榮式燒雞扒

营业中

休息中

與好友吃晚飯,碰巧6.4大球場大塞車,轉往灣仔方便一點.本想回味很久沒吃過的indian curry.路過發現榮式在蘭杜街的新店,好友沒有試過,在我的推介下帶他試新嘢.晚市餐牌帶點改動,菜式少了點而且有"晚餐".晚餐的定義是價錢較貴.如招牌的"雞藕天成",午市$38連飲品,晚市卻要$46連飲品+例湯,$8一碗湯,是否貴了點?!例湯是冬瓜紅蘿蔔煲豬骨湯,但湯裡面不見冬瓜,只有蘿蔔,冬菇,味道也可以,不算老火,亦應該沒有味精.雞藕天成-燒雞扒,即叫即製,理應熱辣辣,但這日的我很不幸,雞扒不算熱,連飯亦不熱.雞扒的味道還是很不錯,有點日式照燒的感覺,雞肉嫩滑,亦很juicy,難怪成為招牌菜.蓮藕餅,咬落粒粒蓮藕,十分爽脆,最喜歡伴碟的醃菜,少辣再玩蔥粒,送飯最襯.由於豬頸肉賣完,另一份點了五香肉丁茄子拼雞扒飯,五香肉丁茄子另上,其實有點似魚香茄子,又一送飯佳品.這店約9點便last order,地方比銅鑼灣店大,亦不會一身油煙味.但論舒服程度,還是北角的好,地方大,亦很晚才關門.

從友儕得知，這間原本位於北角英皇道的食肆很出名，除那邊的居民熱捧外，更加得到阿蘇的「欽點」，一登龍門，升價十倍，據聞這一間，已是第三間分店了。叫了一個套餐，有例湯和凍飲外、更有其稱為「雞藕天成」的碟頭飯。字面拆解下，即是烤雞扒一塊，另加上藕餅兩件；例湯雖只是普通的紅蘿蔔薯仔煲豬骨，勝在老火而沒有味精。主角燒雞扒還算大塊，翻開底部一看，確是經過坑燒的處理，趁熱吃其皮還算香脆，不過其肉較乾，也欠了鮮味，估計用的只是普通的雪雞扒再醃過，至於藕餅，雖然也大件，肉和蝦膠較多，蓮藕肉則少得不合比例。另有少許蔥油作調味，伴在飯底隔離，最好的話，還是另用碟仔備上。承惠$46元，也不算平，始終是特式東西，也不算太難吃，但印象不深，知道還有多款醬汁配搭，但再試的機會不大了。

昨天經過先知原來榮式有分店, 所以今天來試試, 我係故意等到2:30才來的, 估不到都仲有好多人wor. 我叫了佳藕天成(1塊雞排及2塊大藕餅).雞排是長長的, 有一浸燒過既香味, 不太肥.味道ok啦.當我以為, 雞才是好食既時候,原來大大塊既藕餅仲好食wor, 不過一定要加埋side dishes既荵荵一起食, 好似加埋荵花無甘濟 食物是ok的, 不過好希望老闆會棄用依家既木快子及膠spoon. 佢甘多客人, 一日都會製造好多垃圾.真係好唔環保. 希望如果有人同老闆熟都同佢講下啦.

從只有灣仔晏頓街一檔, 到加路連山道分店. 阿榮哥已經可以一變四, 北角, 灣仔, 銅鑼灣. 都可以嚐到榮哥既魔力. 灣仔新分店, 應該可以舒緩下總店的人龍吧. 結果呢, 是一個反效果, 因為多了一間鋪, 變相人龍倍增. 新店舊店一樣咁多人. 排隊時間, 不減反增. 黎搵阿榮哥, 不食雞扒食什麼, 一個招牌的雞藕天成, 另一個雞扒豬頸肉. 入到黎, 人人叫雞. 這裡的雞扒, 皮脆香口, 雞肉不肥. 有點薑蔥, 有點豉油撈一撈飯. 非常之香口. 藕餅, 咬落爽爽淋淋. 榮哥出品, 永遠都有水準.新店, 地方淺窄了, 但坐得較舊店舒服. 始終是新, 點都係靚d既.黎過榮式三次, 一次銅鑼灣, 一次晏頓街, 一次蘭杜街, 次次都有榮哥在場. 我笑道, 榮哥, 去親邊間分店都見到你既. 唔通你識分身術....榮哥笑答, 我都想分身呀, 我而家做到訓低就似...

為免常常在家附近食會悶(老公說 : 其實是老婆怕悶), 昨晚放工想試食新嘢. 便提議去灣仔食這間坑紋燒雞總店試試, 就這樣便拎老公仔去了. 揀總店是因為怕分店不好吃, 破壞印象以後不再去. 看了有趣的notice牌仔後 (……好食唔好周圍講, 唔好食就唔准講…..), 我們各要了2個晚餐, 都各有中湯及餐飲:1. 是炸蓮藕餅雞扒飯, 飯像是食燒味飯咁樣, 有甜豉油, 葱油, 多了酸菜. 雞扒有一大塊(手掌長度x1.5), 及2塊手板大的蓮藕餅. 雞扒juicy又滑滑, 就咁食都夠味, 蓮藕餅, 老公說像肉餅, 都幾好食. 哇, 老公讚他不愛食的 ”肉餅” 呀~~~2. 是燒雞扒意粉配咖喱薯仔汁. 有2大塊燒雞扒, 但老公還是愛沒汁的, 因為不會弄到它淋左….(我都知了, 老公愛脆炸嘢嘛). 至於個汁, 可以再咖喱一點, 及再辣一點. 整體2碟都很大碟.中湯是冬瓜咸蛋冬菇紅蘿蔔湯, 很夠味, 很有住家feel, good呢.凍奶茶, 老公說它很有茶味, 就算這杯重了奶味, 仍很好喝.老公曰: 個湯好飲, 雞皮燒得脆, 肉又唔老, 幾ok.咁即係好唔錯喇, 佢好少讚架!老公

未去之前已聽聞呢間D雞扒好正. 襯假日唔使等位就入去試試!一入去打開份menu，嘩嘩! $37一碟雞扒飯! 姑且試試!榮式雞扒飯到!一碟飯，有兩塊大雞扒，望落唔錯! 碟飯D配菜都look seems OK!就睇睇值唔值$37先!一咬開塊雞扒，果然與眾不同!皮脆肉嫩！估唔到用特製坑紋板烤是與眾不同!37蚊食個Lunch又幾貴，不過食完果份滿足感又真係不錯！如果用呢個價錢可送多杯飲品，咁就更加滿足！！

今晚同fuck fuck打完squash, 可能太攰既關係, 胃口唔太大, 但fuck fuck講過會陪我試下呢間好多人幫襯而且佢都話好味既"榮式燒雞扒", 所以就算唔餓都要一試.我地叫左個HK$46 (咖哩薯仔+燒雞扒2塊+白飯伴菜+例湯+飲品) 既set同一個HK$32既煎蓮藕餅+米線伴菜share, total都係HK$78, 好抵呀!咖哩薯仔: d薯仔夠"林"同入味燒雞扒: 因為烤既關係所以唔太油, 味道岩岩好唔會太大雞味, 塊扒仲幾長tim煎蓮藕餅: 少少油膩但可以接受, 味道好好

蘭杜街呢幾間餐廳不嬲都多人，但係呢間真係可怕，連店門口都望唔到，所以就揀左呢間。果然係以雞扒聞名，成間鋪的飯都係雞扒配呢樣，雞扒配果樣，我就叫左個雞扒配滷豆腐飯，豆腐唔錯喎，雖然鹹左少少，但係好入味，亦好香，配菜的菜圃定炸菜又辣又開胃，送飯既汁有少少甜甜地，都好開胃。講左咁耐，主角既雞扒呢﹖嘿嘿，個皮雖然脆，但係醃得唔夠入味，最大鑊係有雪味囉，雖然唔算好勁，但係以一家咁出名既鋪頭，又真係幾估唔到會係咁既水平，定係果次失準呢﹖好讚成樓下位食家所言，今時今日重係全店都係即棄餐具，實在好唔環保下，請人返黎洗杯刀叉唔係好貴嘛﹖

是日晚餐, order 如下:雞藕天成 - 雞扒燒得唔錯, 塊皮脆, 唔乾, 個汁都好味; 藕餅加入碎雞肉造成, 脆脆又有嚼勁, 唔錯! 可惜凍凍凍~ 令美味程度大大減低!! 由落單到上菜不消 5 分鐘, 好明顯唔係即叫即做!!!跟餐中湯 - 係蕃茄薯仔蘿蔔湯, 都唔錯!overall,雞扒係幾好食大碟! 仲包湯同野飲!員工幾 nice, 會主動 provide 多個碗仔放凍左扣晒分!會再試, 希望熱上可以試到好味 d.

這一間榮式燒雞扒是隔離街膳食小廚的分店，裝修光鮮了，營業時間長了，一望招牌就知道吃什麼。是次叫了榮式雞扒藕餅飯和熱奶茶，由於是第一次食，和其他店沒有對比。榮式其實是什麼式？把雞扒壓平煎，食落雞皮帶脆，裏面肉汁盈盈，甜甜的醬油，雞扒肉質較軟，所以連刀叉都沒有也可以；藕餅彈牙，但我覺得藕粒太少，只像吃普通肉餅。分量已經頗大，味道亦濃，還要配上蔥油、菜圃和甜醬油，全部撈飯之寶，當然開胃，不過想起也覺得不健康。奶茶竟用膠杯上，茶味不足。多肉多汁味濃，東西大路實易討人歡心，分店這麼快已開了幾間也是值得的，不過全店餐具用完即棄實在不環保，希望規模大了以后可以改善啦。

一直聽聞呢間鋪d雞扒好好食，今日終於試左啦。不過只係覺得一般(因為我覺得雞扒本身唔難整......)。佢d雞扒係有種特別既香味，而且都幾滑(但其實滑既雞扒周圍都食到......)。我試既係雞扒炒烏冬。烏冬份量好少，配菜就好多。但雞扒就有兩大件，啱哂鐘意食肉既人。單叫$40一客，唔算太抵食。服務又ok wor，店員見你凍會主動幫手調較冷氣如果唔駛等位我會再黎既。