樂天大喜屋 (已結業)

星期亦約左班鞱朋友食飯,有人話想食日本野,緊係食放題啦香港食得放題,多數都會選大喜屋,因為真係唔錯今日黎到都仲係好多人,好在BOOK在位鮮蝦刺身好滑溜三文魚夠曬肥美,拖羅香港黎講亦都算唔錯玉子壽司飯團夠實,燒出黎味道都唔錯,而且好大份,叫一次都夠曬飽拖羅海膽壽司個樣夠曬精緻,食起黎味道仲唔錯海膽夠曬新鮮,拖羅肥美,真係好正紫菜林左小小,不過都仲OK迷你壽司團都OK,花之戀細細份幾好咬口花之戀外型麻麻地,不過幾大舊,食落都唔差牛柳粒好漓溜,唔太硬,幾好咬口而且唔太咸,所以食左好多價錢貴左D,不過真係好好食

香港有好多間大喜屋，差唔多間間我都試過，唔知係因為大公司，所以水準有一定既保證。適逢今日係媽咪生日，所以就對佢好d，一於帶佢食d好野，食下日本放題！Book八點去到好快就有位入得，入面d裝修都幾別緻，d位都坐得幾舒服！首先就梗係要點刺身啦！要點我媽咪最鐘意食既三文魚☺大喜屋既刺身真係冇得輸，係質素既保證！！每件刺身都好厚又大件，三文魚，油甘魚好肥美，油脂分佈得好平均，好正！！！北寄貝，八爪魚都好新鮮，好爽甜。之後就梗係要食下d燒物同炸物啦！牛舌燒得外皮微焦，食落好爽口，又冇半點牛氈味，我食完都再encore左次！燒菠蘿就好甜，冇乜渣，唔會燒到太乾身，咬落舊菠蘿仲有d汁留出黎，食到我好似留口水甘哈哈。流心榴槤波波甘特別就梗係要試下啦☺上枱熱辣辣，咬落去d榴槤蓉咇曬出黎，甜得黎又唔太膩，鐘意食榴槤既絕對可以試下！！其他炸物就普普通通啦，冇乜特別之處。另外海膽手卷都係值得一食，雖然佢細細一個，但對於食放題黎講依個size係完全可以接受。手卷上有滿滿既海膽，而旦食落好鮮甜，食得出係新鮮野，紫菜食落都好脆，十分不錯！

今晚同條女去咗旺角「樂天大喜屋日本料理」食晚餐放題店內嘅環境裝修好寬敞，但係坐位嘅距離就有好逼嘅感覺，唔多舒適坐低嗰陣我們叫咗個刺身拼盤  刺身款式種類都幾多  而且相當新鮮  味道非常鮮甜軟滑 仲要係任點任食  真係超抵食蔥花左口魚壽司係用嫩滑左口魚燒成  再加埋蔥花一齊食  真係超能正魚薄切拌黑松露蝦膏壽司睇得出師傅嘅刀功非常了得  滋味無窮鹽燒鷄翼燒得相當香口乾身  肉質好軟滑炸野食金黃香脆惹味香口芝麻冷麵有雞絲   肉質極之嫩滑  冷麵結實彈牙甜品除咗雪條或雪糕之外  仲有自助蛋糕甜品   好味到有一食再食嘅感覺  所以一口氣食兩三四五六個條女仲笑我傻

食開放題都知大喜屋係集團式經營，分店位置又方便，所以都係我食開放題嘅當中最常去嘅。放題大致上間間嘅食物種類都一樣㗎喇，精簡啲不如就介紹吓我推介嘅top 3!上一次去係8月，今次11月再去，海膽手卷突然增量咗1-2倍! 之前係一片兩片(應該間間都差唔多係咁)，不過今次去，手卷入面至少有2大舊，而且唔係室溫擺咗好耐嗰隻，少少凍，啖啖飯都有海膽，唔使就住就住，反正唔夠咪再嗌咋嘛!之前我鍾意呢度嘅帶子刺身，但當日嗰啲真係細塊咗又冇咁鮮味，所以今次推介赤蝦，又係我另一款必點刺身，好大隻啖啖肉，同魚類刺身唔同，赤蝦冇咁多魚油同脂肪，食極都唔漏! 另一推介爽脆象拔蚌!最後係燒牛舌，中間腍身軟熟，但邊邊位燒得啱啱好有脆口感覺，冇燒燶到，以星期六peak hour水準嚟講唔錯㗎喇! 再唧啲檸檬汁，成碟牛舌有香濃bbq肉味，又夠refreshing!漏一次單，但追單之後都好快手有得食! 另外有韓國hite芒果啤，未試過值得試，唔重啤酒味但好清新!

    很久也沒有吃放題，生日特別要吃放題，放題可以增加大家的愛情和睦，剔紙仔的時候，大家有相有量，連ＡＡ制都容易計。刺身好新鮮，新鮮到出煙， 其實那是乾冰效果，甜蝦好有膠質，象拔蚌肥美，帶子好彈牙。壽司搓得很美，配拼特別，白飯冇黐牙。甜品選擇多，吃先便不會俾其他客人弄差。吃日本食物我一定要吃茶碗蒸，放題時可以吃到滑溜又要多料的是機會少的事。炸物點吃都不夠，尤其是榴槤波波及紫薯波波，越吃越甜想要多幾件。

放題會係我百吃不厭嘅選擇，呢道嘅擺設好似有少少改變左。刺身有三文魚，吞拿魚，甜蝦，泰國蝦、帶子等。味道係魚有魚味，蝦係有蝦嘅味，全部無雪味。壽司&手券嘅材料夠多，細細件，啲飯唔硬，紫菜又脆，味道又好食。燒烤嘅最支持食菠蘿，燒熟之後嘅菠蘿清甜, 唔酸唔乸脷。一品料理色香味俱全。飲品都係嗰啲, 放題真係食極都唔厭，而且呢間都係幾抵食。

旺角的放題一直被標籤為“行貨”“質素差”，可是在創興這個小商場內的樂天大喜屋卻能夠一直深得放題迷的歡心!!假日到旺角來吃個午市放題，每次當然是刺身第一，魚生大大片十分新鮮，大帶子半粒一片並不寒酸，最有看頭的必然是大大隻的牡丹蝦，兩個人來這一盤確實有點過份。這裡的壽司一口一件十分精緻，款式很多各有特式，手卷的飯也不會過多，反而配料一直能吃到底部。第二輪便到熟食時間，羊架，鯖魚燒得剛好，牛舌就略嫌太乾。不得不試的是炸物，芝麻雞翼最為驚喜，咬落啖啖芝麻香帶點蜜糖味，令人回味。芝士年糕，香芋丸及炸蠔都很出色，不過天婦羅類卻令人有點失望，不試也罷。這裡熟食款式非常多，且確實並不馬虎，今次我便心血來潮點了個海鮮炒飯一試，放題點炒飯對我而言是第一次呢！本來沒抱太大期望，可是真是非常好吃!! 炒飯中有三文魚及翠玉瓜碎，及櫻花蝦，炒香的櫻花蝦十分惹味。到了尾升，可以一試他們的甜品，今次試了芝麻奶凍不錯，楊枝甘露就太甜了。大喜屋的飲品及甜品種類真的不少，由韓國有汽飲料，到啤酒，到本地品牌茶類以至維他奶麥精都有。雪糕類就有韓國雪條，可可貝尼及 Haagan Dazs雪糕可供選擇。

成舊同學仔聚會旺角對我地都係中間位收工去同番屋企既時間都ok所以就選左位於旺角既樂天大喜屋我第一次食呢間放題發覺真係比起普遍放題更好無論賣相同味道我覺得合理刺身ok, 另外好多放題既複都無咁大隻所以令我印象深刻蠔唔夠滑壽司細細件，唔會咁容易飽肚普通賣相精緻，芒果配搭酸酸地幾特別菠蘿唔會太酸大家貪得意，每人一碗花膠好入味！放題有咁既質素最後必食雪糕！

今次係第二次食樂天大喜屋， 本身睇到之前既食評已有人說質素下降， 初時有d 顧慮，食完之後完全同意！雖然食物味道仍算正常，當中壽司頗出色，但上碟慢， 漏單多，另我最不滿係飲品同甜品來貨成本低左好多，竟然入國產雪糕球，不會再有 dreyers 雪糕（haagendaz 仍然有），果汁先生或者其他稍為足本既飲品亦不再有， 變相只有好多泰國既不知名果汁， 物不符值，應該只此一次

大喜屋放題食過幾次，樂天是第一次。香港的放題，食物選擇愈來愈多，一晚根本試唔晒所有野。樂天一如其他大喜屋，多人收碟，多人服務。大眾化炸物，刺身，串燒都有水準。意外地有花膠。最後食返杯哈根大師雪糕。晚市埋單250位。

同一大班朋友去完大陸溫泉團，返到香港想搵個中間點方便大家回程，諗咗好耐都係去旺角。但係旺角間間餐廳都多人，有個朋友仔話想食放題，於是去咗創興睇下，記得2樓有間好多人排隊嘅放題，聽朋友講過話好食，就上去睇下多唔多人。8點2上到去，見到有好多檯，問一問話加埋一$250一位，可以坐到10：30，都ok,由於大家都太餓，所以咩都冇諗衝入去，放題，第一時間緊係畫刺身！一黎到見到，好大盤，三文魚，劍魚都好肥美，好好食甜蝦都好甜好好味其實仲食咗其實嘢，不過大家都太餓冇影相，等我略略講下：羊架~ 必食，入口有肉汁，燒得剛剛好炸榴槤~ 鐘意食榴槤嘅朋友，可以一試，好香榴槤味，入面好熱雞翼串燒~ 呢個就好多間都好一般，面就好咸，入面就有少少雪味壽司波波~ 平時食放題好少叫，不過呢間壽司波波好細粒，啲料都幾足手卷~ 食咗軟殼蟹手卷，三文魚皮手卷，炸得好香口，紫菜仲係脆嘅，即叫即做！好食最後緊係雪糕，其實佢有其他甜品，不過我都係鐘意雪糕，因為佢係 haagen daz 雪糕杯，仲有Dreyers甜筒，個甜筒好好味，但太飽，如果唔係想食多個飲品方便都係大路嘢，道地茶，可樂，有款桃肉汁，不過都幾甜，朋友仔們就飲啤

又係食平D旣出動時間，今日去左旺角“放題王”之稱的大喜屋，本身諗住同佢死過但原來有午餐的，心想都係個D野啫~上菜時真係有D俾佢嚇親午餐包括：面豉湯，正蛋，飲品一杯~沙律~牛肉烏冬一大碗~天婦羅定食~白飯一碗~軟雪糕一個。共$58元正我用放題既心態去食都食唔曬~至於質素方面~放題質素。但如果佢地餐廳唔介意的話真想一餐2人吃~友人吃了刺身拼盤及鱼生飯也只是$78蚊~你好野

今日兩丁友即興食放題，排左勁耐隊先入到。例牌都係叫啲刺身食先。不得不讚嘅係佢啲帶子，大粒又鮮甜，而兩款蝦同三文魚都唔錯。不過象拔蚌就差左少少了。之後陸續點左啲小食同壽司黎食，以上呢幾款都係唔錯的，可以一試。但個鵝肝就幾羶下，接受到嘅朋友可以試下。燒海蝦同羊肉一定要點黎食，真心覺得唔錯👍雖然叫得唔多，但佢擺盤都幾好架。之後點左佢間鋪嘅同名壽司，又係好味要食多轉嘅👍，呢度啲壽整到細細件，食多幾舊都唔會咁快飽。之後食埋一凍一熱嘅甜品，蛋白嗰個好滑，好食👍咁呢餐就完結了。總結呢度嘅食物質素幾好，侍應服務唔錯，起碼同我地有講有笑。但價錢就唔算便宜了。

之前食過好多次大喜屋，覺得質素都唔錯。今次上open rice嘅時候就發現有間叫樂天大喜屋，見都有好多好評，所以今日朋友生日一於食依到！知我嘅人都知我係個刺身痴，好鐘意食刺身，而大喜屋係刺身嘅保證，質素有返咁上下，又可以仼身，岩曬我三文魚一如既往切得好厚，而且好新鮮好肥美。鮑片象拔蚌好鮮甜而且好爽口。甜蝦同虎蝦十分鮮甜爽口，肉質冇霉，而且都幾大隻，正！我地仲忍唔住encore左多一次😍😍😍 帶子都幾大隻，好滑好鮮甜。吞拿魚，油甘魚油脂豐脥又冇筋，好肥美，不錯不錯！！海膽壽司雖然細細件，但個海膽完全唔覺得遜色，好鮮甜！！！而且甜得黎帶點甘香👍🏻👍🏻👍🏻最後食左個dreyer雪糕為總結，雪糕質素有一定保證，好滿足！芝麻雞翼外皮炸到好脆，但入面d肉依然好嫩滑。燒牛柳粒好juicy好嫩，整得岩岩好。芝士年糕都幾流心，芝士味濃。今次放題我主打食剌身，其他燒物燒物食得好少，不過剩食刺身都抵嘅😋

今次食返上年食過一次一致好評既樂天大喜屋，只可以講一句競爭未能帶來進步。一開始當然要叫刺身，直得一讚係三文魚刺身非常新鮮厚切，其他刺身都比其他放題較好。失望既係赤蝦未能維持水準。軟殼蟹手卷同海手卷質素非常好，海膽膽軟殼蟹多到可以食到底都仲有。又唔腥，蟹又夠脆。唯一敗筆係份量比較大，唔係其他放題咁超迷你。燕窩蛋白味道幾好夠滑，同出面甜品舖質素差唔多，但唔使特別試。芝麻雞翼係炸得較燶，好似有d過火。黃金燒海虎蝦好明顯係焗蠔變奏版，味道唔錯，切開分開兩邊咁，但留意返始終係蝦，拆肉拆得好辛苦。鹽燒雞脾菇燒得幾好，唔會燒到變乾柴，入口唔會太咸，減平放題肥膩感一流。迷你雞煲比較辣，d雞會粗糙左少少，但都算好多肉，同埋一煲有四五件，一人一件岩岩好。今次再上去，覺得食品種類少左好多，同埋同其他放題一樣，變得千篇一律，下次應該唔會再想黎。