樂天大喜屋 (已結業)

Happy Friday 最好緊係食餐勁既！ 聽人讚左大喜屋既放題好耐，今次即黎試下！一坐低即刻有本成吋厚嘅點菜紙等緊你，即刻狂風掃落葉式點菜！ 一黎叫咗盤刺身先，甜蝦同大赤蝦係強烈推薦要食，鮮甜爽口，食落充滿鮮味，回本！海膽手卷都係必食，師傅落海膽好大方，每件手卷都有滿滿既海膽，鮮甜到不得了，而且細細件可以試多幾樣！燒物都好正！牛舌，雞翼，鰻魚都燒得好好，皮脆得黎仲keep到有汁，好好！ 估唔到有花膠食，而且有酒樓水準，難得！甜品有Movenpick同Haggen Daz揀，好完美！絕對推介呢間高質放題！

今日朋友生日, 幾個人去咗旺角樂天大喜屋日式放題食生日飯, 點解我地係雲雲放題中揀中佢? 點解? 因為佢有熱SAKE任飲, 你知唔知一啖刺身再一啖SAKE熱真係人生一大享受~ 日式放題黎黎去去都係刺身, 串燒, 鍋物, 同炸物, 所以我要重點講下佢邊D正~ 刺身--赤貝, 甜蝦, 兩哩款係我心水~ 赤貝鮮甜程度可以同活赤貝比美, 仲好爽口, 海水味重, 甜蝦甜, 膏香~ 串燒---牛舌, 雞翼, 牛舌不嬲都係串燒必食, 但係食過好多間都係薄EE咁~ 燒得好乾~ 但係一樂切得幾厚下, 焦香之餘, 牛舌中間仲保留咗應有既肉汁同油脂, 所以越趙越香~ 炸物-- 榴槤波波贏哂~ 真係好食到不得之了, 趁熱食流心效果出色, ORDER咗 3 ROUND~ 甜品--- MOVENPICK 唔講LU~ 大家睇到個名都知佢係好食啦~ 今次跑出係佢個榴槤糯米糍, 入面全部都係榴槤茸, 不得了~ 好好味~ 我之前未食過~ 大家去到記得食幾個~ 勁值得推介~

這店子常常都很full⋯所以、選擇了平日與朋友來試試果然沒有選錯、店員安排給我們兩人可以坐四人枱、很舒適！桌子也可以放滿滿的食物也不擠迫這店飲品種類多到數唔晒⋯冷熱飲品任君選擇：茶類、啤酒類、果汁類、滋潤類、另外、最驚喜👉🏽普通放題店也沒有的日本酒、任飲👇🏽推介👉🏽羅漢果茶、熱甘蔗水、荔枝烏龍茶熱盤類：咖哩魚蛋、關東煮、炸曼頭、三文魚頭、小丸子等等冷盤類：凍蝦、青口、沙律等等。刺身賣相已夠吸引推介👉🏽燒菠蘿、夠多汁。串燒秋葵、加左七味粉、味道更正燒扇貝 也不錯！還有燒得好入味的日本魚、多肉唔多骨甜品：多過十款的西式甜品、除了雪糕雪條、豆腐花、生果外、連中式蕃薯糖水也有最：每人可以有一杯哈根大師或者movenpick 雪糕還有季節限定口味選擇總結：值得一試放題包你棒著肚子走

之前食過兩次殿大喜屋，對質素有一定信心。今次來到旺角創興的樂天大喜屋，雖然食物選擇比較少，但勝在價錢較便宜，地點方便。Book左晚上6時，一去到就有枱。座位比較迫，不過在放題來說都尚可接受。朋友極 度快手，一坐低已經瘋狂點了一大批壽司刺身和手卷。在等待食物的同時，我們到位於店面的飲料區拿飲料。種類十分多，除了有基本罐裝汽水同果汁，亦有梅酒同清酒，能夠滿足不同人的喜好。旁邊的小食區亦有十多種食物供應，水準正常，值得在正式開餐前一試。回到位置食物已經到了。第一眼覺得頗有驚喜。雖然是放題，但這裏的擺盤卻毫不鬆懈。刺身新鮮，特別讚賞當中的蟹腳同三文魚，蟹腳清甜而三文魚厚身又充滿油香。壽司同手卷亦不輸蝕，飯粒有咬口而不鬆散，而且每一件size都不大，可以一次過嘗試全部款式。接下來第二回合就到肉類熟食，基本上我們把大部分的熟食都點上一遍。羊架，牛肉粒，雞軟骨和燒鯖魚等都覺得味道不錯。不過黑松露蒸蛋就不太合口味，只是蒸蛋上加一點芡汁。整體來說熟食質素算中上，雖然未及刺身和壽司般令人驚喜，但也算令人滿足。最後當然是附送的一杯特別款式的雪糕。其實店內有其他甜品，可惜已經食得太飽，無力再戰，但朋友吃了幾款

第二次食依間第一次一行二人 只有我同男朋友今次同家人一齊黎食物選擇唔少 有喲小食仲可以自已出去拎 有泰式鳳爪、手拍青瓜、泡菜、中華海草、辣嘅菇、柞樹角、章魚小丸子、炸饅頭等等飲品方面有汽水既飲品櫃、梅酒、清酒、羅漢果水同菊花蜜等等先叫左個刺身，有排食不過啲海水味好重，超級咸番到屋企成晚飲水，象拔蚌好爽口，帶子鮮甜，但係三文魚完全冇三文魚味，其他冇咩特別羊架同雞翼落勁多孜然，味道好重我吾中意食花膠有喲似屋企拎黎煲湯既魚唇，叫左二次有一次似花膠，一次似魚唇（個人認為）壽司 火焰蟹柳果個好好食 其他一般食物有喲好食 有喲一般 ，另外坐位比較窄坐得唔係太舒服，有喲有漏單或好耐先黎，但整體黎講係唔差既 會再食以上純粹個人意見

有去MK蒲開既朋友一定知道mk放題一定係18區之首，但放題質素參差，要係咁多間入面搵到適合自己既放題都唔係一件易事話說上一次黎已經係2年前既事lu，之前覺得呢間食物選擇唔少，上菜快又唔會漏單，食物質素都唔錯啊，好似都冇咩好挑剔所以今次黎到mk食飯都係食番呢間算飲品櫃係電梯對面，餐廳出面既成排雪櫃裝住勁多款色既飲品，同出面d放題差唔多反而另外一邊既自助區有淨係清酒 梅酒 係曬度啱曬中意飲酒既朋友啊除左酒之外 仲有糖（第一次見放題有xd），各種熱食，生果，雪條 yogurt, 仲有凍蝦同埋青口添......真心誇張自助區都已經有咁多野食，可況係要用點餐紙叫既美食呢？當然有好多選擇，點餐紙要分開兩本小本子去放添lol刺身，壽司質素不錯幾欣賞句幾帶子，切得夠厚身又大舊，成舊啪落口不知幾甘滿足啊雖然冇食蟹腳，但同行友人就大讚佢好鮮甜可口，又係啖啖肉手卷比其他放題店做得細舊 但魚生仍然係擺滿既甘就唔洗食到成肚飯 食唔到其他野啦熱食選擇同出面差唔多， 串燒、天婦羅、炸物 ...... 都好齊呢度既燒魚做得好好食叫左客燒黃花魚， 佢既魚油香好特別，唔膩，搞到我食唔停口甜品除左有布丁，雪條之外仲有中式糖

每逢去樂天大喜屋食放題，都見倒條隊排到去電梯口，皆因佢出晒名好食兼抵食。但要特別值得一提嘅係，全店侍應嘅質素極高，以超高速清場，並用溜冰式嘅步法上菜收碟，場面令人歎為觀止。今次要推介嘅係貓山王流心波波，人流多自然係新鮮即炸，而且口感外脆內軟。一啖咬開外皮，濃郁嘅榴槤香味已經迎面撲鼻，金黃色嘅榴槤漿隨即滾熱流出。雖然店內值得推介嘅食物種類繁多，但作為一個榴槤控，一定記得要留多啲肚，食多幾粒榴槤波波。

原本以為好多人，結果發現真好多人喔！未到五點半已經排曬大隊。的確幾好食，日本嘢如壽司🍣刺身也可以。不過長者🧓花甲之年如我老公，非常適合的就是蟹粥。一共幹掉了4⃣️㱧，幸好任叫任食，否則，埋單條數點計！？可能天文數字。純粹講笑😊，不過我極力推薦比親朋好友，快點來幫襯下啦！

我們不會再去吃，故敢講真話，今天去吃，因為埋單時，與金發女郎（侍應）埋單時，其服務奇差，只有同我講一句「：簽名！」，全程冇講任何嘢，之後粗粗地隊張咭俾我，唉！用錢買難受大概也是這種吧懷念以前良好的服務，至少幫襯左三年，但冇下次了

朋友話想食放題，好耐冇食，講放題旺角係最多，上網睇左幾間覺得依間比較吸引，我地訂左晚上6點，早到左15分鐘都安排左位置比我地入座，店員介紹左飲品區同自助區係門口出面，之後我地就開始落單。首先點左刺身先，種類都比較多，松葉蟹腳、象拔蚌都有，榮螺係比想像中好食，爽口鮮味足，極大赤蝦夠晒大隻，北海道帶子好肥美。壽司方面一定要試鵝肝帶子，飯嘅分量唔多唔怕容易飽，鵝肝嘅香令到帶子更加鮮，食完會再想叫多次。見到精選有沖繩黑糖牛仔肉，點左一份，味道都唔錯，甜甜地。煮物有人蔘雞湯，天氣冷岩晒，人蔘係新鮮人蔘所以啲湯飲落係甘甘甜甜，而且有好多蔬菜，食到膩膩地岩晒。火炙壽司都唔錯，有我晒我最愛的，鰻魚夠厚，鹽燒左口魚邊冇得彈，肥美得黎有口感。食到差唔多甜品時間黎喇～依到嘅甜品細細份，食多幾款都唔怕膩，而且仲有水果，西瓜好甜好爽，最後更係食返杯雪糕喇～

真系好耐無食放題啦，最近特別想食三文魚之類的，但又唔知去邊到食好，去壽司店的話，又唔夠飽，又貴，次次食完都覺得唔夠，個friend都話想食，就提議不如去食放題啦，我就話會唔會好貴，同埋得好少選著嘎，於是我們就上網做research，發現大喜屋的好評和評分是最高的，我地就決定去試下，目標食日本野食到飽。一去到就見到超大冰箱，滿滿都是飲品，超正，我系個大水桶，可以狂飲了。一坐低就迫不及待打開餐牌，真係無令我們失望啊，刺身就有成十幾款啊，三文魚，甜蝦，赤貝，還有帶子啊，我的最愛，好少放題有帶子嘎，我一次叫左5片，超好味啊，還有松葉蟹腳，中意食蟹的朋友有福啦。點只系刺身就會滿足，一定要加埋壽司，花之戀，芒果大蝦壽司，鵝肝帶子壽司，雖然個名有少少古怪，但又真係幾好味，特別系帶子鵝肝，兩樣味道好match，好新鮮。食到有少少飽，想食D沙拉，水果，消化一下，去到發現有驚喜啊，有果汁機，水果，沙拉吧，還有一整個櫃都係放甜品嘎，我食飯好鐘意一邊食甜品一邊食正餐，而且甜品都系細細一杯，有牛奶布丁，提拉米蘇等等，我可以每個都試一下啦。還有一些中式的熟食，如蒸豆腐，鼓汁三文魚頭，可以用黎轉換下口味，還有我最愛

企係門口嗰位服務生態度超差，唔該前唔該後問野都當你透明，問左三次都唔答你問題。仲有一次一問佢野叫我地去排隊，排完半個鐘之後到我地先話無訂位無得入，一早又唔講一味叫人去排隊，態度仲要超差。好耐之前有朋自訂位入去食過一次，上菜嗰位哥仔態度依然惡劣，呢種店我以為唔會幫襯第二次。唔明點解仲可以咁多人去排隊比人黑口黑面，食完都背隻骨落！200幾蚊既放題黎講食物質素一般未至於好食，食物種類尚可，明顯是重量不重質。

首先呢，食物質素真係麻麻地，唔講唔知我去左小人國食野，件壽司迷你到得手指公咁大，件手卷又係一口手卷黎，你話啲野食黎得快就話叫多兩轉都可以食得飽，但呢間野真係唔抵幫，啲野食慢到呢，第一轉等半個鐘，第二轉等半個鐘，耐都算啦，仲要落漏單，情況仲要好嚴重，個侍應仲叫我再寫過張單比佢，姐係我又要再用半個鐘去等一樣唔知會唔會出現既野食。最搞笑係我第二轉既野食黎得幾樣就話要截單埋單。真心失望。唔會再有下一次，比錢買難受！。

今日同朋友去創興樂天大喜屋食放題，入到去覺得裝修好有格調，同埋好清潔整齊，坐得都幾舒服。坐低叫野食，食物選擇好多，有一定唔少得嘅壽司、刺身、串燒、天婦羅，仲有甜品同埋fusion嘅食物，其中最意想不到嘅就係呢個吉品鮑汁燴花膠la，花膠同冬菇都整得好林，食落去好滋補。壽司有好多唔同種類，有樂天大喜屋嘅創意壽司、細細粒嘅波子壽司，亦有火炙壽司，賣相精緻，用料新鮮，味道幾好。我地仲叫左燒香草羊鞍同牛柳粒，調味到位，亦冇煮到過熟，生熟度啱啱好。餐廳近門口有自助區，可以隨意攞自己鍾意嘅飲品飲。重點係飲品選擇極多，除左有果汁同茶等等之外，仲有清酒、梅酒、啤酒任斟任拎！自助區亦有唔同食物可以攞，有沙律、熱食（例如章魚小丸子、關東煮、咖啡魚蛋）同甜品。整體而言，呢度嘅食物無論賣相定味道都唔錯。至於服務方面，員工都好有效率，野食好快就送到，亦冇漏單嘅情況。

一直都對大喜屋集團幾有信心，之前第一次食就選擇了最高級的殿大喜屋，今次就試翻比較冇咁高級的樂天大喜屋，位置中都好方便，而且個場幾大，座位和座位之間的距離在放題店中算standard比起其他放題店，樂天大喜屋的過人之處在於偌大的自助區和飲品區，非常多的食物選擇和新鮮好食的刺身！先睇睇個自助區先，飲品選擇堅係好多，不只飲品櫃的一般紙包和罐裝飲品，在自助區還有一些蘋果汁和清酒梅酒，滿足到不同人需要啦。我試左梅酒，甜甜的，對女仔來說易入口，可以一試之後再睇睇個自助區，前菜食物都真係多，尤其有我喜歡食的泰式鳳爪同埋中華沙律！其他仲有一些熱食，我就冇試了之後當然到刺身時間，呢間都算是我食過入面最多選擇同埋又好食，特別題三文魚，油脂很rich又厚切，油甘魚同劍魚腩同樣水準之上，這裡還有蟹腳食，當然不能expect很大隻，不都算幾有肉食，只可惜鹹了一點，但我都食左4隻😂這裡的壽司做得不錯，特別是個醋飯，夠黏性又細，很適合在放題中食，我推薦食花之戀和黑松露帶子壽司！試了不少熱食，就講講較為推薦的貓山王炸彈，放題常客，呢間的都好食，夠榴槤醬羊架，有少少羶味which I like，燒得又剛剛好，不會過生或