極尚大瀛喜日本料理 (已結業)

✿╮❤╭✿ ✿雜感女生 好味日記✿ ˚*•✰。極尚大瀛喜．好味愉快的周末。✰•*˚ ✿✿小滋女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 星期六，放假天 難得睡到自然醒，和朋友一起去搵食 去銅鑼灣又想到很久沒大吃一餐 一於以極尚大瀛喜的放題當brunch 一看價格，不得了！ HKD188 /人，連加一都只是HKD210有找！ 刺身、熟食款式超級多， 任飲酒精、果汁、任食馬卡龍、軟雪糕 可以自由食足3小時！真正好食又抵食！ 這是個慢活慢食的周末，可以嚴選回本正菜！ 鵝肝帶子壽司、鰻魚玉子燒都是必食 壽司飯精製，用料鮮甜好味 燒鰻魚：冇骨！冇骨！冇骨！ 重要的事情說3次，而且燒得好香好甜！ 怕骨的人士可以放心了！ 花膠：夠濃稠香滑，膠質黏口 任食美顏妙品，食多幾碗都滋潤晒 蒜片牛肉：牛肉口感鬆化，蒜香引人 串燒牛舌、五花腩：配啤酒一流呀，燒得剛剛好，肉汁與Grill香同在 而燒羊架就好厚肉，可以2個人Share，以便吃其他款式食物 椒鹽鮮魷：好有避風塘口感，

訂左枱同朋友一齊食極尚大瀛喜，總共有兩間分店，分別係銅鑼灣同觀塘，一樣係食放題，限時3個鐘左右，都算鬆動。食過唔止一次，都係極尚最得我地心！有訂位上到去唔洗等，見到都有不少人排walk in . 坐底已經比甜品同飲品吸引左，款式多到目不暇給，梅酒、橙汁、蘋果汁有汽水機，另外紙包飲品同罐裝飲品都好多。十款雪糕雪條、十款蛋糕同慕思。點單紙分幾類，有壽司、卷物、燒物、炸物、創作料理等。炸芝麻雞翼，香脆可口，同菠蘿一齊食，口感清新。我地叫左灼燒蟹柳、三文魚、蝦、魷魚。雖然係放題，但質素都唔差，大大件，完全遮蓋到飯，一口一口齒頰留香。燒饅魚恰到好處，熱辣辣入口，好味道！放題3個鐘頭，夠慢慢坐慢慢食，即使食晚餐，性價比都好高，下次會再黎！😋

平時我甚少打劣評，但今次真係忍唔住啦！！！話說呢日好想食放題，平時去開o個間 full booking, 所以決定試新野。聽過唔少人話呢間放題 ok，咁心想應該都唔會伏啦，咁咪試試，可能會好食呢～ 點知道.... 勁後悔！！！ 魚生係主打，回本必食，魚生ok ，但唔夠鮮甜，味道較淡。唔知係咪因為醬油太咸關係，點好少都已經勁咸，蓋過曬d魚生味。天婦羅！ 嘩！ 未見過咁厚o既脆漿！！！ 厚過毛巾！有相為證！ d炸漿中大隻過隻蝦！家陣食蝦定食漿.... 鰻魚係好食ge，所以encore 咗鰻魚燒菠蘿都過得去七味燒雞翼呢個都ok, 夠香，但偏咸XO醬炒珊瑚蚌海鮮呢個雖然都偏咸，但算係成餐最好食的一味餸，所以都有再點炒得夠鑊氣，XO醬惹味馬拉盞炒番薯苗都係勁咸，要狂飲野甜品，圖中全部都好淡味... 唔知食咗d咩除咗食物，服務係令我唔會再去o既原因之一。首先: Reception 態度已經唔特別好，好屈咁講話『你地係5：30 食到點炸！』 ok， 無問題。語氣呢d野見仁見智。第二： d枱比以往其他放題場仲要細，擺完個魚生盤已經冇位擺其他野咁滯，其他野仲要用好大o既碟，侍應黎到求其擺o係枱角就走咗去

極尚大嬴喜的午餐有兩款，一款是放題，一款是定食。今天和朋友吃了定食，非常抵食，有前菜、沙律、湯、主食、飲品及甜品，有追加$2 添食壽司，及$10 追加炒野菜及炒什菌，一定吃飽飽啊！

沒有最差，只有更差的服務。 服務員大多態度差、無禮貌、甚至不願意提供服務給客人。 服務員甚至與客人對罵。 本以為這店的服務可靠，但完全另一事。 正所謂沒有最差的服務，只有更差的服務。真是嚇怕客人。 到此一遊，令你不敢再回來光顧。食物味道一般，新鮮度也可以。但是服務員的態度實在太差，令你不願再來光顧多一次。 說真的，來一次光顧也贏多。因為服務質素 極差、態度惡劣 。令你非常失望及留下不愉快的回憶。如果服務員的質素能提升或換走哪些品質差的服務員，客人也會再來一次光顧

侍應啲野亂咁放上枱, 張枱有啲細, 啲碟又大隻, 又差啲倒落枱, 又唔理, 重以為自己好有型跟住某個短髮染啡女侍應, 簡直係差到反白眼, 問野唔應不會再來野食都只係一般, 價錢又唔平

同朋友約埋一齊食飯但未想好去處，按OpenRice 見到附近有放題，我地就想試試。晚上7時已有人在等位，等候時間不算長，不用5分鐘便可以坐下。刺身水準不錯，帶子，油甘魚，蝦新鮮好食。壽司方面，最令人驚喜既係火炙左口魚裙邊，好好食，油脂溶係口入面，大滿足。其他壽司質素都相當高。甜品有牛奶布丁同froyo,都係我地喜歡食既。加上有啤酒任飲。呢度不失為銅鑼灣放題數一數二既好餐廳，we will be back again!

又黎到啦 未叫野食前梗係試下熱食啦 八爪魚波好新鮮 個面仲脆脆地 入面有粒好大粒既八爪魚 配埋蛋黃醬同紫菜 好有關西風味薯角亦香脆可口 熱辣辣架 仲有茄汁點黎到放題當然唔少得魚生啦三文魚夠鮮甜 又唔會太肥甜蝦夠新鮮 而北寄貝都好爽脆唔會霉海膽手卷係迷你版 唔會比飯滯住曬 真係有海膽而唔係海膽醬 仲要好鮮甜蟹粥又可以食完生冷野幫手暖下胃咁 有瑤柱仲要唔少 蟹都有肉既 好綿又唔稀 係咁多放題入面最好之一呀三文魚腩壽司十分肥美 好好食 好值得encore架比目魚夠熱 醬汁頗有特色蜆都幾大隻 同清酒係絕配七味雞翼相當惹味 十分好食 入面仲好嫩滑雞皮串配檸檬汁亦係佳作之一

有時想同女友慶祝生日，諗去邊慶祝都是係一件挺傷腦筋的事！非常體貼的女朋友驚我花費太大，叫我揀啲平平哋，她說只要在一齊慶祝便好開心😍於是就試下銅鑼灣嘅極尚大瀛喜。一開始真的得很生氣，一早book好左，諗住放工可以同女朋友舒舒服服坐低食餐勁嘅！點知去到職員話太多人！要等兩張枱先到我哋😡結果等左差不多半個鐘先到我哋，而且職員態度很差，未食就成肚氣！好在後尾食物補救返都冇咁興！一來就哎刺身先，刺身並不驚喜，普普通通，不算好正！但佢哋天婦羅係抵讚，炸得好乾身好脆不怕油淋淋的。燒嘢亦都唔錯，最喜歡食它的羊架，一啲都不怕韌！而甜品都有好多選擇，啱曬女盆友😬

一向我都唔係特別鍾意食放題，因為覺得通常都只係適合一大班人聚會，唔使煩食咩菜先會揀，同埋放題大部分都好平所以d食物質素通常都好一般。今次又要聚會，有朋友提議食放題，本來我想反對，但係朋友話呢間係upgrade版放題質素唔同。結果發現雖然價錢會高少少，但係d食物款式真係多好多。而且最重點係新鮮好多，特別係刺身，一上枱就見到有分別。雖然唔可以同其他一般日本餐廳比較，但係好明顯質素新鮮好多。所以如果想食放題而budget又多少少的話，我強烈建議選擇極尚，真係感覺唔同架！

🔥磯燒海鮮盛盤🌊(新登場✨)(馬刀貝、扇貝/元貝、蟶子皇、蟹蓋🦀、鮑魚)🐚🦐唔洗自己燒架😹佢會幫你燒埋仲剪好晒放落你隻碟上面👏🏻(其實好簡 燒嘅時候落啲清酒同海鹽就得🍶)海鮮全部都好大隻好多汁😋算幾新鮮😼食嘅時落少少鹽調味就夠🤘🏻蟹蓋係加左蟹柳同蛋 始終唔夠日本磯丸水產咁正🤣

日式放題係香港非常受落，相信都市人都起碼吃過10間或以上。有不少要固定時數1RD 1RD咁食，遇上呢種我就立即迴避。因為有很多朋友推薦之下，今次專程來拜訪一下。因為約了一大班姊妹購物，累了當然盡情食吧。預約7點左右一入去已經立即有位了。店內亦將接近滿座。放題黎講款式亦都算多 248$加1 呢個價位係銅鑼灣入面都算好唔錯啦。刺身入面帶子螺比及甜蝦比較鮮甜，其餘六正常水準。壽司一向係放題入面都不是重點，味道預料之中。香芒鳳尾蝦就偏偏預料之外好食。芒果汁同蝦非常咁夾我自己都不禁點了2碟啦!抵食!

早前由於工作辛苦，為了慰勞下自己，於是去食放題。揀了銅鑼灣呢間，6:30開始食兩小時。我同友人凖時到達，時不宜遲，即刻瘋狂寫紙落order,我地專攻魚生剌身，魚生種類頗多選擇，有三文魚腩，帶子，甜蝦，多款蝦類，吞拿魚，劍魚，希靈魚，北寄貝等等。刺身尚算新鮮，最鍾意係有帶子任食，帶子質素不錯，不太細粒，鮮甜可口，食過不停。我地食了兩round。另外，亦有多款火炙壽司同手卷選擇。火炙壽司尤其喜愛左口魚，魚油豐富甘香。手卷我地試了海膽手卷，手卷迷你size,食多幾個都不怕浪費quota😄熟食有炸蝦天婦羅，炸豪，雞翼，牛舌，焗凡立貝等等，樣樣試齊，味道正常，其中凡立貝幾惹味。另外，驚喜的是有花膠，花膠都算厚身，可惜味淡。另外有多款甜品雪糕同飲品於自助bar任拎。

這次是家人生日所以特意選擇要去食放題，有人提議來這間位於銅鑼灣的極尚大瀛喜日本料理，他們有朋友食過覺得不錯，所以選擇這間來慶祝生日，亦順道一嘗究竟。這裡以卡位為主調，所以坐下來的感覺很舒服，舒適度不錯👍點餐紙有很多款，食物種類繁多，但亦排列整齊，種類雖多 但都容易方便選擇。除了點餐紙外，外面也有前菜沙律供食客自行拿取，他們是源源不絕地添加。除了前菜沙律可以在外頭拿之外，還有飲品，這裡有兩個大大的雪櫃，裝著琳琅滿目的飲品供食客享用。刺身款式豐富，尚算新鮮，可以再來多次。這裡的特式壽司都算特別，味道亦好，份量適中。燒物火候剛好，肉汁仍然能保持，令其多汁鮮嫩，調味亦算不錯。最後當然要食甜點，這裡的甜點比較其他放題為多，但朱古力味的甜點都感覺有點太甜，希望下次會好一點啦！整體這間放題性價比很高，還有很多想食的，但吃不下了，完全會再來試勻這裡的餐點，很期待下次的來臨。

約左舊同事係銅鑼灣食lunch, 佢推薦去呢間餐廳食話佢地個set lunch好抵，估唔到真係好抵，最抵個set $48重有drink, 湯，主菜同水果，質素都唔錯。而服務就差少少，因為佢地3點鐘落場，我地2點15分先開始食，佢一到3點就過黎同我地講關門，但我朋友碗拉麵重未食完，攪到佢好趕。其他方面都好好。