樂天大喜屋 (已結業)

一值都有聽聞樂天大喜屋係一間CP高，質素高既日式放題餐廳。難得星期日放假，一於同女朋友預先book好位，大食一餐。一到門口，已經大排長龍，好彩都準時入座，唔洗等太耐。款式選擇都算多，每款點一份都食到我地大住肚咁走，下次必定再試！一埋位必定先剔刺身同壽司，「暖暖」個胃先。刺身新鮮，三文魚冇根，帶子同甜蝦都好鮮甜。火灸壽司必叫，細細份，份量岩岩好！黃金燒海虎蝦，啖啖肉，濃濃既芝士，食落好滿足。

旺角區真係好多日式放題，今次就揀咗間未試過嘅樂天大喜屋。打定電話去book位，不過去到都排晒長龍，原來book咗位都仲要早啲嚟排先得。坐低梗係即刻寫刺身啦，刺身都幾新鮮，另外覺得最好食嘅就係佢嘅燒大虎蝦，蝦肉都幾有咬口唔會霉，加埋啲芝士燒真係幾好食， encore左幾次👍🏼👍🏼

今日同男朋友去左食放題 佢話好耐都冇食過 話請我食餐好既 我當然咩都話好拉😬😬一去到已經見到好多人排隊，有成幾百人 可能呢排新年 大家同我地諗法一樣 想最後沖廁食餐好既先講食物1.刺身除左有叫我中意食既三文魚同甜蝦 今次我仲叫左吾同款式試 吾洗次次都甘悶 食黎食去都系個d 賣相令都不在話下 仲要好新鮮 夠哂肥美 而且甘樣擺令到d刺身夠哂凍 2.炸物芝麻雞翼炸得好脆 入面既味道都吾會話太咸同太淡 每次下單 佢都系熱騰騰甘拎出黎 吾會話整定哂或者系翻炸 而且叫左無耐就出左黎 吾錯！仲有個炸蠔 炸到內脆外軟 食過返尋味！同埋d炸粉吾算多！3.燒芝士蝦芝士滿滿的 芝士入面有三色椒 隻蝦大大隻甘 呢到最抵食系咩？當然系任食Hagaz-das雪糕拉！你食到幾多就幾多 吾會好似其他放題甘 只可以食一杯雪糕 其實食幾杯雪糕已經回哂本拉！真系好抵囉吾中意食呢隻雪糕 仲有韓國雪糕 味道都吾錯 大家都可以試下 中間那個整體而言，呢間野比我想像中好 又抵食 下次一定會再黎呀！

旺角區既日式放題有如恆河沙數, 就係呢一幢廣場入面都有幾間, 今次食呢間係由於表弟之前食過話可以再食, 今年同佢既開年飯一於就食呢間!設兩輪時間, 頭輪六點至八點半; 尾輪就由八點九開始, 頭輪時間未開始前都已經出現人龍等候排入座, 勁............日式放題包埋任飲是常識吧, 種類超多, 好似去左7仔咁.........食物選擇OK多, 落好單就即刻交比侍應等食啦喂................一開始又想回本, 當然係要叫刺身食啦, 種類都有成10款, 最愛佢既牡丹蝦, 夠晒大隻, 口感夠爽; 另外鮑片食落好夠"鮑"味; 帶子嫩滑可口; 總括黎講都唔錯壽司有分正統/特色類, 呢幾款就係特色類, 細細舊一舊一口, 可以試多幾款沙律分別叫左蟹子沙律同陳醋魚生沙律, 前者純情意結, 後者有陳醋酸味味好開胃, 以便繼續食.............呢個吉品鮑汁燴花膠, 係無點既情況下送上, 薄薄既花膠筒, 味道不過不失, 當開年飯好意頭!天婦羅選擇只得蝦, 南瓜及蕃薯仔, 全部叫晒, 最喜歡甜甜既蕃薯仔!亦有叫幾款炸物, 包括我最愛既芝士年糕, 又香又軟身, 內裏軟棉棉既芝士好味道;

同屋企人慶祝生日大家都冇咩諗法想食咩食放題最方便咩都可以試下食過幾次次次入都要圍住個層排隊等下先入到今次醒左行左陣12蚊店先落去join 條龍慣例一坐低都係叫刺身先 哈哈哈哈哈哈上野食都係咁係快手 吹陣水就到去到飲品櫃個陣成日都會諗好耐最後一定一定一定要試燕窩蛋白! 起碼要食兩個先肯走

昨日同家人去旺角行街購物，正好係吃晚飯時候，跟著來到一間位於彌墩道長沙街交界創興廣埸二樓嘅樂天大喜屋吃放題。首先點了三文鱼，甜蝦，油甘魚，牡丹蝦刺身。一出埸比我第一感覺是食材好新鮮，尤其三文魚色澤鮮紅，很新鮮！甜蝦入口即溶，油甘魚彈牙，牡丹蝦清甜。由於係任點任吃我哋又叫左第二次。店内的燒羊架也是必吃之物，經醬汁泡制再燒香吃落冇哂蘇味。味道不比在西餐廳吃的差！串燒牛脷香脆，撒上黑椒粒，味道更香更佳。牛脷燒到很彈牙，不會過鞋，很好吃。再來菠蘿塊真是美味可口甜到漏。件件都非常多汁，不會乾爭爭。大大塊厚切，我吃了後多塊，滿足！飲品仼拎，今次吃得好滿足，可說是平靚正。

很多年前開始，已經吃大喜屋集團的放題，試過無數間，始終覺得這個集團的是最好吃！單單是樂天大喜屋，也吃過至少５次。刺身從來都是很新鮮，絕對放心吃用。不過相比起早前，細件了一點，要點多幾塊！牛舌是必點的。要看燒烤師傅的功架，只要看燒牛舌就行了。這裡的牛舌算是燒得不錯，保持了肉與質彈牙，又要會很乾。當然跟外面單點的質素是很難相比較。不過放題質素來說已經是很好多。件件JUICY，我一人就吃８片。點了幾around！很鮮甜，吃了也開胃。黃金蝦，encore了幾次，醬汁美味，和以前的焗蠔的醬汁是相同的，不過就由蠔轉成蝦。壽司，卷物，手卷，款式很多，點幾款吃吃也不錯。飯的份量不會太多，不怕填滿肚子。飲品有非常多選擇！連熱飲也有！雪糕更有haagen dazs！吃多幾杯很快回本！

今日約了家人到旺角創興吃放題，今天好多人呀，看上去應該全院滿座！上菜都算快，我們點的刺生好快就來了，望落食材好新鲜，三文魚色澤光亮，吃落甘香嫩滑，油甘魚爽甜，象拔蚌好彈牙。壽司選擇非常多，我們點了這三款。右手邊的和牛鵝肝壽司，味道相當不錯。鵝肝算份量不少，味道香濃，配上蔥花更能提升香味。有黄金燒海虎蝦，用秘制沙律醬來燒，味道真的好好，必吃!花膠湯，啖啖花膠份量十足，滋補養顏，女士的最愛，全場韓式飲品汽水任飲，價錢公道，可以一試，唔錯，一定满意。

小妹縱觀咁多間放題店。哩間係小妹去過既最多人排隊既一間。小妹原本對放題店質素之高見怪不怪。估唔到哩間出到中菜贏哂。👍🏼不負眾望！小妹一早訂左位先有機會入，飲品款式巨多！小妹推介哩款橙汁，味道天然仲有果粒幾得意！仲有維他檸檬茶同菊花茶，堅揪！飲品成本都唔低！好啦，小妹都唔等啦，即叫左刺身，厚切刺身足料啵，小妹特別中意劍魚，油脂比例好高！好正！脆口証明佢新鮮，其次係帶子，帶子屬於巨大類！鮮味十足，同甜蝦一樣鮮甜，值得一提係，蝦無發覺有長長蝦腸，處理時相當認真，乾淨俐落！👍🏼三文魚水準正常，不過小妹覺得三文魚成日有得食，大家可以試下其他！壽司好細件，首推鰻魚！醬汁唔太咸，甜度適中！燒得剛剛好！不過小妹覺得哩間放題種類巨大，每款試少少都已經夠，所以唔洗叫太多壽司。熟食方面，哩一應該係唯一有花膠食既放題店，真心花膠靚過火鍋店，冬菇炆花膠，幾盞鬼！個芡水準拍得住中菜廳。幾正！另一推介，就係芝士焗蝦。香濃芝士味配上大蝦結實既肉。實係回本之選！而炸物方面，炸芝士年糕同埋紫薯都係小妹必食之選。👍🏼正！

冬至飯, 不嬲都會出街食, 仲要食得豪爽, 冬大過年嘛BUFFET BOOKING 太爆了, 家人就決定改去放題, 海觧、魚生都係任食餐廳環境都夠闊落 六個人都坐得舒服食物選擇都好多, 兩本餐牌等你點 先黎魚生做頭盤先啦 好吸引!!!! 赤海蝦、甜蝦都好大隻, 大隻之餘, 味道鮮甜, 肉質爽口, 絕對係推介 劍魚腩係至愛 刺身色鮮, 入口香滑, 刺身真係靚~熱食方面絕不輸蝕 焗大蝦、花菇配花膠, 意想不到既美味焗大蝦, 蝦身大隻厚肉, 配上沙律醬, 味道唔過咸, 肉汁依然還在, 唔會太干身, 又有新鮮出爐既美味上面加上配菜, 令菜式望上去就更為吸引花菇配花膠, 醬汁好有平時大酒樓既味道, 家人都特別中意花菇、花膠都夠厚身壽司、卷物都好多花款鰻魚手卷,鰻魚又厚身又大件, 入口啖啖鰻魚肉壽司精緻度十足, 三文魚, 吞拿魚樣樣新鮮, 鮮味十足, 吞拿魚之上仲有大堆海膽, 鮮上加鮮, 配搭一流壽司方面就推介和牛壽司微微火灸, 和牛微熱, 熟度剛好, 入口溶羊架入口不羶, 唔韌, 燒得皮脆肉滑個人喜歡食羊就更覺滋味, 冬天都可以暖身炒牛柳粒不得不推介牛肉味濃, 配料不會奪去牛肉味, 入口肉嫩的確

今次係第一次寫食評，朋友成日話旺角有間放題幾正成日去食，今次放假一於同父母親大人去試下，快快手就book左位。係旺角站 E1 出口出，創興廣場2樓，準時去到發覺好多人都等緊食好西，不過我地訂左位，又有咩可怕喎 LoL一夠鐘就埋位食野，打開厚厚的order薄（點解可以咁大本) ，真係好多選擇，決定由刺身打頭陣，特別欣賞 三文魚同甜蝦，大件得黎 魚有鮮味，蝦有甜味！壽司種類都算多,最愛火灸類好好食 （睇番d相都流口水) ,飯唔算多, 唔怕食飽左 雪糕就有本人最愛 Haagen Dazs  YEAHHHHHHHHHH兩個字：  物超所值呀！哈哈

十二月同一月係最開心既日子, 不斷慶祝同食食食...今次去到MK 樂天大喜屋, 價錢唔貴, 二百中一位一上到去已經係爆多人, 排哂長龍放題MAIN POINT梗係任點魚生啦油甘魚、劍魚腩、三文魚通通都好新鮮, 入口魚味濃郁, 尤其係油甘魚色澤光鮮, 三文魚魚脂分布平均象拔蚌脆口爽身, 甜蝦、赤海蝦夠大隻, 口感十足,  甜蝦蝦身粉嫩亮澤, 鮮甜度足夠創作壽司、卷物款式都好多香芒甜蝦，芒果同蝦既鮮甜配搭上，入口不但帶甜且有清新既感覺鰻魚芝士卷同炸蝦卷係必點推介鰻魚芝士卷係雙重芝士口感，鰻魚上有輕燒芝士加上卷物內大塊芝士，芝士迷一定勁滿足，入口唔洗怕膩，卷物有青瓜佢餡料，中和雙重芝士既膩感除左鰻魚芝士卷有雙重滋味，炸蝦卷都令你食指大動，炸蝦卷既炸蝦脆口，大隻，加上卷物上有隻沙律蝦，雙重滋味，新鮮配搭，熱辣嘅炸蝦加上凍食嘅沙律蝦，不但蝦味特出，蝦嘅脆口同爽口都可品嚐到最令人覺得驚喜的是 菜單上有花膠這菜式！ 不但顯特別，更覺抵食花膠毫不吝嗇，放題任點，花膠厚度仍十足，入口唔糊，汁料超好味，冬菇厚度也絕不輸蝕好有大酒樓菜式的功架餐廳除左有花膠菜式，亦有燕窩甜品 好岩一眾ladies 牛奶布甸,

聖誕節不忘要約下舊同學食飯啦，一大班人聚會又去食放題，無辦法，宜家的年輕人，包括小弟實在太喜歡食日本菜😆😆😆今次去了旺角創興廣場的樂天大喜屋！價錢真的不貴，平日連加一大約250元一位，去普通餐廳食日本菜都要百多至二百元，250元就可以任飲任食，而且食物質素又好，其實很超值！商場裝修的關係，其實等入場時又迫狹，空氣又不太流通，不過好彩牆上有點菜紙望梅止渴，唸定食乜好快可以入場😁😁😁飲品雪櫃自取，無限量供應！有果汁汽水烏龍茶等等，較特別的還有熱櫃放維他奶，很有暖笠笠的感覺！很正！還有沙冰、雪糕提供，不過天氣較冷，很少人問津！😁😁😁放題必點，刺身拼盤，有為食鬼是大蝦控，點了勁多隻，鮮甜肥美😆😆😆其他刺身也很新鮮，三文魚大塊厚切不在講，劍魚腩亦很新鮮爽口，帶子亦不錯，不過個人覺得更大粒會更好食和有口感！花之戀，香芒花之戀，細粒的式確好食，而且芒果味香，甜甜的吃入口感覺特別！手卷覺得麻麻地，軟殻蟹不脆口冷冰冰，似係放咗一段時間才用作製造手卷！呑拿魚亦普普通通，不太特別好食！串燒類，豬大腸，吃入口略感油膩，但燒得很香，令人又愛又恨！燒牛舌亦很煙韌，燒得剛剛好，沾上檸檬汁更加惹味！另一個燒忌廉大蝦也

心血來潮，同朋友一齊食放題，求其就book左呢間試下，食8點9，等位都唔算好耐，環境都ok!野食都ok，但最主要想講下「等食物黎」呢個問題...第一轉叫既野食唔算多，但黎一碟食一碟，魚生都等左成廿幾分鐘，唉我都明好多人，啲單好多出野慢啲都可以接受，但都唔係甘耐架...隔離枱啲野食放到成枱都係，我地就空既...催單又冇反應。算啦，直接叫第二轉，又係等左好耐乜都冇黎，第一轉啲野食先到...慘！理所當然地又係黎一碟食一碟囉。跟手仲有人叫我地埋單，仲話十點九last order，我心諗........唉！我地直接唔理第二轉，就叫第三轉，係第一轉叫既蟹粥同牛雜煲先岩岩到....暈低啦！黑哂面既我地再搵人催單，終於有個似經理既人幫我地跟，野食終於都上枱啦，但個時已經係十點幾，啲人開始走我地先開始瘋狂甘食，下次我唔會再黎啦！價錢都唔算平囉！網上啲人仲話出野好快，等仲多過食呀！到左食物質素方面，我平時食放題都係狂食三文魚，但今次我叫左一次就冇encore啦，有筋，都唔算新鮮。壽司就一般般啦，蟹粥啲味怪怪地，但牛雜煲都好入味，軟殻蟹手卷幾好食，自己都encore左幾次，仲有吞拿魚手卷，芝士焗蝦同蛋白燕窩

其實幾年前都食過呢間放題,印象唔錯~ 臨近新年同同事食個團年飯, 最後揀左呢間放題再去回味, 好彩事前有Book位, 但因為人流太多, 所以入座時都要排隊, 但時間都算快~ 一睇原來menu已經換左, 但食物質素依然keep得好, 款式又夠多! 上菜速度夠快! 冇漏單情況出現!刺身新鮮款又多,無論order幾多次, 都以冰墊底上 有多款特色壽司, 每舊壽司飯都細細舊, 食多幾款都冇咁易飽!! 火炙三文魚腩 燒過表面後更為香口,而且好重魚油味.... 黃金燒海虎蝦 開邊虎蝦上有沙律醬, 再係面燒至金黃, 虎蝦同醬汁味道好夾, 而且燒蝦夠爽夠鮮甜!!喜歡食濃味既朋友一定會愛上!!芝麻雞翼 外脆內嫩, 脆皮薄而不油, 加上芝麻, 食落更加香口, 內裡依然keep住肉汁 吉品飽汁燴花膠盛宴 估唔到呢個二百幾蚊放題價錢, 都可以任食花膠, 花膠入口比較黏口燒羊架 完全冇連肥油, 一D都唔羶, 保持到豐富肉汁, 林度岩岩好芝士年糕 外皮帶脆, 咬到中間仲爆出芝士超過十款汽水雪糕雪條自助式任飲任食!!連熱飲都有埋, 非常貼心!! 甜品款式都唔少, 不過眼寬肚窄,只食左呢幾款3.6牛乳芝麻布丁