樂天大喜屋 (已結業)

今日出左旺角行街，行到創興見放題已經餓到不得了，一上電梯大大個飲品櫃已經好吸睛，罐裝樽裝飲品當然唔少得，連啤酒都係任飲。食物種類繁多，另有個自助區提供沙津，冷盤，甜品，雪條，糖水，飲品，梅酒。。。刺身推介:松葉蟹腳，北海道鮮帶子，極大赤蝦，赤貝，油甘魚，劍魚腩壽司細細件，一啖一件，唔會因為食得太多飯而食唔到其他野吉品鮑汁燴花膠，花膠好大舊夠淋，好滑好有鮑汁味，冬菇都入哂味，正沖繩黑糖牛仔肉，入口juice得黎又帶點黑糖甜味，值得一試芝麻雞翼必食，外皮加上芝麻香脆可口，肉嫩多汁，香口非常紫心香芋丸，外層香脆內裏粉軟，甜度適中，香芋味道非常濃郁，每次放題必點食物之一牛油炒粟米，每粒粟米都被香甜既牛油蜜糖包住

大喜屋去食放題大家就聽得多原來依家大喜屋午市有半自助午餐定食首先可以根據自己個人喜好選擇定食唔同定食唔同價錢 有壽司 有鰻魚飯 有刺身飯 有拉麵我哋一行三人 分別叫咗一個壽司一個鰻魚飯同一個三文魚刺身飯 份量相當豐富所謂半自助 就係叫完定食可以自助形式咁出去拎飲品同小食 首先講吓飲品 有清酒有茶有橙汁仲有大量雪櫃罐裝飲品 最貼心係有暖櫃提供熱飲而小食方面 有前菜 包括泡菜，海蜇，豆芽等等熱食就有關東煮，章魚小丸子，咖喱魚蛋等 味道都不過不失 甜品仲有芝士蛋糕，朱古力蛋糕，木糠布甸，Tiramisu，泡芙.......好多選擇到我最期待嘅雪條環節 係有我最親愛嘅榴槤雪條 食足兩條先肯走 以$100內嘅價錢來講真係超級抵食

依家有特價時段 兩個人加埋平左100 不過就要2115先入坐一入坐二話不說 立即叫刺身 但失望 三文魚有邊位 鮑片俾得兩小塊 又冇左炸蠔 不過芝麻雞翼同鹽燒雞翼就唔錯總括黎講一般左 希望下次會好啲啦

平日無嘢做，就同左朋友一齊去左食旺角食lunch。想食下啲定食，但又想有多啲小食同享受一下自助式體驗，樂天大喜屋就會係一個好好嘅選擇！👍🏻哩間餐廳平日晏晝都幾多返office hour 嘅人嚟食，因為價錢親民🤩。環境方面唔算特別好，無乜特別裝飾，但都叫坐得舒服。我地叫左3個lunch set，全部都係$58🤑。唔好以為$58只有餐牌上嘅嘢食，其實仲可以出去自助區攞小食、湯同甜品雪糕🍦，大量選擇俾你揀，而且質量都唔差！  一個set 大約係咁，有天婦羅，三舊壽司🍣同一碗木魚烏冬。天婦羅有兩隻蝦🍤，幾脆但炸粉就多左少少。而壽司就偏細舊，但舊蚌非常爽口清甜！個烏冬就不過不失，都幾彈牙同好香木魚味。哩個係黑蒜油豚肉拉麵🍜，拉麵幾入味，黑蒜油味好重，豚肉唔韌但同時無乜特別。最後到牛肉煲，佢偏甜，肉唔韌，整體一般。總結一下，食物質素偏中上，勝在真係好抵食，lunch time 不妨都可以嚟試下！😛

19年11月10日星期日下午約5點旺角行完街 見到有日式放題可以開始食價錢為 $220另加加一(2小時) 我諗唔算貴於是入去放縱一下其實出街食晚飯 去花完餐廳 食個扒餐都要 $100 元啦，而家俾$240 元可以食多好多嘢 (飲品 刺身 長腳蟹 羊架 等等不詳述了)大多數食物 我覺得都好好食 當然有少量食物一般我就揀一D 自己喜歡又好食既食物 嚟專攻難忘又好味食物 有海膽手卷 羊架 串燒 刺身等等最難忘係炸貓山王 入面既味道係之前 M 記食糕既味道 好鬼正 , 名貴雪糕 每人只可一杯食下拉麵 食糕 海膽 好快就回本 行開街又想放縱一下既朋友 不妨一試 美中不足為 放題時間 得2小時 個半鐘就截單無得再落單

大喜屋係朋友生日聚會, 幾個大食怪去任隊既好地方,不過大喜屋都有幾個唔同LEVEL既大喜屋, 價錢同食物質素去區分, 今日去食旺角創興廣場大喜屋一如以往去到就瘋狂剔野食, 魚生, 串燒, 炸物, 鍋物, 講真如果樣樣都剔哂, 每樣食半啖我都包你係會飽到碌出去,因為佢食物種類真係好多好多~ 魚生巡個例都要叫一盤乜Q都有大大盤黎影下相, 食到好既三文魚同甜蝦既地方好多~ 所以我重點無放係佢地身上,今次驚喜係佢既池魚王, 油甘魚, 赤貝... 池魚王肉質好爽口, 好濃魚味, 油份平均, 赤貝既新鮮程度用爽係唔夠形容, 係應該用脆囉~燒物係我第二主打, 燒牛脷, 鹽燒雞翼真係閒閒地食到5-6串, 到壽司啦~ (食放題食壽司係咪傻架, 成舊飯, 飽哂啦) 咁諗就錯啦~ 壽司我淨係食佢既海膽壽司, 我可以講大喜屋D師夫幾大方~ D海膽係滿滿的, 勁甜勁濃味~ 一次剔8件佢都照俾~ 下次可以試下剔16件~ 哈哈食到尾職員每枱派一張雪糕紙, 原來係雪糕界LV既 MOVENPICK, 不過每人只限叫一杯~ 講真以食物質素, 價錢去比~ 真係好扺食~

間唔中食餐放題滿足吓係必須的～朋友介紹話呢間唔錯，又真係👍🏻呢到除咗電話落單嘅野仲有個自助區拎前菜、生果、炸物、甜品咁樣，仲有大大個雪櫃攞野飲。佢刺身幾新鮮，解凍都做得唔錯。其他野食例如炸物都好食！

今日係我生日, 阿妹揀左呢間餐廳日式放題, 佢話揀呢間餐廳原因係貪佢地點好, 選擇多, 食物新鮮, 我於是半信半疑就跟左佢去, 因為以家有好多日式放題餐廳, 款式唔多, 談不上食物新鮮我上到去估唔到除左日式食物, 仲有炸物, 令我喜出望外以家香港人好講求健康, 呢間餐廳會俾各式果汁同茶, 唔洗淨係飲汽水同韓國牌子飲品除左炸物, 仲有沙津同冷盤選擇, 真係令到我花多眼亂好喇, 放題頭盤係一定刺身, 刺身好新鮮, 冇雪藏味, 甜蝦好大隻添食完刺身, 就一定要食壽司喇, 火灸壽司燒得岩岩好, 芝士味好香, 燒呢下係好睇師傅手勢, 我要讚嘆師傅手勢係一級棒三文魚腩壽司, 兩個字形容, 肥美我好鐘意食三文魚壽司, 特別花之戀, 因為好少日式放題會有花之戀, 好有驚喜燒牛舌爽口彈牙，又多汁燒雞翼, 我最鐘意食, 燒得唔乾, 有雞味牛油粟米, 我今次黎食左3碗, 因為牛油粟米都係我最愛豉汁炒蜆風味濃，有穫氣食到最後, 就係到甜品, 我諗起甜品就第一時間諗起雪糕, 雪糕有好多種味道選擇, 我同阿妹就選左曲奇味最後我覺得呢間餐廳選擇多, 阿妹果然係冇老點我, 真係多謝阿妹帶我呢間餐廳慶祝生日, 我既生日

1. 榴槤波波最好食, 夠熱, 熱食好好食, 榴槤蓉幾香2.香芋波波熱食都OK,但涵唔夠多3.赤貝好腥4. 帶子好碎5.羊架唔錯, 唔會好老6.三文魚普通, 冇咩油脂香嘅味7. 雞軟骨正常8.牛柳粒咬唔開9.季節限定雪糕係haagen dazs紅豆麻糬, 好食, 柚子都好食, 但每人一杯太少10.侍應清碟快11.飲品選擇多12.鰻魚OK,唔錯13.天婦羅蝦OK14.食8:30PM,可以坐到11PM,都坐得耐15.上菜速度快,冇CUT數量16.牛舌麻麻///同朋友食飯, 冇影相

又黎到生日月份，同姐妹出去吃飯慶祝，梗係要放肆一下放題黎到之前試過既，樂天大喜屋，裡面環境闊落，而家換左掃QR code 落單。好方便。除左點餐，出面有好多餐前小食，可以自己沖熱飲。跟住第一樣就梗係刺身拼盤，全部都好新鮮，大大件呢個天婦羅蟹柳都特別長同大條好足料，皮又唔厚，好味。最值得再order既燒雞泡魚乾，真係好香口，肉質好有咬口再黎一個壽喜燒，暖一暖，豆腐好滑，牛肉入味。最後仲有焦糖味哈根達斯滿足女人第二個胃！完美！

好少機會可以放平日，好耐無食放題，突然抽起條放題癮，上網搵下於是食呢間先。食過幾次夜晚放題，不嬲都知有一定水準，對下午時段有少少好奇。意外地，下午時段非常多人，但服務態度仍然好好，幾乎所有侍應都係高大男人為主，動作快靚正可能太耐無去，依家改左用手機落單都唔知，咁樣方便好多，有無走單都一目了然！我喜歡！至於魚生方便都唔錯，新鮮！魚都大隻，只係偶然數量同我點嘅有少少出入。而我每次例牌必點芝麻雞翼！勁好食！即炸，非常香脆內嫰，我忍唔住叫左4，5次鰻魚，芝士炸蝦球都值得一推， 同樣來回點左幾次。反而點左一個燉湯，我覺得一般般，感覺係即煲個隻「媽咪靚湯」啲朋友而出面全拎嘅冷盤同炸物無乜期望，所以我無食到到，只係拎左雪櫃嘅泡菜，唔掂，酸到爆。整體上，選擇都唔算多，但都非常滿足！加上有優惠，我覺得值得一食。

旺角樂天大喜屋 午市放題 198+10%午市生日優惠 生日者半價劵x1 呢輪密密食放題 未怕嘅 始終係選擇多 2樓全層 好嘈 好急嘅氣氛排晒隊安排入坐……都快手嘅2張細枱拍埋 2人都畀坐 夠位放食物4位就辛苦啲 始終係枱太細走路通道夠1人過 窄嘅 要小心……侍應好忙 尺尺轉 快到差啲睇唔倒樣基本招呼有 收碟就儲幾碟幾碗收1次咁 電子落單有漏單嘅 再點有嚟 份量有差數自助區~人山人海 很擠迫 幾款熟食 沙律 唔夠點餐吸引 冇迫去攞麵豉湯~味道好麵豉香 用咗紹菜麻麻啦冇豆腐嘅 自助海帶油條大蔥絲串燒牛脷~夠香味 淋嘅 但未夠熟紅肉心炒蜆~ 豉汁太甜 1碟就夠 唔回味蚧粥清 綿 滑 燒鰻魚 燒汁香 冇骨 冇上齊焗廣島蠔芝香味足 油膩少少蒜片炒牛柳粒~ 肉實 嚡迷你壽司 但紫菜唔脆人參雞湯 ~ 2件雞肉 幾條參鬚 大量紹菜唔似韓式嘅 都係人參&雞 清湯 😅蚧腳~ 肉鮮魚生~鮮味嘅 但切工就唔講究三文魚仲有皮帶子不規則咁切

對上一次四年前嚟喇，嗰陣我仲未開始寫食評，嗰陣經過呢度都會見到長長嘅人龍等入座，所以都吸引咗我去試係咪真係咁好食。今次再嚟係因為朋友勁讚話好味，兩次比我感覺都唔錯。壽司，刺身，熟食全部都唔錯。今次兩個人更可以坐四人枱，唔使急住食清枱上嘅食物，而且最早時段由517:30-19:30都係200加10%服務費，性價比高。用電話 Search qr code落單，更環保，方便ike:。落單後等緊嘅時候出去自助區拎咗啲嘢食，豉汁蒸三文魚頭好味，雞翼一般，牛腩雖然瘦，但係唔鞋。一開始炸物係好新鮮，之後唔知有冇新鮮炸好refill。朋友刺身比之前切得薄咗，不過新鮮，蟹腳肉有啲碎。手卷細細件，紫菜唔夠脆。壽司細件，款式多，精緻，又好味，食多幾件都mmy:。炸物嘅芝士流心蝦丸係第一次食，流心較少。天婦羅一般。炒蜆，牛柳粒唔錯。串燒普通。焗蠔麻麻，舖喺面啲醬汁凝固咗，蠔肉又少，鯖魚雞翼可以。蝦肉有啲梅，牛舌好韌，羊架幾好。呢三款好穩陣，由其比目cry:。足料。花膠art:。牛蒡茶係第一次飲，另外仲有其他飲品：汽水，啤酒，清酒，熱飲。甜品。每人一杯嘅art:。

樂天大喜屋係我食過嘅放題裡，食物和价錢最成正比的一間食店，刺身種類多和新鮮，不同日子去食都保持到食物的質素，熱食同樣種類多選擇，不食生肉的客人都照顧到，還有我最開心的是好多花款的甜品供應，每次都食到好滿足呀

呢間放題好高質 刺身夠凍夠鮮甜😳(唯一挑剔係帶子大細不一) 饅魚大大舊好厚好肥美(🐰小編食左6、7舊) 燒牛舌👅好重牛香味 燒雞翼同芝麻雞翼🍗🐔都好正 值得一提係佢個榴槤炸彈同芝士年糕都炸得香口唔油膩😈另外佢仲有壽喜燒、Coco Berry (大推玄米茶🤪) 同Hagen Daze/ Movepick食🍨 食完大滿足🥰注意⚠️：帶多件外套💕-The quality of Japanese-style buffet is above average! The sashimi is fresh and cold enough with umami (but the size of the scallops are uneven) The grilled eel is flavourful and tender(🐰I have eaten 6-7 pieces). The beef tongue skewers👅are meaty. The BBQ chicken wings and the sesame chicken wings🍗🐔are well-seasoned! The deep-f