘅花巧，但不要忘記原味才是經典中的經典！！巧手的18摺令到皮薄餡靚嘅小

裝修好靚，有個水池，卡位 4 個人坐得好舒服，一黎到有少少擔心會否好貴，但最後買單每位 150，咁多野食，坐得咁舒服，抵！ 應該係口水雞，我覺得無咩雞肉，啲骨好大舊，但味道係好好的。將平凡的白菜炒得幾好食，蒜味重，又唔多油，不錯。煮得好好食，啲汁好惹味，魚肉不算多還可以接受。沙拉骨真係麻麻地，平時出邊食會整到少少香脆既感覺，但佢係軟 lai lai，好似醃左勁耐既肉，啲沙拉汁多到癲左，味道其實好食，但質感差啲啫。小籠包係依度最出名，賣相真係好靚，少少唔夠熱，定係冷氣真太強好快凍哂，味道都幾特別，但4個人分試唔哂所有味，下次想自己黎食試試有咩唔同。普普通通，唔算好食的麵。總括黎講，I will be back!

好多時朋友聚會或生日飯都會黎樂天皇朝，貪佢環境靚又坐得舒服！最重要還是有貼心嘅服務，仲有味道依舊嘅食物！每次黎都會叫到一枱喺食物...皇朝小籠包 HK$108必叫的一定喺佢哋嘅招牌菜 《皇朝小籠包》，一籠有八粒不同口味，包括原味，川味，蒜香，人蔘，芝士，黑松露，蟹粉同鵝肝味！最瘋癲個次試過同朋友黎，一人叫左一籠，就是為了試晒甘多款唔同口味！小籠包粒粒都皮薄餡靚又多汁，而我就最喜歡鵝肝味道的！重慶水煮魚片 HK$188水煮魚控必點之選！我哋叫左中辣，呢個辣度就啱啱好！魚片好滑又冇骨，而且超鮮嫩，只可惜數量不多！但鍋底就有大量嘅薯粉，晶瑩剔透，而且吸引左麻辣嘅味道，食落超惹味呀！正！京醬肉絲配薄餅 HK85呢度菜出色在個京醬，如果怕鹹可以用薄餅包住肉絲同食，不過我還是喜歡就甘食...李白醉雞 HK$78呢碟雞賣相不錯，排列整齊又有光澤！雞肉又超嫩，帶少少酒香，一陣已經被大家KO了！哈哈三色瑪瑙蛋 HK$55我被佢嘅特別賣相吸引而點的，呢個三色瑪瑙蛋喺用左蛋白，鹹蛋同皮蛋所製成的，睇得出花左一定功夫先可以造出呢個效果！食落有d似三色水蛋的，但味道層次就

Weekend休息梗係要出街食好野, yoyoyooo~今次又食返樂天皇朝啦！黎到樂天皇朝梗係要食佢招牌嘅八色小籠包< 八色小籠包$108> (好味: 3.5/5) (抵食: 4/5)八色小籠包可以一次過滿足曬你八個願望, 由淡味食到濃味, 每一隻味都非常有特色。雖然有好多古靈精怪嘅味道, 例如: 麻辣味、 黑松露味、鵝肝味, 但係大食妹依然最鍾意食佢經典嘅原味同埋蟹粉味。<松子鮮果桂魚$238> (好味: 4/5) (抵食: 4/5)魚肉炸得外面酥脆, 內裏軟滑, 保留左魚嘅鮮甜。外面淋上酸酸甜甜嘅醬汁, 令人食指大動。<李白醉雞$78> (好味: 4.5/5) (抵食: 4/5)醉雞酒味非常重, 係一個非常入味但又容易入口嘅醉雞, 相當有水準嘅下酒菜<芝麻醬配油麥菜$62>新鮮蔬菜配上芝麻醬, 輕型得來又健康, 但唔係好特別。大食妹推薦: 李白醉雞、蟹粉小籠包

今日去完海洋公園玩後, 出返銅鑼灣食飯.因為同埋爸爸媽咪一齊, 所以最好揀中菜.我都未黎過呢度食, 所以就book左呢間, 裝修後, 好靚! 我地坐卡位的側邊, 有個小水池~~我地叫左個招牌皇朝小籠包 (8pics Mixed)真係八粒都唔同味道, 仲有教我地食法, 由淡至濃味道黎品嚐。的確粒粒都做得好出色, 賣相又靚, 七彩顏色, 味道又突出! 皮薄餡靚! 小朋友都要自己揀黎食.炒熳頭招呼小朋友既, 因為可以蘸甜甜的煉奶. 當然味道一般.李白醉雞呢個冷盤唔錯, 酒味都幾香濃. 雞件又好爽滑! 薑汁炒芥蘭 (忘記影相)一個基本的蔬菜~ 但菜好爽脆.蟹粉炒飯份量比預期少好多, 大約似係一碗滿既"靚仔" (白飯) 份量, 不過, 佢贏在個味道, 因為又真係幾好味! 好香蟹膏的香味.而且材料好足！酸辣湯拉麵比預計失望, 因為味道真係麻麻, 個人覺得 的酸辣湯好食好多! 呢個湯味唔係好夠濃，酸度又唔夠酸，叫做麵質還可以。扣肉拉麵呢個專登叫俾爸爸食既，又估唔到個扣肉好好食。炆得好夠腍而且 好入味，仲要個湯底都好好飲！拉麵好爽口。豆沙鍋餅呢個都係純粹滿足一下我想食甜品而點既，其實味道都係一般。所

十多年無見的同學突然相約晚飯，心情感覺緊張又興奮。醉翁之意不在酒，在乎眾人細說過往。選擇飯店一定要寛敞，好讓眾人慢慢聚舊。利舞臺的樂天皇朝一定是我首選，環境好，服務好，食物好，價錢都好好，抵食。醉雞酒味香濃，雞肉結實散發酒香，前菜必選。小龍包皮薄餡靚兼爆汁，人氣推薦。麻醬油菜生吃油菜原來都好清甜，翠綠爽口，蘸麻醬又另一層次。京蔥肉絲味道一般，不夠惹味香口，肉絲調味過甜，就算用了薄餅包裹著也蓋不了那甜味。擂沙湯丸爆漿，熱辣辣熨手，外層軟糯，內裡香甜，超正！

今日同朋有來食下午茶，點心，拉麵，湯品，涼菜都是半價，非常低食，所有食物都很喜歡😋😋😋環境很舒服，坐得很舒服，只是不夠侍應，出餐亦很快，下次一定會再來。。

約了舊同學在銅鑼灣聚會，便介紹她們到樂天皇朝吃。我們叫了皇朝小籠包和原味小籠包，各有特色。皇朝小籠包很特別，有八種味道的，大家都是皮薄餡靚肉味鮮。我自己則喜愛原味小籠包，吃的時候每一口都有肉汁湯的鮮味，正!蘿蔔絲酥餅，外皮鬆軟、香脆，裏面的蘿蔔絲清香爽甜，軟綿綿的，絕對是我的最愛小吃。紅油抄手配上紅油，令人胃口大開，味道極吸引。香辣蒜泥白肉，賣相已經很特別、很精緻，上面放上些碎碎的辣椒蒜蓉，加上白肉捲起來吃，不錯!菠蘿咕嚕肉，球狀的，吃起來啖啖肉，酸酸甜甜，可口美味。外婆紅燒肉，鬆軟入味。肉碎乾扁四季豆，炒得可口、惹味。上海生煎包，餡內的肉鮮味嫩口。千層油糕吃起來軟軟黏黏的，不太甜，幾特別。雪菜鹹肉炒年糕，年糕稍嫌味道較淡，這個遜色一些了。雪菜蝦仁炒飯，味道適中，不油膩，最適合拌餸吃。

食物超普通，價錢超貴，重點有人評價水煮牛肉層次分明非常好吃，吃完感覺我們很可憐評價原來也是騙人，來香港這次真的感覺沒東西好吃，小籠包跟一些點心來到時已涼，感覺是拿出來放微波焗好再放涼的感覺，小籠湯包大件很好吃，救命，又是看評價點吃的錯，放涼也算，保證香港評價不可信，真心很難食，我經過這次教訓總結，媽媽我知錯了！我會徵罰自己打幾扁，以後真的不要誤信評價，以後真的不要誤信評價，以後真的不要誤信評價，我真的知錯了！

想食上海菜，就即刻諗起樂天皇朝，推薦佢既小籠包🌟之前食過五顏六色唔同味既，今次就試番原味，平d同埋都幾好味👍🏻推介👍🏻原味皇朝小籠包6隻 💓皮唔厚，適中，湯汁算多，點埋薑絲醋，正！不過制作需時，記住要叫左先！再推介👍🏻擔擔麵 麵好幻身，十分掛湯，湯唔算好厚身，但味道幾好，花生🥜味出，辣味適中，濃味👍🏻成都口水雞 雞好滑好嫩👍🏻佢既汁唔係好水個隻，好厚身，重口味，偏咸，唔算好辣。心太軟 見佢幾得意，試下，佢係紅棗中間有糯米，幾煙韌，唔會好甜，口感幾特別，有咬口，幾好味🌟👍🏻不過一碟都幾多粒，兩個人食就多得滯。埋單計埋2位茶錢，前菜（花生🥜），加埋一，$320到。

平日下午茶時段14:30開始至17:00全單享有半價優惠（不包括茶費、飲品、服務費）非常抵食！蘿蔔絲酥餅 42先吃個蘿蔔酥當前菜，捲成一圈圈的外型很討喜，咬下去口感酥鬆，沒有油耗味，蘿蔔絲甜甜的，份量適中皇朝八色小籠包 108樂天皇朝必點色彩繽紛小籠包，除了可以拍靚相、賞心悅目外，吃起來一點都不馬虎，皮薄內餡多汁，豬肉吃起來新鮮，不過缺點是不夠熱八種顏色各代表一種口味，個人覺得麻辣、松露最好吃！麻辣的帶一點小辣，吃起來有辣椒味，很像麻辣鍋的味道松露的香氣十足，本來以為味道濃烈，沒想到吃起來湯汁清爽但不失松露味，美味！上海炒飯 82醬油炒飯粒粒分明，不會過油，鹹度剛好，餡料有蝦、蛋和綠色蔬菜。話梅元蹄（半份） 98半份的元蹄兩個人吃有點太多，豬皮的部分煮的軟嫩，膠質豐富，重點的梅子醬甜中帶酸，質地濃稠，裡面的豬肉也入味夠爛，用筷子能輕易分開，這道蠻好吃的，不過吃太多會膩，建議多人分食驢打滾 42除了小籠包之外，驢打滾樂天皇朝必點！這道當甜品實在很幸福，成功在於它是冰冰的上桌，咬下去清涼感十足很讚 先嚐到外層黃豆粉的味道，糯米皮煙韌帶Q，裡面捲了紅豆泥，紅豆泥吃得到紅豆顆粒，甜度不會太甜，

#樂天皇朝銅鑼灣波斯富街99號利舞臺廣場6樓-----特色皇朝小籠包（$108）-🤤靚靚ge小籠包貌相非常吸引 八色分別係：原味、蒜香、人參、鵝肝、川味、芝士、蟹粉同黑松露味 每款都皮薄多汁 各有特色 😄幾得意 黑松露個味道最突出 但老老實實 食黎食去 B仔覺得都係原味小籠包ge肉汁最鮮甜 肉味最重 🤣八色都係試一次 開心下就算-心太軟（$55）-去核紅棗包住一舊糯米糰 簡簡單單 但係好好味 紅棗夠靚 色澤紅潤 皮帶微脆 糯米糰煙煙韌韌 好有口感 有d似日本年糕質地 整體調味恰當 唔會太甜 食落感覺幾養生 而且飽肚得黎唔覺得膩😆-上海蔥油大餅 （$45）外層有大量芝麻 非常香脆 可惜蔥唔夠油 令到蔥個個草青味明顯左d～🙈中意香蔥ge人可以會中意 but not B仔杯茶-----👶🏻B仔整體評價：8/10個👍🏻👶🏻B仔抵食程度：6.5/10個👍🏻👶🏻B仔環境評分：8/10個👍🏻👶🏻B仔味道評分：8/個👍🏻👶🏻B仔回頭機會：8/10個👍🏻-----跟住我一齊吞食香港啦！🤤#swallowcwb