樂天大喜屋 (已結業)

阿仔話想食放題，去開旺角創興廣場，經常見到樂天大喜屋大排長龍，今晚就同阿仔開餐啦！講下飲品選擇方面，真的好多款，有自助吧斟果汁，梅酒，咖啡，茶，汽水，啤酒和膠樽裝飲料，一定有適合啱飲有餐前小食，沙律，小丸子，中華沙律，魚旦，藥膳雞脚，應有盡有！食到唔停口！剌身好新鮮，有長腳蟹供應，比較少有！我最愛的三文魚還是厚切，啖啖肉，又新鮮，要再encore先得！阿仔必叫之粟米粒，好甜，份量又大牛舌就我叫，咬落口好軟綿綿，正鯖花魚，皮燒得香口蒲燒鰻魚壽司，蟹油蒜香帆立貝壽司，醬皇帝皇蟹棒，全部都是火炙壽司，最欣賞係用日本珍珠米做，而且飯量比例細細件，可食多幾件！馬拉盞炒芥蘭苗，好有風格，特別，炒得好香！燒甜蕃薯仔，好味沙嗲雞肉串，沙嗲醬好正！炸物方面叫咗芝麻雞翼，紫心香芋丸，一口芝士炸蝦球，好香，好脆口！推介必食之選係脆炸貓山王，啖啖榴槤肉，正到冇朋友！店內還有雪條供應，我哋只食咗期間限定供應嘅櫻花味雪糕！