樂天大喜屋 (已結業)

寶貴星期日就係同女朋友同埋佢屋企人去左大喜屋,排左半個鐘隊終於入得,幾大陣象黎到實係食佢既刺身,因為又靚又正,出場個陣容真係好華麗三文魚,油甘魚,希靈魚...每樣都好正最鍾意就係食三文魚,夠曬滑溜之餘,油脂分佈好平均希靈魚獨有既腥味我都好鍾意,好好咬口鮮蝦刺身好大條,好新鮮之後叫左其他熟食,不過都係刺身最正

由於分兩個時段, 第一段係六點開始, 因為屋企人放假, 終於可以食到了.首先一定要叫大大盤魚生刺身啦, 有大大隻赤蝦, 三文魚, 帶子, 甜蝦, 象拔蚌, 等等…刺身十分新鮮, 鮮甜, 沒有腥味. 我一家都是榴彈fans, 流心榴槤ball 就唔少得. 外脆但裏面流著又香又濃的榴槤蓉,十分美味. 鹽燒牛舌爽口嫩滑, 肉味濃郁.

後活節假之後，有Ｄ舊同學約左我去食大喜屋，今次去左樂天大喜屋以前睇朋友Ｄ相好似幾好，不過今日試過就普普通通三文魚係好新鮮，好好味，不過無係尖沙咀果間咁好食鮮蝦就唔錯，好新鮮好滑吞拿魚都幾好味,唔係擦子膠咁硬希靈魚好夠咪,我最鍾意依樣壽司無左以前Ｄ特色野，雖然仲係唔錯，但好似爭緊Ｄ野咁好多人，所以服務麻麻無咁好希望下次會好Ｄ啦

今次黎到真既大喜屋啦，其實好多年前岩岩升中學果陣黎過一次，果陣覺得超好食，不過唔知過咁多年之後點呢聽人講好似近怳麻麻依舊要ＢＯＯＫ２星期先有位，真係誇張，如果唔好食我一定會抗議刺身船，無以前咁靚，但Ｄ刺身仲係好好食，我食左三文魚，我既最愛，油脂味好重，所以好正天婦羅都好好食，特別鍾意食炸南瓜同炸蝦，好脆，入面Ｄ料又新鮮壽司都唔錯,而且好多款式,最鍾意依個牛油果壽司永無甩單，算係大喜家既特色甜品款式夠多，大家到最後都博曬命,好多雪糕食但總恬黎講真係唔錯

一路都聽朋友講開左樂天同殿大喜屋, 聽聞好多新野食, 過完公司旺季, 終於有得抖下啦, 梗係要即刻BOOK位食飯!一上到去, 哇! 好多人呀, 排隊打晒蛇餅, 我仲以為係等位既龍, 問一問經理先知原來全部有BOOK位都要等!足足等左3個字, 之後陸陸續續入場, 場面聲勢浩大!見到每抬都有幾碟WASABI就知道黎到一定要食刺身壽司啦!刺身真係好多選擇, 甜蝦三文魚油甘魚帆立貝, 最特別係有天使蝦, 暗藍色蝦身的就係雖然唔係樣樣都好新鮮, 但係肥美就一定係, 全部都有花紋既~ 食落真係好香!第二轉一定要叫梗係壽司啦, 最好食係半生熟既和牛, 外層焦焦地入面仲係紅色! 鰻魚都唔錯, 左口魚極鬆化! 係鴨胸同熟帶子奇怪左少少啫...甜品就真係唔太得, HAAGEN雪糕又係得云呢拿, 我都唔鐘意云呢拿...布朗尼都幾好食, 苦苦地又鬆軟, 又有D 慕絲好鬼CREAMY其他果D就麻麻啦, 揚枝甘露怪怪的, 燉蛋就太甜, 粉紅色2個撻更怪, 又甜又假D味道...

今晚我們去咗旺角創興廣場嘅「樂天大喜屋日本料理」食晚市放題！我們叫咗雜錦刺身拼盤、多款創意壽司、花之戀壽司、海膽手卷、黃金燒海虎蝦、日本溫泉蛋、燕窩蛋白配一品海參、鹽燒牛舌、芝麻鷄翼、芝士年糕、天婦羅蝦同鮮蟹粥！雜錦刺身拼盤嘅刺身非常新鮮，當中嘅北海道帶子同極大赤蝦嘅味道極之鮮甜軟滑！多款創意壽司同花之戀壽司嘅賣相相當精緻吸引，味道好鮮味！海膽手卷嘅海膽好新鮮軟滑，味道好鮮甜！黃金燒海虎蝦表面嘅醬汁酸酸甜甜，蝦肉嘅肉質都幾彈牙！燕窩蛋白配一品海參嘅海參好爽滑彈牙，味道好惹味！燕窩蛋白嘅味道好香甜嫩滑！鹽燒牛舌嘅肉質好爽口嫩滑，肉味亦好濃郁！芝麻鷄翼炸得表面好金黃香脆，入面嘅肉質好嫩滑，真係好惹味！芝士年糕嘅年糕好煙煙韌韌，芝士亦好軟滑香濃！天婦羅蝦嘅蝦肉好爽甜，表面嘅炸粉亦唔係好厚身！鮮蟹粥嘅粥底都幾綿，蟹肉亦幾鮮甜！另有多款特色雪糕同甜品可供選擇！

大喜屋都來過唔少次，最初來都係朋友介紹，一食就上引，食物新鮮，座位舒適，來多左，發覺食物質素差左，愛食既帶子刺身食落無味，無鮮味，比較水，甜蝦有同樣問題，簡單d講，應該係接近全部刺生都面對同樣問題，除左三文魚仲食到少少魚生既味道，但都唔太理想，可能來個碟係接近尾部，其他都好似同一隻味，再簡單d講，啫係無味，我同朋友講：你覺唔覺好似食緊唔同野，但就同樣味道，唯一唔同既，就係口感，唔同魚生應有既基本口感，興幸，仲有兩樣野係不變既，就係飲品同雪糕類。呢個每次都會叫，上面係仿翅，下面係鮑魚，需則唔算鮮味，但起碼都係食緊鮑魚，再下面既係白蘿蔔，唔入味，如可加多少少鹹會比較好食，係新鮮既口味！

每年媽咪生日都會去食放題,今年選擇左一向好評既旺角大喜屋要食就最好預約左先喇,一入到已經有位喇刺身-三文魚肥而厚,象拔蚌及北寄貝非常爽口,甜蝦虎蝦非常鮮甜,唯第二次下單既三文魚就有點失色了,不過整體不錯放題必點一定係芝麻雞翼,數數手指吃了很多雞翼又脆又香,但肉汁仍然保持榴槤炸彈亦是最愛,外脆裡面充滿住又香又濃既榴槤蓉,十分美味芋頭丸-又香又脆,芋頭迷必點芝士蝦亦滿滿的芝士香,與蝦配搭很合拍燒物-牛舌厚度適中,燒得又香又彈牙燒翠肉瓜及燒菠蘿燒完仍然充滿汁,不錯另外,黑松露蒸蛋,泰式鳳爪,天婦羅也值得一吃仲有每款壽司都係小小一件份量岩岩好最後當然唔少得美味既雪糕同雪條啦

食日本放題我一定要去樂天大喜屋，材料新鮮，款式多變，刺身我地必點:三文魚，新鮮而且無根無渣，細蝦就好鮮甜，虎蝦系最愛，大大條又彈牙，北極貝更加甜鮮，希靈魚🐠勁多卵，好脆，吞拿魚無渣，迷你花之戀壽司，迷你三文魚壽司，迷你鰻魚壽司，熱食我地點左我:蟹粥，好鮮甜，細細窩剛剛好，燒牛柳粒簡直系超正，重複order2次，仲有芝士燒虎蝦，有小小泰式醬，好好味，蝦好彈牙，配合甜甜地食超正，甜品食雪糕，燒菠蘿，菠蘿好甜，正吖

無book位，等左一陣8:45walk in入去食。佢有兩本食物紙，野食選揀都算多。點解我第一張就影杯D字頭雪糕呢 ～因為而家9:15喇都未有野食。。。好！終於去食物相刺身唔錯，有極大赤蝦，大帶子，怕腥嘅我 象拔蚌都食到，三文魚腩就正到呢 黃金燒海虎蝦，數量每次按人頭比，係咪充滿期待呢～如果係就真係唔好意了！又甜又酸仲要*梅梅地，係咪因為唔夠新鮮 所以先整個甘既醬 而唔原隻鹽燒呢 燕窩蛋白配一品海參白色甜黑色咸，唔差，幾特別，勝在其他地方無。 都係d基本嘢啦，但又幾好食，特別係雞翼同菠蘿飲品都有好多，但受歡迎嘅飲品已經唔夠凍。D字頭雪糕有兩隻味，芒果同''唔知''，''唔知''因為想等食完主食先再食多杯啦⋯⋯點知已經無哂除左食就緊係講埋侍應啦，可能真係太多客啦，佢地已經做到木口木面，同樓上某間真係無得比。收碟速度亦有待改善。除左一個部長姐姐，佢真係曙光嚟㗎，有禮又積極一試亦只一次。完。第一次寫食評請多多指較

主要想去食刺身，但係好失望、全都無味道，得雪藏味，咁大隻巨蝦，我地都竟然可以擺到溶雪都唔想食，真係好難得 食左一轉就無再reorder, 可想而知有幾好食..... 然後壽司拼盤擺的好靚，味道都唔錯，但隻碟太大，張台太細啦！好阻地方！一次過上菜真係唔得掂另外熟食牛肉鍋都唔錯，蟹凳無蟹味大量肉類熟食全部都係凍的，又話燒乜燒物，全部都係凍冰冰，雖然佢做唔切應該要燒定，但再燒一燒翻熱都得掛！？成碟無食過，因為真係冰凍架！好多樣都係咁。基本上可一不可再，因為有更多間店又平又好食過佢。好彩我一開波就食左雪糕，因為到下半場貴價雪糕全部無哂又唔refill!!!!!!!! 搵笨！

朋友係外國番黎，梗係第一時間帶佢去食放題之前食過其他大喜屋集團既放題，間間都好高質素，呢間都唔例外20:30到已經人山人海，好有排場，估唔到平日都禁多人，全場爆滿！不過環境雖大，坐位係非常逼，坐底前一定要脫掉外套先坐到，朋友仲撞親腳人雖多，但服務員都非常多，所以效率都好高，漏單情況唔嚴重 不過三文魚刺身較為失望，無咩味道 鮑魚大大隻，但味道較淡，唔太推介牛肉鍋牛肉薄身，湯底甜甜地，好入味！ 最後甜品方面有Haagen Dazs 任食，不過得士多啤梨味有d失望

好少打食評都要抽時間回顧一下。Book左兩位食六點至八點半，雖然遲到十分鐘，但已經見到接近全場爆滿，連平日都咁爆實在好厲害。然後兩個人都有得被安排坐卡位，實在好感激d staff。普遍黎講，魚生，壽司，天婦羅，炸物等等都做得比同區其他收緊差唔多價錢既放題好，偏向新鮮，質素唔錯。甚至冇乜人會嗌既牛肉烏冬都整得好有質感，夠咬口。最搞笑係你張order紙寫幾多份量廚房真係交出幾多份量，唔會話按人數調整番份量，非常老實。而每一件食物，包括埋甜品(榛子撻等)，都整得好精緻小巧，外型又靚，可以俾大家試晒每樣唔同既食物之餘，又唔會太飽太滯，更唔會食唔晒浪費。飲品同雪糕雪條可以自己出去chill櫃攞，有幾個櫃，放滿唔同大牌子既飲品，例如巨峰提子汁，Mr果汁，檸檬茶，菊花茶，基本上好似一個便利店飲品櫃，唔似其他放題只得d例牌汽水。服務方面都唔錯，好多staff周圍走，但我就試過係地下撿到staff忙碌中跌低既order紙，呢個就解釋點解有時會漏單。不過好似有d趕，六點九已經嗌埋單先，八點正完全截單，八點半請d食客走。但整體ok，有機會會再去，物有所值

一班姐妹, 要揀食日本野的話, 最唔使拗既一定係黎大喜屋, 個個都讚成!牛肉粒又林又多肉汁, 落左蜜糖甜甜地好好味芝麻雞翼係大喜屋一路既主打, 又脆又多汁, 芝士年糕更加冇其他放題可以比美!帶子酥就有少少硬, 個群邊唔應該落埋落去囉牛舌都燒得好彈牙, 係得既~個燒蝦點解未剝殼嫁嫁嫁嫁嫁........剝完殼之後冇左鹽味, 可惜軍艦口味一般, D紫菜好林, 料同飯唔係好夾卷物就好D, 同埋中間D料夠多, 魚肉又香, 個大細可以一啖食晒, 好有心翠肉瓜都係好正, 夠晒厚!

差不多大少生日，媽媽話要同佢食飯，我本來想去食漢拏山，最近食幾次，因為太好味~不過大少話漢拏山太貴，不如改去樂天大喜屋，我覺得都可以，因為媽媽都鍾意食~生日話事，所以我前一日打電話訂枱，因為老豆要返工，所以邢要訂6點早場~之前已經食過好幾次，都覺得唔錯，不過……今次……除魚生刺身之外，其他比之前差好多一到2樓，就已經見長長人龍，由於我地太遲(其實未夠6點)，所以已經排龍尾~~飲品同以往一樣多，今次我就飲我最愛道地荔枝沖繩海鹽~~雪糕大部份都係韓國雪糕，今次有蜜瓜、綠茶、咖啡、士多啤梨哈根大師~刺身有帶子、甜蝦、大赤蝦、象拔蚌、三文魚、北寄貝，今次蝦食得唔夠多，不過因為只有我鍾意食，所以大部份蝦都係我食沙律都有好幾款，不過都係覺得蟹子沙律係最好食焗法式田螺薯蓉，最好味只係田螺，大家都將食剩薯蓉送晒俾媽媽~~燘鮑魚，以前都唔錯食，不過今次食差好多帶子酥盒，好酥，但係酥得又唔鬆……好高難度