樂天大喜屋 (已結業)

尼到食放題，食刺身絕對係回本之選，平時都有試過另外幾日大喜屋，對佢既刺身壽司各樣質素都有信心，由於今次介紹朋友尼食，朋友都大讚新鮮！刺生方面，款式夠晒多樣化，佢有一張自創自己包既壽司紙，唔想食壽司飯食到飽晒，都可以淨叫刺生㗎！壽司方面，我認為變化更多，絕對係吸引我食放題嘅其中一個原因，黑松露油金魚壽司、蒜香牛油燒大蝦壽司、灸燒左口魚邊壽司、明太子吞拿魚壽司、芝士帝王蟹棒壽司...飯既份量唔算大，食多兩件都唔會咁易飽，而且壽司飯既質素絕對唔差，上面嘅魚生當然都好好食啦！手卷方面，有回本之選，當然就係海膽手卷！串燒天婦羅方面，試吓佢個燒大蝦同埋燒秋葵，大蝦爽口得尼好有鮮味，秋葵就上面加上咗孜然粉，食落好惹味！大蝦天婦羅外脆內軟，正呀！最後當然唔少得甜品啦，款式多樣，而haagen dazs 同movenpick就限每人一杯，其他甜品就任食！

刺身款款刺身都好肥美，特別欣賞佢個象拔蚌同埋帶子刺身，帶子食落好鮮甜，而象拔蚌就好爽口，點少少豉油，帶出咗兩者嘅鮮味幾好！自己壽司自己包真心比佢呢個創新、有趣、好玩嘅做法吸引左，可以自選各款刺身或者灸燒刺身，配料可以選擇大蔥、紫菜、壽司飯等等，壽司想大大片刺身少少飯又得，兩款不同魚生壽司夾埋一齊食又得！軍艦都正！小食熟食有各款蔬菜、咖喱魚蛋、炸薯角、小丸子等等，冷盤亦提供左大蝦同埋青口，青口食落都幾新鮮架！飲品一上電梯，未入到餐廳，已經放左個特大飲品櫃，飲品選擇非常多，除咗罐裝、枝裝飲品，仲有一個自助吧供應左多款飲品。甜品自助吧有各款雪糕雪條選擇，不過每台走下每人一杯movenpick或者haagen dazs，今次季節限定仲有haagen dazs黃桃味乳酪雪糕！

老公生日老公的表妹打算請我們一家去吃自助餐大喜屋 我已經第5次黎食喇不過旺角呢間就第一次去到的時候一家排隊排到打曬蛇餅喇非常好生意入到去坐底我地就開始瘋狂點嘢食沒碟壽司都上得好快基本上唔洗點等所以唔怕餓同埋刺身好新鮮壽司款式又多最緊要 每碟都好細碟唔怕食唔曬浪費左唔夠可以再ENCORE本人支持惜食同埋距D雪糕好多呀成個雪櫃都係 任食唔惱而且都係熱門口味跟住D嘢飲幾個雪櫃放滿曬無曬貨繼續REFILL唔怕你飲曬最怕你唔飲

呢間放題幾多野食， 5:30pm入場+openrice 訂位仲有折所以前日就食5:30pm果輪啦刺身種類都幾多，有甜蝦、特大甜蝦、帶子、劍魚腩、赤貝、三文魚等等，好多都係我鐘意食的。帶子好鮮，而且大大粒甜蝦都算爽甜； 最好味係劍魚腩，唔係度度都有，呢間嗰啲幾肥美。燒羊架，調味料味道重，所以啲羊唔會好膻沖繩黑糖牛仔肉呢碟係每次黎大喜屋都一定會點，5成熟的牛肉好嫩口，加左黑糖嘅醬汁甜甜地幾開胃炸物：紫心香芋丸幾好食，甜度適中，有糯米口感 ，食一兩粒就岩岩好。芝麻雞翼夠脆同埋熱炒蜆：微辣，每粒都有肉幾惹味芝士焗帆立貝帆立貝都幾大粒而且唔乾身，值得encore燒菠蘿夠甜肉燥麵（唔記得叫咩名）：呢個麵好香口，有點重口味，香辣且微酸，幾個人share一碗都唔錯雲呢拿麵包布甸呢個真心好食幾綿滑，又唔會好甜

我們一行12人，其中一個是傷殘人士，完全食唔到野，但佢哋依然要照收一個錢，總之高過90 cm就要收錢，佢哋個腦係咪唔識轉彎，一成不變，仲叫我地唔好帶佢出嚟，咁樣係咪歧視佢，一間只係識搵錢嘅食肆，不會顧及客人的感受，以後都唔會再幫襯呢間野。

第二次來午市套餐，質素比普通餐廳高，服務又好，d姐姐唔會因爲我地唔幫趁放題而黑面，仲好詳盡咁介紹有咩可以任食，每次都見到隔離枱的食客食到好興奮，今次終於忍唔住拎甜品。期待下一次再黎食

依家日式放題店開到周街都係，試極都仲未試曬🤣🤣終於食到樂天大喜屋了！呢個幾得意呀，自己點配料，之後自己包住黎食，創意十足😇炒蜆幾好食喎！要讚下餐廳洗得好乾淨，完全無沙燒牛舌，好有咬口，好入汁！我一個人食左3串🙈好誇張！炸物炸得幾靚仔！炸芋丸外皮炸得幾脆口，入面有好多甜芋，好正！對芋頭控黎講，簡直係欣物😆一口芝士，芝士味好濃，一啲都無偷工減料！芝麻雞翼無得輸，食到停唔到口！炸生蠔都好正，幾大粒！牛肉鍋好正，本身好驚食鍋物會塞飽左個肚，點知呢個鍋份量適中！牛肉鮮嫩，encore左一次🤣第2round 炸物，試左炸榴連🤤🤤樂天大喜屋嘅炸物整得幾岀色！個皮好薄，唔會食到成口粉!!雞軟骨幾好食，最鍾意咬啲軟骨😗花膠都有呀😏😏好滋補，緊係要叫！海膽手卷細細個，但海膽份量都幾多!!天婦羅叫左蟹棒同番薯，都唔錯㗎！

同friend gathering，放題一定係最佳之選😌👍旺角呢間樂天大喜屋都幾大間，之前一直都想試下幾欣賞呢間放題有冷盤食😍😍食左好多蝦!!自助沙律吧都幾多選擇㗎，有我鍾意嘅中華沙津❤️熱食都有好多款者，咖哩魚蛋同避風塘排骨encore左2次真係好好味！食放題點可以唔食刺身呢？劍魚腩值得推介❤️油甘魚都好重魚油香！令我驚喜左一下，竟然有左口魚壽司食個人對芥辣八爪魚情有獨鍾😆😆去到邊都會叫！燒羊架好肥美，又入味！真心正👍呢個薄切牛肉好好食😭😭叫左2轉，都好快俾d friends清曬！牛肉好嫩，加埋秘制醬汁實在太夾了！我今次揀左movenpick嘅焦糖合桃味，其他人都揀左Haagen Dazs嘅限定口味！我個人覺得我嗰個好味啲

久違的日式放題，旺角午市價錢吸引😆第一次幫襯樂天大喜屋，食材尚算新鮮👍🏻食物選擇不多但好在有自助吧搭救😏餐後仲有一人一杯movenpick😍男性店員均服務態度極度惡劣，相信同區絕對有更好選擇，再試？不了。

昨天去食19:30~21:30的時段，第1輪的刺身單漏了單本身是沒問題的，但其中一位店員知道後非單只態度不好，知道後只叫我們再落單而又不再跟進，而我們要求他跟進一下卻又冷眼我們不理會，直至我們跟主管級的反映才有。由坐下到有刺身食已經過了大半小時，2小時的時間$27x的價錢，連想食刺身這點日式放題最基本的食物都要這樣長時間又要受人氣。與這間日式放題的餐廳類近的有很多，不會再來了。

晚上9點半，好多餐廳都差不多關門，我同朋友就諗住去食放題，見依間未試過，就入去。入到去見到都仲好多人食，一坐低，我地就急不及待咁不停點野食。因為太餓，所以就去左出面自助區域拎d熟食，發現d炸薯角、咖哩角和小丸子都唔錯，好香脆。反而d芽菜和泡菜就無味道，唔太好食。薄切牛肉，真是好好食，值得推介，好入味，唔太咸，熟度剛好。之後就係冬菇花膠，都係好正，唔腥。而刺身好新鮮好鮮甜，仲係厚切的。炸榴槤波和炸蠔都好好味。豬手就麻麻地，有蒜味，但唔太吸引。最後要提嘅就係海膽手卷，真是好鮮，食完會想再食，不容錯過！

以往我是這家的常客，記得不論平日或假期都經常座無虛席。有一段時間沒有來了，這次星期一來幫襯，發覺非常多空位置。這次來到，發覺食物質素（不論是生或熟食）比以往下降了。除了火炙左口魚邊壽司和芝麻雞翼仍能保持水準外，其他都感覺比以前差了。是次有新的魚生推介，魚生可以選擇火炙，還可選配飯、葱、薑或紫菜。只是除了吞拿魚蓉和蝦外，其他的火炙魚生太熟，有點像吃熟三文魚的口感。此外亦覺得侍應生門服務比以前反應慢，要等好一陣子才有人來回應我們的要求。對於人客不多的時段，期望會有更快捷的回應。整體來說，有少少失望。

很久沒有食放題，趁住友人生日，便大肆慶祝6人以上有生日優惠，可惜我們欠一人，否則有蛋糕送沒有蛋糕，唯有狂吃刺身補數，這裡有我最愛的劍魚腩女人最愛～花膠，仲要任點任食😱花之戀海膽手卷現在有全新時段，5:30-7:30 有85折，尚算合理

自選1+1午市套餐 $78，揀左火炙壽司盛 + 雪花牛肉鍋。落完單職員話d湯、沙律、甜品同飲品都係自助形式，要自己出去攞。去到自助吧呆左，無論沙律、甜品或飲品都超多選擇，唔講以為自己去左K-buffet。沙律方面除左較常見嘅西式(沙律菜、車厘茄)之外仲有韓式(泡菜、芽菜)、中式(啪青瓜)同日式(枝豆、秋葵)。夾左D芽菜、啪青瓜、枝豆同秋葵，前2者醃得幾好食，後2者就原味好健康。火炙壽司盛有左口魚邊、鰻魚、蟹棒、帆立貝、卷物2件。左口魚入口即溶好香油脂味，其他幾款味道都唔錯，係卷物個黑椒汁重味左少少唔太襯。雪花牛肉鍋份量都幾多，有3~4大塊牛肉，大量豆腐、娃娃菜、京麵仲有隻生蛋。牛肉肉味算濃，豆腐好入味好滑，不過略嫌湯底稍咸同埋唔夠熱，浸唔熟隻蛋。食完以上已經飽左大半，但仲有甜品。喺眾多甜品之中揀左榴槤糯米糍、草餅同牛奶布甸，無特別期望但反而有驚喜。榴槤糯米糍個餡好香榴槤味，唔會太甜或太假，個皮雖然唔夠煙靭但勝在唔厚。草餅幾煙靭唔會死甜。牛奶布甸好滑幾香奶味。非常滿足嘅一餐，已經約定同事翻啅

星期六21:15特價時段去，等左陣就入得嘢食一般甚至唔好食，上菜快不過係快到係咁擺上嚟。。。左擺右擺唔緊要，但係擺到我一拎起手就擺係到。。咁我點食丫大佬？員工無禮貌，收嘢一野拍我？你唔識講嘢嫁？真係未試過。。。我都比佢嚇一嚇！枱又迫到呢。。。不過係飲品多選擇ge！刺生都叫ok收貨其他熟食，甜品就係。。。。。。所以都唔明點解咁多人，e間真係不值得去食浪費金錢，時間！就連坐隔離的情侶都覺得唔會再嚟😂