樂園 (已搬遷) 新店位置

之前喺open rice 見過樂園的怪獸雪糕非常吸引, 知道小朋友實超like，所以趁我家二小姐嘅3歲生日🎂來試下。一入到嚟小朋友就見到一排過嘅波板糖，非常興奮。趁d嘢食未嚟，佢哋就去同貓貓😺玩，又拎d board game玩下。之後杯我愛金莎嚟咗，大囡話杯嘢比佢想像中高好多呀！影相後，佢兩個就不停一匙接一匙咁食。接住就到蕃茄湯，好濃好好味，但我唔記得咗影相呀。之後就到煙三文魚花之戀忌廉意粉，煙三文魚份量好多仲卷到成朵花🌹咁好靚，亦都好好味。之後就到醬燒豬仔骨，份量大之餘，亦好入味，薯角好脆口青口有好濃芝士汁，而帆立貝就有淡淡的牛油香味。仲有肉眼扒同炸蠔，肉眼扒不太厚，但外層煎到有d脆脆地，好有油香，肉質又淋。而炸蠔亦好香脆，有水準。食到咁上下，店員熄咗燈，捧住萬眾期待嘅怪獸雪糕🍨出場，之後唱生日歌。兩個小朋友見到嘩聲四起，因為怪獸雪糕真係好大好大，好吸引呀！之後妹妹同家姐一啖雪糕一啖波板糖咁食，好忙碌呀。今餐大人小朋友都食得好滿足呀！今日生日嘅妹妹仲話今日好開心㖭呀！！😄

已經是第二次過來了 曾經說過很喜歡呢度好有家既感覺估唔到第二次上來仲有驚喜今次我既禮物係呢個情人節拼盤好有心思 好靚 而且d食材都算高質208蚊一位都算抵食有鵝肝 帶子 大蝦等等既食材帶子大粒有咬口有少少牛油香味牛柳粒 旁邊有牛肉汁同蒜片做伴碟滋味可口最中意既係呢個大蝦大隻之餘仲好彈牙話佢啖啖肉都不為過最後加多個芝士無骨雞翼 添上泰式辣醬甜甜酸酸咁 都頗為可口雞翼依然保留多汁同嫩滑既質感同口味 希望水準可以一直保持下去兩個塔咁高既飲品係餐牌上面店長推介既曲奇大王同我愛金莎咁高既朱古力沙冰都係第一次見店員態度非常友善同親切 不但幫我同男朋友影相 而且主動為我地推介主打菜式上菜速度並不慢呢間係一間好具特色既餐廳 衷心希望佢能夠保持食物同服務既水準帶更多既開心俾每一個人

樂園是一間好像親子餐廳！入到去有點像家的感覺，感覺親切！一邊是有玩具&圖書的，是給小朋友玩耍的！店裹還有兩隻貓貓，好可愛喔 ！喜愛貓咪的我，見到都覺得開心但有一隻掛住訓覺一隻就周圍坐，行來行去！不怕陌生人太可愛我愛金莎，是杯很邪惡的飲野，因為它是一杯超大型的朱古力沙冰，非常足料曲奇大王，Oreo沙冰，沙冰高高的，絕下嗇色，但今日太凍飲唔落，但都好好飲！戀之花煙三文魚意粉，意粉上的是砌成玫瑰花🌹的煙三文魚，質感嫩滑，略帶鹹香又鮮的味道讓意粉的味道更豐富整體十分吸引厚燒美國安格斯肉眼扒，賣相唔錯，用上半成熟的火候去香烤，令牛肉嫩滑而入口，肉身更有粉嫩的感覺，極為吸引！

看完評語才去，比想像中好很多！二人廚房發板+1碟意大利飯+每人一杯飲品，超飽慶祝生日而去，預早訂了餐，讓店裏寫字，188一位。評語說質素普通，我覺得牛柳粒讓人驚豔，鵝干多士一般，帶子也很棒！外熟內生的！外加意大利飯，仲以為會好hea，奶油加飯就當係金莎莎冰都正！好大杯，其實兩個人share都得略略貴，但職員服務好影相靚，客人唔算多，楚得舒服，仲有貓星人(>^ω^<)加分！預訂時，要入300作訂金。但沒提要帶收據到現場，好在有帶

諗緊點樣同朋友慶祝生日既時候就即刻諗起之前去樂園食過之後返尋味就決定再上樂園同朋友celebrate birthday無見一排樂園既meow都肥左好多依然都係好得意咁跳黎跳去見到都覺得好治療！一上到去同朋友都好似餓鬼咁結果樂園好sweet咁竟然每一個table都放左堆糖係度俾人食！即刻解除左我地飢餓既心情！！今次上黎結果有新既menu 有一個set係有好多唔同類型既食物係上面牛柳粒 帶子 燒大蝦 三文魚 等等見到佢咁靚struggle左一陣最後因為見到佢有鵝肝多士就毫不猶豫咁order左！因為上次去樂園order左個個鵝肝意大利飯真係念念不忘！！！size大都唔再講成件事係入口即溶諗起都覺得係令人感動既味道果然佢呢一個一上台既時候 真係有種「天呀我叫左呢碟野真係最岩既決定」同朋友不停打卡都不再話下樂園既waitress亦係上碟既時候好細心咁教我地應該食左邊一樣野先 邊一樣應該點邊個sauce邊一樣應該之後先食會品嘗到更好既味道！ 服務依然都係好貼心！要值得一讚再讚瘋狂讚既係佢既鵝肝多士真係好crazy同朋友每人一舊完全唔會話唔捨得要慢慢食而係因為佢好大舊所以即使大啖大啖咬都唔會心痛而係

之前已經黎過呢間cafe，完全系念念不忘，今日終於約到好中意貓貓嘅朋友出黎，即刻同佢黎呢間cafe到食！我地黎到時，勁多人，好彩之前book左位，唔洗驚冇位。因為呢間鋪好受歡迎，成日勁多人，爆曬位架！我地揀左醬爆雞翼、香煎牛柳粒飯配黑椒汁同吞拿魚pizza。而飲品就揀左彩虹特飲的青即係青蘋果荔枝乳酸特調同埋我係曲奇大王即oreo雪冰。醬爆雞翼嘅雞翼係炸左嘅，外皮超香脆，入面嘅肉質好滑嫩，勁高質。再點埋酸酸甜甜加少少辣味嘅醬汁，好match。隔離仲有沙律，驚太肥膩可以食反啖。 D沙律好fresh。香煎牛柳粒飯配黑椒汁嘅椒汁勁香勁濃郁，我覺得牛肉配黑椒汁係perfect match架！牛柳唔會好韌，好入味，啖啖都流左d黑椒汁出黎，好juicy阿！飯係用珍珠米，好香好有咬口！隔離又係有沙律，好多料啊！吞拿魚pizza好多cheese阿！ pizza除左有吞拿魚外，仲有黑松露醬同埋少量蕃茄粒，好多料。餅底完全無硬，邊位脆脆地，多重口感，正啊！黑松露味好香，其實都落得幾多黑松露醬下，好鍾意黑松露嘅香味同口感。呢個pizza好邪惡啊haha！青蘋果荔枝乳酸特調整得好出色！飲落青蘋果同荔枝味好鮮明，

早上十時上班，大師姐 message 我說找到一間不錯的餐廳，因為那裡有我們都很喜歡的小動物，貓星人！問要不要晚上過去吃晚飯，那還用說？這晚下班後，工作上思考的壓力令人真的很疲憊，長期的疲勞轟炸真的想要喝一杯甜甜的凍飲來舒緩一下，由其是朱古力這類的飲品！原來這家樂園就在尖沙咀 I Square 附近，地方就腳很容易就找到！坐下來看到了可愛的小貓咪，眼仔精靈的超得意！拿著餐單在看著，這裡有不少特色的美食，正打算跟師姐說想好了吃什麼，這個時候就送上一份特別的禮物 - 樂園的廚師發板！ 原來這是師姐為我準備的，不知不覺間開始寫食評已經兩個月！她說這是小小的心意希望讓我可以繼續做想做的事，很感激！一直都很想從另一個角度把吃過及遇到的東西用特別的方法表達，想要成為一個抽象派的食家，看到大大的寫著我的名字 Frederick Moomin，確實有點感動。------------------------------◎ 廚師發板 - $188/位這個廚師發板是懶思考人的恩物，由廚師來發板準備的九款美味，擺位夠心思，連醬汁都別具特色。香煎加拿大特大虎蝦、黑魚子鵝肝多士、牛油檸檬汁煎帶子...愈邪惡愈喜歡

話說表妹喺澳洲返咗嚟，話要約我出去食飯。因為有排傾，梗係要搵個地方靜靜地又可享受美食上openrice睇到呢間cafe好似好正咁，於是我哋就上嚟試吓上到嚟有隻貓貓出來迎接我哋😽幾得意，牆上有彩虹🌈，俾人一種開心嘅感覺廚房出面仲有好多不同顏色嘅波板糖🍭🍭櫃上有好多唔同種類嘅board games，好適合同一大班朋友上嚟玩三款小食我哋其中一款係芝士雞翼嚟到嘅時候真係香噴噴，熱辣辣一定係啱啱煮起，食落仲好好味添好鍾意個傘菇🍄，真係好大隻上面嘅芝士好邪惡，勁多汁值得推介。扇貝都唔錯，夠鮮味食肉獸嘅表妹最鍾意就係叫豬肋骨當然我自己都喜歡。好好味好juicyPortion 也算大，個汁好配合加埋剛剛炸起嘅薯角真係超正飲品方面雖然兩杯嘅顏色係一樣，但係左邊嘅係熱情果茶，而右邊嘅係蜜桃茶，甜度剛剛好兩個人食咗＄535，價錢可以接受。總結：冇諗過食物咁出色，環境唔錯好適合一班朋友上嚟享受美食，同時亦可以玩下遊戲會帶朋友來，下次會想試吓佢嘅怪獸雪糕😈😈

之前來樂園顧著跟貓咪玩，吃了甚麼也不太記得了XD所以難得有時間就來坐坐，這次來到人很多，不過沒有很吵，比上次安靜。貓貓今次都躲著，沒有互動~不過貓就是這樣傲嬌的生物呀~點了廚師發板，超超超大一份，而且非常精美，用來拍照非常一流~~~!!!還可以寫字~用來慶祝生日的時候，可以寫HAPPY BIRTHDAY~先看看內容，好豐富~!!!有牛油檸檬汁煎帶子刺身，帶子煎得剛好，保存到鮮嫩的口感。鹽水煮榮螺，冷盤開胃小食。蟹棒及和風雜菜沙律，清新感。香煎加拿大特大虎蝦，大大隻。黑魚子鵝肝多士，好味，不過超小的，一口吃完。蒜片配香煎安格斯牛柳粒，肉香味十足，嫩口。戀之花煙三文魚，大大一片，影相加分位。烈酒煮布冧，甜品，酸甜混合。一開始以為這樣的份量不會太多，吃起來不會太飽，所以打算點選怪獸雪糕2.0， 幸好沒有點選，因為單是這個廚師發板已經非常飽了!!不過缺少了澱粉質，總覺得哪裏怪怪的，所以還是多點了一客黑松露香煎鵝肝意大利飯~這家店的鵝肝真的是煎得非常適中!!香脆的表面，配合入口即化的內涵，鵝肝的油香在口中溶化，感覺真的太美妙!飲品是青蘋果紅茶和蜜桃紅茶，兩杯都很好喝~~~這間真的是閑坐的好地方~

放工就帶家人黎樂園食，因為睇食評都覺得應該唔錯，所以點都要黎一試。一黎就見到隻貓貓坐左係其中一張台上，好似係黎歡迎d客人黎咁。咁坐低之後睇下餐牌，都幾多野揀傢咼，但見到個廚師發板好似幾吸引，就叫左。另外呢，就叫左個黑松露帶子意大利飯。咁個廚師發板送上黎，都幾大碟，而且賣相已經好吸引，我地都即刻係咁影相。職員都好好，主動幫我地同呢件藝術品影相。咁個廚師發板又有冷盤，又有熱食。職員就叫我地先食左d熱食先，例如牛柳粒、蝦，最後先食煙三文魚、螺肉等。牛柳粒份量多，味道都不錯。鵝肝多士都幾多件，鵝肝味道好濃好好食。帶子煮得剛剛好。黑松露帶子意大利飯未食都已經聞到好香，食落好creamy，同埋帶子都煮得好好食好香。食完想再叫多碟。

見到好多一家大細啊，每台都洋溢住溫馨快樂的笑聲😄好多人都嗌左個招牌怪獸雪糕，真係好大份，合照影相一流呀！仲有小貓咪好多唔同嘅遊戲可以玩，又有書可以俾你消磨時間慢慢睇，真心覺得唔錯！而且服務無得彈!!店員每一道菜都好用心介紹，又提醒我哋乜野要趁熱食，每樣食材都仔細講解，解釋得好清楚呢！十分有耐性呢😌厚燒美國安格斯肉眼扒。$218一上台都幾驚訝，因為比想像中大份，叫左7成熟，岩岩好，仲有微微嫩紅，但口感一流，連怕生既媽媽都話接受到，要趁熱食啊！廚師發板。$188可以寫字架，黎慶祝節日就最好了🙂靚到唔捨得食，我地不停影相好似幅畫咁呀！真係賞心悅目😌熱食有～牛油檸檬汁煎帶子好香牛油味，帶子嫩滑，表面煎得好香口！加拿大虎蝦彈牙，肉質滑滑的！魚子鵝肝多士細細件唔會太油膩！蒜片煎安格斯牛柳粒一定要趁熱食，肉質才夠嫩，好正，粒狀易入口！凍盤有～鹽水煮榮螺 爽口鮮美三文魚、蟹棒 鮮甜美味雜菜沙律、青瓜、粟米仔、蕃茄仔等菜蔬可減低全餐油脂，幾清新！有3款醬汁可沾點布冧汁草莓 好開胃十分match

聽朋友介紹左好耐，尖沙咀有間優質cafe，環境舒適、服務優、食物質素仲唔錯，於是今晚同個舊朋友聚舊黎試吓～！一入到黎已經有一種warm既感覺，眼見枱上仲有一樽糖仔，好細心啊，岩曬慢慢坐慢慢傾計食😆我哋睇咗陣就嗌左兩樣主食，因為聽講呢度嘅嘢食都幾大份架！醬燒豬仔骨。$228賣相精緻，色彩繽紛，豬仔骨兩大份入味，好濃郁BBQ醬味，肉質嫩，而且好易咬，唔會食得好狼狽👍🏻所有菜式都好有心思，可見廚師嘅用心+$38餐湯+熱情果茶番茄湯非常濃厚好喝，每一啖都充滿茄香，好細緻！冰凍的熱情果茶好解渴，甜味適中，淡淡熱情果香味的夢幻雪糕球。$40嗌左芒果雪糕作結，甜味適中，芒果味清香，食埋甜品好滿足啊，下次要試下意粉

平時想去樓上CAFE都只識去旺角，朋友唔講我都唔知尖沙咀都有～於是我地就一齊去試下喇～一出LIFT門就見到大大幅壁畫，感覺好似回到幼稚園咁，其實幾親切，小朋友見到一定開心。明明唔係貓CAFE, 竟然有隻貓跳來跳去!佢會企埋上張枱度架, 完全唔驚人, 好可愛廚師發板（兩位起）$188/每位，特價$188/兩位半價wor, 唔試點得?仲可以幫我地寫埋字-牛油檸檬汁煎帶子刺身調味好正，香牛油味得來又唔遮住帶子鮮味。-香煎加拿大特大虎蝦兩隻蝦砌到成個心形咁-蒜片配香煎安格斯牛柳粒牛柳粒勁香口呀！我同朋友搶住來食-黑魚子鵝肝多士鵝肝多士烤得好脆，一口一件好滋味。-烈酒煮布冧布冧經烈酒煮過之後好淋身，甜甜地，口感唔錯-鹽水煮榮螺（冷盤）完全唔腥！-戀之花煙三文魚-蟹棒-和風雜菜沙律加$15可配價值$48飲品一杯，但我地都想揀特別Ｄ既飲品，所以補返差價：榛子朱古力 $58（跟餐+$25）香濃的朱各力飲品，加左Ｄ彩色朱古力碎好靚呀！橙（芒果熱情果青檸特調）$68（跟餐+$35）呢款係彩虹特飲，有７隻色可以揀，我揀呢個橙色（唔係橙味）。熱帶水果酸酸甜甜，飲落好解渴。香草牛油焗特大帆立貝三隻$98霎眼睇好

男友生日食咩好其實好煩，通常成日話是但既其實最煩，問佢咩都話唔好，跟著話你揸主意話說個幾星期前已經打去樂園訂位，打去既時候話再覆實我，等左3日都無覆我，我又搵到間想去咪改咯，點知男友生日果日下午就打黎話有位我自己揸主意叫“廚師發板” 其實係用食砌畫，我諗個個客人幫襯都差唔多，係睇你寫咩字，有海鮮/牛肉/沙律，都唔錯，188蚊位低唔低見人見智啦，即係盤野300幾蚊加埋一成400幾，不過真係好靚好呃like, 野食ok，好好味唔講得，食材新鮮，問男友叫其他佢話唔叫，見到隔離枱叫咩都好大份咁，即時好驚，因為點鍾意雪榚兩個人無可能食到杯“怪獸雪榚”如果鍾意貓貓，呢度有2隻貓迎賓，長毛係女仔抱得摸得，男仔可以摸，但唔太抱得

已經唔知第幾次上去樂園食嘢，由前幾年同成大班朋友去燒嘢食，到而家小貓一兩隻去食下飯Hea下，仍然覺得呢個地方好舒服，店員同貓貓都好親切。白貓依然喺櫈上面瞓死咗😆咦醒啦喎，然後1秒又訓番😹一坐低，店員就介紹咗呢個廚師發板，雖然之前食過一次，但聽佢介紹又想再encore👍🏻 今次比起上次有進步，最大分別係牛柳粒，上次食仲有少少韌，今次好唸阿！完全無筋，有進步！All time favourite 👉🏻 紅酒布冧， 每次都覺得唔夠食, 但又好鍾意食，布冧好重紅酒味, 又香又甜是日餐湯係蕃茄湯，成碗湯入面材料都打碎左, 好多蕃茄蓉好creamy, 仲有餅乾條浸湯食食完發板唔夠飽(冬天大食左😿)，叫多左個鵝肝risotto，大大舊鵝肝加上creamy的黑松露意大利飯, 汁好濃但係又唔膩,食晒成個都唔會好滯👍🏻食完野又口渴, 叫多左杯芒果綠茶，比想像中好飲好多！味道一啲都唔淡，既有芒果味又有綠茶味，又香又Fresh