樂天大喜屋 (已結業)

旺角日式放題成行成市，相信大家食唔少，今次揀左間集團式經營嘅樂天大喜屋。夜晚大概八點開始排隊，人龍非常之長，等左唔洗半個鐘終於入得去。打開餐牌一睇，斱同比往食嘅放題分別唔大，選擇唔算特別多，唔同嘅係佢喺攞野飲附近有個近似沙律bar嘅地方，有一啲即食食品，例如炸雞同泠盤開胃菜，此外飲品除左啤酒汽水外，仲有溫熱清酒同梅酒任飲，大家不防一試。打響頭炮係魚生船，劍魚腩、油甘魚，仲有天使蝦都好肥美，整體來說，呢度嘅刺身都比其他一般放題的更有質素。壽司方面，赤蝦同帶子新鮮到極！左口魚正鵝肝和牛有估唔到嘅驚喜。熟食都有唔少選擇，我最喜歡的鹽燒鯖魚同埋煎蠔餅。另外榴槤炸彈同芝麻雞翼我也十分推介！食飽飽，當然唔少得食番哈根達斯。

我對放題不嬲都覺得麻麻地，一黎食唔到好多野，二黎任食既野質素多數都好一般，今次約個朋友晚餐佢建議食呢間，話之前食過覺得唔錯，我食完都有喜出望外的感覺！一開波例牌要食刺身，佢既選擇不少，除左個人唔鍾意食三文魚同希靈魚，其他所有刺身都有點。最有驚喜係赤貝、馬刀貝同油甘魚，好鮮甜！其實其他刺身都好好味壽司淨係叫左海膽生蝦，海膽一啲都唔腥，鮮蝦亦很爽口！燒牛舌-好嫩滑香口，薄切燒一啲都唔「un」，要再encore燒菠蘿簡直係我的至愛，好juicy同甜天婦蘿揀左一口甜薯同南瓜，一口甜薯真係好甜，外皮香脆，又係encore 首選呢餐放題係十分有驚喜的一餐，朋友果然冇介紹錯

平時我都好少去食放題，因為擔心食物質素唔好，寧願食貴啲嘅日本菜，不過朋友話呢間質素好好唔洗擔心，所以就試吓！首先我都要講下佢啲刺身，開頭擔心會唔新鮮同埋解凍得唔夠會有冰，但佢呢度一啲都冇問題，而且仲好新鮮，成個刺身盤擺盤好靚，赤貝同馬刀貝我最鍾意，夠大塊，而且非常爽口，一啲都唔腥。另一最愛就係劍魚腩同油甘魚，夠肥夠厚而且係鮮甜嘅，咬落去口感一流！甜蝦都唔錯，都係好新鮮！跟住就講下壽司，全部都係細細件，唔使驚好快食飽，同埋睇得出有用心創作，配搭唔同嘅食材，值得一讚。最like鵝肝和牛壽司，個啲鵝肝同埋啲牛燒到好香，配搭埋一齊好好食，另外我最鍾意食燒左口魚，好鍾意佢好多魚油，入口即溶，一定會encore呢樣！其他熟食都一樣非常有水準，我叫左一個鮑汁花膠，佢真係熱辣辣上枱，而且真係有兩大片花膠喺湯入面，冇花冇假！仲好入味好好味！炸物一樣咁掂，全部都係新鮮整起熱辣辣，又夠香脆，榴連波波係推介，三重口感，最外面好脆，第二層有麻糬質感，最入面喺流心嘅榴連，好香甜，好好味！燒物煱物都唔好忽略，燒鯖魚好香有魚味，又唔會燒到鞋十十，我自己就一定食燒菠蘿，酸甜消滯！總括嚟講好滿意嘅一餐，合理嘅價錢，有質素

相信好多香港人 都好鍾意食放題 因選擇夠多 可以一次過滿足你唔同需要要選擇好食又抵食的放題談何容易容易 可是我今天找到了 樂天大喜屋共十—張點餐紙 裏面嘅嘢食款款唔同 睇見已經眼花繚亂 心大心細 食咩好呢呢一刻 如果我有十個胃就好喇超級豐盛嘅刺身盤 款款新鮮微凍 乾淨衛生創作壽司 本人覺得大喜屋嘅壽司真係冇得彈 口感同新鮮程度 可以比美連鎖嘅壽司店 甚至比連鎖店嘅更好食火焰壽司 燒過嘅壽司特別香 魚油味好重炸物燒物 水準相當高 推介燒羊架 及炸榴槤波放題都有花膠食 係咩玩法日本天婦羅 脆漿好薄 入口唔油膩超足料海膽手捲自助雪糕機 玩得又食得 齊齊製作自己 心愛嘅雪糕口味吧甜品款式非常多 雪糕 雪條 自家甜品一應俱全野飲任飲 晚市放題 二百多元一個人 有靚食材 送餐速度快 無論嘢食 甜品 飲品 選擇都非常多 難怪晚晚爆滿啦

人氣之選樂天大喜屋 從多個朋友口中都聽過 呢間餐廳 口碑和人氣都相當高 食物質素 款式 非常多 光是刺身款式 已經有十二種 而且款款新鮮先呢個刺身頭盤 和我一點的數量是一樣的 之前試過有啲放題店 為左快 求其每樣執幾款俾你 無論你有冇點 都畀咗你先 但呢間完全唔同 畫幾多呢幾多 推介油甘魚 劍魚腩 有頭甜蝦大蝦粉絲煲 蝦殼沈上椒鹽 粉絲炒得乾身有鑊氣鵝肝牛肉捲 米飯細細嚿 唔怕食完之後唔落其他嘢鮮蟹粥 粥底綿滑 真材實料軟殼蟹手捲 軟殼蟹炸得外脆內軟 師傅即場為你製作 保證新鮮鹽燒牛舌 厚度適中 有咬口燕窩燉蛋白 唔會太甜 有清清嘅蛋白香牛油粟米 粟米超甜 配合牛油嘅香味 天衣無縫燒雞髀菇 爽口彈牙 燒得唔乾特色甜品 感受到餐廳質素越來越高 連自家製甜品 都整得咁有心思 擺盤非常吸引 猶如大酒店級數樂天首創甜品新革命 款款賣相精緻吸引 甜品控留意啦放題分段形式開放 咁嘅價錢 有鵝肝 燕窩 刺身 甜品 …等等食材 真係超抵 物有所值

樂天大喜屋 本人已經食過好多次 冇一次令我失望 可以話係我心中佔一席位 係我頭三甲之選嘅放題店創興中心2樓全層 佔地面積非常大 有獨立嘅廚房 廚房同客人用餐嘅地方去分開嘅 好處就係 炸嘢同炒嘢嘅油煙味 唔會燻到我哋頭同衫都臭曬 還設有自助美食區 提供多種飲品 甜品 即食嘅菜餚和冷盤 我喜歡樂天大喜屋嘅原因係因為佢嘅款式選擇特別多 而且食物質素非常高 價錢優惠 好少漏單嘅情況出現刺身非常新鮮 光是食甜蝦 足以回本壽司細細件 易入口 必食左口魚壽司 油脂豐富入口即溶 魚肉超滑羊架 唔太騷 肉質嫩滑唔乾身 配合黑椒非常惹味燒菠蘿 一咬落去啲執漏曬出嚟 超juicy 而且好甜海膽手捲 要排隊先有 限定供應 海膽鮮甜甘香 份量多 紫菜香脆 食多幾舊好易回本鹽燒雞翼 燒牛舌海底椰雪梨湯 味道清甜 有種滋潤嘅感覺 今晚我飲咗三碗 實在美味好吃的實在不能盡錄 整體而言回本實在唔難 好吃的 口碑自然好 所以我推介俾大家

呢個集團其實有好多間唔同名嘅分店，我一向都好支持，好多間都食過，最終晌同事聚會之下試埋最後一間「樂天大喜屋」一如以往訂咗位都係要早到，早兩個字都已經排滿晒人，待應喺叫你拿咗飛周圍行下先，之後先好返嚟，無計喇，地方太細，有冷氣已經好好（之前有啲喺排街）但係食物質素始終取勝嘅，先喺個刺身，其實有啲放題上刺身個陣仲有少少冰晌刺身入面，但呢個集團咁多間都無，優勝之處，當然個刺身有啲厚度、有鮮味都緊要但係回講都好，最like 都係左口魚, 佢地燒待好好食，入口好似即溶咁，配埋佢地個汁十分match，忍唔住勁食，當然佢地啲壽司細細舊先可以令到你食到咁多喇查實佢其他都水準唔錯，熟食方面最基本上台時喺熱，例如𧐢餅、串燒、炸物（最愛榴連波波），個人最欣賞喺個湯，一飲落口夠味同熱度，十分舒服查實佢地出面仲有唔少嘢食攞，又有手卷同冷盤，又有好多款飲品，連梅酒、清酒都有，但肚皮有限，最終只係攞咗飲品同雪糕，其他齋叫order 紙嘅嘢食已經夠晒，最終大家有傾有講，又有美食下開心盡興。

Book咗8:40pm，但係要九點鐘先可以入到去，超級多人，侍應好冇禮貌，入到去又話飲品自助區開未開要等5分鐘，咁放啲人入去做咩啫，水又無，問侍應羅冰，因整親隻腳想羅冰敷， 侍應話冇，我話咁凍的野飲呢都得， 跟到另一個侍應話無，而個侍應冇禮貌態度又差，好似d客欠左佢咁！

星期六放假瞓醒做些少嘢之後去食就最好.放題有嘅嘢我估呢度基本上都有, 海胆同軟殼蟹手卷要自己排隊攞, 今日條龍只係排兩三個就到, 食左兩轉已夠. 兩款都好味. 飲品有Coconut Water, 與時並進. 意外地還有梅酒及冷/熱清酒任飲, 試了梅酒覺得好飲.雪榚係H字頭, 只有士多啤梨同coffee 兩種口味.魚生壽司, 不過不失, 收貨. 唔知係咪冷氣勁, 反而推介熱食嘅煎蠔餅同人參雞湯.蠔餅用珍珠蠔, 蛋嫩漿粉少, 配上言茜, 找到舊時的原有風味, encore左. 人參雞湯有人参味, 送到埋枱仲滾緊, 似樣, encore.相對而家出去飲餐普通茶都百二三妏落樓, 呢度$208加一, 食足三個鐘, 物有所值.另外值得一提的是洗手間相對清潔, 侍應們相對有禮, 覺得經營者有用心去管理業務, 留下良好印像.

喜歡食放題既我每一至兩星期都一定要去食下（以前有一斷時期三日一次😂😂）差唔多食晒咁多間，最後都係最喜歡樂天，同常大約兩個月餐牌都會有所不同，而今次佢就加入左新的甜品係紙上，但手卷就要係外面排隊拎，每次每人拎二款，佢一日都係得兩款（頭一轉拎排左三個字）兩個人食飯一個人走左去三個字都幾冇引，第二次去拎飲料見到冇人排就拎多次，海膽手卷舊飯非常大，師父話個飯要大上面先可以擺多點海膽，，，我心諗點解中間冇左海膽，以前都有，不過冇問，而軟殼蟹就有一整隻係裹面，需然係預先炸定，不過我個人都覺得放題係咁上下，講返新的甜品，賣相好靚，不過可能人大左，對比較甜既甜品唔覺得太好食，反而外面拎的芝士蛋糕甜度剛好（偏向小甜）

星期五放工食但唔記得book枱，去到留電話等枱話要9點先可以confirm有無枱，當時仲擔心會無枱，點知到9點真係打離話有枱，超開心2個女仔入到去一定先揀刺身，刺身種類多又新鮮其他小食都好豐富，味道唔錯每次放題必點芝麻雞冀，超好味呢度仲有鳳爪沙律，小小辣夠曬惹味最驚喜係呢度有花膠食!!!!!雖然細細塊但相當入味，值得俾5個like上菜速度一般，有小小漏單錯單情況，但星期五晚人實在太多，咁嘅情況可以接受

我是在OpenRice 訂了26/6 20:45 section ,當天早上樂天有同事打來confirm booking,我加多1位人數，到了下午1800幾，有一位朋友黎吾到，我打去更改人數，樂天職員說我booking 以經取消，因為是1800個場，我回應他我在openrice 是訂2045 個埸，不是1800，點會過左，職員口口聲聲話我是1800，之後冇咩禮貎吾夠我講就話比反2045 個場我，但之後我食元又在openrice 話我缺席，樂天我是成日梨食，但之後我吾會再光顧，我冇必要黎食飯仲要比職員用d 甘既態度對待

之前行街接過傳單，見有個 “超值一人前”，好似好抵咁，所以去試下。北海魚生飯餐 $68 + $5 (Haagen-Dazs雪糕)前菜：先黎一個蒸蛋、沙律、麵豉湯。主角：北海魚生飯，裏面有三文魚、油甘魚、甘蝦、蔥花吞拿魚腩。魚生係碗內鋪得好靚，賣相已相當吸引，令胃口大增。三文魚、油甘魚各款三件，全部厚切大大件。甘蝦2隻，另蔥花吞拿魚腩撈壽司飯一流。材料全部都好新鮮。飲品可以自己係雪櫃拎，飲品選擇種類多（可樂，支裝茶，啤酒，桃汁．．），套餐就一個餐跟一款野飲。甜品有幾款選擇，亦可+$5換韓國雪條 (蜜瓜) 或 Haagen-Dazs 雪榚 (雲尼拿曲奇 或 咖啡)。以這價錢，絕對超值，一定會再黎。　．．．推薦．．．

上一次食晚餐，無寫食評。相隔兩年多，今次食午餐。頭盤。 帶子最新鮮，蝦都唔錯。 三文魚無咁爽，一般啦。 壽司夠細舊，好食。 三文魚芝士三重奏，好難食。 都係鍾意蔥花三文魚。有新野，試下 ! 明太子乜乜燒，有兩款，蛋蛋整得幾好食 ! 不過內餡太咸。手卷，一般啦。 芝麻雞賢，香口。唔叫都得，同以前食開唔同咁。泰式鳳爪係好食，入味。 過下口癮 叫左幾次芥末脆脆卷，炸蝦。 好食 ! 仲有好多食物，不能一一講述。整體都可以接受，甜品有比利時蛋糕，好好食 ! 朱古力味夠濃。椰青水，變左質，酸縮左咁既味道。好難飲 ..... 錫蘭檸茶

昨晚是我首次光顧,臨食前看一看負評,雖則負評只有幾單,但寫得如此差勁,若不是聽朋友介紹這放題是他品嘗質素最好的一間,無論寫成幾差也要一試。一到達侍應安排的坐位很寬敞👍,不像某放題店把人客迫埋一堆,最離譜空位八成也是如此,枱細坐位迫真受罪。至於食方面點單最重要食刺身,嘩!有松葉蟹腳💯分,其它刺身也很新鮮👍,壽司做得細細件,食多些都唔怕飽👍👍🍣,還可試埋朋友推介非食不可燉花膠,花膠既厚還入口適中💯分,甜品有燕窩燉鮮奶👍,雪糕是哈根大👍,至於炸物也超水準,特別芝麻雞翼脆口又嫩滑💯分,羊架肉質超好味👍,黃金蝦美味可口💯分。雖則人客很多但侍應收單速度敏捷,客人若有所需,他們也有禮快速為客人解決😄。難怪此店食評稱讚的人客那麼多。總括來說:我又多了一間飯局好去處。