樂天大喜屋 (已結業)

朋友話好耐無食放題，所以約左今日午餐食放題。兩年前黎過呢間樂天大喜屋食過一次之後就冇再食過放題嚕。 lunch食放題既感覺都幾豪氣，哈哈。因為呢道既刺身唔係好啱我口味，所以淨係朋友叫左小量，佢話啲刺身好新鮮。 壽司就叫得多啲喇~ 深海池魚王壽司，同埋芝士軟殼蟹卷特別好食，仲有唔少得必食既海膽手卷，正。 天婦羅都唔預係即叫即炸，不過又估唔到佢上枱都係熱辣辣，仲好脆，唔錯。 熱食叫左清酒蛤蜊，蟹粥。蛤蜊都入味既，不過有啲沙。蟹粥好食，份量都唔少，如果唔係大食既真係要諗下食唔食得哂先好叫，唔好做大哂鬼呀! 最後梗係唔少得甜品啦，今日冇食雪糕雪條，不過就拎左啲牛乳布甸，糯米滋，好食，好滿足。

創興呢間大喜屋以前讀書成日食，無論午市定晚市長期都好多人。而家lunch好抵食,一點去到已經有九成入席率。幾間大喜屋嘅飲品都大同小異，旺角呢間酒類比較多。有幾款啤酒🍻仲有熱清酒👍🏻可以一試。雪糕同雪條冇咩特別，尖沙咀分店吸引好多。基本款嘅刺身都有最特別係有大赤蝦😌口感好正不停encore特色壽司都好好食，黑松露油甘魚最正，味道好夾👍🏻燒比目魚燒得好出色加埋京燒汁冇得輸👍🏻皮脆魚肉好滑，好香必試😁呢個都十分推介，必試好少放題有鱔食，外面嗰層醬汁唔會太咸太重味，入面嘅肉燒到啱啱好好食😋牛舌愛好者，今次試咗兩串，一般般過吓口隱就算。芝士軟殼蟹卷好食，可以一試。旺角分店，店員比較後生服務都好好，每樣野一上枱都會話你知係咩☺️燒比目魚同燒鱔必試👍🏻鍾意飲酒午市放題任飲任食，好抵😄

本身呢間舖頭個位置已經差，夏天一搭電梯上到去係唔凍，已經心知不妙，做刺身壽司連最基本既環境質素都搞唔掂，啲食物點會生鮮。一上場叫左刺身，啲三文魚係散既，帶子腥既，個象拔無味淋既，鯛魚成陣梘水定唔知乜怪味，切法又一岩一份，一係勁大舊一係醉濕濕，個個食到囧哂樣。到熟食，個煮蜆啲湯無味成碗水，啲蜆梅既，碗野係唔熱既，好似放左勁耐咁，個咖哩煮蟹啲肉又係梅既，點食啊大佬樣樣都係放唔到落口，個牛肉鍋啲牛肉鞋過塊布！跟住天婦羅厚粉到好似石頭咁，牛脷正常味但又係凍既，芝麻雞翼正常，臨走諗住算啦叫個烏冬啦，一出到黎成餅野咁，好差好差！成餐飯最正路就係雪糕，以前大喜屋個名係唔錯，今時今日搞到咁，定淨係呢間係咁惡劣，星期日都坐唔滿架，你就知咩事，呢個價錢滿屋係完勝！建議大家諗清楚先好食

4個人食，兩個大人及兩個細佬，套餐好多選擇，烏冬啱哂細路，最貴嘅套餐都只係$78，你可享用自助沙律吧(淨係唔可以攞雪糕，雪條，酒，甜品)另外，細佬可以試不同款式嘅糖，非常開心，都算抵食。

好耐無食過咁差既放題lu..等2個鐘。個刺身俾個幾片。其他野。炸野就乾。串燒又係乾連個咖哩蟹都係炸到乾晒。真係替你呢班廚房司吧感到汗顏。叫老板請多兩個part time la。。

ғᴏᴏᴅɪᴇ ᴛɪᴍᴇ 🥳樂天大喜屋放題🥳今次去咗旺角食放題，都幾好味，野食種類都好多😆有刺身🐟壽司🍣串燒🍢天婦羅🍤等等，出面仲有個自助吧不過因為冇蓋就冇試到🥺刺生既話帶子同三文魚都唔錯，個蟹腳就冇咩味🦀壽司試咗幾款，最中意火炙壽司系列既蟹油蒜香帆立貝🐚好似元氣既炙燒牛油赤海蝦🤣不過所有壽司都有個唔好就係太多飯🍚仲有海膽手卷，食咗幾個有啲就好鮮味有啲就好普通，都值得一試🥳至於其他野食串燒同天婦羅都幾正常，不過不失😆網上仲有好多人推薦芝麻雞翼，真係幾好食，外皮香脆👅最中意應該係脆炸貓山王，因為係出面好少有得食 啲榴連味仲好勁一啲都唔假🤩甜品方面就正常，雪糕種類唔特別🍨不過有marcoon🥰

這間店的服務態度真係好差，我諗應該係我見過最差嘅...我都未見過可以鬧客人的服務員💁‍♂️（唔係我比佢鬧，但我係隔離望都覺得好無語，人哋都係問多幾句，咁就鬧？！）食物都麻麻，但咁嘅價錢都食得過嘅... 係到同大家講下，如果真係好想食依間，就要頂得住佢哋嗰啲好差嘅服務態度。如果唔係嘅話，都係去第二間好啲...講真，其實去第二間，差唔多價錢可以食得更好（而家冇甜品食，之前有）最後都係講多一次...佢嘅服務態度真係好差...

今次同友人突然想放題，就即時諗起大喜屋，當日係平日所以可以walk in 唔洗得好耐就有位，呢間係用QR 掃碼落單既非常方便，先黎一盤刺身熱熱身先，三文魚同油甘魚都好肥美，帶子既size 適中爽甜，蝦就好大隻，食落去非常鮮甜，除左刺身之外仲有好多卷物同熟食。當中我會推薦芝麻雞翼，絕對係大喜屋既名物，雞翼香脆內嫩非常好食，例外沙律都係自助非常方便

網上見到唔少人都話樂天大喜屋好抵食， 今日同男朋友經過旺角就去試一試佢嘅定食半自助餐。 雖然大喜屋係12點先開始營業， 但系我哋11點45分去到時已經有好多人排隊，所以想食嘅朋友最好預早少少到。我哋今次叫咗一個48蚊嘅芝士吉列蝦卷配湯烏冬同一個60蚊嘅海膽角切魚生飯。 吉列蝦卷嘅蝦十分細隻，湯烏冬反而吸引過蝦卷。 海膽角切魚生飯啲魚生嘅份量亦都吾少。自助區嘅熟食推薦章魚小丸子和蠔皇薯仔牛肉。 章魚小丸子裏面有大大粒嘅章魚十分有咬口， 薯仔牛肉就炆到好淋好入味。我個人覺得大喜屋嘅甜品做得更為出色，十分推薦terimisu，朱古力布朗尼同木糠布甸。大喜屋最吸引我嘅地方係佢嘅甜品同嘢飲都係任飲任食，單單係啤酒已經有好幾款。 五六十蚊有呢一個咁樣嘅質素已經冇咩好講。

今日嚟到旺角食放題❤️一行四人一早book咗2000hrs 😊去到已經超級多人排隊大約2015就入座 2130就截單時間有啲緊迫🥲🥲一坐低就已經可以用QR code黎叫嘢食✌🏻✌🏻方便快捷👍🏻👍🏻嗌完嘢食就可以去門口位置拎啲前菜食前菜有啲中華沙律啊 薯格等等 仲有好多飲品俾你揀 放題來講佢都算多選擇👍🏻👍🏻👍🏻等咗大約15分鐘啲嘢就嚟大部份都嚟足哂☺️係啲炸嘅食物 落咗三次order先黎 嗰度地方太大但係人手不足 叫極啲侍應都唔會應你😂總括嚟講嘢食不錯 都算多選擇👍🏻👍🏻同埋地點位置都好方便 下次再會黎👍🏻👍🏻👍🏻

臨時臨急朋友仔話想食放題，尖沙嘴間間都爆晒！坐車去到旺角隨便揾一間，每位$210-。除了基本有好多個大雪柜有罐裝/包裝/紙裝外，仲有梅酒啤酒清酒任飲，見到好多男男女女走飲幾多轉，個個面紅紅！涷盤/前菜漬物/小食/炸物/生果雪糕/甜品糖水應有盡有，都換得幾頻密，食就唔見得好好食，得過且過喇！剌身有牡丹蝦、甜蝦、象拔蚌、赤背、帶子、鮑魚、希靈魚、鱲魚、𩶘魚、三文魚腩等。由於我地得兩個人，唔想浪費，每次每轉都叫兩三片，所以每次隻剌身船都唔會擺位好靚，唔會有好大好多咁震撼嘅畫面出現！雖然我唔係成日食放題，但從來冇見過咁精緻嘅手卷及壽司，手卷就好似手指咁，壽司就大約4cm。可以話係食唔到啲咩，齋食剌身就算喇！要讚嘅話係燒物同串燒係唔錯，不過選擇唔多！個人認為呢間放題好適合中小學生，及消費能力不多但又大食，冇咩要求嘅人，講完

雖然早前食放題中過伏，但都依然去試試附近既另一間，好在冇令人失望。🤤🤤🤤環境方面因全層關係位都多，相隔距離都可以。本人就好彩兩個人坐到四人大枱，眼見“細細枱”可以細到放兩碟野就冇晒位，坐到乜枱係要睇當日運程；職員務服方面感覺好似一個人只需對幾張枱，所以收碟速度都夠快。刺身方面有12樣揀，雖然冇吞拿魚，但有鯛魚，只可惜味道都偏向淡冇乜鮮味；壽司就足足有15樣揀。相對下燒物、炸物及其他熟食種類較為少咗d，仲有點幾多次上幾多次菜都只有微暖，正常鍋類既係會有熱氣既煙出，佢係一樣都冇既，如果食得慢就好快會凍晒。🙄🙄🙄自助區內冷熱野飲都多，食品種類都還可以，唯獨職員補充時速度太慢似享受人生砌金字塔咁，搞到要排隊，補充完轉頭離開俾背後等候既人嚇到：嘩！🤣🤣🤣唔知有心定無意。點菜上菜從沒甩單或者上錯，等候時間唔算長，起碼唔洗打完舖機先又有得食。綜合同類價位放題黎講，個人覺得依間值得再去。👍

保持到一貫質素，食物選擇多，滿足到你每樣都想食少少的欲望。第一轉食物黎得好快，刺身都算新鮮，炸物係即炸，但之後個d就黎得勁慢，催單又無人理，結果等等下都無癮，最尾又一次過黎勁多，呢個係放題最唔想見到既野

大喜呢個名相信我唔使多講，大家都知道係食放題為主啦。曾經同朋友相約食飯永遠嘅地點都係大喜屋。因為貪佢乜都有得食。可以照顧唔同人嘅口味。好耐都冇再上嚟。啱啱行過咁就諗住入去試吓啦。平日嘅下晝唔算好多人。但係唔知點解上菜嘅速度異常地慢。平均每一樣食物都要等20至25分鐘，而且刺身完全唔新鮮。雖然話食得放題就預咗佢啲刺身唔會話特別新鮮。但係我食幾舊三文魚都係霉嘅，所以今次用餐經驗係相當失望。我諗都無下次lu

呢間，某時段有半價，不過，如半價，就會有唔同限制，食物同甜品都都有限制，所以唔等，食正價入。居然有糖食，前菜款式不少，又有湯飲。熱食亦有好多，炸嘢一般都唔會差得去邊，佢仲有不斷有refill，唔錯。叫左我平時最愛嘅豚肉生薑燒鍋飯配三件三文魚生。D三文魚妳新鮮，又夠厚，好肥美。但個豚肉生薑灶可能我太愛食，試過好多店嘅，呢到就有點失望，肉有點韌，味道一般，加左紅薑反而令個味太突出，蓋過左肉味了。和風炒雜菜同西京燒比目，呢個係占長推介，困然無推介錯，個炒菜一般，但魚好有驚喜，能燒到外脆內軟，入口即溶，個魚調味好入味，甜甜地，總結...一定要試。如半價，得一款甜品可選咋，我就情願比多D錢，可試晒佢甜品，任食喎，仲可以encore，呢到款款都正，係桂花差少少，同糯米糍太大粒，其餘全部encore了。仲有清酒任飲，不得了。呢個價，雖然有加一，都係抵食。環境上有點差少少嘅，攞嘢食要經過口，感覺差少少，好在而家所有人有個口罩，反而之前感覺更唔衛生咁，如有人排隊中，攞嘢飲直頭要經過D人叫人借開先去到雪柜。