樂天大喜屋 (已結業)

今晚約左個fd去出食晚飯，因為之前都有朋友推薦過呢到，所以我地最後揀就簡左呢一間餐廳。朋友帶路，好快行到過去，而且呢間餐廳都幾近個地鐵站，加上人流多，所以都好容易搵到，好方便。行到入去之後，座位幾寬敞，都坐得舒服，而且餐廳唔算太過迫。然後落單，菜單上面款式都好多元化...我地又咩都想試下...因為望落都好吸引，所以搞到最後差D叫到食唔曬，哈哈。其中燒雞翼，汁香肉味濃，外皮酥脆香口，雞肉鮮甜嫩滑，喜歡。炸雞軟骨，炸到金黃酥脆，入口好有咬口，調味恰到好處，沾上少少七味粉沙律醬，更加美味。一次愉快既用餐體驗。

這次沒影相，因為主要想分享一下九龍區幾間大喜屋的經驗。過去幾年都去了尖沙咀各間大喜屋和友人或家人歡聚，但還是旺角店比較令人回頭。首先是訂位，尖沙咀店的桌通常只適合一家幾囗子，要10人以上，只有旺角店有這樣的大桌。曾經試過友人要求在尖沙咀見面，一行10人在尖沙咀其中一店訂了枱，到了竟然要分枱坐，十分無奈。此外，各店食物種類相約，所以不作比較，但是十分欣賞他們不時update menu, 令我相隔一些日子又想去！

2018年歲盡，回想此店數年之間歷盡滄桑，凡經四變，如家族興衰史。大家族仍強，本房卻凋零落葉，斯人獨憔悴。不堪回首話當年……早在食之放題未流行時，大喜屋在中環建立，吸納好新崇日的白領階層。五年前，我已是座上客。那時，店內座位比茶餐廳狹窄，如擠身在內地搭長途火車。入座前，食客在食厦旁的街邊久候，如等候發放免費飯盒。那時，大家都不介意，難得搵到高質的日本放題餐廳。印象中，在4年前北渡旺角，在此店營業，包攬全層，容納大量「粉絲」，食之放題瘋魔全城。2015年是最風光時期，輪候需時，一早預訂，大部份香港人均有先後朝聖，跨階層，跨年紀，跨地區。該年年底，「殿」開業，大喜屋分為三個階級了，「殿」是皇帝，「極尚」是貴族，其餘旺角，尖沙咀，銅鑼灣三間是平民版。初時三層次劃分不明顯，大部份食品都相同。 其後「殿」創設自取區域，增加酒店式格調。漸漸食客流向同系尖沙咀三間三種級別食店。2017年8月同系銅鑼灣極尚店開業，港島客分流到「老銅」兩店。加上，帝皇飲食集團的8間日本式食之放題店，力壓大喜屋集團。其他放題食店亦日多，經營環境困惑。在聖誕節後，我久別重臨，午餐人流稀少，十檯六空。雖說是平日，多少反映中衰

聖誕節去食嘅，第一次去覺得嗰邊嘅環境，初頭覺得唔錯。但係啲嘢食嘅素質都唔錯😀😀，我覺得佢哋嘅刺身都幾好食！！另外佢哋嘅雞翼都幾好食喎，就係嗰個咩有芝麻嗰個，我覺得幾好味啊。佢哋嘅刺身幾甜嘅，但係啲甜品就……同其他呢個價位嘅差唔多囉，甜品一啲都唔好食。🤢🤢我嗰陣時去得早，唔使排隊，上菜都幾快嘅收盤都算快嘅。總括而言我覺得呢間嘢都係算抵食嘅，上菜快，但係張枱嘅大細就真係香港放題嘅通病囉，好細。

每位成300蚊可以食到質素更好嘅放題服務方面：一坐入去就落單，寫好啲紙仔，但店員根本唔得閒收好心咁大間集團就用平板電腦落單啦食物味道：最難食係刺身，牡丹蝦係臭其他就普普通通天婦羅一啲都唔脆啲燒物等好耐都唔嚟最後一round等左一個小時催4次先到飲品選擇有啤酒、汽水、清酒等等我覺得飲品選擇都叫多嘅另外自助吧有凍蝦、青口、生果都叫多少少選擇不過食物味道真係非常差而且最出名嘅牛仔肉賣哂又唔出聲落單落四次都唔上特別一提，黑松露蒸蛋真係超級難食貼錢買難受，第一次都係最後一次零服務

今日晏晝去咗樂天大喜屋食晏晝放題， 呢個時段唔係好多人， 感覺好舒服， 一去到即刻點我最鍾意嘅刺身拼盤厚切三文魚好肥美 其他魚生都好新鮮， 壽司的的色色 一啖一件 ，好， 啲炸物都係水準之作， 啲嘢上得好快 仲冇漏單 抵讚 今次真係冇揀錯地方丨

boxing day,4圍塭放题食，一般都3舊以上，最后找到呢檔，1730-1930時段，85拆后連+1，$265。就試下，準時到，人多到唔知边度龍尾，亂的，之前在呢度订位，佢地馬上有人打來確認，所以都唔使点等，坐低，寫飛仔叫，先下刺身，再落D其他小食，頭輪就快，10分鐘内到！有個自助吧，甜品，飲品，熱葷等…到叫第二輪刺身就…死喇，3，4個字都唔泥，吹3，4次，那那林寫第三張，都未见第二張個刺身來，但已叫你埋單先！塭個類似經理嘅，直接去攞盆泥先有得食！刺身質量也普通，65分吧！小食只榴蓮炸彈有点特別，其他好一般！性价比只一般般！

🇭🇰#香港捐窿捐罅記 instagram: foodkiller_dk最後一張相有彩蛋🥚 香港人對日式放題既熱情度 相信係世界中數一數二😂 所以香港都有為數唔少既日式放題 而佢地大部分食既野都大同小異 來貨 質素都差唔多😂😂😂 所以其實食邊間都唔太大分別🙄 但近年有放題店就加多一兩樣特別少少 希望可以吸引人 例如上年大喜屋既拖羅🐟-刺生方面🐟味道都算正常 其實香港放題都有個通病 就係雪得太耐 雪到冇晒味☹️ 尼間還可以 都有少少味😂我本身好中意食雞軟骨 本身去開放題都食5,6淋 但果日果個好淋 好難食☹️☹️ 記得唔好叫☹️佢仲有一個燒牛片 幾特別😋 味道幾好 出面都比較少有🤤🤤🤤佢仲有一個🐷豬腩肉串 都可以唔洗叫☹️ 食落去成個火腿咁😂😂😂不過其他熟食 壽司都高質 而且上菜速度快 大家想食放題都可以去食🙂-🎈旺角彌敦道593-601號創興廣場2樓-平均傷害：$250好味值：6/10

兩個人去旺角行街，行到咁上下大家想食日本嘢，但行去隨便一間日本料理，如果想食四、五樣嘢，埋單都起碼六至七百蚊，所以友人就提議去食放題，又可以食多幾款又唔驚太貴。樂天大喜屋位於人流集中地，地點好方便。我哋去到唔使點等就入得座啦，不過呢度真係好旺，人好多，兩人嘅話都基本要貼住陌生人坐，講嘢時都要細聲d，人多就可以坐卡位，冇呢個煩惱。首先緊係食刺身啦，呢度刺身超多選擇！貴啲嘅刺身有帶子（絕對唔薄切！）、長腳蟹（有埋剪刀提供）、象拔蚌、北寄貝同赤貝等，大蝦亦都好新鮮，好正！壽司都有驚喜，有我最愛嘅燒左口邊魚，入口即溶，好甘香！之後就到熟食，我哋要咗天婦羅蝦同一口蕃薯，兩樣都炸到好脆好味，蕃薯仲好甜添！另外仲叫咗燒牛舌、炒蜆、芝麻雞翼等的大路嘢，味道都好食！最後我哋仲要咗個蟹粥暖胃，食得出唔係好重味精，都有蟹味，一路食一邊讚朋友冇揀錯地方食飯。呢度同其他放題唔同既地方係佢有個好多選擇既自助區，有凍食海鮮、熟食、甜品、飲品等連燒小丸子都有，真係好似去食自助餐咁。不過要留意，貴價雪糕Haagen-dazs/ movenpick就只限每人一杯，其他平雪糕就任食～總括我地都好滿意今餐飯，一定會再來的！

大喜屋放題比較平，質素唔差，所以多數book 呢間。今次帶埋阿b, 用open rice book 位寫明要bb 櫈，電話confirm 時都再講多次，職員仲要答我見到我booking 嘅remark. 點知入場，比張枱我地，冇bb 櫈嘅？冇解釋。我主動問，先話呢隻卡位放唔到架wor. 冇sugguest 其他枱比我地（我諗因為好full booking 啦）…個經理就咁就行左去，攪到成程要抱住阿b 食 😐 冇早講嘛，我可以搵第二間食 😓 或者唔洗帶阿b 時先食

放題真係有唔少選擇，今次初嚐樂天大喜屋，估唔到有驚喜😆-首先係一大盤既刺身🤤 同行朋友好鍾意食蝦，佢地都話啲蝦大大隻好新鮮🦐，蟹腳好juicy好有肉🦀，係必食之選😆-我自己就比較鍾意食壽司，因為飽肚啲🍣 咁多款壽司我就鍾意食玉子啦，雖然好似係好平凡嘅選擇，但加埋啲醬汁同配菜又好入味🤤 炙燒壽司都有水準，有好多芝士😍-仲有第一次試既波子壽司，個賣相細細粒好得意😆 有得食魚生之餘又唔怕會食到飽晒，啱晒想試多啲唔同食物但胃口唔大既人✋🏻-繼續就係細細舊嘅手卷，特別推介好鮮甜既海膽手卷，加埋啲飯一齊食就唔怕滯🤪-炸物就叫咗我最鍾意食嘅南瓜天婦羅，想讚嘅就係佢哋上菜速度好快，所以啲天婦羅上枱嘅時候都係熱辣辣同脆卜卜🥳-同其他放題一樣，都係有啲自助區俾人拎野食，下面就係我出去拎既小食😋 不過原來啲菜同埋薯角都有少少辣，所以唔好辣既朋友拎嘅時候可以留意下😆-黎到甜品環節，大推燒菠蘿🍍 雖然睇落去好似好大份咁，但係食完一輪鹹嘢，有返啲清甜嘅水果balance下，又可以繼續食啦🤪-仲有呢度最特別嘅係可以每人點一杯Haagen-Dazs / Movenpick雪糕🍨 揀左焦糖脆餅，甜度適中，係一個開心既結

大喜屋既放題, 質素唔差 特別係樂天大喜屋 身邊總有朋友食過 盛讚放題 臨近聖誕節 預約定枱 今晚去食放題慶祝樂天大喜屋每晚分為兩個時段入座。每個時段兩小時 某時段網上預約有八五折優惠於是 就大家放工時間 選擇我地就食頭輪員工服務好好 預早通知到餐廳時間同籌 一去到登記就入得 唔洗等啦餐廳入面大部分設入卡位 座位都很逼 食物方面 要填紙仔落單 亦出面有自助區 提供冷熱熟食 沙律 小酒吧 甜品等 仲有一個放滿各式各樣飲品既雪柜 酒類飲品都有多款選 亦有部分熱飲供應開始放題時段 款式選擇好多 可以試到唔多美食 員工好積極 不停清枱 餐廳不會出現空碟 抵食

朋友約見面👭唔知食乜好最好就係食放題 乜都有嘛即興話食大喜屋 山長水遠由新界走出嚟誠意可嘉最好係咩呀？而家連電話都唔使打喺OpenRice仲可以直接訂位勁方便Book完仲有人打返俾你confirm兩個👧🏻👧🏻又唔係大胃王一定要食返啲高質素產品 先岩數架嘛海膽手卷梗係唔少得佢最好係細細舊啱啱好唔會太飽 仲有位食其他嘢意外發現呢個人蔘雞湯唔錯唔錯好重人蔘味。入面嘅娃娃菜仲好好味添如果好似我咁鍾意飲湯嘅都可以試吓泰式鳳爪都做得唔錯刺身拼盤真係無得輸 嚟咗round 2因為我哋兩個實在太肚餓既關係 食得好快成件事好完美咁樣 係個零鐘入面結束左雖然好似好浪費 但實在食得太飽啦唯有下次再努力過啦

自從踏入秋季後 也很久沒有吃過放題 經友人的推介 我們決定去嘗嘗位於旺角創興廣場2樓的樂天大喜屋 意想不到這間店舖給了我一個良好的印象 首先 店舖的環境相當足夠 基本上整層的面積也是屬於樂天大喜屋 所以除了舖內坐位 自助區也會比一般的日式放題寬敞 我們自然有更多的選擇前菜 飲品 和甜品等 店舖中有一個配套令我感到很細心 就是加設了常溫的飲品 天氣回冷也對凍飲不感興趣 幸好有常溫的飲料 讓我能夠在放題過程中得到適量的滋潤 而家在食物方面 餐牌中食物的款式林林總總 不僅只有一般放題固有的食物 能看出這份餐牌有認真構思 讓食客能夠嘗試新的口味 其中我最喜愛的便是燒秋葵了 燒過後的口感不錯 而且秋葵的營養價值相當高 即使吃得過多也不用擔心出現肥胖的問題😂

現在放題開得多，每間都差不多。價錢這間算高上，但一分價錢一分貨。喜歡高質素日本菜的，又想試多款式，這間放題很值得試試。刺身按照點的數量。鮮美厚切，解凍時間十分足夠，一點雪味都沒有。最喜歡其脂味濃，一港的刺身。其中，大蝦鮮美不霉，值得一讚。最喜歡壽司多樣化，飯不會過多，小小巧巧的很可愛。而且多食都不會太飽，可以留肚食其他熟食。熟食份量按點數量上，上菜時間剛好，不會因太多，放得久熱食變冷食。很喜歡有燒酒，梅酒等飲品，一邊食一邊飲酒，氣氛很好。最後炸物質素很高，炸芝士炸粉不過多，一咬下去滿滿是芝士，不太油膩。芝士控的我很愛吃。最後，串燒款式多，牛舌醃得惹味，吃不停口。大胃王又喜歡日本菜的，一定要來試。