樂天大喜屋 (已結業)

已經有一段時間冇去食放題，喺創興行完十二蚊店，見樓下一層呢間放題好大地方，成層都係佢，於是行入去醫肚。裝修設計有空間感，乾淨企理，揀左喺咁有書卷味嘅附近坐低。隔局分區非常清楚，呢度喺自助區，有甜品丶生果丶熱食丶海鮮丶熱湯丶軟雪榚機、生啤機、連日本酒都可以自助，未開始落order食放題已經好似喺一個迷你自助餐咁。落單亦井井有條，A至H不同款式食物應有盡有，最鐘意佢人手足夠，刺身又夠新鮮，印象中今次完全冇漏單，唔駛好似以前咁成日搵人追單，所以今次食得好舒適。