樂天大喜屋 (已結業)

他们的定食套餐非常实惠，最贵也只是78元，除了主菜，还可以任吃水果、沙律、甜品等等其他自助食品。周六、日价钱也是一样，所以中午人不少。下午一点半后是半价，性价比更高，但自助地区有限制。由于不想排队，就多花几十元吃正价餐。自助饮料的选择十分多，图片只是其中的四分之一。各式各样，连啤酒也包括在內。他们的套餐定食有很多选择，寿司、鱼生、牛肉锅等等，份量很足，再加上任吃的食物和饮料，性价比已经超越了很多食肆。吃完还可以另加10元要 Movenpick 雪糕，而且没有时间限制，绝对超值。

上網睇到有人講午餐半價，再加上有自助區好似好抵食， 但要半價就要1點30分後入座先可以有半價。 自助區有沙律，生果，小食，熱盤，飲品包一罐，甜品包一件。沙律配料有車厘茄，粟米粒等等……冷盤有凍螺肉，醃青瓜，泡菜……小食有炸薯角和章魚小丸子，薯角放得太耐已經淋曬，章魚小丸子就唔錯入面都算濕潤。熱食有咖哩魚蛋，蘿蔔牛腩，炒菜……糖水係中式木瓜雪耳糖水。甜品有朱古力蛋糕，芝士蛋糕，泡芙，tiramosu，木糠布甸。主食方面我就叫咗兩個$78的set lunch。 分別有刺身拼盤，雪花牛肉鍋及燒物拼盤。雪花牛肉鍋，偏甜，肉吾韌，整體一般。燒物拼盤，唔夠熱同分量偏小。刺身，算大件，但刺身質素冇其他大喜屋咁好。雖然食物質素一般，不過今餐以價錢取勝，重要過埋buffet 癮，真心抵食。

大喜屋其他餐廳都有此優惠 好似極尚都一樣有不過呢個優惠好似好小人知 我隊都唔駛排直入逢星期一至五 1:30pm - 3pm 為半價優惠時段主菜紙上剔 我揀左刺生拼盤+三文魚親子丼 （任選2款 $78）飲品一罐 - 選了Somersby Apple Cider甜品一件 - 選了 牛奶布甸沙律任食生果任食小食任食埋單連加一 $46埋單 真係平到難以置信 大喜屋食品質素一直新鮮穩定 路過不妨一試

星期六同朋友二人大約8點鐘到間鋪，無訂檯就咁walk-in 都有位，門口大約兩檯等消夜時段，好快入到鋪安排坐位，檯同檯之間其實比較窄，好容易撞到隔離檯，如果有食物更加要小心，落單用電話掃qr code，刺身選擇少，味道一般，壽司睇得出係人手整，壽司飯好實唔似大型連鎖店會散，反而天婦羅，燒牛舌，雞軟骨都唔錯，天婦羅唔會好厚粉，上檯都仲係熱，牛舌軟硬適中仲好入味，第一次食到日本放題熟食係比較好食，不過希望刺身可以有更多選擇

限聚令放寛至四人，屋企人食飯終於唔使分咁多檯。早鳥5:30-7:30，連加一$220抵食。自助區炸物不錯，但order野食款式不多，刺身質素普通，燒物炸物合格，壽司普普通通，以$220算合格咁啦。侍應勤快，可惜重點係上菜耐，平均有一半時間係用黎等野食。燒物炸物即燒即炸要耐都心甘情願，刺身第一轉order後等左二十分鐘，第二轉約十五分鐘，最離譜係第三轉，落單兩次之後 等左超過40分鐘都仲未見到盤刺身，最尾連單都埋完，叫侍應幫手追一追，叫我再落多次即做俾我。唔係得一檯係咁架，我一家分兩檯，兩檯都係咁。侍應有做野幫我追，但兩張檯都要落三次單之後先有刺身食，我不爽囉。食物質素普通但上菜慢亦有漏單。總括:無下次。

對上一次食覺得呢到D野幾新鮮，上菜速度都可接受，cp值好高。咁最近諗住黎食多次啦，當日已經唔算多人，我隊都唔洗排，直接walk in 入黎食，但當日上菜既速度真係好慢，平均20-30分鐘先上一次菜（我當日2個人食，order既野已經唔算多）。重點係d壽司刺身唔新鮮，海膽手卷有d怪味，紫菜已經淋晒，串燒、炸物都係凍既，叫我點食？因為以上問題，我已經心灰意冷，最後叫左個蟹粥充飢。（好彩係熱既，我都冇理到好唔好食，總之係熱既就OK了）總結黎講今次黎食既體驗相當差，係咁。

呢間野主打日本料理放題，真係好好食。朋友話呢間放題好好食咁試下，12點去食放題,已經有好多人排隊，自己一直都好鍾意食刺身同鰻魚，刺身真係好好食，又新鮮，而且鰻魚都好好食，起碼食左10幾舊，出面買條鰻魚係屋企食都要$80幾$90，依家任食真係好抵食，而且炒蘆筍都好好食，重有花膠鍋入面有兩舊花膠真係好抵食，而且銀雪魚都好好食，$195真係食到我好飽好開心，有機會一定會再黎幫襯，大家都一定要去試下，唔好猶豫

上網睇到有人講，仲要好抵食喎，再加上有自助野，我都唔執輸試試佢啦。FC左先，佢fb都真係有呢個promo喎👍凍櫃有例牌沙律菜同配料 - 粟米，車厘茄。。。另外係最行嘅中華沙律，凍螺肉，泡菜，醃青瓜，醃雲耳等等。泡菜好重口味，其他都ok嘅麵豉湯冇飲，不過都應該唔差嘅，始終係開麵豉醬姐炸物有薯角，咖喱角同鱆魚燒佢唔係比薯條而係薯角已經加分，不過咖喱角冇咖喱味真係。。。鱆魚燒非常唔錯，外脆內軟，入面都幾濕潤，有埋蛋黃醬就仲正，我食左應該有八粒熱食有蒜蓉粉絲豆腐，咖喱魚蛋，蘿白牛腩，炒菜同埋中式木瓜雪耳糖水。牛腩好正魚蛋正常，糖水女友話好好味主菜一款，我食黑蒜油叉燒拉麵，香味夠，黑蒜油超多，叉燒好食，淋滑差在拉麵過熟，超淋呢個時勢可能唔係咁好，不過咁平真係只有疫情期間。。。$69/ 2個人真係好難搵，老麥仲可以嘅，不過呢度係粗食又飽肚，再過埋Buffet癮，真係半年多冇食Buffet。。食物唔係話好高質，一般般啦，不過茶記下午茶價錢，食到多款食物都算係咁，至少附近食客唔係出街唔帶罩嘅老人家，我會話自我感覺良好

早個星期前已經要訂定枱📞，因爲呢間「樂天放題」真係好鬼多人，我同老公同埋我細佬三個人諗住辛苦工作💪咗成個星期，今日星期日就去食番餐好嘅！因爲之前（疫情及反收例前）都有去過好幾次，每次都一定好好食😋，諗住去呢間實無死，點知……唉😱！去到要攞佢哋個Apps📱落嚟，然後先可以自行點餐📝，當一打開個主頁就係刺身🍣9，以為有好多款（刺身）比你揀，點知都只係得四款供選擇，就連其他款式都係一樣，每款都只得4 - 6樣供你選擇，就連我最鍾意食嘅酥炸生蠔都冇左，同之前（疫情及反收例）前完全係兩回事，依家去食真係又貴又唔低食，所以我在此提一提準備去呢間食放題嘅朋友仔，若然期望同以前一樣有咁多嘢食嘅話，我覺得你最好放棄唔好去。這全都是我自己的想法。最後補充＃唔知會唔會因爲我哋係優惠時段去食《5：30 - 7：30》$230及加一服務費（照原價計），所以就特別少食物供選擇，如果係就更加激氣。

Book完枱去到話要派飛... 之後排隊咁我攞黎做咩？個職員仲要態度好差⋯⋯問多句好似攞佢命咁.... 其實都只係問兩句 唔明點解要咁差態度？我覺得就咁既服務態度 就可以唔食了

因為疫症去吾到日本🇯🇵，咁唯有係香港🇭🇰食放題止癮。好耐之前食過呢間樂天大喜屋放題，決定一試再戰。太耐無食已經轉左掃QR CODE 電子下單，比起用紙下單更環保♻️，而且介面方便易用，下單之後可以睇番自己下單記錄，確保有沒漏單。除左電子下單，還有自助區，提供多款小食，有章魚🐙小丸子、春卷炸物、仲有沙律🥗、中華沙律、八爪魚🐙等常見既日式小食。酒水方面仲有提供清酒🍶梅酒，飲到你樂而忘返。食放題最重點是食刺身，竟然有松葉蟹，可惜期望大，失望大， 一陣雪氣味。主攻甜蝦同虎蝦，食到本身鮮甜，不錯。吾知係味因為人多關係整吾切，SUSHI 🍣 飯暖暖地😐，搞到上面配料都暖，怪怪的🤨。最好食係😋流心爆漿貓山王榴槤波波，夠曬濃，成個口腔都係榴槤香😍臭死對面條友😂雪糕只限一人一杯，期間限定是哈根達斯蜜瓜味，不得了，好重MELON 🍈味，開心🥳總結：不過不失放題 不過質素感覺下降了由18:30食到20:30 加埋一都要HKD 261 一人同樣價錢可能有更好選擇

公司吃飯，客戶說想吃日式放題便在開飯找到這裡，一行人吃得滿足到不行，款式多之餘亦非常新鮮，刺身、天婦羅、各種料理應有盡有，特別出色的是三文魚及甜蝦刺身，仲有芝麻雞翼亦是不停重點，而且地點就腳及價錢合理。

去唔到日本🎌唯有去食放題頂頂引先第一次去食樂天大喜屋，這間長期多人排隊，幸好今天早來到，終於可以食到🙌～食物款式非常多，有多款冷盤、沙律、刺身、壽司、炸物、鍋物、拉麵、甜品、多款口味的果汁、韓國飲品和汽水～刺身方面都算新鮮，無咩雪藏味！希靈魚和帶子好鮮甜，而壽司最正是海膽壽司，海膽份量多勁濃海膽味而火灸壽司都好正，好香芝士味，燒得啱啱好。熟食放面，拉麵出奇地好食，湯底味道濃郁，麫底好淋，份量不會太多，非常值得一試整體價格合理，食物來的時間也算快，下次也會再來

同朋友係第一次食呢度，之前我地食個D放題係三佰幾，今次揾呢度食下二佰幾，原來都OK播，至少我地想食的都有，算係咁 ，重有係多野飲揀，反而食酒店自助餐無咩嘢飲揀!刺身我唔食，但朋友話剌身好正，都係厚切，口感好又新鮮。我地主打食壽司多，好多款都好食，最特別有波子壽司，細細粒一口一啖咁，黑松露油甘魚我波子壽司我最讚!呢間壽司功夫也很好，好似火炙池魚王，柚子胡椒䲞魚，汁煮冬菇鮑片，蒜香帆立貝呀，D食材配撘唔錯，好好味。手卷我覺得呢間D海膽幾正，食得過。料理類，呢度有XO醬牛柏頁和炒蜆惹味。重有係鮑汁花膠，D膠係普通貨，但扣到好腍勁好味，叫完又叫。D蒜片牛都好食架!自助區D食物都啱我胃口，有日式章魚丸，味道唔錯，咖喱魚蛋，好似重有關東煮，苦瓜煮魚同埋沙律Bar，都啱食的，自助區唔係話好大，叫有啦。串燒當晚出品好正，燒菠籮，鰻魚，雞翼，雞軟骨好正!甜品樣樣有D，那晚有焦糠燉蛋，好滑又好味，另外食埋牛奶公司雪條，紅豆和橙味，已經好鬼飽，食唔落了。

店外位置擺有很多前菜，小食，飲品，甜品自取，款式很多，琳琅滿目。飲品必飲一定是清酒梅酒，任飲才暢快。刺身款式多和新鮮，略嫌切得較薄，但赤蝦和甜蝦都很鮮甜爽口彈牙。海膽手卷的海膽份量太少，紫菜也淋了。最愛這裡的壽司款式很多，而飯粒卻很細，迷你的一口一啖，很滋味。天婦拿和串燒就不過不失，都是基本貨式。期間限定炸鹹蛋黃雞軟骨香口酥脆，讓人回味無窮。最後每人可選一盒貴價雪糕，真的很飽非常滿足，開心捧着肚子走。