樂天皇朝 (東薈城名店倉)

营业中

休息中

-樂天皇朝🥢自從轉左去東涌番工就多左機會去explore 下東薈城既野食上星期有日放左工突然好想食小籠包所以就即刻諗起之前食過既樂天皇朝🥢原味小籠包（$68/6pc)之前都有試過招牌8色小籠包 但個人都係特別鍾情於原味皮薄餡令多汁 相信個個都知 本身諗住自己唔太肚餓就嗌6粒不過食完就有少少後悔點解唔嗌10粒😢🥢宮保腰果雞丁（$98）呢個真係好香口 原本以社雞丁會只係得好少好少微辣微辣既味道 令人來一食再食呢~🥢京醬肉絲配薄餅（$98）首先會有幾塊好似包扁皮鴨既薄片自己隨意拎肉絲份量去包 次次都唔小心貪心包得多左味道方面都偏重口味 有啲重鹹 但係幾惹味既🥢鮮蝦抄手拌麵（$73）粒粒鮮蝦抄手都係包到大大粒勁足料 餡料爽口彈牙其實食落就好似平時既紅油抽手但多左個麵而且呢個真係有啲太辣 唔識得辣既朋友要留意林芝蓮都好想努力食晒去但真係唔得😢

Amazing Chinese food. Food was very fresh. Great bright ambience. Must try restaurant for Chinese food lovers @paradisegrpmy Ordered 1. Jasmine Tea 2. Fried rice with shrimp and preserved vegetables 3. Original Xiao Long Bao

同事新搬咗入去東涌，叫咗我入去行吓，東薈城真係好大，食肆名店林立，媲美市區的大型商場。同事帶我行極都行唔完，最後去咗商場三樓樂天皇朝食上海菜，餐廳提供精緻創新的南北點心，座位寬敞，侍應招呼週到。入座後即送上香茶和小食原味小籠包，即叫即做，上檯熱辣辣，每一個小籠包皮夠薄，餡料鮮肉和肉汁豐盈細致。味道鮮美。木樨肉炒拉麵，上檯已聞到香噴噴，炒得好夠鑊氣，用料亦好豐富，有肉絲、雞蛋絲、雲耳、芽菜等，食落啖啖都好惹味！鮮蝦豬肉抄手拌麵，抄手一口咬下皮薄內餡多，還能吃到爽脆鮮蝦和多汁豬肉餡，口感紮實鮮甜，麵條Ｑ彈，加上大量炸蒜和少量辣椒，味道既香又帶點香辣，十分惹味！香煎豆沙鍋餅，外皮煎炸得金黃香脆，豆沙餡香滑軟熟，熱熱的放入口，美味可口！

樂天皇朝終於完咗個event，可以好好地食餐飯，咁我地今日就揀咗樂天王朝，貪佢坐得舒服，又唔怕比人催我地交枱，可以慢慢食。💕💕😋🤭東涌呢間樂天皇朝先線好充足，而且卡位好闊落，兩個人坐非常鬆動。呢到主打上海菜，餐牌選擇都係係上海菜為主，其中包埋餃子類，名式包點，上海麵，炒年糕，當然唔少得小籠包。😍😍炸饅頭本人非常鐘意食中式包點，而炸饅頭就係我其中一樣最愛。炸饅頭外脆內軟，表皮冇淋油，食落口唔會成口油淋既感覺。外皮包住既饅頭好有軟糯，而質感仲保持係蒸出黎一樣既口感。饅頭入口香甜，脆皮配上煉奶，簡單顯出功夫。😙😙上海炒年糕炒年糕亦都係我經過會點既一味菜，濃稠既醬油，加上年糕，同埋白菜，冬菇同咸肉等等既材料，未食已經流晒口水。師傅既調味都恰到好處。配埋呢到既辣椒醬一齊食，令味道咸香既年糕增添一份刺激感。☺️☺️特色皇朝小籠包黎到呢到，點可以唔食小籠包呢！樂天皇朝最出名就係佢有八款唔同既小籠包。味道有原味，糟溜絲瓜，鵝肝，黑松露，芝士，蟹粉，蒜香同埋川味。小籠包要順次序食，由淡至濃。令我印象最深刻既係蟹粉同埋川味。蟹粉份量充盈，味道濃郁，齒脥留香。而川味小籠包，香味比辣味更出，估曮到同傳統小籠包咁夾

環境精美, 地方大, 服務都好一開始會有前菜小食, 都幾好食, 花生+ 甘栗配左佢地自己整既醬汁, 口感濕軟, 味道小濃, 我覺得唔錯. 原味小籠包(78$)小籠包係呢到特色之一, 原味同非原味都好食, 呢到小籠包皮係比較薄,所以好易穿, 拎起既時候要好小心, 湯都好多 所以加大左易穿既難度.  入面肉既味比出面小籠包濃小小, 湯反而我覺得差不多, 皮就真係好薄整體黎講係好好味.但都好易濟唔知點解. 可能個味太濃?皇朝小籠包 (138$)呢到專有既特色小籠包, 口感湯底方面同上面原味基本上一樣, 只係味道唔同左佢有建議從淡味開始食起的. 之後越食越濃, 會有張紙教你點食, 當然都可以唔跟佢.我自己係覺得芝士味幾好食, 黑松露都ok , 其他我一般. 每人中意口味都唔同. 但係幾特色可以一試.水煮牛 (218$)牛肉同出面D牛肉唔同, 應該係用左種類比較好既牛肉去煮. 咩牛我唔sure. 牛肉味本身就好濃加埋佢d麻辣汁十分好食, 可惜既係牛肉份量以呢個價錢黎講 唔算多.底層有好多薯粉. 所以都好飽肚, 薯粉份量上夠2人食.整體價錢唔算貴,  環境好 值得常來食既餐廳.

今日追🐷追到入東薈城。星期日一如以往，超多人。 樂天都要到tea time 先有位。當然要 order 王牌美食：小籠包。擔擔麵。聽說 酸菜魚也不錯，就試一次。小籠包 🥘 不錯，其實有很多不同味的。最後只點了原味，皮薄多汁，味道好。擔擔麵 🍜 期待已久，香味濃郁，但我本人就覺得不夠辣。酸菜魚🐟，魚肉夠滑，味道也不錯。

印象中第一次食呢間店，成日都會比小籠包既五彩繽紛既顏色牌吸引住，咁啱今日未食午餐，收工過到黎唔使排隊就即刻入去食店員招呼我哋入座之後就即刻上茶，上菜前小食-花生栗子🌰又幾好味喔紋得好夠淋。滿心期待嘅小籠包但味道不如我期待，一定要叫個個都推介既皇朝八式小籠包，八隻唔同味道，但自己最欣賞既係原味，其他都不過不失，勝在色彩豐富，打卡還唔錯，沾小籠包既薑絲同醋係我最欣賞嘅，薑絲好幼而且薑味啱啱好，個醋又淡淡地就咁飲都覺得入到口我飲咗幾匙醋。擔擔麵一黎忍唔住飲啖湯先，有淡淡花椒味，個湯味道幾好但雖在唔夠濃味，太餓兩三下就被我哋食晒。第三樣係食外婆紅燒肉，見到相都流口水覺得要碗白飯，不過唔會食得曬所以當然無叫到飯啦，一碟有六小舊，點知食左一舊已經覺得好飽啦，剩低嘅大爺包曬紋得好夠淋啱我口味，最值得推介但如果豬毛拔乾淨啲會更好食飽最後叫左個黑沙煎餅🥞有點失望，層皮唔夠薄唔夠脆味道麻麻地。最後買單400幾，但佢送咗張100$coupon。

🥢特色皇朝小籠包（八色）$138原味｜絲瓜｜鵝肝｜黑松露｜芝士｜蟹粉｜蒜香｜川味好吸睛既賣相😍檯上會有教學，應該由咩味開始食😌每粒小籠包都係皮薄多汁❤️個人比較推薦原味、蟹粉、黑松露🤤蟹粉濃郁，汁入面充滿蟹黃既油🦀️朋友話川味勁似灣仔碼頭個辣子雞味水餃😂😂🐷香辣蒜泥白肉 $83擺盤精緻✨豬腩肉片包住青瓜絲，食落清新，唔會膩🥰紅油有一定辣度，同時帶有少少麻🌶️🥟重慶紅油抄手 $65有六大粒抄手，每粒都非常飽滿😗辣度無蒜泥白肉咁高，反而醋味比較突出☺️🐟薺菜黃魚春卷 $53薺菜係上海、蘇州一帶常食既菜，香港唔係到到有，就嗌黎試下😉估唔到黃魚用黎做春卷餡都幾夾💁🏼‍♀️黃魚去骨去得乾淨，份量好多，仲見到一塊塊既黃魚肉👍🏻春卷唔會炸過龍，外皮香脆😍🍜雪菜鹹肉炒年糕 $93鹹肉同年糕一齊食係唔錯既，鹹肉既鹹香可以補足年糕本身好淡既味道😋但係單食年糕味道比較單調，雪菜唔夠香🤔而且食到底比較多油🥹今次到訪東涌既分店，環境典雅大方💕餐廳有5間分店，位置算幾方便😊食物質素唔錯，不過會建議多d人黎食比較好，因為熱炒既份量都大，多人黎可以試多幾樣🤩今次我地兩個人食👆🏻果幾樣，飽到上心口😂

响東薈城同LuLu豬影完相，搵食期間經過見到這家，廚師正在忙碌整包點，勾起對小籠包嘅念想，一於入去試試。雖然門面不大，內裡卻別有洞天，仲有好吸引嘅寬敞露天位，天時暑熱都係坐室內吧。見佢八色小籠包好吸引，同行話想先試原味，唯有下次再試啦。小食係酸辣雲耳，爽脆醒胃。叫咗小籠包、炒拉麵、擔擔麵、油炆荀同埋半份元蹄。油燜筍夠入味又爽口，件接件咁食呀。小籠包送來時仲係熱辣辣，皮薄得嚟又唔會穿，一啖咬落即時滿口肉汁，肉有鮮味，加埋姜醋更正。擔擔麵質有彈性，撈埋花生粒、蔥粒同湯底一齊食，香辣惹味。元蹄表皮經走油後，軟滑而不膩，係骨膠原啊。元蹄肉質軟腍，配上酸酸甜甜嘅話梅汁，開胃又不覺膩。有伴碟幾棵小棠菜，即時罪疚感都無埋。炒拉麵聞落好香，食落有豬肉絲、木耳絲、椰菜絲，味道不錯。室外露天位有個鞦韆，天氣涼啲嘅時候可以到外面打卡。

樂天皇朝嘅食物好味之外 服務態度仲好好🥳餐廳有個開放式廚房 可以睇到廚師包小籠包😋呢到嘅經典食物加入左好多新元素 夠晒創新好吸引❤️.📌前菜 $15前菜係花生粟子 好淋好入味🥜.📌楊州炒飯 $93炒飯都幾驚喜 啲米望落似珍珠米 食落係煙煙韌韌🍚炒到粒粒分明 唔油膩🥰炒飯入面有叉燒、蝦仁同埋菜😜除左叉燒有啲乾之外 其他都好好味😋推介呢個炒飯‼️.📌上海生煎包 $45生煎包嘅口感好軟熟 食落仲幾濕潤😚個包皮都幾厚 相對肉就少啲～不過個肉仲保留住少少肉汁🐷包嘅底部煎到金黃色 不過就唔算太脆🙈.📌招牌原味小籠包(6粒) $68小籠包上枱嘅時候用個蒸籠蓋住 保持住熱度😙小籠包 皮薄餡靚😋一咬開 肉汁同埋湯爆出哂黎 好好味🥰.📌宮廷驢打滾(3粒) $48真係好好食🥳佢係由糯米粉、紅豆蓉同埋黃豆粉整嘅😋佢個皮超級軟糯而且帶有少少椰香🥥裏面包左好綿密嘅紅豆蓉 不過就偏甜🫘面頭加左黃豆粉好香濃 令成個味道昇華左🥰.📌涼拌黑木耳 $48夏天食涼拌好開胃🥳黑木耳好爽脆 而佢嘅酸味比辣味出 酸酸地正😚

食物方面：因為外國親戚返嚟，最掛念嘅就係中式甜品。第一時間就諗起樂天王朝嘅宮廷驢打滾。喺香港真係好難得食到北京既甜品。服務方面：早前堂食嘅時候，服務都好好，估唔到外賣嘅服務唔同樣100分。女職員見我一袋二袋，仲要拎外賣。即刻主動幫我換個大嘅袋，幫我整合好。非常感謝她！💓

🍲 #東涌 #樂天皇朝好耐冇飲茶了，之前行東匯城經過樂天皇朝，就比八色小籠包吸引咗入去食飯😋 佢哋有成八種味道嘅小籠包，係佢哋嘅招牌菜🤩💖 皇朝八色小籠包 （$138）必叫嘅招牌菜，八隻顏色，除咗一次過滿足你八個願望，打卡呃like都好適合😚 八隻小籠包個皮都非常薄，薄之餘又唔會痴底，唔容易爛，令裏面嘅湯汁完整保存，啖啖肉汁😋 我哋最鍾意係川味同蟹粉味，呢兩隻味特別濃郁好味😋！ 當然其他都好香又多汁，果然係招牌！🍜 京味炸醬拉麵 （$70）京式炸醬麵會有少少辣嘅，有豆腐、豬肉、洋蔥等等嘅餃，加上幼身得嚟煙煙韌韌嘅拉麵，CP值非常高😙🦆 上海風味醬鴨 （$63）呢個係廚師推介嘅鴨，細細碟，好開胃😚 醬鴨好入味，香得嚟啲肉夠實淨，個皮有少少脆，好似食緊零食咁😛🥓 雪菜咸肉炒年糕 （$93）雪菜肉絲紋米嘅炒年糕版本！年糕煙韌得嚟唔會太硬，雪菜份量好多但又唔太鹹，幾好😙🥛 凍豆漿 （$22）🍵 2人茶芥及小食 （$16）

樂天皇朝👑皇朝小籠包 ($138)有8款味道，分別係原味、灰色嘅蒜香、綠色嘅絲瓜、啡色嘅鵝肝、紅色嘅川味🌶、黃色嘅芝士🧀、橙色嘅蟹粉🦀、同埋黑色嘅黑松露🥟 整體黎講都幾特別皮薄湯多，而且幾igable可以係嚐下鮮，味道黎講蒜香同蟹粉味都幾突出，比較特別啲🙌🏻上海炒年糕 ($93)餐廳有分雪菜鹹肉炒年糕同埋上海炒年糕，兩款都同價，而上海炒年糕就係以肉絲同菇🍄為主，食落都幾惹味，而且炒得幾入味🍲京醬肉絲配薄餅($98)Total 有5塊薄餅🫓，薄餅姐係好似扁皮鴨啲皮咁，唔知係味影相影耐咗，所以啲皮凍咗🌬而炒肉絲嘅味道似南乳海鮮醬，味道偏咸都幾重口，如果配埋京蔥fresh啲會更加正👍🏻皇朝擔擔麵 ($78)擔擔麵有驚喜🎊 辣度around 10十小辣，但係會通鼻個種辣，幾爽🤣 花生味好濃郁🥜，湯底煮得幾香濃🤤五香牛肉拉麵($93)牛肉煮得好淋好入味，味道偏甜，配菜有海帶 ，味道正常發揮🥩 拉麵嘅口感好順滑，食落滑嘟嘟，質感唔錯🍜香煎豆沙鍋餅($58)鍋餅上枱好熱辣辣🔥做到外脆內軟，蛋味亦都幾香濃🍳豆沙未到爆哂餡🫘但每啖到食到啲，算係幾足料👍🏻Extra Comment 🖍•餐廳額外會收茶位費

同屋企人staycation完黎到東涌食呢間上海野，一黎到就比呢個有8種顏色既小籠包吸引住，佢個分別有原味，黑松露，絲瓜，鵝肝，芝士，川味，蟹粉，蒜香！外觀岩曬打卡之餘，味道仲好有特色，你可能會覺得味道古靈精怪，但味道係出乎意料地好味！其他就唔算好有深刻，送上一個凹左既奶皇包做結尾🤣

Ooo人氣小籠包上海菜館ooO突然想入東涌Outlet 買運動衫所以就去咗東薈城。Shopping 完攰攰地就係東薈城搵野食，見到呢間近期好hit 既8色小籠包上海菜館😋，中菜館通常可以慢慢坐，飲啖茶休息下睇下戰利品😍！唔怕比人趕😄環境都幾寬躺又有大玻璃有卡位坐幾舒適。OooooO招牌原味小籠包 (10pcs) $108十五十六選擇8色小籠包好定原味好😍，8色就每款味道都有一粒，但係我同朋友兩個人唔知點分🤔而且我哋兩位都好鍾意原味，最後決定10隻原味😍😍真係皮薄多汁，夾起影相📸️d汁已經聚左係底，快影怕佢穿😋！一啖一粒滿晚湯湧出嚟，正😄！好彩叫咗10粒！OooooO芝麻醬油麥菜 $68青瓜捲起一捲捲既油麥菜有驚喜😍冰凍既油麥菜入口超爽，配上芝麻醬真係好好食👍🏻第一次用咁樣食油麥菜，但很喜歡！OooooO瑤柱芙蓉賽螃蟹 $98先將蛋皇拌均在炒蛋白中，賽螃蟹入口滑嫩，有少少醋味，如果餸飯會更好，不過我哋已經好飽所以無叫飯😄