樂天皇朝 (利舞臺廣場) (已搬遷) 新店位置

雖說是新加坡開過來的上海菜，今次已經不是第一次來了，但還是覺得每一次來都會很滿足地離開，這次也不例外。八色小籠包還是必點的要說最喜歡的，必然是黑松露和香蒜味，黑松露不用多講，但是有香蒜的小籠包真是很少見。入口不會太濃烈，是慢慢滲出來的媽媽蒸小黃魚是今晚的亮點這個做法真的很有心思，黃魚底下是有少許帶酒香的汁，和幼滑的魚肉一齊食是天衣無縫，吃多了清蒸魚，不妨試一試這個做法絕對有驚喜。清燉雞湯麵，雞湯是分開上的，雞件故之然不會滑，因為煮了很久，但湯頭絕對是他的重點和麵一齊吃是滿足的一個主食。紅油鮮蝦抄手，裏面有蝦，這個不會太辣，很容易吃，不算有驚喜但絕對是好味。蟹粉豆腐，蟹粉和豆腐是絕配橙色的蟹膏和嫰滑的豆腐是一個很好下飯的菜色，可惜今晚已不能吃太多了，唯有下次再點吧。最後叫了的甜點是驢打滾，是凍食的，不過真的沒有什麼特別，可能是前幾次來叫的豆沙鍋餅太好了。

慶祝母親節，帶媽咪去食佢最鍾意嘅上海菜，見到七彩顏色小籠包就吸引左去試下。有分店內店外，入面就較為暗，卡位會有個屏風分隔，好寬落唔迫，中間仲會有個小池，成個環境幾有氣氛又古香古式。星期五可能太多人，待應忙到走黎走去，好難叫到佢地，但上菜速度極快。食物就不過不失，款式都好多，可惜岩我家嘅唔多，必食嘅食物都可以有更好嘅選擇。今次五人食，叫左八樣，用匯豐信用卡，每人大約$180。皇朝小籠包整體每款味道都好濃好香，湯都有好多，但個皮就相對厚身。正宗重慶水煮魚小辣已經好辣，個種辣係一放入口就辣，而唔係慢慢咬幾咬先滲出黎。魚肉好嫩好滑，可惜個分量唔多，一大鍋得十一二塊左右，下面有豆芽同薯粉，薯粉吸哂味，辣得過癮。成都口水雞雞肉滑口，醬汁較杰身，面會有花生碎，而辣味比水煮魚嘅小辣更辣。上海生煎包個底煎得唔夠脆，變左同食普通蒸包一樣，湯汁都唔多，個舊肉係幾大。風味沙拉排骨沙拉醬偏甜，而排骨整得好鬆化，分量都唔少又大塊，好食。菜肉雲吞湯拉麵拉麵幼身，煮得夠彈牙，吸收哂個湯味，湯豬骨味濃而又唔咸，雲吞大粒，肉多菜少。開陽蔥油拌麵食第一碗時食覺得唔夠香，但麵質口感好好，無痴埋一團，又唔會太油，配個湯清清地。

朋友介紹過的一間上海菜，終於有機會黎試下。一入餐廳，個環境已經好舒服，坐位闊落，又帶點西餐廳的感覺。一場黎到，當然要試佢既特色皇朝小籠包。有8隻色，每隻色代表唔同味道，感覺幾新鮮! 鐘意食小籠包既一定要試下! 之後叫左李白醉雞，酒味濃郁，而且都幾多肉下，$78 算係咁，不過就略嫌凍左d，食落有d 硬，有敏感牙齒既話要攤一陣先好食!另外仲叫左芝麻醬油麥菜，第一次食，好似食沙律咁，清清地，幾開胃呀，不過份量偏少，可以多d 就好喇最後叫左個蟹粉炒飯，不過呢個飯就一般唔係好夠熱，味道又一般，食食下仲要有d 蟹殼碎係入面!

樂天皇朝係我一間常去嘅飯堂原味小籠包 （$62/6隻）小籠包粒粒都皮薄餡靚又多汁川味涼皮（$52） 辣辣底好惹味李白醉雞 （$78）好香濃嘅酒味但略嫌雞唔夠滑四川酸辣湯 （$52） 酸酸辣辣好開胃除咗小籠飽出色之外仲有以下小菜心水推介小食方面：麻醬油麥菜 （$62）夏天必食涼拌小菜，麻醬味道濃濃，油麥菜是冰凍的，非常爽脆！小菜方面：肉碎乾煸四季豆（$78）四季豆清爽脆嫩，而且唔會太過油膩，爆炒肉燥好惹味，餸飯絕對一流！瑤柱芙蓉賽螃蟹 （$85）口感嫩滑，個人喜好加小小醋嚟餸飯，秒速食完一碗飯絕對冇問題滋補薑茶湯圓 （$35）係芝麻湯圓嚟嘅，芝麻味好香，湯圓皮好香滑，唔錯唔錯！

一連幾次去樂天皇朝都是為了吃它們獨有的八式小籠包而去！皇朝小籠包 (HKD108)，八種顏色，八種不同口味，分別是原味、人參、黑松露、蟹粉、麻辣、蒜香、鵝肝和芝士，個人最喜愛原味和黑松露味，多款口味，必有一款合你心意，你們又喜歡那一種？

外國人嚟到香港聽到中國菜就要食小籠包，記得樂天皇朝八色小籠包味道唔錯，又有特色，就帶朋友去試吓😁👍坐咗係廚房隔離，可以見到佢哋即刻整，感覺特別新鮮😋每隻小籠包嘅味道都唔同，而且都好有湯，同好夠味，影相又靚，值得一試😋叫咗一個蒜泥白肉，豬肉無其他地方咁肥，食落無咁漏，而且佢入面有青瓜，十分清爽，作為前菜真係唔錯👍水煮魚，好香，魚嘅份量都好多，而且好滑，不過我本身唔係好食得辣，食到後尾覺得太辣。同我一樣唔係好食得辣嘅朋友可以問下佢有冇得少辣😂😂叫咗個油麥菜中和下，菜都算新鮮，唔會太油😁仲有我好鍾意食嘅炸饅頭，佢十分了解肥仔嘅心情，三個炸饅頭，佢俾咗兩碟煉奶，唔使就住就住點😋😋上枱嘅時候熱辣辣，外脆內軟，好香脆，好好味😁

好多年之前黎過，為既係個彩色小籠包今次就係專程為樟茶鴨而黎，當然仲有其他川菜同滬菜都有分啦餐廳外圍嘅環境都唔錯不過今次就坐裏面樟茶鴨，其實我好鍾意嗰種乾爭爭同有煙熏味道嘅肉，呢個做得好入味好出色家鄉豆腐，有豆腐鹹肉本菇紅椒蒜片炒成，相對地唔會太濃味夫妻肺片，其實係牛展同牛肚，麻辣味夠晒濃蘿蔔絲酥餅，好酥脆鮮蝦抄手，啖啖蝦肉，個汁偏酸係我最愛嘅辣子雞，雞肉吸晒啲麻辣味，大大粒，唔會乾爭爭唔記得咩炒麵，但個醬就同上海粗炒一若再加左少少花生醬味，仲有少少肉絲九黃同芽菜整體感覺良好

提早慶祝母親節，媽咪落Order想食小籠包，咁就book左樂天皇朝！晚上8:15到，好在有book位，因為出面超多人等位，即刻巳經可以入座！亦知道人太多，即刻落order! 入座先上小食：栗子花生🥜皇朝小籠包：最出名既8色小籠包，上枱熱辣辣，顏色好吸引，不過坦白講食落味道唔算有太大分別，隻隻肉質飽滿，亦全部無穿皮！原味小籠包（6件）：原味係當中最好，皮唔算薄，適中！同樣多汁一隻都無穿！蒜香日本青瓜：夠冰凍，亦多蒜，餐前小食唔錯選擇李白醉雞：家人話唔夠酒味，我個人就覺得都足夠，雞都算滑，份量亦唔少！五香牛肉：份量唔算多，人多可能要叫多客先夠分，唔算太入味，肉質偏硬！肉絲配薄餅：多醬汁，夾住肉絲同蔥包實，入口味道有蔥香同醬汁一齊，呢個唔錯，如果肉絲可以再熱d就更好！肉碎四季豆：四季豆炒得唔夠干身，同埋調味偏咸！木樨肉炒麵：炒麵味道唔錯，偏油！有種炒油麵既感覺！楊州炒飯：都係超油，粒粒飯都沾上油，味道普通！原本叫左上海外婆紅燒肉，不過出現漏單情況，幸好有對單習慣，不過家人話唔再等，所以無再落單！另外叫左既松子魚，到所有菜上齊後過左15-20分鐘都未上，問問侍應，先同我地講賣曬，話唔記得同我地

今日收工經過利舞臺，見到樓下擺了勁大隻IRON MAN，吸引很多人係度影相，所以就唔諗啦，就上去上面睇下有咩食，結果就揀咗樂天皇朝。上到六樓門口，望入去環境都好似好有格調， 唔係等咗好耐，就已經有位 ，原來是食特色上海菜。廳面有一個類似荷花池的設計， 近中國風 ，很特別，沒有一般餐廳迫迫夾夾的感覺。餐牌的選擇也很多，價錢合理，當然多啲人食可以一齊分享不同菜式比較開心啲。______________________________🔸特色皇朝小籠包(八色) $108據說這是餐廳的得獎名菜，每個小籠包都有不同的味道， 建議食客由原開始食，食到四川的麻辣味，由淡至濃味，真係很特別。🔸千層油糕 $28這個油糕其實一啲都唔油 ，還有覺得食千層蛋糕的感覺，一層一層，不是太甜。🔸清燉雞湯 $62一個燉盅端上，雞湯夠熱，十分清甜。一啲都不油膩，入面仲有兩舊肉，好養生。🔸李白醉雞$78 (轉雞腿+$10)點餐的時候指明要雞髀位，只需要加十蚊，超抵。酒香四溢，雞肉嫩滑，連皮食一流！🔸瑤柱芙蓉賽螃蟹 $85白滑的蛋白配合蟹肉，再加上中間的雞蛋黃，賣相兼備，跟清香的香醋混拌一起，吃多一點也不覺飽滯。🔸紅燒扣肉豬

樂天皇朝喺銅鑼灣利舞臺，喺正核心地段，交通方便！店內地方很大，所有座位都超闊落，裝修走新派的中國風，有氣勢得黎亦不失時尚！有高級酒店中菜館的格局，帶客人黎食飯，一啲都唔會失禮！豆漿 $18有凍熱選擇，豆味濃郁而又不會太甜，不錯！蒜蓉清炒菠菜 $65菠菜鮮嫩無渣，淡淡蒜香帶出菠菜的甜味，而且不太油，清新又健康！上海炒飯 $82米飯用上了珍珠米，香口惹味，蝦肉結實彈牙，正！松子桂魚 $238散發出陣陣醋香，令人口水直流！師傅的功架十足，魚肉的𠝹花大小均一，每一粒都均勻上粉，炸粉內的魚肉仍保時鮮嫩，火喉控制出色，又酸又甜真係會令人食唔停口！皇朝小籠包 $108樂天皇朝的招牌菜，八色小籠包，一籠就包含了八種不同的口味！建議進食的順序是白綠肉黑黃橙啡紅！白色：原味綠色：人蔘肉色：鵝肝黑色：黑松露黃色：芝士橙色：蟹粉啡色：蒜香紅色：川味每顆小籠包做到皮薄爆汁，而且皮帶一點彈性，就算粗暴地夾起都唔易穿，簡直令人大開眼界！當中黑松露和芝士口味最具特色和美味，好看好玩又好吃！

同朋友行完Times Square就順路去對面食Tea 🎉🤗今餐想食得豐盛啲就去咗食川滬菜 ☝🏻☝🏻🎈😊餐廳環境好恬靜 😳傾下計慢慢食都唔錯 😉叫到成台都係野食😍🎈四川酸辣湯 酸辣平分秋色 一樣突出豆腐干 竹筍 木耳等配料非常有咬口 而且一碗份量啱啱好 飲完呢個湯開晒胃🎈李白醉雞 好食到醉雞不醉人自醉 雞肉嫩滑 酒香滲透雞皮同雞肉內外 連平日唔食雞皮嘅我今次都忍唔住食埋 🎈重慶紅油抄手香辣惹味 灑滿香蔥於面小雲吞皮薄餡靚 使用半肥瘦肉更有口感 一口一隻 食唔停口🎈上海炒年糕 以豉油咸香炒成 加入紹菜肉片 年糕夠入味 薄片狀 食極都唔會膩🎈皇朝擔擔拉麵 麵底煙韌彈牙唔易斷 香蔥 香茜 花生碎作配料 湯底有濃厚麻醬香 輕辣感 怕辣嘅為食豬都食到 ❤️重點推介🎈皇朝小籠包 七種顏色八款口味 🤤🤤🤤味道由原味>人參>鵝肝>黑松露>芝士>蟹粉>蒜香>川味 順遂而食☝🏻 味淡進化至味濃 ☺️個人最推薦原味 黑松露 以及蒜香 肉汁鎖於湯包之中 😻每次咬開都食到唔同口味 創新之餘夠match 真係好睇又好食👍🏻👍🏻如果有朋友黎香港想嘆特色菜 絕對會帶

朋友旅行回來，相約派手信。旅行時肯花心機及心思去搜羅手信的朋友，非常值得尊重，所以要找個好地方聚一聚。門口位置有半開放式廚房，透過玻璃看到眾師傅們在製作小籠包等食物。看到他們用心專心地製作，而廚房亦打點得十分企理，整齊乾淨。之後被安排到坐在卡位雅座，旁邊有條流水的水池，感覺清涼舒服。點菜後，吃住花生等待美食到來。李白醉雞-上枱賣相十分美觀，把雞肉擺得圓圓像個球形。雞肉嫩滑，有雞味帶有酒香，雞皮薄少脂肪。肉碎乾煸四季豆-四季豆乾爽脆口，較落軟腍，配合肉碎香口惹味。重慶水煮魚片-點了中辣，愛辣人士可以點更強辣度。魚片嫩滑少骨入味，最好味的是埋在湯底的薯粉，軟彈順滑，盡吸收湯底味道。皇朝小籠包-這個招牌菜不能錯失。一共有八款味道，原味/人蔘/鵝肝/黑松靈/芝士/蟹粉/蒜香/川味。每人各自挑選喜愛的，我夾了人蔘味。十分特別，入口咬落有濃香人蔘味。其實也想試試其他味，唯有下次自己吃一籠吧！

今日同事話想食小籠包，第一時間梗係諗起附近嘅樂天皇朝啦，近排忙完一輪，就去食餐好啦😆我地接近兩點去到，過咗飯潮又未到下午茶時間，直入唔水等位👍幾間分店以銅鑼灣店裝潢最有特色，古色古香，有戰甲龍袍裝飾，中間還有長水池，非常別緻。我地點咗原味小籠包：水準一如以往，皮非常薄，但絕唔會有破皮情況出現，夾住包的頂端就易夾起又唔會爆破。第一隻我通常唔會落醋，試真原味，湯汁非常飽滿，鮮味非常，唔會好油；豬肉味甜，肉有質感，唔會絞得太綿爛。之後再加上醋和薑絲更添鮮味。酸辣湯：非常多料，肚絲、豆腐，木耳...等，酸辣適中，一盅有兩碗，可以開心share。黃魚煨麵：魚塊好多，完全無骨，魚肉結實而滑，湯頭亦很鮮美，喜歡吃魚的不容錯過喔。雪菜咸肉炒年糕：以為會重口味，但反而最清淡！五層咸肉的咸香夾年糕一齊就啱啱好喇！蟹粉豆腐：蟹粉濃鮮，豆腐滑溜有豆香，如果加幾粒蔥花芫茜就更好😋😋。糯米紅棗：話係前菜，但我每次都當甜品食💜，紅棗香甜，糯米糕軟糯，每次我都要食幾粒先夠😋，熱或放涼食一樣美味👍👍

這間樂天皇朝，名字夠氣派，在銅鑼灣利舞臺廣場，第一次見到這名字我已經有深刻印象，今日來到附近，就順便上來食。餐廳裝修寛落，卡位與卡位之間全部用古色古香的木屏風間隔，令餐廳更顯優雅。餐廳菜式都很多選擇，有小籠包、川菜、燉湯...等。上海風味醬鴨$48上海風味醬鴨，比較干身，有一種老上海的特別風味。皇朝話梅骨$88皇朝話梅骨，我本來都喜愛食酸酸甜甜的菜式，所以要了個皇朝話梅骨，醤汁味道酸甜度調較得適到好處，很惹味。招牌原味小籠包六隻$162招牌原味小籠包，食上海菜自然少不了招牌菜小籠包，小籠包肉裡多汁，肉質鮮甜，這裡的小籠包不枉為招牌菜，必食推介。無錫鮮肉鍋貼三隻 $38無錫鮮肉鍋貼相對小籠包來説汁少了㸃，但有煎的香，不同的味道。清燉雞湯$62清燉雞湯，平時難得煲湯，見這個雞湯不是很貴，所以要了個，雞湯入口已感覺到是真材實料的很清甜。白灼秋季葵$65白灼秋季葵，現時食飯都要講求健康，所以要了個白灼秋季葵，味道清新。市樨肉炒拉麵$78市樨肉炒拉麵，炒待夠鑊氣，很香口，連拉麵都很入味。餐廳環境優美，菜式多元，價錢夠平民，有機會還會再光臨。

一入到去有啲懷疑自己有冇去錯地方，環境好暗，好有氣氛，好似去咗酒店咁唔想食餃子咁熱氣就叫咗個生煎包食，除翻開每個14蚊，同喺街邊買差唔多唔算貴，佢入邊都有小籠包嘅湯，但係皮做得唔係幾好食，個底一啲都唔脆之前喺旺角食呢一間都有叫呢個麵食，依度排骨得兩舊，係真係兩舊，整體個面來講旺角分店好好多沙拉骨都一樣，甜得滯，旺角嗰間正常好多買單俾錢先發現有收個小食錢，係一個濕濕地嘅花生，完全冇掂過但係同普通茶樓一樣都有收錢整體來講，都係去返旺角嗰間食啦😂