樂園 (已搬遷) 新店位置

為了慶祝特別日子專程來這餐廳食這款特式的晚餐：廚師發板: 賣相同擺設都好精美,色彩豐富,食物多元化，有牛柳粒、鮮蝦、元貝、蟹柳、鵝肝多士、三文魚，仲有少量菜蔬如：青瓜、粟米仔、蕃茄仔等，生果都有甜酒布冧。冇諗過可以用食材擺到咁精美，客人鍾意寫什麼字也可以自己發板，叫廚師幫你寫。當然啦，來到餐廳食飯，最重要都係啲食物好唔好食，牛柳粒我個人覺得都好淋，有牛肉味，海鮮類好似鮮蝦、帆立貝、三文魚都幾新鮮，不過我最鍾意嘅都係鵝肝多士，鵝肝囗感軟綿、多士香脆，配搭好有層次。另外，亦叫咗一個三色小食拼盤，有明太子泡菜釀雞翼、日式雞軟骨肉棒餃子，同香草牛油焗帆立貝。雞翼釀了泡菜吃起來有些辣辣地，加上外面香脆，很好食；雞軟骨餃子是第一次食，沒想過雞軟骨用來做餃子可以是那麼好食，咬落脆卜卜，口感好特別，煙煙靱靱的，好正；焗帆立貝更不用說了，二個字「鮮甜」以足以形容了。餐廳還有一項推廣，是怪獸雪糕，份量很大，買相也非常吸引，可惜已吃不下，唯有等下次了。

最喜歡去樂園嘅原因，係因為可以叫好多嘢食，一班人一齊食！今日同幾個朋友一齊嚟到樂園，估唔到晚上嘅時候原來係最旺場，全場爆滿。我最喜歡係牆上面嘅字句，全部都好有意思，同埋佢嘅吊燈都睇得出係用心思打造設計。一入到去，突然之間識晒燈，原來隔離枱慶祝生日，好好氣氛，佢哋叫咗個陣店之寶—怪獸雪糕，淨係用黎影相都夠吸引呀。我哋叫咗一個意粉同一個意大利飯，意粉有我最鍾意食嘅虎蝦同埋三色椒，好入味，麵條的顏色紅紅燈燈，醬料酸酸甜甜的，好吸引，而且麵身剛剛好，不會太硬不會太軟，全都很可口。義大利飯Risotto有我最鍾意食嘅鵝肝，煮嘅火候好夠，油香滲出來，好滿足。配上黑松露同忌廉嘅意大利飯，成件事用嘅食材都好貴，在呢d餐廳食到好野實屬難得。成間Cafe仲充滿着貓，令人愛不釋手，我會為咗啲貓再嚟過！

樂園已經黎咗好多次，今日同三位同事放咗工之後一齊去食飯。我朋友入到黎就比隻波斯貓吸引著，係咁同佢玩係咁同佢玩，真係太可愛了。我哋太肚餓叫咗好多嘢食，但係最重要都係野飲，叫咗個Oreo曲奇特飲。我就揀咗花茶，以薰衣草為主嘅味道好香呢！叫咗嘅嘢飲好快都到咗，職員仲好細心提點我哋，花茶最好焗多一陣先好飲。陣陣嘅香氣走進鼻腔中，好舒服。另外既肉眼扒真係好正，我哋叫咗七成熟，味道真係進步左唔少，有好多根腱嘅位其實都幾好食，不過就有啲肥膩，我啲同事要減肥呢，我就幫佢哋清晒啦，一共有兩個醬一個用黎點肉，一個茄汁點薯角，薯角好熱，差點燙到口。最後我哋喺度每人玩桌上遊戲，真係好過癮，玩到唔捨得走！

記得好耐之前有一排好興貓貓cafe，但好驚貓既我一直都好抗拒。但無奈身邊好友太多都強烈要求要去見可愛既貓貓，唯有捨命陪君子。位於樓上店的樂園，一入餐廳就聞到好大陣貓味，可能未必人人接受到。Wow~~原來樂園有入圍過甘多得獎食店架！牆上有手繪既畫，好有幼稚園既感覺。餐廳內有開放式廚房，有好多唔同造型既軟糖。空間雖然唔算大，但係位都多，好岩一大班朋友黎。拿拿拿，除左桌遊之外重有貓比你玩架。但係之前睇相時都見到有好幾隻貓，但係今次只係見到一隻，好肥好可愛呀。但係我都係睇下就算啦。------------------------------點餐時間~~~~~~~------------------------------芒果茶(左)&柑桔檸檬茶(右)跟餐15蚊，但睇左一陣發現野飲都幾貴下。芒果茶好香芒果味，飲落完全唔似糖水味，而且茶一啲都唔澀，好清新。熱飲睇落好似得好少，但其實都唔少。飲落好滋潤，而且唔會太甜，配茶都幾搭。黑松露香煎鵝肝意大利飯($188)因為好耐無食鵝肝所以就點左鵝肝意大利飯，一上枱咩都唔理住，見到個碟就心心眼了。用左南瓜蓉同紅菜頭兩隻色彩鮮豔既顏色黎伴碟，而且飯量好多，差不

一個頗即慶的聚會，友人選了這間樓上Cafe，沒有book枱，幸好只等了大概15分鐘便有位了。------------------------------店員提醒九點半last order。點了黑松露鮮菇意大利飯，加$15可配餐牌上$48的飲品。黑松露鮮菇意大利飯 $168店員送上飯後，驟眼一看飯的份量挺少的。香葉下有大概一茶匙份量的黑松露醬，飯內有幾片鮮菇和洋蔥粒。未把黑松露醬拌勻到飯前先嘗一口飯，吃不出黑松露的味道，飯糊在一起，沒有口感嚼勁可言。黑松露醬的味道偏淡，把醬拌勻到飯後也不太吃到黑松露的香味。吃到一半已不太想吃，有種不知道在吃什麼的感覺。兩隻貓貓，可能是天氣冷的關係，都在櫈上睡覺，所以也不擾貓清夢了。只是在臨走前摸了摸白色的貓貓，很嗲很可愛，大概讓吃了這頓不太滿意的晚餐的我稍得慰藉。------------------------------店員很nice，連加一服務費。餐牌上的食物價錢都偏貴。我想這個價錢即使在尖沙咀也會有更多更好的選擇。

一班朋友上咗樓上cafe玩，尖沙咀站行三分鐘左右就到，都幾方便。上到去就有一對好嗲嘅黑白貓嚟迎接我地，一啲都唔驚人，朋友同貓貓都玩得好開心，氣氛好好。戀之花煙三文魚意粉 ($148) 隻碟唧咗"smile"字樣，而且擺碟幾靚，好有心思。個汁底係白汁配三色椒幾濃郁夠味，煙三文魚個量夠送晒成個意粉有餘，食得好滿足。厚燒美國安格斯肉眼扒 ($208) 塊扒好厚，肉質腍身，係用厚燒嘅方法整，我平時食開七成熟而今次叫咗五成熟感覺剛剛好。

係尖沙咀想搵間靜靜地既cafe好有點難度唔似得旺角，基本上每座商業大廈都有一兩間cafe係度朋友搵左一陣就黎到樂園!!!!好彩唔係太多人book左位一入去見到一個櫃既board game，睇黎真係可以同朋友慢慢玩下吹下水之後見到睡著左既肥貓，非常可愛仲有一隻白色的，兩隻都好乖好聽話同朋友都有點餓，點左野食先呢度既野同平時cafe既都大同小異，唯獨有d大份少少，可以一班人share另外飲品比較特別簡簡單單點左一份煙三文魚意粉，店員會因應客人需要，可以幫我地寫上唔同既字做裝飾相機先食，有一個靚賣相是必須的，smile意粉軟硬適中，而且比較幼身，但又未去到天使麵咁幼，加上香濃既忌廉汁，非常好味煙三文魚帶咸，可以中和下油膩感，而且無筋，唔錯!之後點左一隻燒春雞同朋友share食，雞係正常份量既雞，係超市買到既冰鮮雞一樣size有沙嗲醬同茄醬做調味，但應該係點薯角用既! 但我都有用黎點雞薯角炸得夠香軟，非常好食! 而燒春雞燒得好juicy，而且有適當調味，雖然某d位置味道唔係好夠，但總體黎講質數都非常好

今天到樓上cafe食飯，cafe有兩隻貓咪，非常適合我這個愛貓之友，一於致電book位。到樂園門口，看到彩色的牆，整個感覺好色彩繽紛，Café環境不錯，個老闆服務好好，坐既位都好舒服。店鋪走溫馨田園風，碎花，同蕾絲枱布，同埋牆身痴左d貓貓貼紙。好溫馨好有家既感覺，少女風格。旁邊的櫃很多card game board game...適合一大班朋友仔玩....叫咗杯我愛金莎幾令不過唔小心跌咗金莎，味道甜甜地唔錯嘅..好香濃嘅朱古力味道。之後叫咗個芝士焗生蠔，煱得啱啱好，配埋啲芝士食一流。個人覺得泰式燒雞必叫，份量十足原隻燒雞，沙律菜、薯角、檸檬伴碟。雞肉外皮烤得微脆，內裡保留了肉汁，雞肉嫩滑，香草味出。老闆話即叫即燒！所以要耐小小時間，最鍾意佢嘅泰式辣醬！影相一流阿l！三種燒雞醬汁！煙腩蛋黃忌廉汁扁意粉，呢個呢外貌真係一流呀，好creamy啊喲，份量都幾多架，夠3個人食架，幾好食。餐廳氣氛、食物和服務員質素都很高，我們有機會還要再來！😻😍

去到坐低問有無水，侍應就回應話唔提供水，只賣支裝水$25一支牆壁就貼住話，為支持環保，只賣支裝水。下，關環保咩事risotto$178一碟，唔包野飲。真心都幾貴。打算如果好味，都不妨試下。點知個碟就鬼死咁大，d飯就咁小。有無搞錯。比差唔多$200去食幾淡飯？環境方面，其實坐得都幾緊迫。打算上樓上cafe坐，係唔會趕人，可以慢慢坐低傾計，同埋玩下board games。但係佢地d boardgames得個幾款，根本唔好玩。去過好多樓上cafe，真心有更多更好既選擇。其他cafe份量大d，d野食更好味，多d boardgames，坐得又舒服d。真係好後悔去左呢度浪費左幾百蚊

聖誕就到啦！我哋成班小學同學當年出嚟聚會一下交換禮物啦～呢一間餐廳十分方便易搵到，入到去嘅環境好舒服裝修好歐陸風格，都幾啱我口味！見到一櫃都係小遊戲...有象棋啊大富翁同埋一啲好特別嘅成班玩嘅啤牌同Game完全係可以喺度打躉打足成個晚上或者晏晝嚟嘅時候都可以Hea一Hea佢哋嘅枱多數都係預咗一大班人坐所以好少有二人座位，地方不大但五臟俱全如果鍾意貓嘅朋友呢一間咖啡店都有一兩隻貓咪坐陣，啱晒鍾意貓迷嘅朋友

見到係得獎食店，所以一試，經openrice訂枱，然後職員會WhatsApp 叫我落$300訂金，先至可以真正訂到枱，否則會被取消。入到店內，感覺有點像家庭式餐廳，裝修環境非常簡單，傢俬款式好普通，好彩有得意貓貓可以令客人轉移視線，氣氛還可以。芝士流心旦，用煙肉包住做成批邊，內有芝士同流心旦，好味，法蘭克福腸、伴沙律食嘅芝麻醬同茄汁係現成製成品，沒有特別，沙律菜同薯角都係基本食物，價值$168，感覺有點不值。黑松露鵝肝意大利飯，有黑松露一定香，鵝肝煎得不夠香脆，意大利飯的煮法比較港式稔身，味道濃而偏鹹，沒有正常意大飯的咬口，不值$198。總結，食物味道合格，可能地區租貴，店內環境同食物真的不值這價錢，如果每樣食物大約$100～$120，我都會再去，另外，沒有免費水，要飲水就要俾$25買一枝細嘅法國礦泉水，要加餐湯飲品，最少要加$68，所以加加埋埋，平均一個人要$300，真係唔值。

位置細，油煙大，龍蝦湯差勁👎🏻難飲，味道奇怪，雪藏蝦，唔新鮮，沙律超普通，幾隻凍蝦配兩塊生菜，分量小，三文魚三文治不知所謂，塊麵包硬到死，伏伏伏，絕無下次！

已已經好耐冇去過Cafe 食飯架喇 都隔左成年左右到 今日約左好朋友黎到呢到食飯 最主要個環境都好靚 仲會有貓 愛貓既朋友可以黎呢到都唔錯選擇 叫左個卡邦尼意粉 都幾好食 汁同意粉唔會太潔

今日同男友慶祝五百日紀念，見到呢個「樂園」個名好似幾好咁，又係西餐，於是就揀左佢。一上到去環境真係唔錯，周圍白雪雪仲有個櫃放左好多board game比人玩，同埋有啲位瞓左幾隻貓喺度勁得意。啲貓任摸唔嬲好乖。男友鍾意食牛扒，於是我地就嗌左個厚燒美國安格斯肉眼扒，黎到已經香噴噴，燒得好靚，切落去見到紅紅地既肉質已經流哂口水，有得點茄汁同芥末醬，底下仲有粗薯條，抵食!之後點左個黑松露香煎鵝肝意大利飯，好香黑松露味，一黎到我地就試左舊鵝肝先，入口即溶同埋充滿油香，而啲飯就好creamy好rich，成口都係黑松露味，超好食。最後我地每人各自嗌左杯蜜桃紅茶同青蘋果菜，我地交換左試，都係好重果香，消濟解渴，最後同貓貓影下相玩下card game，完滿慶祝我地既500紀念。

樂園就是讓人快樂的地方，而尖沙咀這個樂園也帶給了我快樂這裡讓我感到溫馨，花花椅子好漂亮這個樂園有兩隻喵喵總是帶給人歡樂的，像是這裡的明星不過牠們都好貪睡廚師發板，女孩子會很喜歡吧Main course都好吸引，有香腸拼盤、肉眼扒、意大利飯、意粉等等可選，還有餐廳特別推介的香港首創流心芝士蛋。配合樂園主題的彩虹特飲。好漂亮又精緻的食物畫，右下角的朱古力字是自選的，我希望世界和平，所以讓廚師寫下Love&Peace食物畫的「內容」好豐富，牛油檸檬汁煎帶子刺身，帶子和牛油很合拍，帶子外層煎得香香的，內裡則是嫩滑刺身；大大隻香煎加拿大特大虎蝦；黑魚子鵝肝多士，鵝肝厚厚的冷盤的鹽水煮榮螺；蒜片配香煎安格斯牛柳粒，蒜片好香脆，牛柳粒也煎得很香；大大片戀之花煙三文魚；大大條蟹棒；和風雜菜沙律；烈酒煮布冧留待最後吃可減低油膩感啖啖意大利飯都有濃郁的黑松露味道帶子刺身煎得很香Mega size的雪糕杯出埸那刻簡直嚇到了我九大球雪糕都是不同味道的，另外有一大枝波板糖和棉花糖，底層還有不少夾心餅。如果有朋友生日的話，點這個怪獸雪糕作飯後甜品兼Birthday Cake的話都不錯呢，又有睇頭，份量更是豐富！樂