樂天大喜屋 (已結業)

平日放假梗係想對自己好D，食好野。平時食放題都係一班人，其實一個人食仲好正，份量又可以自己控制唔怕晒野，perfect！上菜好快，刺身一如以往的新鮮大件好味，大大啖好滿足！一個人怕食唔晒，所以壽司淨係叫左幾件特色野：黑松露油甘魚壽司，鵝肝帶子壽司，海之戀，海膽手卷。樣樣都唔會太多飯，可以試多幾樣，非常好！之後叫我個人最愛既天婦羅，要炸到岩岩好唔太油出面脆里面多汁係好講功夫既，即叫即炸所以出黎既效果都唔錯，忍唔住口都食左5 件，最愛天婦羅茄子好多汁，一邊寫都一邊回味緊。。。中間都無乜試熟食，淨係叫左炸榴槤猫山王，對鐘意食榴槤既我係覺得超正，不過要留肚食雪糕無再encore...雪條甜品水果有好多種類任食，movenpick & Haagen Dazs就一人一杯，揀左belgium chocolate, 朱古力味濃仲有chips...好得！

食材新鮮，款式多元化，飲品種類多，又有貴牌子雪糕haggen dazz同movenpick揀，但只能食一盒，但都唔錯，值得一食一行四人每款紙既食物都有大概食過，特別鐘情燒物同火炙壽司，真係好好味

次次經過無論午晚都好多人，所以想試依間好耐，通常中午先就到時間，但午市同晚市只係差少少價錢，咁緊係晚市先來啦，夜晚食多好多野架喎，今日終於食到喇剔完野等嘅期間，唔好蝕 緊係去自助區夾啲前菜食住先，都幾入味 開胃 仲有熟食夾 ，我就no了 ，個胃好細架咋食放題最緊要多選擇 ，依度絕對係 ，刺身壽司類都好新鮮 ，係有一隻蝦有條大肥腸 有啲嘔心 ，必食推介 海膽手卷 正 ，冬陰公湯就唔得喇 ，其他熟食都唔錯嘅，個馬拉盞介蘭好出色 ，愛菜朋友恩物 ，最後衝刺貴價雪糕 每人限一個

這一晚，爸爸慶祝放完假，要吃得盡情，所以去試這間豪華日式放題。平日不吃米飯的他，也點了大量海膽和吞拿魚手卷，因為實在太美味了。海膽和吞拿魚的份量非一般的多，而是把手口卷口密封了。吃下去，啖啖都是海膽和吞拿魚，而且是貨真價實的新鮮食材，怎能不滿足！妹妹最愛吃這兒的甜品，首先每人一小盒Haagen Dazs雪糕當甜品，味道選擇也多，愛不釋手！此外，還有雲尼拿軟雪糕任食，不太甜，妹妹當飯吃了。總的來說，這兒的壽司和手卷都大件兼抵食，真是欲罷不能！

早前，行開創興12蚊店既時候，見到創興二樓排滿左好多人；原來系排隊等入樂天放題入座，見甘多人排隊 應該不會差質素，所以就約左朋友預定位去食。今日終於黎到，同樣地book左位刀要排隊入座的。入面環境位置好大，可惜太多座位既關係，個人覺得坐得相對上逼；由於二人木台，我同朋友兩個既袋刀要攬住食。不過食放題食物才是重點，見到餐廳既飲品數量好多，有個大大既雪櫃之餘；自助區仲提供小食、雪條、酒類、涼茶類、水、茶、湯等等⋯⋯方便食客在得用紙張order食物既時候，可能行去找找其他小食呢！刺身：頭盤就一定要食刺身，三文魚十分厚，食落帶有魚油味道；象拔蚌不帶腥味，松葉蟹腳帶有少少咸海水味，啖啖肉。甜蝦size刀吾細，十分鮮甜；另外，極大赤蝦好爽口啊。川味口水鴨舌：本身見到個名好怕食吾到，但系原來吾辣；仲幾好食。鴨舌充滿口感又惹味，不錯啊！自己刀叫左兩轉食。章魚燒：依款食品系自助區自取的，章魚燒好岩小朋友食；當中仲有一細粒既八爪魚粒，煙un的。凍海蝦 & 青瓜螺肉：同樣系自取食品，海蝦是實肉的，食落爽口 不是死蝦，略帶甜味。青瓜螺肉十分受歡迎，所以自己刀拎左不少，醬汁味道剛好，螺肉不太硬，而青瓜帶點爽口，

連續四日復活節假, 一班朋友約出來一聚, 一個價錢多種選擇, 非放題莫屬。今次來到創興廣場既樂天大喜屋, 每晚分兩個時段入座, 兩個時段都排了長長人龍, 呢間放題開左好幾年, 但人氣依然keep得唔錯! 人山人海, 令我地更有信心呢間放題對比很久前吃的水準沒有下降。入座時間準時, 而且安排超快速, 不用等太耐~ 除了order紙外, 間了一間自取食物區, 沙律、冷盤、甜品、湯、少部份熟食同炸物等等....至於飲品更是應有盡有, 罐裝汽水/果汁放滿幾個大雪櫃, 另一邊更有啤酒、清酒同埋多款餐廳自家製飲品供應。 只係選擇飲品都花多眼亂。放題主打既刺身以冰墊底, 刺身款式都幾多而且新鮮, 沒有雪味。赤蝦鮮甜肥味, 有幾隻仲有甘甜蝦膏, 刺身魚類均為厚切, 特別係三文魚刺身, 口感爽, 而且魚油味豐富。壽司細細件, 款式多, 可以食多幾件都唔會咁易飽,可惜軍艦送上檯時未太及時, 紫菜都已經半林, 但入面既八爪魚幾爽至於火灸系列既壽司燒得幾香, 能夠迫出魚油。芝麻雞翼 炸得超級脆, 表面帶芝麻更加香口, 內裡仲KEEP到肉汁燒菠蘿 超級juicy...不過真是靠運氣, 第一次order的是很甜,

呢度放題咁出名相信好多嘢食都有人介紹過所以今次我都唔多講～只講一樣就係芝士波波啦！！！ 外皮非常香脆！一咬落去嘅時候大家可以望下～芝士勁多～ 瀑布一樣！ 而且裏面芝士超級多有爆漿嘅感覺！仲熱辣辣 脆卜卜 充滿口感！！必食～

之前食過一次覺得質素不錯，今次朋友生日再去食過。今次一樣食下午，款式有的改左，但都好多。基本上食物質素係keep到，只係漏單既情況嚴重左。。第一輪嗌左等左好耐都無黎，有一的就到我地就快食完先黎。。如果跟單情況好的就perfect了!魚生基本上都鮮甜，本人比較鍾情北寄貝，唔係好多間放題會北寄貝刺身。另外仲有長腳蟹，其實都算易剝殼，唔算好幼果d。而壽司全部都細細件，唔怕大大粒飯撐住你個胃最後有個甜品係H牌同M牌既雪糕送!幾滿足

尋日同愛人去旺角樂天大喜屋食午市放題，我鍾意呢間唔洗排隊等升降機上樓，只需坐兩個rounds電梯就到，夠方便；二百鯪蚊午餐有清酒梅酒，仲有清純日本自助生啤，真係好抵，個生啤要講多幾句，學吳彥祖講齋，三七黃金比例，汽夠幼細，唔苦口，清純得嚟飲到麥味；飲品汽水都好多款式，有一個唔起起眼嘅位置，竟然俾我發現有熱櫃，放左兩款罐裝飲品，菊花羅漢果及黑糖薑茶。。。淨係講飲品都有排講；食物方面我好欣賞佢哋嘅壽司、軍艦、手卷，材料新鮮，做得精細，食多幾款都唔會太飽，首選推介海膽手卷，我總共叫咗三次，每次都有兩、三原片新鮮海膽；愛榴槤嘅fans一定要食脆炸貓山王；一口芝士炸蝦球都值得食；甜品出面自助區都算幾多款㗎啦，但埋單前如果侍應冇比張雪糕紙，一定要問佢攞，因為有Haagen Dazs 及Movenpick嘅雪糕，每人只可揀一次，唔好洩啊。

已經有一段時間冇去食放題，喺創興行完十二蚊店，見樓下一層呢間放題好大地方，成層都係佢，於是行入去醫肚。裝修設計有空間感，乾淨企理，揀左喺咁有書卷味嘅附近坐低。隔局分區非常清楚，呢度喺自助區，有甜品丶生果丶熱食丶海鮮丶熱湯丶軟雪榚機、生啤機、連日本酒都可以自助，未開始落order食放題已經好似喺一個迷你自助餐咁。落單亦井井有條，A至H不同款式食物應有盡有，最鐘意佢人手足夠，刺身又夠新鮮，印象中今次完全冇漏單，唔駛好似以前咁成日搵人追單，所以今次食得好舒適。

呢間樂天大喜屋我之前食過幾次都好滿意，點知隔咗半年再去感覺好似差咗，有點小失望。首先菜單上嘅食物少咗，我記得之前嘅花膠燉湯，黑松露芝士炒蛋，黃金虎蝦，蠔餅等等之前必點的食物全部無晒menu上換咗一啲感覺比較廉價嘅食材，連平時可以出去熟食區任攞嘅海膽同埋軟殼蟹足料手卷，依家冇咗個區域，全部變曬做order迷你手卷，唔通連樂天大喜屋都諗縮數。(事實上佢今年年頭已經加左價，估唔到食物質素反而下降=-=’）其他嘅壽司刺身炸物燒物等等都保持到水準嘅不過不失囉。其次係晚市時間可能比較忙，上菜嘅速度較慢，而且有漏單嘅情況，我平時都係午市或者九點半之後的特價時段才去幫襯，價錢平啲服務質素反而仲好，啲嘢出得又齊又快！所以我勸喻大家如果想去幫襯真係唔好晚上繁忙嘅黃金時段去光顧。環境：5/10 （典型放題餐廳嘅逼字）服務：5/10 （可能最忙的晚市去，上菜上得比較慢，亦有漏單嘅情 況，不過唔算嚴重）價錢：6/10 （週四至週六晚每位＄258另 加一都係冇lunch食咁抵， 不過lunch依家都加左＄10， 變做$218）食物質素： 6/10 （種類少咗，以前起碼有8-9分）整體：5.5/10 （整體好

一入到去就立刻落單叫魚生！之後衝去自助區係常識吧！甜品！水果！小食！飲品全部係自助區！好似食緊酒店自助餐咁！章魚小丸子超香啊！個外層係脆脆地嫁！牛腩勁淋勁入味！好香口！皮蛋加肉鬆再加小小辣好夾！埋到位就已經刺身到！見到真係好感動！勁正！件件都係勁肥美！三文魚同油甘魚係勁厚切！放入口好滿足呀！蝦又係大大隻！好彈牙！帶子都好好食！好甜！個冬陰功蝦壽司好好食！帶冬陰功個種酸酸地又辣既味道！好正！俾個芒果卷嚇一嚇！個芒果味超香甜！好好食！最正係個有粟米片既脆蝦卷！粟米片加上脆蝦！有兩種口感！加埋勁香紫菜味 ！可以encore !而個網燒牛肉真係高質到不得了！牛肉又滑又軟又嫩！味道夠濃郁！個醬有少少醋味同牛肉好夾！甜品好多款！金莎朱古力蛋糕0岩我食！唔太甜！小小苦！但勁有朱古力香！仲有哈根大師既櫻花味雪糕！正！

不是第一次幫襯，食物及環境都OK！可是我今次是透過open rice 訂位，也寫明主題是「生日」，事前打電話咨詢有否任何生日，說沒有。但當食完埋單後卻在門口見到大字報，寫三月生日有特式甜品。為何我們沒有啊！

有日行過創興，見依間放題未開門就好似好多人去排隊咁，所以就黎試下其實放題食既嘢度度都唔差得遠，所以唔影餐牌，我直接講下我食既嘢魚生既種類都算多，主打既個啲魚生就梗有啦，最特別就係有蟹腳，自己雖然唔係咁鐘食蟹，不過都覺得有蟹腳係驚喜畢竟真係唔係好多地方有得食魚生都好新鮮，而且舊舊都厚切感覺好正，蝦魚生都好肥美鮮甜壽司方面原本怕太大舊會令人好飽，所以唔敢叫好多，不過黎到都好意外，所有壽司都細細舊可以一啖過我最鐘意就係鰻魚壽司，個味好重但因為細細舊所以都唔會太濃，個味岩岩好另外我好推介依間既雞翼！個芝麻雞翼真係好正好正！睇落去好易好乾但咬落去真係好juicy ！我都真係食左好多隻！我啲朋友就鐘意鹽燒雞翼多啲，每個人鐘意既都唔同，不過都覺得兩種雞翼都好好食另外值得一提既係天婦羅新鮮炸好，爽脆入味另外唔記得影相但又值得一提既係，自己一個人食左個海鮮冬陰公，真係好多海鮮，而且個味都算唔錯，好夠辣，以日式放題黎講可以整到依個水平都好好，而且份量唔會好大，我一個人食完都唔算真係話好飽，好似飲左碗湯既咁。飲品甜品都可以自己任拎，見到啲雪條中有韓國雪條都幾驚喜，始終出面買一條韓國雪條都唔平，但個日都真係太

貓貓今日又食放題啦。貓貓喜歡黎旺角呢間放題，因為環境舒服，而且好多野食。出邊依然擺左好多前菜任揀。有貓貓鍾意既海帶，雞翼，牛腩等等。整得好好味，好入味好濃。貓貓今日想食好多好多壽司。最鍾意食鵝肝帶子壽司。鵝肝既油好香滑，味道好好。encore左好多次。黑松露蝦壽司都好好食。黑松露既香味同蝦既甜味，貓貓食到濕左個嘴。原來有新野，雞肉沙爹串燒。整得好惹味。串燒係葉過，有香茅味，沙爹醬又整得惹味。貓貓流曬口水既牛舌！！每次食都唔會厭。牛舌口感好彈牙，厚身，貓貓西咁食，係咁整啲檸檬汁，好fresh又惹味。食左好多野，貓貓再黎個鹽燒雞翼，鹽燒令雞翼更加脆同甜。呢啲燒物真係越食越上癮，所以好鍾意黎呢度食，因為乜都有，價錢又唔係好貴。好好味呀喵！