樂天大喜屋 (已結業)

三個人本身諗住去食西餐，點知身㾗決定改去食放題！星期日夜晚七點幾，諗住要排隊，點知去到唔使排即刻入得！嘢食好多選擇，亦都非常均真，壽司唔會特登俾多啲飯你。特別一讚波子壽司，細細粒，唔會太飽，又可以試多啲嘢！刺身都係非常有質素，亦唔會專登比少啲你。上菜速度都算快，不過有好幾次嚟錯咗單（正常放題都會犯嘅錯，所以算啦！ ）有一個飲品區可以隨意攞嘢飲，種類都多。另外仲有自助區有啲即食嘅冷盤同熱食，仲有熱嘅sake👍🏻👍🏻臨買單仲有得嗌哈根達斯雪糕！

前幾日同朋友，在旺角體育館打波，打完都晚上了，順便在附近食飯，想來想去就不如去食放題，於是就選擇了這間餐廳…依間店D嘢好新鮮，又大碟，食落口𥚃還有冰冰涼涼的感覺，當然價格方面就不太貴，2個人$500有找，可算是抵食。

基本上香港食放題都離不開大喜屋系列，今次同朋友敘舊，揀咗香港中心點旺角作為敘舊地點。今次揀樂天大喜屋主要原因係因為好耐之前食過，大約知道入邊嘅款式。刺身拼盤一坐低就叫咗一大盤刺身拼盤，上菜嘅速度好快，一落左單五至10分鐘已經有嘢食。特別稱讚佢個油金魚同帶子，油甘魚同埋帶子食落超鮮甜，另外值得一讚嘅就係佢嘅甜蝦同埋特大赤蝦，幾新鮮，又甜！另外貪得意叫咗象拔蚌刺身，食落好爽口，又甜！雖然我唔係好識三文魚，但聽朋友講都話好正！壽司、火灸壽司、波子壽司、手卷火灸芝士蟹棒壽司香濃嘅芝士味，另人食完好滿足！同埋火灸左口魚邊壽司真心超高質，食完滿口魚油，有一種超級幸福嘅感覺！仲有好特別好特別嘅汁燒三文魚皮，之前係一啲小店食過，好難再喺其他壽司店搵到，同樣係滿口魚油嘅感覺，再加埋燒到脆扑扑，超好食！鰻魚壽司同埋燒大蝦海膽壽司都一樣好食！佢嘅大蔥玉子壽司同樣都好吸引！波子壽司唔係度度都有，款式仲好多添，例如黑松露油金魚壽司、魚子醬甜蝦壽司、白松露吞拿魚壽司等等；短襪就有我最愛嘅炸蝦卷，入面仲有一層口口嘅芝士，真係好正！手卷方面，當然唔少得回本嘅選擇海膽手卷同拖羅手卷，仲有松葉蟹手卷！串燒、小食、熟食天婦

今日同朋友嚟咗呢間樂天大喜屋食放題，朋友極力推薦呢間餐廳，因為選擇既種類繁多，而且味道非常好。可以自己出去自助沙律吧調配自己喜愛嘅沙律口味！仲有好多前菜冷盤海鮮！飲品方面，有唔同既鮮榨果汁同埋飲料。放題必食刺身，好大隻赤蝦同甜蝦，啖啖鮮甜！仲有三文魚、希靈魚、赤貝、北寄貝、蠑螺、北海道鮮帶子......壽司方面款式好多，好多劍意卷物其他地方都食唔到！鍋物方面，首爾人參滋補雞鍋好重參味，連埋雞肉一齊煲好清甜！而雪花牛肉鍋既湯底就偏甜，仲有溫泉蛋系入面！雪花牛肉都好鮮嫩！特別推介豉椒炒蜆，任食仲要無沙！仲要夠鑊氣！仲有呢個黃金焗扇貝，沙律醬、蟹子、芝士一齊焗，好香！食完絕對會想再叫！燒物方面，鹽燒牛舌充滿肉汁，唔會燒到乾晒！而燒溫室甜菠蘿好香，菠蘿的確好甜。甜品方便，食完野走之前仲可以自己去雪櫃到揀雪條，又或者落單叫雪糕！

今日同六個朋友係你大喜屋食lunch放題，我哋原本一早訂咗位，點知去到嘅時候佢俾咗張四人枱我哋，坐得好迫仲要有一個朋友係走廊坐圓櫈，明明附近有空枱，問經理可唔可以換佢就話有人book咗，點知我哋食完埋單都仲係冇人囉！！唔講服務淨係講食物質素，食物種類算多，有壽司，刺身，炸物，鍋物，甜品。刺身都算新鮮，三文魚油脂分佈幾平均同唔會有腥味，其他例如八爪魚同劍魚腩就未解完凍就上，食落去仲有冰..另外佢個日式牛肉鍋好好食，不過份量都幾大，幾個人share會好d，如果唔係食唔到其他野。以依家食物質素同環境黎講，二百頭食lunch都可以，晚市差唔多三百蚊我就唔會揀呢度喇。

旺角的放題多不勝數，今晚和朋友去樂天大喜屋。雖然我們六點已到，餐廳也很大，但見已坐滿了一半客人，真厲害……刺身方面，我們點了三文魚、希靈魚、北寄貝、赤貝、甜蝦和象拔蚌，樣樣都很新鮮。花膠真材實料，夠曬大片。👭👭👭壽司和手捲小巧精緻，不會有太多飯，可以試多幾樣。帶子大大粒，焗度剛好，芝士味濃厚。蟹粥新鮮好吃……外面放在大大的飲品櫃，種類繁多，除了汽水，還有清酒、梅酒和熱飲。臨走時已見有很多人在外面排隊等位，大喜屋真是名不虛傳， 真材實料又抵吃，怪不得有那麼多客人。

<分店多>大喜屋有很多間，主要位於九龍，間間地點都很方便。<女人@ 食玩逛>今天和朋友試下旺角的樂天大喜屋，在旺角shopping完最好能飽食一頓。<多款，正>樂天大喜屋的自助吧款式真多，飲品、甜品、糖水、沙律、水果、豆腐花和雪條，款式多不勝數。小吃也有很多款，想不到連雞腳都有。小朋友應該最喜歡這個糖果架，但媽媽就不會太喜歡了。<食生定食熟>朋友對刺身一般，所以我們叫熟快食為主，炒蜆的鑊氣味道香濃，牛舌軟硬適中。雞軟骨是我最喜歡咬的軟骨。<甜品>我最喜歡是炸貓山王， 榴槤汁很多，皮簿，不會有太多粉，我吃到停不了口。最後每人有一杯Haagen 雪糕，夠曬滿足了。 @$238

今日同老公出去旺行街，叫囡囡幫我地搵吓呢邊有啲咩好食嘅放題send俾我哋。本身有幾間選擇，最後我哋都係揀咗呢間。第一次食估唔到質素唔錯！午市放題有蟹腳食，水準仲唔差！唔太咸，無水水，刺身都幾新鮮！一品料理有燒黃花魚，平時食放題都係得鯖魚多，今次呢個有驚喜，燒得好香，唔錯！壽司飯細細，可以食多幾件，飯都好好食！創意壽司款式多，炸物都好新鮮，應該係即點即炸，唔係反炸！整體感覺好好，下次會再黎encore！食完send相俾囡囡睇，係咁叫我地再帶佢去

妹妹畢業，全家人一起慶祝食飯，於是在這間餐廳訂了位。到步後就算訂了位也要排隊等位的，可想像到這間餐廳有多麼受歡迎。等了廿分鐘終於可以入座了。一坐下大家立即點了很多刺身，及一些平時比較少食的羊架，及花膠等等。他的刺身有很多選擇，三文魚，油甘魚等等，還有平日很少可以食到都松葉蟹腳。刺身真的很新鮮，而羊架一點羶味也沒有。花膠的湯汁很美味，是放題餐廳少有的食品。雪糕甜品有很多類。不過，甜品水準就比較一般。

相信唔少朋友都試過約人食飯，而放題，更加係大家都唔會抗拒選擇。坊間有唔同嘅放題連鎖餐廳，而我只會選擇一間，佢叫樂天大喜屋。呢間放題坐落於旺角彌敦道創興廣場2樓，交通十分方便，食到幾夜都唔洗驚冇車番屋企。一入到去，唔洗等好耐已經有位可以坐低，呢度啲座位都幾舒服，而且環境好乾淨整潔，十分滿意。未點野食之前，就緊係拎野飲啦。一去到雪櫃面前已經見到唔同種類嘅飲品係我面前，而且選擇十分之多，基本嘅可樂汽水維他奶唔講啦，連平時我搵唔到嘅芒果汁都有，真係加晒分呀！肚餓嘅我地當然毫不留情咁點食物，落完單以為等好耐先有得食，點知過五分鐘侍應已經將大部分點左嘅野逐一上枱，真係好開心呀咁快有野食。我地點左好多野食，其中當然唔少得魚生啦。呢度嘅魚生非常鮮甜，亦都好新鮮，無論三文魚刺身定係海膽，都有入口即溶嘅感覺。然後我地點左四川擔擔麵，鍾意食辣嘅我當然要試一試佢夠唔夠辣啦，食完覺得非常惹味，有食緊涼伴米線嘅感覺，好過癮呀！其他小食方面，我地點左燒一口牛柳粒同埋豉椒炒蜆，牛柳粒炒得非常惹未，牛肉好嫩滑，入口即溶，就算食多幾粒都唔會覺得膩呀。而豉椒炒蜆就炒得非常開胃，蜆肉大大粒又唔痴身，鍾意食海鮮嘅人一定大飽口福

今晚同朋友一齊去食放題，之前食過樂天大喜屋覺得唔錯，所以今次揀番呢間我覺得呢間最大賣點係佢嘅自助區，有冷盤、熱食、甜品、雪糕同埋酒，自己想夾幾多就夾幾多。熱食區的小丸子同埋一口腸幾好食，一口腸有台灣風味，而小丸子調味就岩岩好，食到有章魚係入面。凍盤方面，青口就還可以啦，反而蝦幾爽口！甜品櫃最好食係藍莓芝士蛋糕同埋福餅，福餅係黑蜜口味，沾滿黃豆粉，好好食！！ 一向唔係好係刺生的我，炸物同埋牛肉煲幾吸引我！ 炸物上枱時夠晒熱， 又唔會太油， 如果加埋沙律醬就好啦！ 牛肉煲好和風呀， 肥牛係半生熟，撈多兩撈就岩岩好熟晒，所以好嫩；除左牛肉同蛋，仲有娃娃菜、粉絲同豆腐，份量唔算好多，兩個人一煲就剛好夠淺嚐啦。最後每人一杯雪糕作結，都幾滿足呀！

之前都聽過唔少人講樂天大喜屋好食，今次就同朋友一齊嚟試，入到去見已經不少人來吃放題，而且見到款式都的確非常之多，價錢都合理，我哋好快就攞住一大疊餐紙，點食物，而出邊仲有唔同嘅飲品同甜品選擇。很快食就嚟到，竟然有雞窩的確比較少見，味道幾清甜而且雞肉都嫩滑，味道都唔錯。之後唔同嘅壽司來到，黑椒牛肉味道都幾好，但牛肉味道就鹹少少。吞拿魚醬汁就甜啲，但係整體來講味道同口感都OK。仲有熱食嘅燒牛肉，牛味都係保持到，而且口感都幾軟熟。當然仲有我最鍾意食嘅炸物，這裏的炸物味道不錯熱度都可接受，最後當然就仲有一盤好大盆嘅刺身啦，刺身方面款式又多，而且味道都唔錯，夠鮮甜，同埋新鮮驚喜係甜蝦味道十分好食，而且帶子雪味唔算重。基評分: *味道(基基基基基)**外貌*(基基基基)*抵食(基基基基)**服務(基基基基)*最後基言:整體來講刺身嘅質素都有驚喜，最後當然仲要食埋甜品和雪糕，發現都好多選擇。

雖然現時市面上有不少日式放題店，但質素參差。眾所週知，大喜屋係日式放題既始祖，其食物質素穩定，價錢亦大眾化。以往只有兩場放題，5:30/8:30，客人要係門口大排長龍，等待確認booking後先可以逐一入座。旺角店比起尖沙咀店已算好，尖沙咀店排係街度，大熱天時特別辛苦，而家諗返起都係一份回憶❣️旺角店係室內，雖然一樣要排隊入座，但起碼唔洗熱辣辣咁等😚～依家除左5:30同8:30呢兩場放題外，仲可以自選時間食兩個鐘，不過我仍然覺得排隊係食大喜屋既一大特色😂，所以我book左食8半👊🏻當日唔算太full，我地2個人都可以坐4人位，咁就可以有多啲空間放野食啦😽😽食物選擇一如以往既多，壽司🍣、刺身、串燒、小食、炸物、鍋物等無限量供應。刺身三文魚鮮甜肥美，帶子大粒新鮮，象拔蚌鮮甜爽口👍🏼鹽燒海蝦呢個真係必叫🤣 海蝦大隻，肉質彈牙，鹽燒都幾入味，每次都食5-6隻以上😗壽司壽司整得算幾有誠意，帆立貝壽司有啲腥，其他都正正常常牛油粟米好重牛油味，好香，粒粒飽滿，唔乾亦無燒焦～牛肉雪花鍋湯底好咸，牛肉係普通肥牛，食食下想食啲菜中和下😗出面都有好多小食、飲品同甜品可以自取，食食下職員會派張雪糕紙俾我地，每人

今晚約咗兩個姊妹食飯，預祝其中一個生日，所以食飯地方由主角揀，佢就揀咗呢間樂天大喜屋食飯~其實大喜屋由初時係中環嗰間店舖開始幫襯到而家有各個唔同嘅大喜屋或滿屋我哋都試過，唔係話自己係熟客仔，只不過係諗住始終都係連鎖店，所以食物質素點都會有保證，唔會話太差，總好過其他放題嘅餐廳，而且種類都算多~剛去到時見到地方好大，有種期待心情😎，以為咁大座位應該都會好舒適，點知呢…啲座位好迫，前後排枱坐晒人後，櫈背與櫈背之間嘅距離真係肥啲都難過到囉～試過有人係後面行過整到朋友個頭，當然嗰位客人唔知自己啲衫或手之類嘅嘢整到人，而朋友都唔想為啲小事同人有口舌之爭~😇跟住到上菜啦…呢頭order完冇兩分鐘嗰啲串燒嘅嘢食，話咁快就送到面前，可惜係暖暖地，唔係熱嘅!😑之前睇過有食評話佢哋出菜慢，唔通就係因為咁，佢哋就燒定放晒係度？定係繁忙時間就一定係全部燒定晒🤔~第一批俾嘅order紙就已經開始漏單😅知道追問都冇用都係會直接叫我哋再填過，所以問都費時問~🤣

同兩位朋友突然好想食放題就黎左呢間樂天大喜居，餐廳好大，佔全層！雖然地方咁大，都坐無虛席！可見呢間放題有幾吸引坐底我地一時間叫左刺身，刺身種類包羅萬有，有三文魚、希靈魚、赤貝、北寄貝、蠑螺、北海道鮮帶子、甜蝦、極大赤蝦，仲有松葉蟹腳！好大隻赤蝦！！鮮味十足，勁有口感！呢個黃金焗扇貝面層放了蟹子加一些沙律醬一起焗，好香好開胃！鹽燒雞軟骨既骨同肉比例平均，燒得好香口！燒溫室甜菠蘿好甜！鹽燒牛舌有黑椒系面令佢更加香，燒得岩岩好，又有咬口又有少少肉汁。鹽燒海蝦都好大隻，用鹽燒唔會遮蓋左蝦本身既鮮味，而且肉質好厚實！絕對新鮮首爾人參滋補雞鍋，岩岩去完韓國既我覺得仲好味過系韓國飲果d人參雞湯裏面有d冬菇同蔬菜令到湯底好清甜。雪花牛肉鍋有好吸引既溫泉蛋！！湯底偏甜，湯料索晒味，好正豉椒炒蜆好惹味，蜆肉大大粒，又無沙！呢個迷你海膽手卷，充滿鮮味既海膽做成迷你手卷，一啖食晒！！可以叫幾個回本最後食埋呢個極滋補養顏嘅花膠盅，吸引骨膠原，好飽...