樂天大喜屋 (已結業)

琴日兩條友去咗嗰度食放題，打開個menu, 發現啲壽司有創意，細細粒甘樣，幾得意我哋叫咗少少刺身，象拔蚌幾彈牙👍🏻👍🏻👍🏻👍🏻 但啲蝦好吾得 吾新鮮 仲要有一陣怪味之後啲壽司自就嚟左，擺到好靚 有個蜜桃腰果蝦壽司幾好食有個黑松露蝦吾好食仲有個鵝肝壽司 好油 吾好食熟食來講羊鞍係唔錯👍🏻仲有個炸豆腐幾好食👍🏻👍🏻之後啲飲品好多種多樣，茶啤酒橙汁汽水乜都有仲有哈根大師雪糕 不過得士多啤梨味同埋曲奇味仲有個綠茶嘅甜筒 不過好甜 吾多好食兩個人埋單$501啲員工服務好快好貼心👏🏻👍🏻整體來講OK，放題來講都OK😀

7:05入座7:17叫我埋左張单先, 7:30只吃了半数order 食物7:50同我講叫我再劃过D单,因濾左8: 00 last order 食到8:30,禁嘅食市我仲比錢去! no way.......同類型係市場多的是,有一間的服務態度,及上枱食物速度,好這間十陪!價錢平並不代表要灠或不理服務質素!

一定要食勁極大赤蝦、甜蝦同帆立貝，第一round一定要齋叫極大赤蝦20隻，如果嗌其他刺身佢都係俾得5-10隻你。紫心香芋丸勁正仲有鰻魚同海膽手卷都好正芝麻雞翼好食既！但可食可唔食兩個人$501

我同細佬都出左糧 就夾份請成家人食餐勁 聽家姐講呢間野係質素同價格都超水準 佢話平時都好多人 所以記得要BOOK左枱先好去阿 如果唔係摸門釘既可能性極高我地去到 見到間野其實環境麻麻 但我一食就想收回自己既諗法 D刺身種類差唔多 但食落去就知新鮮 無腥味 而壽司既種類多 好多特別既款式都有 我最中意係鵝肝壽司而炸物比出面放題都係新鮮 味道無咁假 今次想讚下佢個芝士年糕 好好食唔會油 而其他特別想讚既係羊架 唔臭唔蘇 反而有陣黑椒味 啖啖肉

星期日夜晚同朋友黎慶祝生日。一早Book左8點半果round，我地大概8點左右就到左排隊。8點半入場果陣人已經多到爆曬，建議可以早到少少派住先。一入去即刻Take左單，上菜又好快！一定要食嘅魚生都好新鮮，壽司都好味。羊架，牛舌，榴蓮炸彈都好有驚喜！出邊好多自助嘅雪糕，同飲品！ 價錢加完一差不多300，性價比算高。

以前我行過呢間放題，成日見到好多人食，今次終於同好友試到喇! sushi 做得好精緻，size 吾大，我鍾意，刺身都好新鮮!鵝肝sushi 好正，我地兩個女仔叫左成20件，出面放題未見過有鵝肝食架，sushi 真係好新鮮，D飯仲暖架，出面放題D係凍既，下次會再同D朋友仔再黎!

大喜屋呢個名係放題界相信都冇人唔識，以放題黎講的確佢既食物水準係唔錯，今次朋友生日就試左個名多左兩隻字既樂天大喜屋😂🤘🏻我去左晚市兩個半小時放題20:45-23:15($248+10%)，放題太多野食唔逐個講，就揀左4款😂首先有必食既刺身冰凍新鮮，帆立貝夠大粒夠鮮甜，比其他放題店既優勝。火炙壽司係我既至愛，雖然放題唔應該食咁多飯，但係一口一件我真係停唔到口😆🍣黃金燒海虎蝦，呢個幾有驚喜，隻蝦好大隻而且切開一半食落啖啖肉好方便，加左沙律醬同甜椒一齊燒好惹味。最後甜品方面焦糖燉蛋同芒果糯米卷都唔錯，而且有haggen dazs同dreyers雪糕任食🍦😍不過題外話，可能餐廳多人較忙，有位經理既態度不太好，希望多加留意。

第三次過黎呢間餐廳食，大概食過番尋味就係呢個意思。入到去，廢話少講，Cuz 得兩個鐘食，一開波叫左過百件魚生刺身做個前菜先。三文魚應該係選取左New Zealand 三文魚，所以先至咁肥美。之後黎堆炸物，唔可以唔提既係佢個榴槤炸物，榴槤香超正！不過一提既係唔好叫咁多，每人食一兩件好啦，唔係好快飽食唔到其他野落肚。最後，睇到呢篇野既你地去到記住要食佢個沙律醬焗蝦，堅正！！！ 埋單就每位$270左右，合理價格。

這次已經是我第二次黎，第一次黎真係非常有驚喜，這次需然沒有特別驚喜，但這裡的質素都保持到魚生這裡極大甜蝦必食，有手指公咁粗，三文魚都是試食，比平時食到的還要新鮮，好食的仲有油甘魚，劍魚特色寿司忘記了它的名字，不過擺碟真是很精緻燒物有我鍾意食的羊排，味道很好，如果有介辣就仲正，燒牛舌都唔錯中間的燒蝦就普通，因為加了沙律醬，我不太喜歡這個榴槤炸彈，很流心哦，很重榴槤味這次個人約$270，需然係貴過平時，但我已經食厭爭鮮，魚生唔新鮮，又食黎食去都係得三文魚，所以俾貴d都係值得

今晚一班朋友一齊食飯，經濟又好味嘅大喜屋系我地首選，食物材料無論系冷食或熱食都好新鮮，三文魚好滑好有三文魚味，好正，帶子新鮮多汁，好滑，熟食嘅燒豬大腸好味到不得了，燒虎蝦，大隻新鮮加埋泰式秘製醬甜甜地小小辣辣地好惹味，總的概括，全部都好味

食過呢間既放題，非常唔錯！ 今日下晝有時間，過泥食個靚飯啦$78 定食， 1-8 揀一款、9-16又揀一款，仲有湯、沙律、蒸蛋、嘢飲同埋甜品，真係超抵我揀咗09 刺身盛，有三片三文魚、兩件北寄貝、兩隻甘蝦、兩件劍魚腩、兩件象拔蚌，超新鮮，五款刺身都好鮮甜！同放題時所食既係一樣！另外揀左牛肉鍋，同大約有6-7片肥牛，下面係大量黃芽白、菇同豆腐！牛肉汁好濃，係好味既，可惜個鍋唔夠熱，隻蛋一直都唔熟但真係好抵食，加埋一都唔洗一百蚊

公司同事farewell，主角要求黎呢間食，一早訂左位唔洗等直入雖然食過好幾次，但對上一次已經一年前，一行七人大家都好期待，亦證實無失望跟住一輪小菜，真係有驚喜，定期都會有D新野，今次見到呢個燒蝦？唔知叫咩名，七個人食到嘩嘩聲跟住又係有驚喜的食物最後黎多盤小刺身，一D天婦羅同小食

假期前夕放工同一班同事happy hour食放題😆從來無諗過職場上可遇到朋友，卻難得地被我遇上，最近其中一位將要離職，雖然不捨，祝福佢前程萬里一來當然叫刺身，大大盤，大家都食指大動全部刺身都十分新鮮，由其係甜蝦，劍魚腩，油甘魚，如果真係要彈，只可將話帶子太細片，甜味唔太明顯飲品：我地主打解茶，貪佢消滯。另有Hite啤酒，橙汁，荔枝茶，仲見到有果汁先生新出既蜜瓜味飲品炸物：芝麻雞翼香口，芝士波正常，榴蓮波同事話十分出色。串燒：牛舌味道可口，可惜無燒海蝦小食：海蜇原本幾好食，可惜太咸太重味精手卷：海膽手卷，海膽帶少少苦味，飯體貼地只比一細舊，可以一食。甜品：聽聞甜品有乳酪雪糕，但無試到。食左哈仔雪糕（cookies & cream)，同事食左蜜瓜雪條。總括來講，食物味道不錯，又唔貴，係聚腳既好地方

24號晚我同老公行完街，諗住食放題見到樂天好耐無食過，諗住walk in上去食8:45，點知要等9:30先有位，因為好食等下都無所謂！我地行完個圈9:30再上去，當時接待員安排咗我地去一個無乜客嘅區域，有個侍應生叫咗我地坐張兩位枱，雖然細D但我地都無所謂，點知到嘢食陸續黎到時，我地張枱已經無位再放，D侍應同個經理都係一樣做法，放在枱邊或叫你拎住，都唔會將旁邊嘅枱拍過黎！嘢食食完後佢地都唔會住動收嘢，我地唯有放喺旁邊嘅枱，佢地先會收(當時佢地係唔忙碌，只係顧住玩乾冰)到last order時，嘢食一次過出晒，都唔緊要，無位放都唔會拍多張枱俾我地，我地唯有叫佢放喺旁邊張枱！咁嘅服務我地以後都唔會再去！嘢食再好都唔會有下次！

總是那麼多人既樂天大喜屋, 宅女終於記得寫食評啦, 因為每天吃完都很飽很飽, 總是飯氣攻心, 就忘記了寫啦看見WASABI, 準備瘋狂任食!有海膽又有甜蝦, 蝦鮮同海膽甜好夾呀~ 拖羅同黑松露就一般般夾, 黑松露香味重D但入口唔係好有味, 同熟肉可能比較夾花之戀好吃但太細了! 不夠喉...而且蛋黃醬不夠!好少地方會有的果汁先生, 好懷念小時候呀! 好少機會會有得飲的!刺身一定要叫一大盤啦! 最好吃的一定是帶子, 入口即溶! 其他種種魚生都新鮮, 又爽口無筋, 不錯不錯!又是小時候的最愛田縲, 不太好吃, 可能現在咀雕了, 以前熱辣辣, 薯蓉都好香, 現在這個覺得好行貨...這辣辣地的凍肉好奇怪, 好似咸的啫喱一樣, 豬肉味, 喜歡的人就會喜歡, 我就麻麻地啦黑松露熟帶子酥, 好好味! 酥皮極鬆脆, 松露超級香口, 帶子如果連裙邊都拿走就更好了! 因為好阻著吃呀...