極尚大瀛喜日本料理 (已結業)

食咗超過10次，真係冇一次令我失望。不過覺得刺身裏面嘅泰國虎蝦質素一般。其他都冇得頂呀。最鍾意食佢哋嘅甜蝦。仲有佢哋嘅蟹粥，我覺得一定要食最開心嘅事佢哋有椰子水。不過成日都好快俾人攞晒。

我同個朋友好耐無食過放題，於是前幾日就約左去極尚大瀛喜食飯。我地專登㨂閒日 去食，因為人少關係，服務同質素都應該高 D。果然，當日無左繁忙時段既人龍，直接上去攞位。一上去就有位安排好，我地隨即放低袋就出去行個圈，睇下有咩野食。 佢地分左個幾部分，有熟食部、甜品部、飲品同雪糕。佢個熟食部有 D 驚喜，因為有炸燒賣同小丸子，呢兩樣都係我中意食既。雖然都擺左一段時間，但保溫做得好，所以都係好食既。到左剔野食環節，佢無特別多 section，不過每個 section 既款式都好有新鮮感。例如有鰻魚(not sushi)同蟹粥。我地每張剔完就交紙，仲剔緊既時侯岩岩入既野已經黎左。刺身都只係叫左熱門既款式。一如以往，第一 round 黎感覺點都係最靚最好食。質素 還好，只少係爽身唔係霉既，係鮮味差少少。刺身既途中，其他食物都陸續送到。我通常食放題，熟食都係當個 side 咁食，但今次好唔同，呢度既熟食極有驚喜! 首先，係天婦羅蟹柳。佢同其他做放題既餐廳唔同，唔係幼身同淨係食炸粉而係一層薄 既炸粉包住好大舊蟹柳(如圖)。其次，就係個黑松露炒雜菇。菇既厚薄同淋度岩岩 好，味道亦好香口，唯獨黑松露個味強

放題整體數值10分滿分都有7.68分,環境衛生 檯與檯之空間感和舒適度都有8.6分.值得推薦壽司品種很多，口感很好.可以和元氣等大型企業看齊.天婦羅粉的厚度可以改善一下，太有口感而油膩.自助區的食物比我想像中好，出去拿飲品時可以試一些.本主推薦值得Echo：蒜香牛肉壽司/鹽燒三文魚腩壽司/醬燒極上帝皇蟹棒壽司/芝士鰻魚玉子燒/牛油果軟脚蟹卷/芒果軟脚蟹卷/野菜燒牛肉卷/蒜片和風汁炒牛柳粒/燒菠蘿其他還好不過不失.（以上評論只是當天個人感覺）

難得約到位大忙人朋友出街,梗係想坐得耐d傾下計,呢到午市放題12-3點,可以慢食吾急!太耐無食放題,完全吾知而家多左咁多自助野食拎!好鍾意食呢隻炸薯皇,平時快餐店份量勁少,今日可以食番夠本!!我幾欣賞有支裝水!有時飲太多飲品都想飲下無糖!仲要有梅酒,真係估佢吾到!第一轉我揀左食小小熱食先!白酒蜆值得推介! 蜆肉吾梅,白酒亦起到辟味作用!回本之有選蒲燒鰻魚,入口微微熱熱好好食!難得鰻魚有任食,當然食多幾塊!炸物有好多天婦羅,但我比較鍾意炸蠔!即叫即炸新鮮滾熱辣, 炸粉皮吾太厚,吾錯!紫色芋頭丸都係我每次放題必食!芋頭控一定岩食><至於呢個五花腩肉串燒,略嫌肉質吾夠肥,如果有多d脂肪仲好之後試左朋友仔好推介既海膽手卷!計我話,叫一口海膽手卷仲貼切!一啖食晒入口無難度>< 食多幾件都吾怕飽肚!刺身都幾多種,蝦都有3/4款我採取樣樣食既戰略, 比較岩心水既有三文魚同油甘魚!最尾以甜品作結!平時比較少買到芝麻味,我覺得勁香芝麻味!至於雪米糍係莓味, 之前未食過呢個味,又幾正喎!走之前再食多杯乳酪,大滿足到頂住個走人

晚上約左班好好既舊同事相聚dinner 佢地揀左好耐無食既放題 打算好好擦番餐 而由於我無留意原來間餐廳係銅廣2期 淨係見到係銅廣就中左去係大街既1期 然後1期個到又的確有另一間放題 到拎位既時候我先發現去錯左地方 真係。。。勁尷尬🤫安全去岩餐廳之後 第一感覺就係d位有少少逼 雖然我地坐卡位 但因為我岩岩shopping完多左袋野 再加埋手袋 基本上無位可放 最後我地要疊高d袋 其實叫左好多野食 多到影唔晒 同埋呢間放題既選擇都多 罐裝支裝野飲有成大個雪櫃任你拎 雪糕 雪條 軟雪糕機 前菜 熱湯 各款小食 甜品係晒出面任你拎 種類多到數唔晒！一定唔少得刺身拼盤 都幾新鮮 講唔上係鮮甜 但都可接受 火炙壽司 好食 牛油蝦 蒜香和牛 都正 燒牛柳粒同7味燒雞翼 燒牛柳粒好香唔會un 雞翼黎講 有另一款芝麻炸雞翼會比較香口好味道 天婦羅個B.B.蕃薯仔🍠同南瓜都好好食 好甜美 仲有甜品個炸榴連波波都唔錯 其實有好多好多野食都無影到相 不能一一盡數 因為張台唔大 但上菜勁快 同埋唔會漏單 值得一讚 但都因為上菜上得好快 你唔食快d張台無位放 哈哈 總括黎講質素中規中矩 適合一大班朋友黎聚餐 實

上星期六約左朋友去書展掃貨出發前訂左黎銅鑼灣食個放題先午市同晚市食物一樣 但午市只收$188好抵地方都幾大 有幾多卡位坐比較舒適黑洞都係第一次試用apps點單 既方便又環保感覺上漏單情況亦大大避免到全餐order都好準出面自助除左飲品外 亦有炸物同甜品 款式好多呢個小丸子好受觀迎 好快清左一盤又出新黑洞我最愛面頭木魚碎同沙律醬由於夠新鮮 入口熱辣辣吾錯刺身好快就上菜當然吾小得喪食油甘魚 劍魚 同鮑片食左2round後開始轉戰壽司值得一提壽司既size比一般放題細真係一口過 食完都吾會俾舊飯頂住個胃可以完全放鬆樣樣樣試平時食壽司黑洞我必點蟹棒壽司 都成$20/碟呢到又係咁大條仲有任食好滿足囉 成餐我食左8件熱食有榴槤炸蛋 仲係流心咖中意炸物既推介食埋芋心丸 不過黑洞怕爆瘡吾敢食太多主打壽司刺身食到咁上下轉戰出面甜品好耐無食megaMocha味無咁甜膩岩晒仲有七彩繽紛馬卡龍食落仲脆咖吾會好甜莓味夾心微酸好fresh整體呢餐款色多好抵食

有一段時間無食放題了，約了友人lunch time 食為於銅鑼灣廣場2期，十分方便！善用午飯時間lunch time 都full 爆！ 值得一提既係佢可以揀lunch set 68蚊起，算平，下次可以試試佢餐廳實行環保政策，不再畫紙仔，省時方便！只需要scan QR code, 再直接係電話order好方便 隨時追加單，禁下電話就得刺身款式唔算特別多，但勝在夠新鮮第一round 熱身，叫左帶子 三文魚 北寄背 同甜蝦原來仲有花膠補一補骨膠原花膠都算厚仲有花菇女人必食雞軟骨串少不免燒得剛剛好蟹粥 大大隻！好足料！ 蟹肉結實，唔錯！略嫌粥有點咸！但整體唔錯左右魚邊必食，油份足，份口即溶既感覺唔錯仲有火灸蟹棒也是我必會點的肥厚再來2件左口魚裙邊仲有甜玉米粒加牛油同糖是常識好甜好味 天婦羅是新鮮炸起的，熱辣辣滿足既一個午飯

難得今日系銅鑼灣開會，系時候試試大瀛喜😎銅鑼灣廣場二期真系好方便，上到11/F 就見到好寬敞既日式格局餐廳。好彩有book位，去到既時候已經七成full~ 佢地系用app(飯糰)落order, 方便又快捷👍🏻 只要scan QR code，就可以開始order. 佢刺身大概有10種，蝦已經有3種😍 全部都好新鮮，帶子大粒👍🏻壽司🍣種類都多，有卷物，有運艦，有小手卷。午市算多選擇👍🏻熱食有蟹粥，烏冬，花膠😂 粥好有蟹味。

呢家系香港既放題愈黎愈多，不論系日式放題定定燒肉放題等等，都吸引唔少人注意，就連有d餐廳都會做埋甜品放題，火鍋店又會做火鍋放題任食，放題系香港呢家都算系令人瘋狂既地步😂由於放題系我既食物字典入面都算系高消費既食物，所以今次系揀呢間之前都諗過度過、聽到口碑好而且系銅鑼灣都幾方便就去左食，不過呢間除左銅鑼灣，觀塘同元朗都有分店。之前行街去過元朗Yoho Mall戈邊，一到黃金時間真系超級多人等跟住就放棄左念頭，今次系銅鑼灣呢間訂左位入到去都要等15分鐘左右先有得入去。場內環境真系超大，我諗比起平時既放題店系更加大間，其他既吾多講，但佢與眾不同既系有自助yogurt、十幾款飲品同埋「現成甜品」，雖然話系「現成甜品」，但種類都十分多，絕對吾系hea既表現。首先第一樣食既就當然系刺身，聽人講放題食刺身系最容易反映到戈間放題既食，每樣都叫d是常識吧～ 有三文魚、甜蝦、鮑片、八爪魚，我最愛既三文魚好肥美，條紋都好靚✨魷魚幾爽口，甜蝦大大隻吾厄秤。炸物方面，order左吉列炸蠔同埋紫心香芋丸，我個人真係好鍾意食炸嘢，所以都對佢有期望㗎我想講真系估吾到佢連炸野都可以整得咁好食，好感動呀！吉列炸蠔既表面炸

話說今日同男友週年紀念，梗係要去食好雷慶祝啦。但本人眼闊肚窄，食自助餐其實好浪費金錢。所以男友就提議又去食我至愛既大瀛喜放題了。我梗係九秒九馬上點頭應承啦雖然正值世界盃熱潮，店內無電視都高朋滿座，但都聽到好多食客用手機睇波而發出既高呼聲癬瀛喜出名多選擇，而且又新鮮，都唔使我再多介紹啦。而且食物只要係合理份量，叫幾多就俾幾多，而且上菜速度係超快，唔會拖長你等既時間。以上幾點就係佢成為我食放題既不二之選原因你睇兜刺身幾新鮮，而我鮮甜非常串燒全部即叫即整，熱辣辣上檯，而且調味精準，唔會過淡過咸

好耐冇食個放題啦，今日終於約埋朋友一齊過嚟食，之前食過觀塘嗰間，質素真係唔錯，所以今次約埋朋友過嚟銅鑼灣呢間試吓。五點半左右上到去已經好多人排緊隊，不過職員好好唔使六點鐘就已經安排晒入座。今次食完安排左我哋坐卡位，一行八人坐埋一邊自己玩自己笑自己食，真係開心。佢哋嘅前菜同冷盤嘅款式好多，有日式嘅，有沙律，仲有啲辣酒螺等等。。之前食過佢哋嘅芝麻雞翼好好食，今次第一樣叫嘅就係芝麻雞翼，佢哋揸到好脆好香，同埋好入味。芝士焗帶子一定要試，一口一粒，食入口又唔會覺得好肥，我哋八個人帶左成20幾個黎食，正。刺身就一定唔少得啦，不過我自己個人比較鍾意食三文魚，其他刺身就麻麻哋，所以我就俾唔到啲咩評價啦。芝士焗西蘭花又係我嘅至愛，芝士同西蘭花簡直係絕配，焗完出嚟啲芝士有少少燶燶地好香，一個人都可以食到七個八個。最後就係甜品同飲品類，佢哋嘅甜品款式好多有自製雪糕，仲有其他細細個嘅政治甜品。整體上呢個價錢同質素真係唔錯，最適合大班人嚟食，如果下次再有機會一定會再約埋成班人嚟食。

好耐無食放題，又突然好想食刺食，就book 左極尚大瀛喜，貪呢度座位比較寬敞，可以坐得舒舒服服食一餐好。當然一點完野食就行個圈睇下有咩前菜啦。選擇都有好多，熱氣野我就無試，居然有葡撻，當然要試試，仲有日式沙律，開下胃先！例牌一定係點大大盤刺身，甜蝦好新鮮，我一口氣食左8隻，點嘅都無漏單，抵讚！帶子雖然係薄身，不過無雪味，入口鮮甜，都好正。當然唔少得北寄貝同埋希靈魚籽。食放題最爽就唔洗推推讓讓，好似今次我覺得甜蝦正我就差唔多食曬咁濟，我地兩個人encore 三盤！食完重頭戲，都試下其他小食熱食，都有好多選擇，不過我就揀左軍艦、天婦羅，唔可以再食太飽，呢到就停手啦。飲品方面，四個大雪櫃，選擇很多，有清酒、氣酒、啤酒，仲有很多日韓飲品，我就當然支持解茶啦！ 感覺消脂嘛 。

今日約咗朋友仔生積老師食飯!叫得生積老師就緊係要同佢食放題啦～所以今次搵間出名放題嘅"極尚大瀛喜"同佢刷爆個胃一入到去就算肚餓到等唔切叫嘢食都唔洗擔心!因為出面已經準備好一盆盆嘅熱食/啤酒/清酒/雪糕/甜品俾大家。鰻魚燒到啱啱好，唔會太乾~甜蝦size好大!超級新鮮，頭入面嘅膏仲係湖水藍。鮮甜到不得了。帶子都好爽甜，油甘魚同埋劍魚都好新鮮仲好肥美，啲魚油香到不得了。嘩~仲有個海膽迷你手卷啲海膽多到跌出嚟，海膽迷必掃產品!再嚟就係個天婦羅，粉漿剛好唔太厚~今日試埋個香蕉天婦羅，估唔到係咁好食。呢幾款小壽司，一口一粒!吞拿魚加埋葱花食香味超提升點都要留胃食個蟹粥，用大大隻石蟹煮成!蟹味濃郁一個人一碗啱啱好~飽到頂唔順，但係都好想食燒蝦囉～肥肥嘅海蝦加埋海鹽。好似去咗日本食一樣咁新鮮!食咁多次水準都保持到!

今次來到銅鑼灣極尚午市放題，午市比晚市平宜，食物一樣咁豐富，幸好我們預早已book位，估唔到午市都咁多人，這裡環境寬敞，很多座位，食物新鮮，款式算多，價錢又唔貴，我們甫坐下立馬剔紙入單~刺身拼盤，刺身好新鮮，大家食得不亦樂乎當然唔少得壽司啦，各自點了自已喜愛既壽司，因為剔幾多就要食幾多，為免浪費，各人必要負責自己叫既食物海膽手卷鹽燒海蝦燒羊架，夠惹味串燒雞肉，牛肉，豬肉，牛舌燒波蘿，好甜又多汁士多啤梨乳酪甜品有豆腐花，糖水，喜歡凍食既有雪糕，雪條，雪糕糯米糍

今次一行十多人幫朋友慶祝生日，咁大班人最好食放題，鍾意食咩就自己點，唔洗就來就去今日人流都幾多，最好預先訂位，人多最好就係叫一盤大刺生一齊食，全部款每樣叫啲，排得勁靚上檯，刺身好新鮮，款式種類都勁多，最愛三文魚的肥美，也愛貝類嘅爽脆，仲有大蝦勁鮮甜爽口壽司不可不叫吧，三文魚跟左口魚邊真係油香不斷，記得試埋個鰻魚啊，勁肥美同埋啲醬油燒得超正，甜甜地勁美味炸物都好多，炸生蠔都炸得脆身香口，入面都仲好多汁仲有好多熟食同飲品，價錢都唔貴同其他店比呢到款多質素又穩定，呢間抵食