樂園 (已搬遷) 新店位置

餐廳排行榜上見到有尖沙咀嘅上樓Cafe，我哋兩個人就去試吓。一入到門口就見到左手邊有好多啤牌同埋遊戲玩，果然係一間多元化嘅Cafe，最緊要係有我最鍾意玩嘅「UNO」，仲有「層層疊」，好好玩。除此之外，環境都好寬闊，座位舒適，成晚喺度食飯玩都唔錯架。每張枱都擺咗一樽糖喺度，口啖啖嘅時候可以攞一粒糖止下餓，開下胃。「廚師發板」當然唔少得叫兩個人頭嘅份量。當中「烈酒煮布冧」食落去口感林林地，醬汁有好濃郁嘅莓味道，幾開胃。「鹽水煮榮螺」係凍食，冇任何醬汁都非常新鮮，咬落去好爽口，正。「鵝肝多士脆口」口感味道一流，鵝肝咬落去有入口即溶嘅感覺，再配以香脆嘅多士一齊食，冇得頂。其他廚師發板嘅美食都同樣好好味。「安格斯肉眼扒」好香嘅牛肉味道，表面煎得好香脆，肉質爽口。「芝士雞翼」都好正。「我愛金莎」呢杯特飲好有名堂，係餐廳嘅推介飲品，味道非常濃郁，好重嘅金莎朱古力味道。只係＄800幾有找，真係物超所值。

樂園的擺碟很有心思，由餐飲、正餐至甜品都絲毫不馬虎。我們叫的豬仔骨和廚師發板也是要即叫即整，等候時間約30-45分鐘，可以邊和貓貓玩、玩卡牌遊戲，邊等候喔。🐷燒豬仔骨兩條豬仔骨，以薯角作伴菜，有BBQ醬及茄汁供選擇。廚師還用了粉紅色的士多啤梨醬和橙色的水蜜桃醬作裝飾，更有粒粒的士多啤梨、水蜜桃和秋葵喔，令深沉的菜色變得色彩繽紛。豬仔骨的面層加了BBQ醬烘焗，顏色頗深，味道足夠。無奈底層近骨的肉不夠入味，白茫茫一片。而且，豬仔骨偏瘦，加上烘得比較乾身，口感粗糙，有待改善喔🙁。👨🏻‍🍳廚師發板店員十分細心，上菜後為我們介紹食的先後次序，牛柳粒、虎蝦、帶子和鵝肝這些熱食要先吃，然後再吃其他冷盤，以及不同的食物應配不同的調味。例如牛柳粒配蒜片，布冧要沾上旁邊的汁吃。牛柳粒帶有少許肥肉，恰到好處，肉質彈牙不靭，和炸過的蒜片一起吃，味道惹味。鵝肝外脆內軟，面層煎至金黃色，吃下去很香口，入面嫩滑軟綿，唯鵝肝味不重。牛油檸檬汁煎帶子刺身，帶子很大，淡淡肉🤤，牛油檸檬汁不會搶了帶子的鮮味。虎蝦已剝殼，少少牛油令蝦煮得很可口，口感亦鮮甜。🍨怪獸雪糕消費滿$800送怪獸雪糕，很抵呢😍。怪獸雪糕很大很大，有多

今晚在尖沙咀收工，便係在附近行街順便食埋飯，見到有間以安格斯牛柳粒、蟹棒、鵝肝、虎蝦、帶子刺身.... 等等較出名菜式做餐牌，叫Happyland 樂園，自然入左去食野，看看有沒有像在樂園裡食野的感覺。來一個戀之花燒三文魚意粉，一上桌看出買相幾靚，即時拿手機拍照打卡先，燒三文魚厚身大片肉質結實，加左汁料的意粉滑滑再夾在燒三文魚中食，是食極不厭，份量剛剛好。額外加錢來一個帶子刺身，有3粒大帶子刺身，似海底剛拿出來煎的帶子，再配以沙津同沙津醬料同食，是好新潮的飲食法。又叫了飲品，很消閒地食完今晚的晚餐。店員介紹左有個5週年優惠菜式叫廚師發板，要2人起才做的餐單，我想起下次再來食時多一個選擇了，已開始想緊在聖誕節多一個聚會地點了。

聽朋友講在尖沙咀有間店叫樂園， 是日式加西餐，廚師推介的食物都會好好食，仲有2隻左右的可愛猫咪看，會比人生動溫暖的感覺。今天是我和亞爸亞媽來食飯，原來佢地都幾喜歡呢度的菜式,留下來食晚餐。店員推介5週年精選的廚師發板，燒3人份量給我們食，有香煎加拿大特大虎蝦夠肉厚蝦香，切開蝦肉慢慢食仲正。黑魚子鵝肝多士，先食魚子再切細鵝肝落口便能品出鵝肝香。牛油檸檬汁帶子刺身夠鮮嫩，刺身果然係有佢的優勢。再食烈酒煮布冧，布冧帶有酒的淺薄味，清一下喉嚨再食蒜片配香煎安格斯牛柳粒，燒出了安格斯的肉質鮮美。蟹棒是食出蟹味十足。冷盤是鹽水煮榮螺，是少鹽味的螺肉香口。和風雜菜沙津加少少醬是清新的蔬菜。見猫咪睡覺樣子好可愛，走去同佢拍照先。

今個星期收早，約左中學同學去尖沙咀睇戲，由於套戲要八點鐘先有得睇，所以朋友提議找間樓上cafe食下hea下先都得。上左openrice襟下附近有乜嘢好地方，俾我搵到間有貓貓嘅cafe，所以就決定同朋友上去試試。依間叫Happyland嘅樓上cafe，好易找，地鐵站一上黎就到，好方便。由於當時都未到放工時間，所以間cafe只有兩三檯客人。成間cafe以藍色為主題，最當眼嘅係一個將餐廳分開做兩個部分嘅白色大櫃。上面放滿好多俾一大班人玩嘅檯桌遊戲，不過最得意嘅係櫃嘅右下方有嚿灰色物體，開頭睇嘅時候真係唔知乜嘢黎，近睇先知原來係隻大肥貓黎，店員話依個係隻貓嘅專用床黎，佢大部分時間都係度似嚿石咁灘係度，間唔中先郁下果啲。另外見到有一隻白色貓，相反係成日係cafe入面走嚟走去，個對比又真係好大下。灰色果隻hea 到呢！哈！我同朋友一路睇住兩隻貓，一路hea住睇吓個餐牌有咩好嘢食。似乎依度都係主打開心share果種style，餐牌有好多share 嘅items。除咗有好多大大碟嘅小食拼盤外，有個二人set都好特別，個相show到好似一幅畫咁，店員都有介紹依個，話可以寫埋字都得，如果係拍拖人士或喜慶嘢

話說朋友中就意貓咪既。咁岩今日又出開尖沙咀做美容，緊係要跟佢去呢間到睇下啲貓貓係咪好似佢講咁正啦。我地兩個人就被安排坐左張四人枱，空間都闊落。餐廳有兩隻貓咪，有隻爛訓貓係我隔離張椅到訓足成餐飯，哈哈。同埋餐廳有個大層架係放滿左各式Board Game，早知叫多啲人黎一齊玩啦。成間餐廳比我既感覺係好樂也融融。其實餐廳有個廚師發板，大概係有虎蝦﹑帶子﹑三文魚﹑牛柳粒﹑黑魚子鵝肝多士之類，賣相幾吸引，重可以係板上面寫字，可惜有人唔食海鮮啦。咁我地就總共叫左兩個主菜同兩杯飲品。首先黎左兩杯飲品先，我嗰杯係焦糖朱古力，朱古力好濃，香香既焦糖味，上面蓋上左一層Cream。朋友困杯係拖肥朱古力，兩杯朱古力其實外面上睇落好似樣，哈哈。上菜既速度都算快，今日大家都好想食肉，所以叫左厚燒美國安斯肉眼扒同烤焗黑毛豬肋骨，所有食物到齊時先發現我地好似有啲誇張，因為兩大塊肉係枱面，哈哈。原先諗住叫啲小食，但原來兩碟主菜都有炸著角跟，所以我地就慳返啲錢，哈哈哈。厚燒美國安斯肉眼扒七成熟。肉既尺寸好大同好厚，肉汁多，肉質唔韌。至於烤焗黑毛豬肋骨呢，個肉量係大得驚人，肉汁都多，表層烤至香口，朋友十分喜歡。

去尖沙咀同friend食飯，帶左佢黎呢度，唔單止可以食飯，仲可以玩下board games, 玩下貓添。咁我地睇完餐牌就叫左個泡菜雞翼、黑椒汁牛柳粒炒飯同埋黑松露鵝肝意大利飯。2個人share黎食都實夠飽啦。泡菜雞翼即叫即炸，非常香口。$68有4隻釀雞翼，都幾抵食。雞翼外皮炸得好香脆，而肉質依然好滑好juicy，而泡菜係釀係雞翼入面，所以係無骨，啖啖肉傢。另外配左d沙律，中和番d油利感覺。而上次黎都係叫呢個黑松露鵝肝意大利飯，因為真係覺得好好食，鵝肝煎得好香，而黑松露份量剛剛好。意大利飯煮到個腍度適中，非常值得叫呢個飯。因為朋友中意食牛柳粒，所以就叫左呢個飯，牛柳粒份量非常多，而且好有肉味，好好食。加埋2個人平均$200左右，好抵食。

這天朋友說請我到「樂園」吃生日飯，我初聽到時已心想：「咁開心？快樂園？」就是懷著這樣的好奇心上去⋯一進去發現雖然它比我想像中的小巧玲瓏，但「麻雀雖小，五臟俱全」，除了座位舒適，還有很多不同種類的棋牌遊戲提供，絕對不怕「悶親」😉😁由於「廚師發板」製作需時較長，朋友一坐下就替我落單，然後我們再點了一個「芝士焗有機大傘菇」和兩杯特色飲品「頂肚」😜「芝士焗有機大傘菇」一來，我就被它可愛趣怪的造型逗笑了😆 兩顆大大的傘菇變成了一對「大眼睛」，真佩服廚師的創意和手藝👍🏻😂 當我切開傘菇時，面層的芝士可以拉成長長的絲😳 而且香味撲鼻，傘菇又大又肥美，吃下去也是多汁味鮮，絕對是「好睇又好食」！👍🏻😋兩杯「彩虹特飲」都非常獨特，我的「藍」是藍天柚子特調，我要先將枝試管般的藍色飲料倒入杯中，使其變成湛藍色飲品，感覺好像回到中學做實驗般，好玩又好飲😜 朋友的「橙」是芒果熱情果青檸特調，配上杯中的鮮果粒，酸甜可口👍🏻😋最後我們期待已久的「廚師發板」終於來了，它真的名不虛傳，美如一幅藝術畫作😍差點不捨得下口，但服務員非常貼心地逐一介紹，並建議吃的先後順序，於是我們便狠心地吃了下去⋯「牛油檸檬汁煎帶子」是原隻大大

樂園嘅感覺十分親切，出面嘅牆畫至店內嘅裝修都好有家嘅感覺。入面有兩隻好得意、好友善嘅貓貓陪我地食飯，仲有提供桌上遊戲可以比成班朋友放鬆一下。 今次食咗一個安格斯肉眼七成熟同埋一個黑松露鵝肝意大利飯。餐牌上面仲有好多好吸引嘅甜品，可惜食唔哂，最後都冇叫。 黑松露鵝肝意大利飯好香，個碟上仲有好靚嘅裝飾，好細心。食落個汁係幾有味，口感軟熟，唯一有點兒失望係冇用到較硬身嘅意大利飯，扣小小分。 鵝肝要讚，煎得香脆又大塊，入口即溶！ 肉眼方面，好有肉汁、熟度啱啱好，用簡簡單單鹽煎。薯角係好食嘅，食落外面脆內裡軟綿綿又唔會係中間得空氣。整體而言，樂園真係一個樂園，的確係一個同朋友聚會嘅好餐廳。

今日去左尖沙咀樂園，見到主角之一的貓咪，肥嘟嘟好可愛，望住貓咪坐隔離陪我食飯，感覺好幸福。牛柳粒飯配黑椒汁，牛柳入口即溶，唔會難咬同唔會黏牙，有質素的牛柳粒提升這道菜的價值。忌廉意粉盡顯心意，餐廳將*smile*寫係碟上邊，希望每位顧客都帶着歡笑離開，意粉味道濃郁，外觀亦吸引。吉列蠔、餃子同芝士焗青口係我地叫左嘅三個小食，各有千秋，當中我最喜歡芝士焗青口，因為有濃厚的芝士香味，趁熱食更加美味。重點廚師推介，兩人美食，話就話二人份量，睇落去已經霸佔左成張枱，當中有虎蝦、帶子、煙三文魚、鵝肝、牛柳粒，仲可以選擇文字加插當中，表達心中所想，建議情侶亦可以考慮，可憑食物加上文字寄意，倍添氣氛。美食當前當然唔少得飲品，喜歡香濃朱古力飲品的朋友可以一試。如果覺得食飽想飲啖茶，建議飲用花茶，清香之餘又味道特別，感覺非常清新。

上次時間關係，不成事。今次 "zip" 到少少時間飲柸嘢。多謝店內負責人♡要了 ”我愛金莎” ，等待期間有客人按鈴。這店長馬上出現招呼客人：坐多一會飲品到。與網上照片一樣，味道亦和心目中的沙冰無異。啜着看著。。門后鈴又響起。另一店長出現了！好勤力啊~店長們十分自由，四處活動。若有潔癖或忌 c a t 者，這樂園非你族類。Bye~p.s. 空閒間，多照幾張相:

有兩隻可愛貓貓!!同朋友6－7個聚會，有小朋友既野食唔錯，d side都幾好食，但就等得耐小小，不過滿$800送左好大好大個雪糕比我地，影埋polariod相～食都食唔晒，同埋係有幾台，但都好靜，幾好！

今日約左朋友食Dinner, OpenRice 見到呢間都幾多笑哈哈，所以就揀左呢間dinner , 貪d cafe唔會趕人走haha！8點幾去到食飯時間過左陣，都坐左大約一半滿既人，isquare 一上過對面就係幾方便睇睇下餐牌，發現佢原來已經開左5年！佢地有個廚師發板係5週年優惠，本身見到168/人，但佢話2個人都係夾埋$168，跟住我同我朋友諗都唔諗就叫左個試下！賣相好有心思，而且料都豐富！有三文魚、蝦、沙律、鵝肝、牛柳粒、扇貝等，每樣味道同質素唔錯，食個時佢建議我地食左熱既牛柳粒同扇貝先。另外佢可以寫字！如果慶祝生日個d一流，而我同朋友簡簡單單寫個Happy Day就夠😁另外都叫左個帆立貝Risotto，3隻都好大食而且都幾creamy，份量正常，擺設都幾有心思，而佢飯粒分明同偏硬，所以食個時睇下岩唔岩自己口味，我就ok！而佢既野飲好大杯👍🏼款式都多，其中我就試左彩虹系列入面青色個個，下次可以試其他！總括黎講，環境、質素各樣都唔錯，而且佢都有broadgame個d，都幾適合一班人黎

前幾日同班舊同學聚會，想當年我地中學嘅時候好鐘意上樓上cafe玩，於是就搵到呢個地點就腳嘅地方嚟個gathering，位置係尖沙咀isquare對面，幾易搵嘅。呢度最低消費係每人一份小食或者一杯嘢飲，而價錢親民又無限時，所以同朋友玩得好盡興。同埋提提大家嚟之前要book定枱，因為眼見呢間cafe都幾旺，而我地book咗枱就等十五分鐘左右入得。嚟到呢間cafe第一感覺就係老闆好用心、親力親為裝飾間舖，牆面貼咗啲幾童趣嘅貼紙，而傢俬就營造到家嘅感覺，同朋友玩得幾舒適、放鬆。黑松露香煎鵝肝意大利飯 ($178) 黑松露份量頗多，食落成碟飯都係滿滿嘅黑松露味，相當享受。鵝肝夠厚身肥大，煎得口感綿密、入口即溶，個飯配合返香港人口味，比較軟身易入口，整體嚟講呢個飯食落有high class嘅感覺。烤焗西班牙黑毛豬肋骨配薯角 ($208) 唔會焗得過火，烤得幾香。怪獸雪糕 ($198) 材料包括綠茶、紅豆、益力多、朱古力、芒果、棉花糖、百力枝、波板糖等，總共係有九種材料，豐富到數都數唔晒。跟餐可以加$15配$48嘅嘢飲，有啲水果紅綠茶揀。

週二晚上行完街之後，就係附近揾食。是日到訪嘅cafe -樂園Happyland 開業於一簇新嘅商廈，主要提供西式食品，定價都合乎一般cafe價位。環境方面，裝潢有少少兒童樂園嘅感覺。窗簾係藍色天空、白色枱配花花凳、牆上仲掛左啲相，有少少屋企feel~ 餐廳有兩隻貓咪，肥嘟嘟，中意貓嘅你，一定要探下佢地。Cafe係長方形間格。當日係星期二，無乜客人，所以我地被安排坐窗邊位。 Cafe亦有推出優惠，例如：泰式燒春雞（$139)、廚師發板($168一位)，幾抵食。今次我地兩個人就叫左一份肉眼扒加鵝肝同一份虎蝦蕃茄意粉。食物方面，肉眼扒肉質鮮嫩，唔會太硬，幾林，上台時熱辣辣，好有牛味。本人本身唔好鵝肝，點知一試難忘。鵝肝外脆內軟，值得一讚，好好食。虎蝦蕃茄意粉，隻虎蝦分開左兩半，切左心形，有啲心思，都幾大隻。所有食物上枱時都用配料切得幾靚靚，又會用茄汁同芥末畫裝飾好似一幅圖畫咁，確實係色香味俱全。下次如果re-u 或者gathering都可以再同班friend 去多次，因為嗰到有好多board game玩。