榮式燒雞扒

营业中

休息中

前日番工既午餐 同事介紹食去食雞扒 話好好味就跟埋去喇行左勁耐先到 食飯時間都無左幾個字 跟住仲要等.. 好多人呢好在同事醒目羅左飛先 咁就等多一陣就有得食 入到去緊係第一時間order雞扒飯 旦原來仲有好多選擇..同事就order豬頸肉烏冬因為有唔少人 所以環境都有d逼 同嘈雜 周不時聽唔到同事講咩等左5-10分鐘就有野食喇 好肚餓 wa 塊雞扒真係ok的 好多汁 塊皮超正! 一定要食埋仲有d雜菜拌碟 鼓油low飯 唔駛dry食白飯 口味都幾豐富! 而且份量好夠同事個個就無試過喇 不過佢都話幾好味! 旦下次要再試下其他豬扒個d

今天下午茶 專登行去灣仔尾, 近金鐘, 試另一間榮式雞扒, 就在上次那間的隔離條街, 實不知他們的歷史上分別, 不過這樣還好, 知更少, 可以更客觀評價其食物素質.這間的座位與地方均比另一間大與寬, 座下同樣叫 “雞扒併藕餅飯”, 雞扒剛煎好, 夠熱, 味道比另一間略淡, 更合我之口味, 肉質差不多, 兩間都不算軟熟, 當然因為是雪雞關係 (這樣的價錢, 不可能新鮮雞, 大家都明白, 而且這樣的烹法, 也不必用新鮮雞) 肉都是偏實的, 無論如何, 都是吃過其他之中的最好味的, 夾硬要挑剔的話也可以, 相比於隔離街的那一間, 有一少部份的雞皮(真的十分少)還未算煎得夠脆, 但未能証明只是一次意外, 還是普遍現象.藕併方式, 隔離街的明顯略勝, 這間的藕餅, 放在眼前, 一望便知, 肯定不是煎的, 是炸的, 沒有煎過的痕跡, 只有類似炸過的平均顏色, 但話說回頭, 味道則兩間差不多, 唯這間的藕餅材料切得比較粗粒, 而隔離街的則比教細, 所以咬落的口感略有不同, 各有高低啦!, 但無論如何, 煎的與炸的確有少許差別, 煎的有脆燶口感而炸所缺的.飯面豉油方面, 不論是口感或軟硬或味道度皆平分

還記得幾個月前，也曾來灣仔幫襯過「榮式燒雞扒」，不過上次幫襯的是晏頓街的總店，今次幫襯的則是蘭杜街的分店。從店內那個自稱「榮式雞扒稱霸」的牌匾中，可知道這間分店是由榮記老闆的次子打骰的分店，其實自己這次幫襯也不知道這分店的招牌雞扒是否有水準，幸好在吃過之後發覺還算不錯。來到「榮記」，其他東西可以不叫，但招牌雞扒怎能不叫。兩個人不約而同要了「榮式燒雞扒飯」做晚餐，見餐牌中介紹「夏日救冰」有買一送一優惠，原價$26一杯的特飲變相只是$13一杯，於是分別叫了「水蜜桃梳打」和「檸檬乳酪梳打」做飲品。這裡的燒雞扒因為是即叫即燒的關係，所以等候的時間的確是比較長的，從落單到熱騰騰的雞扒飯送來，都要超過10分鐘時間，不過在吃過之後，自己覺得仍是值得等待的。這「榮式燒雞扒飯」的雞扒有兩件之多，雞皮香脆，雞肉也不粗嚡，不錯。伴菜也味道可口，起著錦上添花的作用。尤堪讚賞的是這雞扒飯的白飯熱氣騰騰的，不像不少食肆的白飯般在上桌的時候已經變得冷冰冰，值得一讚。至於兩杯飲品，「檸檬乳酪梳打」味道較佳，不過益力多乳酪味稍重，把檸檬味幾乎全部掩蓋，飲不出多少檸檬的味道。「水蜜桃梳打」略嫌酸了點，不及「檸檬乳酪梳打」

時不時都會去幫襯下榮式, 不過佢既雞扒越黎越薄... 配料亦越黎越少... 以前鰻魚飯多好多鰻魚, 而家就少左好多... 味道係 keep 到, 不過就真係唔多抵食, 計埋野飲分分鐘一個要五六十蚊先埋到單, 呢個價錢可以有好多選擇... 再說佢 d 位真係好迫, service 亦係麻麻, 五六十蚊食一餐水都唔會比一杯, 紙巾都冇一張... 希望佢地可以改善一下

相約好友飲野前食晚飯，選擇了在附近的榮式燒雞扒。之前已來過兩次，感覺佢地的食物質素不是很穩定。以我唔放棄嘅態度，今次再試多次！可能因為還是很早，所以不是很多人，即時有位。看看餐牌，見到佢地有幾款唔同味梳打買一送一，諗住跟餐一齊叫。點知落單時，呀姐話冇得跟餐，加錢都唔得，但係我地叫嘅食物又一定有野飲送。。。即時嘅感覺係佢地非常冇彈性，但係我地又唔想浪費，所以叫呀姐唔駛比送嗰杯飲品我地，最後友人要了湯就算。湯: 胡椒豬肚湯 - 友人話好味道，夠足料，黑椒味夠濃。食物: 雞扒撈丁 - 撈撈下發現出前一丁好黏。。。唔夠爽，可能冇過冷河，好失望。燒雞扒就普普通通，表層係脆的，但係肉質頗乾。 雞扒炒蛋飯 - 友人第一次光顧，都有D期待，點知食物送上嘅時候，覺得好唔妥，成碟都係油。。。食慾已減去一半。記得上一次食佢地嘅炒蛋，蛋炒至半生熟，好滑，但係今次太熟重要食到成口油。。。雞扒就和我嗰塊差唔多，普普通通。飲品: 水蜜桃梳打 - 幾好飲，杯底好似有D果味啫喱，唔錯。今次真係覺得唔好食，友人的飯食剩一半。。。我諗我都係時候放棄。希望下次可以帶友人去食D好D嘅補數啦。

有好多時經過都見到唔小人係度食, 於是今日十一點半多d就走入去試下, 冇咁多人以為會好d, 點知.....唉.......叫左一個招牌雞扒飯, 等左大約十分鐘左右, 當雞扒到達的時候, 睇見個賣相已心知不妙, 雞扒有兩塊.....但感覺就好似一塊炸乾左既紙皮疊住另一塊半炸乾既紙皮, 沒有一絲碳燒味......只是夾帶住令人窒息既"油益味"..........在無可奈何之下......只好夾起其中一塊"雞扒"咬落去.....果然夠紙皮, 完全感覺唔到自己係食緊雞扒/肉類.....只係覺得食緊個d全熟既炸油渣, 一口足矣....... 之後真係食唔到......放棄成碟飯, 唉, 諗住飲返杯凍檸茶浪一浪個胃, 點知......那淡而無味的"飲品", 反而增加剛才的油益味...... 真係冇辮法, 呢餐只係食左一啖炸紙皮飲左一啖不知名而混濁既"飲品", 真係無語問蒼天.....

第一次到榮式燒雞扒食飯,是因為同事們的極力推介,雖然我們於金鐘工作,但也步行到灣仔晏頓街8號地下那裡食lunch,現在這間榮式燒雞扒已開了多間分店,唔知每間分店是否都能維持一定的水準呢?今晚無人陪我食飯,突然好想食藕餅燒雞扒雙拼飯,於是乎放工後,就去咗榮式燒雞扒另一分店-灣仔蘭杜街2號麗都大廈7號地舖.藕餅燒雞扒雙拼飯加例湯都只是HKD45藕餅和雞扒仍然都是即叫即做,所以非常熱辣辣,燒雞扒保持皮脆肉嫩,藕餅亦保持香脆爽口例湯是胡椒豬肚湯,味道OK啦!其實這裡最好食的仍然只有藕餅及燒雞扒

突然想食雞扒，去試吓。食物：-雞扒藕餅飯：雞扒很juicy，很入味，無煎燶，如果切開埋仲好；藕餅很脆，香口，無煎燶；有翠玉瓜和椰菜於餸的底部，份量都幾多，菜都入味和很“林”；有葱蓉和榨菜粒配料，我無食，唔知道凍檸蜜少冰少甜：味道普通。通常一般食肆都要加錢，但此店沒有，好服務：-於外賣袋上釘上食物單（參閱相片5），避免做成取錯的情形，十分好

5月1日, 成日經過北角分店都好想試… 今日趁五一勞動假期就去灣仔試下! 哈哈~ 好好彩咁啱有人走唔洗等位!::: 榮式燒雞扒撈檬 ::: $35估唔到雞扒竟然有得拼撈檬! 我呢個撈檬精梗係第一時間要order啦~ 不過做開港式野嘅榮式, 踩過界做越南野就真係爭d. 個檬粉有d硬同黐埋一舊舊, d配料都怪怪地, 有d熟椰菜蘿蔔絲, 有d蔥又有d薑茸菜甫咁… 撈埋個帶酸嘅檬汁, 感覺實在太唔越南! 不過好在佢2大塊燒雞扒都幾好味, 個皮燒得香脆無油, 肉質都頗嫩~ 美中不足係雞味其實已經好夠, 但唔明點解佢仲要落咁多黑椒去調味, 會搶晒d雞味嘛…::: 雞同鴨講 ::: $48先黎個雪耳黃瓜湯, 黃瓜煲到溶溶地, 又幾清甜, 加上雪耳又幾多, 唔錯~ 所以都幾期待個飯~名真係改得好, 但係水準又真係幾參差…鴨胸只係十分普通, 同雞扒真係有一段距離… 而豉油撈飯又真係馬虎咗d, 雞扒咁濃味搶走晒豉油嘅味道, 所以好似只係食緊濕飯咁, 椰菜蘿蔔絲就更覺冇味… 點搞, 完全係只食到雞扒味, 嚴格黎講, 只係黑椒味…奶茶no good! 茶味太澀又無奶味… 總括黎講, 榮式燒雞扒真係好味! 但其

好久之前Ah So介紹過,話呢度D雞扒点正法...上星期行過灣仔專登走去試,唉! Ah So又累人了!唔好講食物住,D招呼真係差,仲要個老板娘的說話真係百思莫解,話說果日係週末3:00pm,間舖得小貓三四隻,諗住走入去試下D下午茶,見到有雞扒包 連餐飲都要$27,都唔平,不過見間舖貼滿明星照,諗吓可能真係好正喎,order la!老板娘話今天冇下午茶供應,睇真D餐牌真係寫住只供應一至五又啱既!正當我地看餐牌其它選擇,老板娘忽然話:「本來今天冇下午茶架,不過如果你地想吃我可以造比你地...不過今天的下午茶餐係唔包餐飲架....你要飲嘢要另外散叫!」佢忽然咁講我O哂嘴,咁即係話下午茶個雞扒包要$27,另叫嘢飲要$12,咁下午茶 total咪要$３９元,仲乸利過食正餐?????真係百思莫解!唯有叫正餐,Ah四的榮式燒雞扒拼雞翼配豉油撈意粉 $38,首先講最簡單的豉油意粉--豉油溝水咁,弄到D意粉發水冇味,唉!連過豉油汁都無heart做!我的榮式燒雞扒拼烤豬頸肉配豉油撈意粉 $38---首先是豬頸肉一陣蘇味撲埋嚟,口感似白烚多於烤焗,佢都算整得難吃!諗住雞扒係招牌應該好D,点知塊雞扒表面相當油

原本諗住去食西餐LUNCH, 點知摸門釘~ 於是和友人隨意地到了這間有名的雞扒店. 一坐下就見到某位政客(之前還在見他在城市XX節目出現), 有點期待.坐的位置不太闊, 見四圍佈置的都很"榮式", 其商標及威名舉目皆是, 感到很混亂, 再望餐MENU又很多雜項, 就點了個雞扒UDON, 而友人則點招牌飯. 等的期間有的客人坐裡面的行出行入, 令人不安~ 加上見到待者端上的"餐", 賣相真的很不好看, 瞄一眼看以為是給別人食過少許的一碟疑似UDON的物体. 反觀友人的招牌飯就正常多了. 在食的時候, 不明為什麼只有招牌雞做得有心機又好食? 難道要突出主角? 可惜哩.

琴日 lunch 同一班同事仔去左食 ~同事仔話食過唔錯, 我又一直未試過, 一於試試... 哇!!! 超.......多人耶~ 等等等, 等左好耐好耐 (半粒鐘左右啦..)終於都有位啦...好趕呀, 好趕呀, 落單先： 豬頸肉雞扒飯 藕餅雞扒飯 跟 餐湯 (白菜仔)食感係： 豬頸肉雞扒飯 - 飯...唔好食, 太硬了!! 豬頸肉麻麻, 肉質同味道都唔多好, 至於雞扒...的確唔錯! 不過呢.....好油呀...成個碟底滿晒.....油!! 藕餅雞扒飯 - 藕餅又幾好食喎, 唔錯唔錯, 讚!! 至於雞扒同飯就.....同上啦~ 餐湯 (白菜仔) - 噢, 好喊!! 就算唔係味精水都扣分啦...嗯, 唔係唔好食, 但係....應該又不至於咁多人食囉....水準不算高....比一般的好少少啦~

以前因為在金鐘上班的關系所以有機會試一下大名鼎鼎的榮式燒雞扒後來改去旺角上班 所以跟榮式雞扒分手了到現在又回去金鐘上學的關系我們又重逢了久別兩年 第一眼看到店鋪環境我以為我去錯了其他分店但原來店鋪重新裝修了以前的店鋪環境我覺得可以用超級狹窄 不夠光猛 和地方不算太整潔來形容而且店員的服務態度我覺得很普通的這次回去 除了店鋪變得整潔光猛外店員的服務還不錯 不過也可能是因為我光顧的時段不算繁忙時間 (晚上6點)看一看餐牌 好像沒太大的改變甚麼跟紅頂白、燒藕餅等等招牌菜還是有的不過我看到一個套餐是 榮式燒雞扒 配 稻庭鮮烏冬 + 凍熱啡茶 ($38)就決定試試這個烏冬吧朋友就點了 茄子榮式燒雞扒飯 配蜜蜂蘆薈蜜 ($40)點完餐以後抬頭一看有一塊牌匾寫著榮式雞扒稱霸是我以前沒注意到這塊牌匾嗎 0.0等了一陣子以後 我們點的東西都來了先說說 榮式燒雞扒 配 稻庭鮮烏冬我不確定是我太久沒來還是份量真的變小了雞扒好像變薄了 雖然很juicy 也很好吃 也有很重的燒烤味道但味道好像有點鹹 另外稻庭鮮烏冬 是讓我失望的因為不算彈牙 我覺得只是比一般烏冬幼身感

一連幾天都要在金鐘吃午餐，今天便跟同事來這裡吃"碟頭飯"。點了雞扒煎蓮藕餅飯。雞扒燒得很惹味，又很嫰滑。雖明知是雪蔵雞，但沒有吃到雪味。煎蓮藕餅內有些蓮藕粒，一粒粒的，口感不錯。雖說是煎的，但吃起來似油炸，有少吘油膩的感覺。雞飯確是值得一讚，會為它的雞扒再來的。

其實一到農曆年前後,對酒樓的抗拒指數便會突然飈升!數不清這幾天內早午晚餐去了多少趟.這天同事的午飯又是選擇了去酒樓...於是一到午飯時間,便找個藉口溜了出去,獨個去吃個快靚正的碟頭飯更好!雞藕天成----即是雞扒拼蓮藕餅,一件雞扒兩件藕餅加炒椰菜!這家煎雞扒的功夫確是自成一格,總之每次來吃到的雞扒都是煎得雞皮夠脆而蓮藕餅又夠熱!還有那咸咸的炸菜絲及葱油確是非常好用來送飯.一碟飯內有肉有菜有汁有伴菜無骨又夠熱這絕對是碟頭飯的最高標準.雖然服務的態度有很大的改善空間,但照午市長長的輪候人龍來看這對生意影響不大.