樂天大喜屋 (已結業)

去到一坐低望吓周圍嘅環境就比佢嘅裝修有少少吸引咗再去攞飲品時發現佢有個自助區同飲品區, 仲發現有好多我喜愛食物 章魚燒丸, 台灣腸, 瑞士汁雞翼, 紫糯米湯水同埋雪糕波 真係未食已經感覺良好呀！飲品方便亦有好多選擇! 有罐裝飲品亦有自助飲品, 平時好少有嘅梅酒同埋冷,熱青酒都有!最驚喜係有Orion 飲仲比你任斟刺身有十二款可比你選擇, 仲要有出面比較少有的松葉蟹腳 每款刺身都好新鮮, 魚生刺身又唔會切得薄, 真係唔錯!壽司都多選擇, 壽司size 適中之餘仲要賣相唔錯!燒香草羊鞍 ~ 肉質厚實有微微的羊羶香, 略歉煮得過熟, 如果係7成熟就Perfect喇!吉品鮑汁燴花膠盛宴 ~花膠都厚身爽口, 東菇同娃娃菜煮得好入味!另外, 職員服務都唔錯有笑容! 其中一個仲有啲風趣, 因為我哋交紙時唔小心寫漏嘢同比多咗! 個職員發現時便說: 對我來說這個對答係好的! 因為聽落很舒服, 明明係我哋寫漏, 但聽落卻很風趣! 總括來說, 各方面都唔錯! 我又多間有下次的食店袋入袋了

食放題又怕揀到間伏嘅餐廳，一般我就會揀大喜屋系列，為咗就腳今次揀旺角創興嘅樂天大喜屋，又唔駛等lift食物又有水準係要排隊入場。坐底就去揀嘢飲，除咗凍櫃嘅飲品外，佢哋仲有個自助區，有冷熱清酒弓，梅酒同埋自助日本沖繩啤酒簡直花多眼亂攞完飲品就係落order嘅時候，樂天有2本order紙，一本係刺身&壽司，另一本係熟食名副其實生同熟嘅嘢分開 刺身種類多當仲有松葉蟹腳，赤貝蠑螺比較少放題有嘅壽司質數都ok個拖羅蓉魚生塔，鵝肝伴帶子，海鹽燒左口魚邊同埋燕窩蜜桃千島大蝦卷都好好味，個海膽手卷個紫菜仲係帶脆身海膽鮮甜，壽司個size唔會太大件所以仲有位食其他嘢到食熟嘅時候我就揀咗個新嘢吉品鮑汁燴花膠盛宴，味道ok花膠夠淋，再食咗少量燒物…已經飽到唔郁得最尾都要食埋杯雪糕先收手自助生啤

電話接線員態度非常惡劣，諗住打電話過去bk枱但電話長期冇人聽，等到有人聽，就叫我等一等，一等就等成五至六分鐘，之後冇回應之餘仲要收咗線，之後再打都係同樣情況，都係叫我等等，嬲嬲地，仲話態度好，連基本聽電話嘅態度都咁差上去食嘅態度仲點會好啊!!一定吾會試!!不知所謂

大喜屋集團旗下嘅放題店不嬲都出名有質素，不過依間樂天大喜屋就係我第一次食。成日都經過商場見到樂天大喜屋都好忙好多人咁，今次就諗住試吓佢嘅質素如何。首先入到去其實都幾多人下，而且座位都幾多。今次我哋兩個人食就安排左一張卡位俾我哋，感覺都幾闊落夠四個人坐嘅枱。放嘢食嘅時候就唔會放唔晒。嘢食方面刺身都做得幾標準同其他大喜屋嘅質素都一樣最鍾意就係食佢哋嘅帶子同埋甜蝦，樣樣都好新鮮而且選擇好多，速度都幾快下然之後就叫左我最鍾意食嘅串燒有大蝦同埋牛舌，依兩樣串燒都係我覺得最值得食嘅串燒，牛舌多汁，大蝦都好鮮甜。另外火焰壽司嘅選擇都好多吓，我最鍾意就係食鵝肝帶子壽司同埋劍魚腩壽司，有幾款火焰壽司都做得好好食，同埋鍾意壽司嘅飯唔會太大所以唔會食到太飽可以食下其他唔同嘅食物。之後就叫咗天婦羅，特別特別推介就係南瓜天婦羅，味道做得非常之好而且南瓜好甜，係我食過最鍾意食嘅南瓜天婦羅。之後就係炸物，炸物方面都叫咗幾款而我覺得最好食嘅就係榴槤炸彈同埋芝士年糕，全部嘅咋物都係新鮮炸起所以全部都好脆最後甜品仲有一杯Haggen daz雪糕 正呀

上次試完元朗大瀛喜，充滿驚喜，今次再去同系嘅旺角樂天大喜屋。餐廳佔咗一層，真係非常大，自助前菜、甜品、飲品區自成一角，連生啤、梅酒、清酒都任飲，唔少得自助雪糕機，有得食有得玩。飲品櫃都有8大個，連熱嘅罐裝飲品都有，非常貼心！先叫我至愛嘅刺身，三文魚、油甘魚、劍魚腩、帶子、極大赤蝦、甜蝦、象拔蚌、馬刀貝，赤貝、一d雪味都無，肥美鮮甜，正正正！壽司、手卷都好味，細細件無咁易飽，可以食多d其他野。特別欣賞創意壽司，好似芒果魚子花之戀、黑松露赤蝦拖羅塔、海膽大蝦三色花、香芒龍蝦沙律卷，全部都配搭得好好，味道好夾，必點！食完刺身壽司，係時候點d熟食。熟食種類很多，炸物、串燒、煮物、鍋、天婦羅、粥，炒花甲、燒牛肉，多不勝數。我最愛係榴槤波波，上次喺元朗食過，一試難忘，外皮炸得酥脆，榴槤餡軟糯又甜又流心，榴槤味香濃，要留肚食多幾個！最後以甜品作結，呢間餐廳除咗有一般雪糕甜品之外，仲有Haagen Dazs，我哋食咗焦糖脆餅味道同季節限定櫻花味，幾時都話食過Haagen Dazs, 返唔到轉頭食一般嘅雪糕😄二百幾蚊有咁多野食，又有咁嘅質素, 完全超出預期！

約朋友係旺角食飯，見好耐無食放題，就約大家一齊食放題聚下~~見之前試過大瀛喜，今次就試下大喜屋~~呢間坐既位置算寬敞，唔會好似某d放題店咁好迫，除左自己剔紙order外，亦設有自助區，有梅酒，清酒，章魚小丸子，生果，雪糕櫃，同埋軟雪糕等等。。另外再有飲品櫃，坐低先叫左盤刺身三文魚好肥美，帶子都可以，蝦刺身有兩款，甜蝦都還可以，但另一款就有一陣腥味，長腳蟹就無咩味，好淡，另外再叫左d壽司，炸物，串燒，食物種類同平時d放題差唔多，無咩特別驚喜，食物質素亦一般，可以的話，樓上大瀛喜好d~~~~

與友人傾開飯聚有咩選擇，想不到大家都有一段時間食日式放題啦，為了滿足可以一次過吃多種美食的願望，我們便選擇了到樂天大喜屋的犯罪啦！坐位十分舒適，有梳化位，可以慢慢歎呢！事不宜遲，立刻點野食啦，有我最愛的火灸壽司呢！！刺身選擇也有好多，例如有三文魚、帶子、松葉蟹腳及甜蝦等！看見一排壯觀的飲品雪櫃，有可樂、綠茶、韓式飲料、啤酒🍻！總有一樣你會合適的！！除了罐裝飲品，還有自助吧！有清酒及梅酒呢，在一般放題真的較小見到！還有自助的orion 啤酒，簡直係愛啤酒人士的好消息呢！我整整飲了兩大杯！而且還有沙律吧，食物選擇繁多！刺身拼盤～我們點了帶子、三文魚、赤蝦、松葉蟹腳等！全部也非常新鮮肥美！encore 了多次呢！特式壽司～鵝肝帶子🍣、黑松露油甘魚🍣及京都蔥玉子🍣鵝肝味濃，很rich ! 黑松露香味與油甘魚很夾！有驚喜的配塔！炸芝士蝦丸、脆炸貓山王新鮮炸起，一咬下去就溶出榴槤漿！愛榴槤人士必選！炸天婦羅🍤同樣即叫即製，粉漿很薄！抵讚！每人也可選擇一杯hagaen-dazs or movenpick的雪糕！😂價錢親民，選擇繁多，食物送上枱速度很快，沒有漏單，真的是一個大滿足的日式放題之夜！

星期四心血來潮想食放題，最後簡左依間大喜屋。星期四人唔多，仲擔心過中伏，不過見到啲魚生閃令令都忍唔到手大快朵頤啲魚生閃令令嫁～～依家放啲題質參差，見到真係眼前一亮Sushi細細粒一口過，可以留肚試唔同味人參雞湯羊架真係放題必叫炸豪都唔錯燒菠蘿都係放題必叫，食得出佢啲菠蘿唔係罐頭菠蘿，食落去仲好多汁，正本身以為雞串會係日式雞串，點知原來佢係泰式，不過加埋佢個醬又真係幾好食朋友叫既青瓜⋯⋯⋯⋯雪糕款選擇唔多，佢有指定季節口味，但四月係櫻花口味，多數櫻花都係伏就無食到lu最後埋單280幾，下次會再黎😋（大喜屋拯救左我對放題既信心）

打工係一件好辛苦既事💰💰但一諗起放工可以同朋友吃好西今日番工都特別醒神 做野亦好似特別有幹勁🤨旺角好多放題餐廳, 今晚揀左依間「樂天大喜屋」。上網睇食評唔錯，性價同質素高。-我地book 左食第一輪餐廳頗寬敞，座位很多，很快就座無虛席食物飲品款式都幾多習慣性食放題第一時間叫刺身😁-Wow !!居然有松葉蟹腳三文魚、油甘魚、北海道帶子、赤貝、象拔蚌、大赤蝦、馬刀具 全新都係我至愛❤️樣樣都好新鮮最鍾意三文魚同油甘魚厚切肥美，既鮮甜又爽口-平時放題好少食壽司，因為感覺好快飽肚唔回本😅（媽媽話😅）不過佢d 壽司好吸引，忍唔住叫左好幾round ‼️ P.S 壽司飯不會太多👍🏼 有我最愛既❤️「海鹽燒左右魚」剩係依款都食左6件左右魚經火炙後，魚油好香，質感滑身入口溶化，令人回味-❤️「醬皇帝皇蟹棒」蟹棒夠鮮甜-❤️「牛油果🥑軟殼蟹卷」超鍾意牛油果同軟殼蟹牛油果夠熟夠香甜 軟殻蟹脆卜卜-還有多款特式壽司，味道都很有水準❤️「海膽三色花壽司」用清甜爽口既刺身蝦圍著周邊海膽色澤新鮮味甜-❤️「黑松露赤蝦拖羅塔」拖羅蓉口感綿綿，配上黑松露，挺香口-炸物方面都很選擇朋友食左三粒炸貓山王🤭 一咬開，陣陣榴蓮味可惜我不太

近年潮流興食放題，呢兩年都食咗好多間唔同嘅放題，今次呢間樂天大喜屋都係第一次試，唔知同其他會唔會有太大分別呢？不過成日聽朋友講話大喜屋放題係最好食，所以就一於嚟試下。我哋今日三個人，約等咗15分鐘跟住就可以入座，裏面嘅環境幾舒適，而且好乾淨，我哋仲可以坐到梳化位添！啲魚生除咗好新鮮之外，仲放得好靚，而且有好多唔同嘅款式選擇，魚生、壽司、天婦羅、串燒、小食、甜品、飲品、估唔到呢度真係乜都有，有兩本唔同嘅menu，好多選擇，太多選擇到我哋都唔知食乜好。好少放題會包埋特飲，呢度有幾款唔同嘅特飲，都好特別，所以我哋就叫了飲品先，啲飲品唔會太甜 ，適合我啲唔鍾意飲太甜嘅人。啲魚生同壽司好新鮮，而且有好多唔同嘅款式，其實食完魚生同壽司我哋已經好飽喇！不過因為太吸引，跟住仲叫埋天婦羅、串燒同埋其他小食，食放題嘅好處就係樣樣都可以食少少，最後食到我哋好飽，不過佢啲甜品都舜息，我哋最後雖然好飽，都忍唔住叫甜品食，好滿足嘅一餐!!

今日約埋成班朋友食放題，之前已經食過好多間，但係食放題始終係大喜屋最好，款式齊全，啲魚生又新鮮，啲款式又成日都有變化，有驚喜。六點鐘去到已經好多人，我哋一入座，當然係第一時間叫魚生食啦！呢度依然冇令我哋失望，啲魚生一樣好新鮮，特別係啲蝦，好大隻、好甜美，三文魚同其他海鮮都一樣好新鮮，而且上菜速度快，唔使等好耐。跟住梗係要叫壽司食啦！啲壽司有好多唔同嘅款式，啲飯唔會大大嚿，等我哋唔會話畀啲飯室飽，仲可以食好多其他唔同嘅嘢。每次嚟都一定要食芝麻雞翼，佢啲芝麻雞翼應該係秘製嘅，好香口，而且味道很好好，芝麻味很香濃，而且啲肉仲好滑添！所以每次嚟我都一定要食幾隻。天婦羅亦都係唔少得嘅，大蝦天婦羅就更加，尤其係啲大蝦天婦羅，炸得好香脆，而且啲蝦好新鮮。 跟住仲食咗串燒、甜品、小食應有盡有，都係大喜屋每次都唔會令我哋失望。

今晚约咗兩位來自英國的朋友食飯，佢地話想食日本嘢，咁不如帶佢地試吓大喜屋日式放题，大喜屋一向都係放题嘅信心之選。我們book了早段時間，嘩。。。6点準時到已經排晒隊。坐底馬上點食物，兩位朋友見到咁多選擇已經嚇呆了，佢地樣樣都話想食。上菜速度極快，唔洗15分鐘，我地張枱已經放滿了。先吃剌生拼盤，朋友都極為開心滿意，因為在英國很少吃到又靓又新鮮嘅魚生，未食完已經劃定下一盤，哈哈哈。。。壽司又係朋友的至愛，一口氣又点咗十幾款。燒羊鞍又係呢度信心推介，兩位朋友每人吃了3件，佢哋話好正，又燒到啱啱好，味道一流。仲有天婦羅，D蝦又大隻又新鮮，重点係即炸熱辣辣，正。一輪瘋狂進攻後，朋友開始叫甜品，又有十幾廿款，冇辦法朋友來自英國咁遠，唯有陪佢地繼續食，减肥計劃先放下吧。埋單後朋友問後晚可以再book大喜屋食飯嗎？。。。哈哈，我可以say no嗎。

今天出去創興廣場Living plaza買嘢，路經樂天大喜屋，見到好多人排隊等開餐，同朋友就立時決定排埋一份，我哋星期三食8點半個場！朋友仔一坐下來就叫咗刺身先，有三文魚，希靈魚，松葉蟹腳等等！我朋友對松葉蟹腳讚口不絕，叫多一round!壽司叫咗海膽大蝦三色花，花之戀，好新鮮，精緻！蟹籽軍艦，海膽手卷，除了新鮮，紫菜還好脆囗，正！店內有自助沙律吧供應，可自己選擇自己好味，健康區之選！餐前小食好多元化，今晚選擇咗青口，熟蝦，大大件，又新鮮！熟食選擇咗咖哩魚旦，雞翼，好味叫咗個海底椰雪梨燉雞湯，冇味精，好有家的感覺！黃花魚，好味！甜品種類有好多款，全部細細件，食多幾件都唔怕飽，正炒花甲，掂最後食埋個雪糕，好滿足

阿仔話想食放題，去開旺角創興廣場，經常見到樂天大喜屋大排長龍，今晚就同阿仔開餐啦！講下飲品選擇方面，真的好多款，有自助吧斟果汁，梅酒，咖啡，茶，汽水，啤酒和膠樽裝飲料，一定有適合啱飲有餐前小食，沙律，小丸子，中華沙律，魚旦，藥膳雞脚，應有盡有！食到唔停口！剌身好新鮮，有長腳蟹供應，比較少有！我最愛的三文魚還是厚切，啖啖肉，又新鮮，要再encore先得！阿仔必叫之粟米粒，好甜，份量又大牛舌就我叫，咬落口好軟綿綿，正鯖花魚，皮燒得香口蒲燒鰻魚壽司，蟹油蒜香帆立貝壽司，醬皇帝皇蟹棒，全部都是火炙壽司，最欣賞係用日本珍珠米做，而且飯量比例細細件，可食多幾件！馬拉盞炒芥蘭苗，好有風格，特別，炒得好香！燒甜蕃薯仔，好味沙嗲雞肉串，沙嗲醬好正！炸物方面叫咗芝麻雞翼，紫心香芋丸，一口芝士炸蝦球，好香，好脆口！推介必食之選係脆炸貓山王，啖啖榴槤肉，正到冇朋友！店內還有雪條供應，我哋只食咗期間限定供應嘅櫻花味雪糕！

第一次跟朋友到尖沙咀文遜5樓吃，感覺很滿意，效率非常快，今天就和朋友黎到旺角既樂天大喜屋食，當晚大約8點到店，用餐時間2小時，第一轉叫左刺身，很快就到了，一樣新鮮好吃，但其餘的炸物一直沒有上，食左1個鐘，就食左3盆刺身，漏單情況好嚴重，最後炸物和其他食物都系要我地同服務員講先出，服務我地既系一位矮小女服務生，很有禮貌和很快手，但另外仲有位先生，應該吾系熟手，比親單佢都漏單，仲見到佢一直偷食野，真系非常失望