影片
更多
2018-04-30
398 浏览
每次經過YOHO I期嘅呢間《極尚大瀛喜》都會疑惑點解餐廳外面排咗咁多人基本上由5點開始就已經見到人龍疑惑之際 公司有同事farewell咁啱就揀咗去呢度食日本放題即管試下 一試便知龍與鳳呢間餐廳座位算寬敞 卡位座可以容納六至八人另外亦都有梳化坐 啱我哋啲呢一大班人嚟聚會一坐低有啲頸渴 梗係唔好嘥位 飲返碗老火湯先啦呢碗【魚翅蟲草燉雞湯】 飲落唔似有味精 有阿媽靚湯嘅味道 味道夠甜 而且亦唔會過咸最重要嘅係碗湯唔會成浸油喺面感覺唔會太油膩 飲多兩碗都唔會太飽飲品櫃方面選擇勁多 各式啤酒 汽水 茶類 韓國飲品應有盡有仲有最愛嘅椰青水 夠曬清甜解渴呢度嘅壽司細細件 飯又唔多 可謂一口size 啱曬各位女士 食多幾件都唔會怕太飽【海膽手卷】 金黃色嘅海膽都幾新鮮 味道夠曬甘甜 一啲都唔腥 加埋紫菜脆卜卜 絕對係即叫即製創作料理 左起：【胡麻露筍煙三文魚卷】 呢個絕對係細路嘅至愛有齊蟹柳 蛋皮 同胡麻醬汁【喜壽司】 主要嘅材料係辣味三文魚再鋪上海膽 蟹子 黑松露 可謂集多重鮮味於一身呢度嘅刺身亦相當之新鮮【牡丹蝦】大大隻 厚肉質爽 味道鮮甜 仲挑埋蝦腸 包保唔會食到成口沙 細心度滿分炸物方面
都會疑惑點解餐廳外面排咗咁多人
基本上由5點開始就已經見到人龍
疑惑之際 公司有同事farewell
咁啱就揀咗去呢度食日本放題
即管試下 一試便知龍與鳳
呢間餐廳座位算寬敞 卡位座可以容納六至八人
另外亦都有梳化坐 啱我哋啲呢一大班人嚟聚會
一坐低有啲頸渴 梗係唔好嘥位 飲返碗老火湯先啦
呢碗【魚翅蟲草燉雞湯】 飲落唔似有味精
有阿媽靚湯嘅味道 味道夠甜 而且亦唔會過咸
最重要嘅係碗湯唔會成浸油喺面
感覺唔會太油膩 飲多兩碗都唔會太飽
飲品櫃方面選擇勁多
各式啤酒 汽水 茶類 韓國飲品應有盡有
仲有最愛嘅椰青水 夠曬清甜解渴
呢度嘅壽司細細件 飯又唔多 可謂一口size 啱曬各位女士 食多幾件都唔會怕太飽
【海膽手卷】 金黃色嘅海膽都幾新鮮 味道夠曬甘甜 一啲都唔腥 加埋紫菜脆卜卜 絕對係即叫即製
創作料理 左起：
【胡麻露筍煙三文魚卷】 呢個絕對係細路嘅至愛
有齊蟹柳 蛋皮 同胡麻醬汁
【喜壽司】 主要嘅材料係辣味三文魚
再鋪上海膽 蟹子 黑松露 可謂集多重鮮味於一身
呢度嘅刺身亦相當之新鮮
【牡丹蝦】大大隻 厚肉質爽 味道鮮甜 仲挑埋蝦腸 包保唔會食到成口沙 細心度滿分
炸物方面 【榴槤炸彈】 可謂榴槤fans最愛 一咬落脆卜卜嘅外皮入面 就爆出榴槤岩漿 榴槤味香氣十足 個人覺得味道可以媲美新鮮榴槤 令人愛不釋手
【比目魚西京燒】 比目魚油份重 尤其係魚皮的部分非常之甘香 食物非常香口 點埋最愛嘅bb沙律醬 就最正呀
【溫室南瓜天婦羅】 南瓜入口即溶 超級軟綿綿 味道亦非常之甜 天婦羅嘅皮會唔會太厚 而且即叫即炸 外皮仍然能夠保持到鬆脆感覺
名物料理【黃金咖哩炒蟹】 咖哩味非常之濃郁 帶點微辣 蟹選用咗肉蟹 雖然唔係好大隻 但都勝在夠新鮮 食到一絲絲嘅蟹肉
醉後必食之選 【燒有機新鮮菠蘿 】 菠蘿超級甜 而且非常多汁 菠蘿出咗名幫助消化 食到飽飽之後食番幾舊 可以繼續戰鬥
五點半至七點半特價時段埋單都係220蚊一位 難怪五點開始就有人排隊等候入咗啦 呢度環境坐得舒服 感覺非常乾淨企理 非常適合一家人又或者gathering
张贴
