樂園 (已搬遷) 新店位置

樂園嘅感覺十分親切，出面嘅牆畫至店內嘅裝修都好有家嘅感覺。入面有兩隻好得意、好友善嘅貓貓陪我地食飯，仲有提供桌上遊戲可以比成班朋友放鬆一下。 今次食咗一個安格斯肉眼七成熟同埋一個黑松露鵝肝意大利飯。餐牌上面仲有好多好吸引嘅甜品，可惜食唔哂，最後都冇叫。 黑松露鵝肝意大利飯好香，個碟上仲有好靚嘅裝飾，好細心。食落個汁係幾有味，口感軟熟，唯一有點兒失望係冇用到較硬身嘅意大利飯，扣小小分。 鵝肝要讚，煎得香脆又大塊，入口即溶！ 肉眼方面，好有肉汁、熟度啱啱好，用簡簡單單鹽煎。薯角係好食嘅，食落外面脆內裡軟綿綿又唔會係中間得空氣。整體而言，樂園真係一個樂園，的確係一個同朋友聚會嘅好餐廳。