極尚大瀛喜日本料理

营业中

休息中

星期日同屋企人共晉晚餐， 今次提議食日式，所以選擇了日本放題。 其實好少可我會排長龍去等位食飯，但今次屋企人中有人自告奮勇 去排隊取籌…… 所以就嚟到呢間日式放題晚餐， 其實呢間餐廳都好誇張門口要排曬隊幾十人等入去， 拎住張飛已經有職員輪住帶位，好好服務！座位都算闊落， 所以坐得都好舒服，唔會好逼 。睇完個點菜紙 ，感覺上平時日式放題都好少見有蟹食，但呢度有咖哩蟹又有蟹粥 。講食物真係好豐富，價錢應該有很大的性價比。 因為2百零蚊食到很多款式魚生呀、刺身等 、仲有其他熟食 、同埋數十款嘅餐前小食 ……另外店員都好有禮貌，成日幫忙清潔檯面同埋碗碟， 上菜速度快，都好似冇乜漏單 ok喎！值得一提壽司有很多選擇， 火炎燒壽司 或其他魚生壽司 ，食物質素都屬中上，呢一樣嘢係值得一讚！ 另外燒牛肉粒、燒羊架、 口感近乎入口即溶 ……呢樣嘢亦係意想不到。水果也是自助形式 ，有清甜好味的西瓜同埋火龍果 ……另外甜品方面 ，雪糕有蜜瓜軟雪糕同埋其他雪糕批……加埋雲呢拿巴夫……真係非常之滿足啦！

今日同屋企人一家大細嚟到呢間日本餐廳食放題 ，嚟到門口， 已經大排長龍好熱鬧喎 ！ 餐廳是位於商場內人流極暢旺 ， 也有很多其他食肆 ，要留意的是而家只係五點半已經門口大排長龍很多客人有老有嫰準備入去食大餐。我們一家大細被安排座位後，小朋友們已急不及待到水吧部取自己喜歡喝的飲品， 飲品數量、種類五花八門， 各適其適一定有一款啱你飲！大人們大家忙於討論著會點什麼食品，魚生刺身、 壽司就給小朋友 、熟食羊架、 炸蠔、芝麻雞翼就交給長輩爺爺嫲嫲 ，我自己就叫了個咖哩蟹啦 ！當然仲有蟹粥。小朋友們開心地拿著自己喜愛的飲品返迴座位，而食物亦相繼傳到枱上。先嚟嘅就當然係魚生刺身同埋壽司啦 ，魚生刺身同埋壽司所用嘅食材都新鮮好味， 賣相亦吸引 。另外羊架也是非常好味味道一流 ，大人小朋友都食到舐舐脷 ，跟住再嚟蟹粥，同埋咖哩蟹……yeah好大隻蟹鉗呀！大家吃到興高采烈的時候，小朋友已急不及待出去取他們的最愛甜品，甜品也是各適其適 ，任君選擇 。而好耐冇吃過，令人回味的就是蜜瓜雪糕同埋雲呢拿乳酪喇！其實在晚市時段到酒店食自助餐，起碼都四五六百蚊起， 但今次呢吃日本放題每位只需二百零蚊！其實在晚市時段是

成班朋友約飯局，有人提議去yoho 新開嘅放題，因為太遲決定，結果冇得book 位，只可以walk in攞number等，足足企係門口一個鐘先叫我哋，等位期間簡直係酷刑，無櫈坐唔緊要，但點解两邊舖頭都係賣床褥，睇住d床又要罰企，何其殘忍!除咗可以寫紙仔order嘢食，出面自助區有前菜小食如中華沙律、辣鳯爪、螺肉任攞，飲品方面都好多，汽水啤酒茶清酒果汁，樣樣有d。另外甜品款式都唔少，好驚喜佢有四方啫喱同百福豆腐花，仲有可以加好多配料嘅乳酪!整體食物好豐富，質素都唔錯，但個人覺得熟食比刺身好! (因為人實在太多，所以大部分冇影相)刺身拼盤其實嚟嚟去去都係果d，不過不失。壽司、卷物、手卷最驚喜係有一口海膽手卷，算係咁啦!鹽燒海蝦睇相都知有幾好味啦!天婦羅脆漿唔算厚又夠脆，蟹棒、蝦同蠔都唔錯!蠔汁炆花膠朋友食嘅，佢話唔錯！炸榴槤波呢個都係朋友食嘅，佢話超正！一定要影低入面個餡~但我就頂唔順佢陣口氣..........燒菠蘿必食！乳酪有限度供應，所以朋友們個個未食正餐就裝佢返嚟~

終於喺元朗都有得食好味嘅放題本身元朗都唔算少嘢食但係要有高質素就真係唔多呢間我食過佢其他分店覺得質素都幾好嘢食都好多選擇同埋好好味環境乾淨而且夠晒冷氣坐落都非常寬闊好多壽司可以選擇尤其鍾意佢嘅火炙系列芝士鰻魚玉子一定要試呢個配搭真係一絕食落去有香濃嘅芝士味而且仲有鰻魚嘅甜味刺身非常新鮮而且仲要擺得好靚有乾冰非常適合呃like三文魚夠晒肥美而且刀功一流！切到一塊塊都差唔多size各種炸物同樣吸引嗰蝦夠彈口鍾意食粟米嘅朋友一定要試吓牛油味重而且真係好甜好甜太美味喇炸榴槤球外脆內軟上枱嘅時候都係熱辣辣嘅食榴槤嘅一定要食愛上鰻魚任食都好抵食平時叫個鰻魚飯都八十幾＄90但係呢度任食而且冇骨個醬汁亦都好入味最後呢個朱古力撻好美啊睇得出都幾有心思而且仲有好多選擇！牛奶布甸豆腐花一樣有好滿意咁個晚餐選擇夠多

今晚同朋友去咗元朗食放題， 朋友說我不用再揸車 ，因為餐廳在西鐵站旁的yoho mall， 在九龍搭西鐵入元朗，仲快過揸車去尖沙咀，因為不會塞車，咁當然火車要冇其它故障啦！在元朗下車後隔鄰便是yoho mall，商場內人山人海。今天只是閒日又不是假期，很奇怪還是這麼多人， 商場內的店舖跟沙田新城市廣場大同小異， 但這裏特別的是食肆很多很容易地找到這間餐廳， 因為門口已排曬隊 大排長龍超誇張服務員安排我們入座後， 座位是感覺寬敞的， 枱上有準備好的餐具&點菜紙…… 我們點了很多款菜色，真係花多眼亂很多都好想試 ，種類之多值得一讚 之後我們便到飲品區取心儀的飲品，沒想到 餐前小食款式也不少喎！返到座位時，刺身以送到枱上 整隻吓先………… 好味到難以用筆墨所能形容再試埋呢個煎羊鞍， 肉質嫩滑 一定要再添食 ……仲有炒蜆， 清甜好味 ，煮嘅時間恰到好處 ……好嘢甜品又是自取的雪糕乳酪西瓜火龍果 角色雪條 甜品款式多 飽死呀喂 邪惡到爆呀總括來說這間餐廳的食物質素屬於中上，朋友們記得先訂座才過來囉！因為任何時間出面都係爆滿等待入黎食放題的客人囉， 200鬆啲 食自助餐 晚餐喎！ 酒店都唔得啦

今日完成左件大project 就同朋友去左極尚大𤅗喜，仲要係午市去食！睇得岀我地真係有好大嘅壓要䆁放。其實都唔係第一次食，不過只要食放題，都基本上只會揀佢，雖然價錢比其他嘅就小小，但食物質量比較有保證，而且服務幾好。今次就講下午市放題啦！24x一位未加一。價錢都預左架啦，無咩特別。嘢食方面，我都唔算食得多，岀餐都好快，不過感覺上刺身好似冇晚市新鮮，哈哈，我諗可能係心理作用。不過都算不錯，因為不停傾計，都冇影太多相。竟然有口水雞食，不過個人麻麻地啦就。一個人清左是蜆粥，個人覺得好食過蟹粥，非常鮮甜！刺身新鮮嘅！但今次嘅三文魚略差左小小，有渣咁嘅感，可能部位問題啦。燒物好不錯！食左好多件燒鰻魚！！真係好食。因為冇影相都忘記了食左啲咩，不過整體都良好。因為有食過元朗個間，相比之下，個人覺得元朗更岀色。利申 未食過尖沙咀店晚市！

呢間極尚大瀛喜，每一次經過門口都大排長龍，今日見難得平日請咗假，諗住 平日食五點半就應該無乜人等，點知去到 人龍都已經有十幾個人，好彩細問之下嗰條原來係walk in嘅人龍，我哋book咗位可以即刻入去。一坐低即刻嚟料，abcdefghijk，剔得不亦樂乎，食放題，take嘢食呢一個過程，其實都相當享受。剔完嘢食就即刻出去睇吓有咩食有得即刻食既先，熟食方面都唔少，有八爪魚，螺肉，白雲鳳爪，雞翼，牛油炒雜菇，老火湯，青口，炒飯等等， 其中啲熱嘢食都有用盞大光燈照住，確保每一樣入口嗰陣都仲係熱辣辣既，抵讚。刺身拼盤，揀咗珍寶大赤蝦，挪威三文魚，日本油甘魚，俄羅斯甜蝦同埋北海道帶子，各款刺身都十分之新鮮，甘香味美。香蔥鵝肝帶子壽司，鵝肝要嚟做壽司，仲要併帶子都係第一次食，鵝肝嘅油香配合鮮甜嘅帶子，原來係估佢唔到咁夾。喜壽司，呢一款係瀛喜嘅自創壽司，一款叫瀛一款叫喜，相當特別，個人覺得喜壽司比較好食，壽司上面係經過調味嘅切粒三文魚，三文魚上面分別有蟹籽同埋黑魚子，入口脆卜卜，口感豐富驚喜。海膽手捲，喺餐牌見到呢一個手捲作為餐廳既推介，即刻二話不說嗌番一個，海膽果然新鮮甘甜，細細地一個唔會話食唔

自從元朗開左呢間極尚大瀛喜之後，每次經過都會見到人龍，終於4月朋友生日試到啦！仲要4月同5月食足兩次，但兩次都要早好多訂位，可想而知幾受歡迎。訂左時段，去到等一陣好快入得，一去到野飲勁多，雪糕雪條奶茶豆漿甜品汽水啤酒熱飲咩都係正門口會經過既地方，見到都覺得好正，之前食大喜屋覺得好迫，坐得好唔舒服，但呢間唔會，坐得舒服，選擇太多太豐富，好多野都好想試坐埋位已經急不及待要叫野食，一張兩張三張如是者黎左勁多野檯面都放到好滿，但竟然無漏單，仲要超好服務同態度，不斷都會有人黎收碟，同埋會離遠見到趕過黎幫你收紙，真心覺得好正事關成日搞活動，都幾乎試哂唔同地方既日式放題啦，每次出到九龍食，一來已經遠，二來唔係漏單，就係好迫，再唔係就係嫌我地太多人阻住條走廊同好嘈，俾人大大力放碟同趕走都試過，但真心！！！呢間既人無咁樣對我地，認真仲要唔算貴，食6:00都係$238加一，好抵，所以一定會再黎呢間食！真心推介，顧住食真係無咩點影相，係咁易影左少少推介食物🍣🍣：刺身（鮑片一般），海膽（生日有免費海膽送，但要提早講），羊架很出色，芝麻雞翼好香脆，蟹粥好甜，炸奶，香芋波波，各式野飲，蛋撻都好食而牛肉鍋既牛肉一般

今日同屋企人去咗呢間極尚大瀛喜食日本放題。 呢間餐廳淨係這門口都非常之擠迫，排曬隊入去好不容易才攞籌號安排入座。安排就座後，我同家人兵分兩路一批負責點菜，另一批出外去飲品吧度取飲品。哦！呢間放題仲包埋餐前小食款式都很多呀。餐前小食有我至愛的八爪魚、 螺頭 、同埋帶子邊，全部都是中華料理款式，另外仲有菜苗、 湯 及其他小食，淨係食小食都應該會很飽！回到自己張枱時 ，部分菜式已放在枱上，大部分都好吸引呀 。首先試下羊架好味唔騷， 肉質鮮嫩多汁，另外洞庭烏冬 ，烏冬的面底非常煙韌好味，好彈牙feel！壽司軍艦 、魚生刺身全部都鮮甜好味，都好新鮮 很想encore,但是肚裏的空間始終有限不能過量！傾下偈講下家事、講呀其他八卦事，時間就過得很快。到尾聲都係整番個甜品或者乳酪同埋蜜瓜雪糕都係不錯的選擇，就此完滿結束今次聚會，下次必定再來

今日同屋企人嚟到元朗地標YOHO MALL一期行街街家人大家提議到這間日本餐廳食放題5點鐘已經要排隊取籌for 5:30才可入內內。安排入座後我們已急不及待點菜，點完菜後交給侍應，我們便大夥兒出去飲品吧度取飲品，勁多不同飲品並且有餐前小食，都有幾多款色㨂喎！取完飲品嘅餐前小食我們便返返去自己張枱，嘩！竟然發覺全場已經坐滿了！超級誇張!及後食物已相繼上枱，有比目魚啦、芝麻雞翼、有烏冬、有羊鞍、當然魚生船同埋壽司都是必點主打！特別有印象的當然是最好味的麻將凍烏冬、羊鞍、仲有燒比目魚、仲有燒菠蘿、天婦羅，其實樣樣都好好味喎！當然仲有榴槤炸彈啊食咗一粒成個口腔都充滿榴槤味每吐一啖氣，都有震震的榴槤芳香，但係都係太飽肚的啊！

每次經過YOHO I期嘅呢間《極尚大瀛喜》都會疑惑點解餐廳外面排咗咁多人基本上由5點開始就已經見到人龍疑惑之際 公司有同事farewell咁啱就揀咗去呢度食日本放題即管試下 一試便知龍與鳳呢間餐廳座位算寬敞 卡位座可以容納六至八人另外亦都有梳化坐 啱我哋啲呢一大班人嚟聚會一坐低有啲頸渴 梗係唔好嘥位 飲返碗老火湯先啦呢碗【魚翅蟲草燉雞湯】 飲落唔似有味精 有阿媽靚湯嘅味道 味道夠甜 而且亦唔會過咸最重要嘅係碗湯唔會成浸油喺面感覺唔會太油膩 飲多兩碗都唔會太飽飲品櫃方面選擇勁多 各式啤酒 汽水 茶類 韓國飲品應有盡有仲有最愛嘅椰青水 夠曬清甜解渴呢度嘅壽司細細件 飯又唔多 可謂一口size 啱曬各位女士 食多幾件都唔會怕太飽【海膽手卷】 金黃色嘅海膽都幾新鮮 味道夠曬甘甜 一啲都唔腥 加埋紫菜脆卜卜 絕對係即叫即製創作料理 左起：【胡麻露筍煙三文魚卷】 呢個絕對係細路嘅至愛有齊蟹柳 蛋皮 同胡麻醬汁【喜壽司】 主要嘅材料係辣味三文魚再鋪上海膽 蟹子 黑松露 可謂集多重鮮味於一身呢度嘅刺身亦相當之新鮮【牡丹蝦】大大隻 厚肉質爽 味道鮮甜 仲挑埋蝦腸 包保唔會食到成口沙 細心度滿分炸物方面

Book左5點半，去到已經見到勁多人排隊，建議真係要book位，如果唔係嘅話，相信都要排好耐。野食嘅選擇頗多，魚生、壽司、燒物，連邊爐都有埋。不過最緊要係每樣野食，都有埋個樣比你睇，唔洗估估下。第一個上枱嘅當然係刺身啦。自己最鍾意佢嘅珍寶赤蝦，貪佢夠曬大隻，啖啖肉夠曬滿足。三文魚厚切大塊，入口即化。甜蝦鮮甜，不過點嫌有啲唔新鮮。帶子失望，太細隻。前：鹽燒左口群邊 中：燒原條穴子，推！肉厚大條，味道都少似饅魚 後：蒜香牛肉前：香蔥鵝肝帶子，非常香口。左二：極尚花之戀 右二：喜壽司，料多到滿瀉 後：胡麻露荀煙三文魚卷 前：極尚三文魚腩，三文魚腩新鮮肥美。 中：赤貝壽司 後：尊貴黑松露赤蝦，極推！黑松露好香，赤蝦大隻鮮甜，兩者夾埋，正！鹽燒牛舌，一串有兩塊，有少韌，不過燒得幾香。燒菠蘿必食！香甜多汁，最緊要係開胃！前：榴連炸彈，榴連餡好香，鍾意食榴連嘅必點 中：芝士年糕 後：紫心香芋丸 食到最後點都要食番啲甜品，甜品放左係自助區，選擇都算多，如果唔鍾意凍食，仲可以去食個暖暖地葡撻。另外有個雪糕櫃，選擇都幾多。都有得整雪糕同乳酪，配料齊全，可以自由調配自己鍾意嘅口味。200連加一，食到呢個水準

最近有朋友推介元朗新開放題，一直都很想試，親有時間，就預早一天打電話留位，點知道服務員話無位。估唔到平日都有很多人食～我心有不甘，當晚一早walk in 到餐廳排隊，希望可以試試，大約等了20分鐘左右有位，限時食到8點，我坐下先叫熱食，我帶埋仔仔，先叫熱食，可能太肚餓，覺得食物好新和岩口味！烏冬好滑和彈牙，壽司細細件但入口即溶！款式不太多，但已元朗有間高水準放題是一大喜事！

去開yoho mall見到佢新開咗間放題 趁晚飯時間 同老公入去試下食， 地方裝修乾淨企理又光猛， 環境都不錯甜品仲要有好多款添當中我最欣賞嘅就係呢個自助乳酪雪糕櫃 仲可以加好多嘢上去任你玩， 忍唔住都食咗兩杯例牌食返個刺身先， 三文魚，油甘魚，鮑片，螺肉， 甜蝦，帶子， 試咗呢幾款都好新鮮。人多流量快，嘢食都新鮮啲另外再點左幾款燒烤嘢食送下啤酒， 羊架不錯哦夠曬羶， 另外佢個串燒雞軟骨， 都燒得幾唔錯，如果串燒方面再多啲選擇仲啱我胃口呢個焗帶子 用左大量嘅沙律醬包住個帶子夠曬醒胃在喺外面攞咗少少嘢食下， 葡撻 牛油炒雜菌八爪魚銅鑼浴每樣食dd， 滿足下，又唔使太飽幾欣賞佢哋個壽司唔會太大件而且 口感結實 款式又多榴槤波波， 最正就係外脆內軟咬落流心 啖啖榴槤肉 融化出來最後就係食埋甜品喇 心心嘅布甸 見到個人都開心啲

話說今日帶住bb諗住去食接待個位問我要兩人枱定四人枱, 四人枱就要收埋bb錢, 兩人枱就要手抱住嚟食我想請問一下你地做得食肆唔係應該要考慮食客既情況? 賺錢洗唔洗賺到咁? 我bb得11個月大, 即係如果我要食到既就要俾多一個人錢, 一係就要辛苦啲抱住嚟食咁如果我比多一個人錢係咪等於可以嘥你啲野食, 同你講聲我有比錢既咪我囉你地咁就法就等於歧視我地帶住bb既媽媽我一定將你地black list再share比各大媽媽谷